ملف تجميع لاطيب انواع الفلفل للغديات والعشوااات

[.:lady bug :.]

السلام عليكم شلونكم بنات ؟؟؟
حبيت افتح هالملف عساس كل وحده تكتب لنا طريقة للفلفل الي تاكلونه ع الغدا:fun:
انا اعشق الفلفل
انا اسوي فلفل العدس والبطاط
والبذنجان
وبكتب لكم الطريقة بعد ماشوف تفاعلاتكم:ssssso:

 

[khawla&tito]

انا افضل المعبوج

 

[صدى الأفراح]

انا مابحب الحار ابدا ممممممم بحب الفلفل الاخضر البارد ههههههههههه بس متشوقه اتعلم منك وصفات

خوله بمووووووووت بالعطر اللي بصورتك

 

[khawla&tito]

انا عندي طريقة المعبوج اتوقع الكل يعرفها اجيب طماطم وفلفل واغليه بماي التمر الهندي طبعا اكون مقطعته قطع كبيره لحد مايصير طري بعدين اجيب الفرامه اليدويه وافرمه بعد مااصفيه من الماي واخذ الطماطم وافلفل اللي انفرم واحمسه ع نقطه زيت وكمون وملح ويطلع احلى معبوج بطعم التمر الهندي

صدى الافراح وااايد يهيل هالعطر مافي احد ماانجن عليه

 

[جارة القمر]

رد : ملف تجميع لاطيب انواع الفلفل للغديات والعشوااات

مشكوووووره .:lady bug :.



أنا ما أحب لا الفلفل ولا المخلات

 

[.:lady bug :.]

رد : ملف تجميع لاطيب انواع الفلفل للغديات والعشوااات

وااااااااااااااي احلا شي بالحياة الفلفل

 

[.:lady bug :.]

رد : ملف تجميع لاطيب انواع الفلفل للغديات والعشوااات

ابي تفاعلات ومشاركات وتشجيع ووصفات
ادري طماعة هع

 

[فـي غـربـتـي]

رد : ملف تجميع لاطيب انواع الفلفل للغديات والعشوااات

عذاااب موضوعج ولو انه للحين ماكو ولا وصفه

انا بعد ابي اتعلم

لأني معتمده على خدامة بيتنا تسوي شغلات لذييييذه

واحس ما اقدر اضبطها نفسها عاد تعرفين شغل الهنود

 

[شيري]

انا عاد ام الفلفل بانواعه ولاااااازم كل ما اسوي نوع الكل يسال عنه
هذا فلفل سهل : ليمونه صفرا نقطعه مكعبات صغار 0 ملح0 فلفل اسود0رشه كمون ..جربوه سريع طعمه حلو
فلفل قرع : مكعبات قرع صغيره مسلوقه بماي وكركم وملح-بصل مكعبات 0 ثومتين مقصص صغار-جنزبيل-شبنت -فلفل اسود-فلفل اخضر حار مقطع صغاركركم -كاري الطريقه :تحمسين البصل نص حمسه وتضيفين له الثوم والجنزبيل وكل المكونات وبعدين تضيفين القرع ...عجييييب
فلفل الرطب: رطب منزوع القشر والنواة ومهروس-بصل مكعبات وثوم وجنزبيل وبهارات هندي وكركم وكزبره ناشفه ومعبوج بريا الجاهز اي نوع-كزبره خضرا
الطريقه : يحمس البصل نص حمسه ويضاف الثوم والجنزبيل والبهارات وكل المكونات ومعبوج بريا ويقلب عدل وضاف له الرطب والكزبره الخضرا....جربوه بتدمنونه

بس تعبت باكر اكمل ان شاء الله​

 

[شندوخه]

رد : ملف تجميع لاطيب انواع الفلفل للغديات والعشوااات

مايحلالا المجبوس الا مع المعبوج

اول شي فلفل احمر حار مجفف
وكزبره محموسه
وكزبره فرش
وثوم " اختياري " بيتنا نسوي نوعين واحد بالثوم وواحد عادي

 

[بشوره الكويت]

اي والله صح لسانك ما يحلي الاكل الا المعبوج وكل نوع احلي من الثاني حتي مع الطبخات قام يحطون

اي نوع من المعابيج

 

[بشوره الكويت]

اي والله صح لسانك ما يحلي الاكل الا المعبوج وكل نوع احلي من الثاني حتي مع الطبخات قام يحطون

اي نوع من المعابيج

 

[.:lady bug :.]

