ملفي للسلطات المبتكرة والسندويشات المميزة ...

[جوري وبنفسج]

السلام عليكم


والحين مع الطبق الأول

* سلطة كأس كوكتيل الربيان على طريقة جوري وبنفسج *



المكونات


* خس أمريكي مقطع
* فلفل بارد أحمر مقطع مكعبات صغيرة
* ذرة معلبة
* أفوكادو مقطع مكعبات صغيرة
* ربيان صغير مسلوق نص سلقه علشان ما يصير يابس حلاته يصير جوسي
* جزر مبشور

نحط المكونات في كؤوس على شكل طبقات بالترتيب اللي ذكرت فيه المكونات

والصلصة عبارة عن ( مايونيز + كتشب + بقدونس مجفف + شبنت مجفف + ملح بالثوم + بصل مجفف + عصير ليمون + كمون عدل + شوية مخلل مفروم )

نصب الصلصة بالكؤوس ونزينها بحلقة فجل وشريحة خبز محمص

وهذا الشكل النهائي








ونظرة من قريب




وأتمنى أن يكون عجبكم لأنه أكثر طبق عجب خواتي وبنات خالي ​

 

[جوري وبنفسج]

السلام عليكم

والحين مع الطبق الثاني

* كأس سلطة الموزاريلا بطماط الشيري *


المكونات

* طماطم شيري
* أوراق الريحان
* مشروم طازج مقطع إلى شرايح
* جبن ميني موزاريلا
* صنوبر محمص


نحط بالكأس الطماطم بعدين أوراق الريحان وبعدين المشروم وبعدين جبن الموزاريلا ونرش صنوبر على الوجه

ونحضر الصلصة ( زيت زيتون + خل البلسمك + بستو ريحان + شوية بستو الطماط المجفف + شوية زيتون أخضر مطحون + ملح بالثوم )

نصب الصلصة على الكؤوس ونقدمها

وهذا الشكل النهائي





وزوووم أكثر





وزوووووم من أعلى





وأتمنى أن يعجبكم وصحتين على قلبكم :hjy5jewf:

​

 

[جوري وبنفسج]

السلام عليكم

والحين مع النوع الثالث من سلطة الكؤوس

* سلطة كأس الباذنجان بالخضار *


المكونات

* كرمب ( ملفوف ) بنفسجي مفروم
* الباذنجان مقطع مكعبات صغيرة ومقلي
* جرجير مقطع
* نخي ( حمص ) معلب
* مخلل مفروم

نحط المكونات في الكأس وعلى حسب الترتيب المذكور

والصلصة ( روب + هردة + مسترد + ليمون + ثوم مفروم + بقدونس مجفف + كمون حب + شبنت مجفف )

نخلط المكونات ونضيفها

وللوجه نزينه برشة من سلد سوبريم ( منتج حلو أكتشفته بمركز سلطان يعطي لون حلو وطعم مميز )
وهذا صورة المنتج





وهذي الصورة النهائية للسلطة





وزووم أكثر





وزووم من أعلى




وأتمنى أن يعجبكم وصحتين على قلبكم ​

 

[أم ريوف 1400]

 

[جوري وبنفسج]

السلام عليكم


الغالية أم ريوف 1400

مرورج المميز يا قلبي :hjy5jewf:

عندي ملاحظه الفطر ما حمستيه شوي ؟

يعني لين يطلع مايه ويستوي فيه !!

حياج الله يا حلوة

الفطر ما حمسته حطيته بالسلطة كما هو فرش :tek:

بس التتبيلة الايطالية ماحصلتها بمركز سلطان وحتى صلصة الكول سلو وصلصة الدجاج ال2 فى 1 الدافئة ماحصلتهم بس لن استسلم ولن ايئس وجاري البحث

حياج الله يا قلبي

التتبيلة الإيطالية تحصلينها مركز سلطان السالمية وشرق والفحيحيل الصناعية وموجودة باللولوهايبرماركت
والصلصات تقدرين تدورين نفس النوع بس شركة ثانية أو أبتركي نوع جديد :rerrerek:​

 

[ABEER FLOWER]

إبدااااااااع
ما شاء الله تبارك الله

تسلم هاليدين

:e3:​

 

[barbiya tota]

مشكوووووووووره ويعطيج العافيه

 

[القرآن ربيع قلبي]

رووووووووعه
جوري عزيزتي بقيت تتبيله دجاج معتمدخ منج وتكون لذيذه
زوجي ذبحني يقول ابي نفس دجاج مال الشوايه اللي بالمطاعم عرفتيه تدور دجاجتهم هههههههههه
نظام دجاج نايف عرفتيه كل تتبيله بالعالم سويتها يطلع الدجاج حلو
بس عاد مو نفس اللي تدور وتستعرض جسمها ذبحتني
هههههههههههههههههههههههه

ومشكورة حبيبتي وجزاج الله خير

 

[نـ(المطيري)ـازكـ]

اخــيــتي جوري .. ما شاء الله ما شاء الله عليج كفيتي ووفيتي ..

