رد: ملتقي الامهات - مدارس خاصه
جولي و كوين مشكورين على النصايح انا اللي خوفني قالولي هم بيسولها امتحان math اوكي بنتي تعرف الارقام وتكتبهم وتعرف جمع الارقام بس الطرح للحين
الشغله الثانيه بنتي يايه من حكومه والله معلومات zero كل شي متعلمته مني انا يعني زين مني والله وانا مو مدرسه!!
الاحرف العربيه ماتعرفهم 
تعرف الاحرف الانجليزيه كلها بس عندها بعض الاحرف تعكسهم مثل e, c, وتخربط بين b,d
وهم ال w, m اي حرفين عكس بعض تخربط بينهم بس اسمالله عليها اقولها spell apple تتهجاها وتكتبها وتكتب اسمها وتعرف الاشكار تخربط بالمستطيل والبيضاوي والمعين بس ميخالف
والالوان تعرفهم بس انا خايفه تخربط بالقراءه لانها ماتمرنت عدل مدخلتها دوره الحين وتوها اول اسبوع مايمدي
الارقام تعرفهم بس تخربط بقراءتهم واخاف اتنح بيوم الامتحان
تغني الاناشيد الانجليزيه كلها وتعرف اسماء الحيوانات والاشياء بس مو قراءه طبعا!!
شيبوووووووووووون بعد حدي احاتي
وكوين لا مادفعت لهم شي قالولي ما ادفعين الا اذا سويتي المقابله مع انها قبل كانت قايلتلي اذا دفعتي يعني مقبوله فمادري والله باخليها على التساهيل ..
دعواتكم
هلا واللهاعتقد جذي كافي يعني تمشي حالها و اعتقد راح يقبلونها ان شاء الله اهم شيء بالمقابلة ما تنسى او تستحي وتنح لأن حرام وايد ياثر عليها
انا رحت اليوم وعطيتهم اسامي البنات ورقمي وقالتلي ييبهم السبت يسوون مقابلة حق الصغيرة وامتحان للكبيرة ة بالبداية لما شفت المواقف والمبنى ضاق خلقي كلش مكانهم وايد ضيييج وماكو مصافط وفرق وايد عن مدرستهم الحين ضاق خلقي وخصوصا ان اكسفورد تابع لهم واكسفورد مستواها مو شيء بالمرة فحسيت بقمته ولما دخلت قعد مع السكرتيرة مالت التسجيل وقالت تعالي الساعة 1:00 الظهر قلنالها ما نقدر قالت تعالوا السبت وقررت اوديهم السبت عشان الاختبار والمقابلة للثنتين
بس لما رحت مدرستهم والا تطلع السكرتيرة مالت التسجيل صايرة هالسنة بالتسجيل وكل سنة قبل تكون بالمحاسبة وتقول قضبت التسجيل عشان نحاول ان نعدل من سلبيات القبول وبيحاولون يحرصون انهم يقبلون الاهالي اللي يكونون راقيين بالتعامل شوي لأنهم يعانون من المدرسة من المصريين يا كافي واحنا نعرفها من زمان من فتحت المدرسة وتعرف بنتي الكبيرة عدل وهمن الصغيرة تعرفنا يعني جان نقولها عن اللي مضايقنا من المدرؤسة واهم المصاروة وتصرفاتهم الكريههة واهعيا تقول بنحاول نعدل والا اقولها بأودي الكبيرة الانجليزية للبنات جان تقول انا كنت فيها قبل وقالت بالاول كانت زينة بس الحين مشاكلها وايد تقول مشاكلها اكثر من المختلط واللي فهمته ان مشاكل اخلاقية يعني صج موووو شيء من ناحية الاخلاق وبصراحة انصدمت
عاد انا كلش والا المستوى الاخلاقي والا تقول في عندنا بنت كانت بيير 8 واهلها يبون يوودنها نظام فصل تقول وودوها اسبوع وردوها من اللي شافوه وعطتني اسمها بعد وقالت ساليها تقوول كلش الاخلاق بالنسبة للبنات تعبانه
فأعدت التفكير بصراحة وقاعدة افكر يا اخليها بنفس المدرسة او اني اشوف الابداع او اي نظام فصل واااايييد احترت زيادة وما دري شسوي
والابداع بمرهم يمكن يقبلونها ب يير 3 بس بصراحة وااااييييدة فلوسها يعني احس وايد ومستواها من كلام البنات ما تفرق وايد عن غييرها يعني ماكو مميزات وايدة والمبنى قديم وهمن فيها وايد المدرسيين عرب متجنسيين يعني اجانب قليل وما دري صج صج صج احترت بس الانجليزية بديت اغض النظر ومادري اوديهم السبت والا لأا
