(((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا ** ))

[om deaj]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

من ردود البنات مبين انه الموضوع عادي >>> مو متقبلة هالشي لاني مامريت فيه وولدي توه اولى روضة
بس بقولج دخليه من الحين القاعدة الحلبية من اول السنة نمي وقته وسجليه معاهم وايد يمدحونها

بس نصيحة الي يدرسون سورين مو مصريين>>> مع احترامي وحبي لهم
بس السورين قوين باللغة العربية والانجليزية مقارنة بالمصرين

قوين = اقوى يعني :$

 

[قرنفله 99]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

يعطيكم العافيه انا خبري بالمدرسه تقريبا من 11 سنه ووظيفتي مالها شغل بالمدرسه بنتي هالسنه اولى ابتدائي وحاسه نفسي ضايعه بالطوشه وموعارفه شلون راح ادرسها وخصوصا انهم ياخذون الكتب منهم شلون راح ادرسها مادري الي عندها نصايح لاتبخل علي محتاجه خبرتكم

 

[ريومه المزيونه]

رد : والله فيني بجية اولي ابتدائي ضيم وضلايم ليش جذي ياوزارتنا ؟؟؟

اسمحولي امهات ليش مايعجبكم شيء !

اذا المناهج سهله قلتوا ماعندهم سالفه وتافهين


واذا صعبه قلتوا عيالنا مايستوعبون


بالعكس المناهج حلوه وتناسب كل الاعمار بس الكل يعرف الفروق بين الطلبه


مو معقوله كلهم بيصيرون مستوى واحد


انا مدرسه حاسوب ودرست اولى اليوم بالعكس الكل كان متجاوب معاي

حتى من زود الثقافه اقولهم هذا حاسوب يردون يقولون لاب توب

شرايج فيهم

 

[غلاي عزوزي]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

تسلمون حبايبي لاخلا ولا عدم


استفدت منكم
وصج لازم وحده تشيل الثانيه عشان منفعت الكل

والله الولد غير البنت انا ولدي جنه جمره تحته اسم الله عليه مايحب يقعد


افكر اييبله مدرسه تاسيس تساعدني عالاقل يهاب منها ويقعد مكانه شوي

 

[غلاي عزوزي]

رد: ملتقي الامهات - مدارس حكوميه

انا مدرسة ولدي وحده لي شهر عشان مايتاذون بالزحمه
خوش فكره

 

[dnyay_mll]

رد : والله فيني بجية اولي ابتدائي ضيم وضلايم ليش جذي ياوزارتنا ؟؟؟

واي الله يعينج

مريت بنفس حالتج السنه اللي طافت وتحلطمت وكرهت نفسي وولدي تعب من الدراسه وكره المدرسه لكن الحمدلله اخرته نجح وافتكيت ولا متفوق بعد ههههههههههه

شوفي حبيبتي ترا العلوم والانجليزي سهالات خليها على المدرسات والله بيفهم وبيستانس لان المنهج وايد سهل وولدي يستانس على هالمادتين

لكن العربي والرياضيات معاناااااااااااة

نصيحتي لاتطوفين وقت ودرسيه كل مايرد من المدرسه حفظيه الكلمه اللي درسها وكلمة باجر وعطيه املاء فيهم

انا ولدي اول مايرد يتغدا واراجع معاه واشوف شنو معطينه وامليه ويطلع مو حافظها واقعد واحفظه اياها واخليه يكتبها 20 مره كلمة اليوم وباجر وبعدين اعطيه املاء فيها

اما الرياضيات اهم شي تكوين العدد صدقيني اذا حفظ تكوين الاعداد خلاص راح يفهم المنهج كله

وبالتوفيق ان شاءالله

الله يوفق عيالنا وعيال المسلمين

 

[غلاي عزوزي]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

تسلمين دنياي ماقصرتي

ابتسم لدنياي الله يعطيج العافيه والاجر الي ماينفذ ان شاء الله ويوسعها عليج نفس ما انتي موسعه علي اختج وصدقيني كل خير تسوينه بتلقينه جدامج ان شاء الله

 

[joooly]

رد : والله فيني بجية اولي ابتدائي ضيم وضلايم ليش جذي ياوزارتنا ؟؟؟

انا بنتي حدها مستانسه بالكتب

وانا بطني يعورني من الخوووووووف

اصلا ماشلتوا الشنطه عنهم؟؟

شفتوا شثقلهااااااااا والله حراام يكسرون الخاااااااطر

الله يعافيكم لازم تجمع علشان نستفسر من بعض ونساعد بعض

 

[للصبر اخر]

رد : والله فيني بجية اولي ابتدائي ضيم وضلايم ليش جذي ياوزارتنا ؟؟؟

عيل ماشفتي ضيم ثالته ورابعه وااي قلبي يعورني وموعارفه انام لانه هذي مسؤليتي
والله من الضيم اليوم وانا اجلد الكتب بجيت

 

[choclatecho]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

انا برايييي المنهج وايد وايد حلو ولا تحاتون ماشاءالله اليهال قامو كل شيء يعرفون ويلبه خل نخلي هالتجمع عشان نشووف اول باول واجبات عيالنا

 

[m'3rOoOra]