بس دام لج بالسلطات ابيج تنقذينيييييييييي ..

اذا انتي ذايقة سلطة السيزر مالت قلوريا جنز كافية .. في لهم فرع بسوق شرق والكليات والمعاهد ...

يااااي اعجبني الصوص مال السلطة .. حامض وناااطع ..

بس للأسف ماذقت نفس الصوص هذا اللي يسوونة ..

ما ادري تقدرين تفيديني بهالشي ..

والله يعطيج العافية ..

 

[أم ريوف 1400]

اخــيــتي جوري .. ما شاء الله ما شاء الله عليج كفيتي ووفيتي ..

بس دام لج بالسلطات ابيج تنقذينيييييييييي ..

اذا انتي ذايقة سلطة السيزر مالت قلوريا جنز كافية .. في لهم فرع بسوق شرق والكليات والمعاهد ...

يااااي اعجبني الصوص مال السلطة .. حامض وناااطع ..

بس للأسف ماذقت نفس الصوص هذا اللي يسوونة ..

ما ادري تقدرين تفيديني بهالشي ..

والله يعطيج العافية ..

حبيبتى جورى بعد اذنك

فداااك بصراااااحه كل من ذاااااااق سلطة السيزر عندى يحسبونهااااا جاهزة
السر بالصوص وكمان اكياس كنور خاصه للسيزار
هالصوص استخدمى الخاص للسيزار اللي مكتوب عليه الرنش

 

[أم حسون]

ووووووووووووووواي فديتج وفديت اكلج تسللمين

 

[نـ(المطيري)ـازكـ]

حبيبتى جورى بعد اذنك

فداااك بصراااااحه كل من ذاااااااق سلطة السيزر عندى يحسبونهااااا جاهزة
السر بالصوص وكمان اكياس كنور خاصه للسيزار
هالصوص استخدمى الخاص للسيزار اللي مكتوب عليه الرنش

ام ريــــوووف ..

شوفي يالغالية جربت اكياس كنور ماتعجبني .. لاني ما احب الصوص سائل ..
وبالنسبة للصورة اللي انتي حاطتها هممممممم .. عيل من باجر بروح اجرب واحد منهم مع اني ما اعترف
بالجاهز اللي بالجمعيات ..
انا احب الصوص يكون ثقيل شوي وحااامض .. يعني اس واحد تنصحيني فية .. لان ما شاء الله حاطة ثلاث ..
انا والله المكان الوحيد اللي يعجبني صوص السلطة قلوريا جنز .. والله ما اطلبة الا عشان الصوص ..
لدرجة ان اذا مالقيت دبل صوص .. يعني علبتين ما اخذة .. صوصهم عجيييييب ..
مافي الا باجر اروح الجمعية واجرب قودي ..

طبعا الناس اذواق .. وفي كذا صوص للسيزر ..

بس شمعنى اللي مكتوب عليها رنش ؟؟
:balo:

​

 

[دلوعة وبس **]

جربتهم كلهم وعجبتني اكثر وحده سلطة الربيان

 

[نـ(المطيري)ـازكـ]

ام ريـــــــــــــــــــــــووووف

شريت من الصوص الجاهز ... صج ماطلع نفس الطعم اللي ابية .. بس الصراحة الصراحة لذييييييييييييييذ ..
وشريت مثل ماقلتي .. اللي مكتوب عليها رنش .. شي عجيب ..

ماااقصرتي ..

 

[اسراء205]

تسلم ايدج

 

[بدوية بملامح كشميرية 86]

سلطاتج تفتح النفس


يعطيج الف عافيه

 

[كويتية ذهب]

يسلمووووو

 

[البسمه العذبه]

الملف خطييييييييييير .................الحمدالله طحت عليه وجاري التطبيق

 

[Om_Ksha]

مشااااء اللللله عليييييييج ابدعتيي الللله يعطيييييييج الف عااافييييييه والله يعت على هاللييييييييييييل

 

[أوركيد]

ابدااااااااااااااااااااااااااع لا اله الا الله ..

ماشاالله عليج روعه الوصفات وطرق التقديم ..

وانتي أروع :aha: