(((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا ** ))

[نورالقمر24]

رد: ملتقي الامهات - مدارس حكوميه

اي تاريخ 19 وثاني الصفوف 20

 

[شوق الشوق]

رد: ملتقي الامهات - مدارس حكوميه

بنات عفية ابي مدرسة تجي للبيت شاطرة وتاسس ابتدائى او مدرست انجليزي اهم شيء تكون في المنطقة الرابعة

 

[<Miss ROoSe >]

رد: ملتقي الامهات - مدارس حكوميه

يعطيج العافية صاحبة الموضوع بصراحة نفعنا للتواصل مع بعض وطرح الاسئلة اللى محيرتنا

أنا ولدى هالسنة بروح ثانية ابتدائى ومن الحضانة وهو بالخاص فحدى محتارة شنو الشغلات اللى يطلبونها على الياهال بثانية من دفاتر وملابس رياضة وغيره 0000 الخ

أتمنى تفيدونى حبايبى

 

[مصندح]

رد: ملتقي الامهات - مدارس حكوميه

السلام عليكم صراحه خوش موضوع وبعد خوش مشاركات انا من المنطقه الرابعه اشبيليا لقيت هذا الرقم عن بنات يدرسون وهذا الرقم 97139098 بس ماحد يرد دزيت مسج هم محد رد

 

[مصندح]

رد: ملتقي الامهات - مدارس حكوميه

انا بدخل ولدى مدرسه خالد يوسف النصرالله من يعرف مستوها

 

[جاردينيا_2000]

رد: ملتقي الامهات - مدارس حكوميه

خواتي ابي مدرسه اتساعدني في تدريس ..بنتي سنه خامسه ...وتكونون مجربينها ..عفيه ابيها ضروري دزولي على الخاص ارقام مدرسات حق سنه خامسه

 

[ريوومة 1982]

رد: ملتقي الامهات - مدارس حكوميه

بنات منو يعرف مستوى مدرسه الاحمديه نقلت ولدي عقب ما كان خاص ز كلش ما اعرف احد هناك الله يستر احاتي

 

[غلاي عزوزي]

والله فيني بجية اولي ابتدائي ضيم وضلايم ليش جذي ياوزارتنا ؟؟؟

شلونكم اول كلامي لازم نسوي تجمع للي عيالها باولي ابتدائي حكومه مثلي ومثل العوبه والفنانه ووباجي الاخوات


ثاني شي ببجي مو قادره من الصدمه


استلمت كتب ولدي اولي ابتدائي
جلدتهم كشتهم فجيتهم


اه اه اه

11 كتاب
الحاسوب والتربيه الوطنيه احس مو وقتهم باولي ابتدائي بسم الله تونا نقول ياصباح خير



المواد دسمه موت موت
اقول امثله

منهج العلوم
اول درس الكائنات الحيه وغير الحيه أمنه بالله
وبعد
الحواس
النمو
التغير
الفيزياء وهي الماده ------------------- الله اكبرررررررررررررر
الصوت والحراره والضوءالحركه
الارض السما
الطقس الخ شي مايتصدق

الحاسوب
مكوناته نظام التشغيل
الايقونه -------------------- اهي شي اولي ابتائي يعرف الايقونه تعرفونها بنات



الرياضيات اهم شي --------------- الهندسه والكسور ----------------اخ قلبي
التماثل - النصف الربع الثلث انا ماعرف الثلث المقاس ------ اهم شي المقاسات



الانجليزي ----- سويت نفسي ما اشوف كتبهم عشان ما ابجي
طبعا العربي --------------- يا امل ياطلابة امل



هذا شي من ولا شي

شرايكم
يعني في كتب التمارين والانشطه يسألون التلميذ اسئله لازم يجاوب عالتمرين شنو يكتب يعني
كم كائن حي بالصور ----- اذكرهم -------------- لاصج


اسمحولي صرت مينونه


لازم تجمع ونعرف الي لنا والي علينا اتوقع فنانه والعوبه لامهات البجر اهم الي بيأيدوني لانها امهات يدد مشتطين ومنصدمين من المناهج


شالحل شالدربه

الي عندها اي نصيحه او رد او مجربه المنهج والمطلوب منه تفيدنا
وفي ختام قرقتي


الله يوفق عيالنا وعيال المسلمين​

 

[أم@الحلوين]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

واااااااااااي شنو هذا @@
أنا عيالي سنه اليايه يروحون أولى ابتدائي الله يعيني شكلي من اللحين ودي ادرسهم
من صجها هالوزيره!!!! 11كتاب اشصاير مسكين بروحه طفل توه صغيرونوو
حسبي الله عليهااا من وزيره بتينن عيالنا

 

[الـــ غ ـــلا]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

سمي بالرحمن حبيبتي ما في الا العافية ...........