رد : ملف تجميع لاطيب انواع الفلفل للغديات والعشوااات

هذول ماخذتهم من رفيجتي وادمنت عليهم
فلفل بذنجان: بذنجان مقلي خلطية مع معجون طماط وثوم مدقوق وفلفل احمر وبس عذاااب
فلفل بطاط : نحمس بصل وثوم وبهارات و فلفل ونضيف البطاط مكعبات ونقلب وثم حطي ماي عساس مايحترق البطاط لين ينضج وبس
تقدرين تضيفين العدس مع البطاط بس بالاول جربي البطاط بروحة يهبل

 

[جك جك جك]

فلفل بطاط:

اول شي بطاط مقلي مقطع مكعبات صغار.

بعدها تحمسين بصل صغار بالزيت ليما يتشقر بعدها حطي الثوم وفلفل اخضرحار مقطع صغار ..

وضيفي عليه مكعب ماجي وملح وكمون وفلفل اسود وبهارات خفيفه

وحطي البطاط المقلي وحركيه وقصري النار ..

بعدها خلطي معجون طماطم مع ماي شوي ... وحطي فوق البطاط وحطي كزبره طازجة مقطعه صغار وقصري النار وبس

قدمية مع المجبوووس وبالف عافيه ...

 

[جارة القمر]

رد : ملف تجميع لاطيب انواع الفلفل للغديات والعشوااات

الفلفل يحلي الأكل صح



بس أنا حق معدتي ومع القولون مو شي




وعليكم بالعافيييييييييييييييييييية


وتفضلوا شوفوا هالمواضيع

http://www.q8yat.net/showthread.php?t=427701


http://www.q8yat.net/showthread.php?t=384467

http://www.q8yat.net/showthread.php?t=212258


http://www.q8yat.net/showthread.php?t=435010


http://www.q8yat.net/showthread.php?t=302159

http://www.q8yat.net/showthread.php?t=54610


http://www.q8yat.net/showthread.php?t=413888



http://q8yat.net/showthread.php?t=569690&highlight=%C7%E1%E3%DA%C8%E6%CC

 

[ام الدرر]

صاجة مايحلى الاكل الا بالفلفل
انا احب المعبوج العادي فلفل احمر مجفف +ثوم +كزبرة حب محموس ومطحون +شوية زيت وبالخلاط
والاخضر نستعمل الاخضر الحار مقطع+ثوم +خل+زيت وبالخلاط​

 

[.:lady bug :.]

رد : ملف تجميع لاطيب انواع الفلفل للغديات والعشوااات

لا خلا ولا عدم
واي اموت ع هالشغلات

 

[جارة القمر]

رد : ملف تجميع لاطيب انواع الفلفل للغديات والعشوااات

بالعافييييييييييييييييييييييية حبيبتي


أنا خالتي ام زوجي تسوي معبوج عباره عن


فلفل أخضر حار أتقصصه صغار مع ليمون تقصصه صغار مع بقدونس وكزبره تخلطهم عدل وتضيف عليهم طماط مقصص صغار وطبعا تحط عليه زيت زيتون وتخليه بالثلاجه



أذكر بيت ابوي وايد يحبونه

 

[سموة الزين]

رد : ملف تجميع لاطيب انواع الفلفل للغديات والعشوااات

واااااي رووعه يعطيكم العافيه ولايوقف يالله بنات ناطرين المزيد يسلمو ياراعية الموضوع

 

[أحلى همبه كويتية]

انا اسوي المعبوج بالبيت

طماطة
فصوص ثوم
فلفل اخضر علوب الهندي الحار
عصير ليمون
شوية زيت زيتون
ملح
شوية خل

بالخلاط البلاندر
وتعالي هبسي مع المجاااااااابيس

من زمان ما سويته عشان ما ناكل وايد




بارك الله فيكم على وصفاتكم للمعبووووووووووووووووج