رد: رد : والله فيني بجية اولي ابتدائي ضيم وضلايم ليش جذي ياوزارتنا ؟؟؟

ههههههههههههههههههههههههههههههههههههههههههههاي نفسي انا بطني يعورني واهي مستانسه وتقول بندرس وانا اقول بقلبي حياتي توج ماشفتي شي باجر تيني وتصيح ماابي ادرس

انا بنتي حدها مستانسه بالكتب

وانا بطني يعورني من الخوووووووف

اصلا ماشلتوا الشنطه عنهم؟؟

شفتوا شثقلهااااااااا والله حراام يكسرون الخاااااااطر

الله يعافيكم لازم تجمع علشان نستفسر من بعض ونساعد بعض

 

[سحر الشرق@]

كتب اولى ابتدائي

سلام بنات
بغيت نسخة كتب اولى ابتدائي وين احصلها ؟؟؟؟؟؟؟
ابي ابتدي مع بنتي من الحين اهي السنه راحت ثانية روضه:happybday:

وبدرسها في البيت ابي الكتب عشان ما يتغير عليها لما تروح المدرسه

امانه بنات اللي تعرف تفيدني ولها دعوة مني

بس لاتقولون صبحان زوجي مارضى ياخذني:eh_s(2):


يالله ابي همتكم:016:​

 

[كويتية صغيرة]

رد : والله فيني بجية اولي ابتدائي ضيم وضلايم ليش جذي ياوزارتنا ؟؟؟

ياجماعة شدعوة شدعوة
ترى انتو اللي راح تخرعون عيالكم بطريقتكم هذي

ترى جيل عيالنا مو مثل جيلنا
ولا الزمن نفس الزمن الحين عيال الكمبيوتر و البي اس بي .... كل شي يعرفون باسم الله عليهم احسن منى و منك

و بعدين المناهج لسنة اولى مو بهالصورة اللي انتو مكبرينها
انتو ركزو بس على مادتين (عربي + رياضيات ) .....هذا لازم متابعة كل يوم من الأم بالبيت . الانجليزي كله صور و الدراسة نظري في الفصل الأول مع تعليم الأحرف ثم تركيب كلمات بسيطة جدا لانهم يدرون ان الطالب جاي من روضة
اما باقي المواد ..... كل الكتب راح تكون بالمدرسة عند الأبلة و الأبلة اللي راح تدرسهم و مناهج اولى سهلة مافيها شي .....و طريقة المفكرة اليومية ممتازة ان الكتب تكون بالمدرسة و كل يوم الابلة تكتب ملحوظة بالمفكرة شنو الواجب ..... او اذا فيه املاء اولا.... و الأم بالبيت تتابع المفكرة ....و الأبلات وايد راح يساعدونهم و متفهمين ان هذي سنة اولى


بس انتو لاتقولون جذيه جدامهم ......
ألحين انا عيالي كلهم مروا بالمنهج الجديد و الحمدلله و عدوه و عادي الوضع
بس لاتخرعون عيالكم شدعوة
كل شي سهل
و اسأل مجرب

 

[m'3rOoOra]

رد: كتب اولى ابتدائي

شوفي احد من اهلج او جيرانكم كتب ملوت السنه اللي طافت واخذيها او وصي احد من اهلج اتمني البنات يساعدونج احسن تسوين والله يوفق بنتج

 

[سحر الشرق@]

رد: كتب اولى ابتدائي

شوفي احد من اهلج او جيرانكم كتب ملوت السنه اللي طافت واخذيها او وصي احد من اهلج اتمني البنات يساعدونج احسن تسوين والله يوفق بنتج

محد محتفظ بكتب عياله
وان انوجدت القاها مو مرتبه قديمه مو نظيفه
انا ابي جديد عشان اهي تشجع وتحل تمارين اصلا بحظ برنامج ودراسه كامله.(متفرررررغه)

 

[m'3rOoOra]

رد: كتب اولى ابتدائي

اي والله صح الله يعينج واتمني البنات يساعدونج والله ماعندي فكره

 

[Kitkata_26]

رد: كتب اولى ابتدائي

تحصلين حبيبيتي كتب يديده في مخازن المدراس، اذا عندهم زيادة يبيعون الكتاب ب نص دينار

 

[أم حمودي**MALL**]

رد: والله فيني بجية اولي ابتدائي ضيم وضلايم ليش جذي ياوزارتنا ؟؟؟

بعدج ماشفتي شي
العربي 4 كتب

 

[fife4ever]

تعالي نستفيد من خبرتج وخبرتي في اولى ابتدائي

انا اشوف الامهات مثل حالتي تحاتي ولدها او بنتها في اول سنه دراسية لها
وكل يوم اشوف موضوع عن اولى ابتدائي قلت خلنا نجتمع معا بعض ونستفيد

شلون ندرس اعيالنا وشلون نحببهم في الدراسة وحل الواجب

واذا عندج مواقع لهذي المرحلة حطيها



حياكم

 

[سحر الشرق@]

رد: كتب اولى ابتدائي

تحصلين حبيبيتي كتب يديده في مخازن المدراس، اذا عندهم زيادة يبيعون الكتاب ب نص دينار

مشكورة حبيبتي
بس اعتقد الحين بداية السنه ماينفع عشان يخافون من النقص