المناهج مو بالصعوبة اللي انت متصورتها . انا ولدي باولى وانتقلت معاه صبيان بس عشان اتابعة عدل وعلى حسب ما شفت من عيال اولى ابتدائي العام اهم مادة العربي والباجي هين . يعني الرياضيات والانجليزي مع الدراسة اليومية والمراجعة على الكلمات والتمارين تصير سهله ما يستصعبها الطفل وان شاء الله بنكون مع بعض ونتواصل ونعين ونعاون ..

 

[ريوومة 1982]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

يا حبيبتي انا مدرسه علوم و واولى

لااااااااااااااااااااااااااااااااااااا تحاتينه ابدا لان ولدج انشالله راح يستمتع وايد و رايح يفهمج بعد لان الطالب اهو بستكشف كل شئ و كله من الحياه

انا اقول حق الاهل حتى الامتحان لا درسونهم

بس اللي الله يستر العربي ):

 

[منيرة خالد]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

ههههههههههههههههههه لا تلوميني على الضحك مريت بحالتج مع عيالي قبل


لا تحاتين تدرين ليش لأنهم راح ينتقلون للصف الثاني دايرك


أهــــــــــــــــم شي >>>>>>>>>>>>>>> القــــــــــــراءة

اما باجي المواد خليها على المدرسات وصدقيني عيالنا يستوعبون المناهج لأنها متشابهه


انا اول مع عيالي سالم وعبير وانتم الحين مع أمل الله يعينكم

 

[بشورة الأمورة]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

Ana ba3ad benti allah yaster :"( weyakom

 

[غلاي عزوزي]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

مشكورين حبايبي خففتو الصدمه بس بجري واحاتيه

الله يعينه نلحق علي شنو والا شنو ؟

 

[SARA*]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

الله يعينا
انا بجري باولى ابتدائي وحدي خايفه هاي و انا بعدي ما شفت الكتب
شنو 11 كتاب قصدج 11 ماده لا لا لا والله اخترعت بنتي ماشاء الله زينه بس خايفه من الحفظ العربي والاسلاميه

 

[ام^صالح]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

الله يكون بالعون وتتيسر امورهم ويوفقهم ويكتب لهم اللي فيه الخير

صراحه الكتب احسها مو ماساة احسها بتشد انتباههم مع اني اخترعت من الكميه

واهم شي اسسيه بالانجليزي والعربي والباقي على قولة الخوات ناجحين ناجحين

 

[الحراير]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

غلاي عزوزي حبيبتي لاتحاتين بس اهم شي شدي عليه من اللحين اسسيه عدل بالعربي والانجليزي وعلي طول عطيه املاء وخليه يقرأ وجيبيله قصص ولا تخافين ان شاء الله ناجح وربي يوفقهم

 

[سفرجل]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

انا بعد ولدي سنه اليايه ان شاءالله بيروح اولى بس حصلت على الكتب قلت بشووف على منهجهم والله قمت اتحلطم مااخليت احد وماقلتله الله واكبر شنو هذا والله الياهل حراام بيمل ويين رياضيات الي قبل كله رسم الدائره والمربع والمخروطي والعربي انا اكل واشرب
ولالا عربي 4 اجزاء ماادري 3 متى يلحقوون
اللللللللللللله يعينا ويسهل على اعيالنا
والله يعينكم

 

[الفنانه79]

رد : والله فيني بجية اولي ابتدائي ضيم وضلايم ليش جذي ياوزارتنا ؟؟؟

السلاااااام عليكم

كااااااني وصلت شفت اسمي ويييييت ركض

شوفي الكتب انا من شهر ٦ شايفتهم وعندي والله ان المنهج صعب صعب بس قووووووي حده قده مده يعني اشوية شد على الطالب يطلع غبقري والله

واتصدقين ان الرياضيات والانجليزي كله ماخذينه من زمااااان في روضتهم يعني النمط والتماثل وغيره

يالله سويلنا تجمععععع وانا حااااظر بالشوفه اللي تبينه احطه لج وانتساعد مع بعض وماكو الا العافيه

لي عوده للموضوووع

 

[كلى امل]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

حبوبه مريت بهالموقف استخفيت اول السنه بس اشوي اشوي تلقينه سهل والله الله بالعربي والانجليزي والباجي مايحتاج تعبين نفسج عليهم لانه بس شرح الابله كافي بس عليج بالاملاااااااااااااااااء اذا اوكي ولدج ابشرج امتياز
ولا ابشرج العربي بس كتابين عطوهم الخير ياااي جدام بتحلطمين عدل خخخخخخخ