رد: ابى طبق يصلح لــ........
المسقعه المصرية يا حور ما ينحط فيها بطاط >>>>> إسأليني أنا !
المسقعه تصير طبقات بيديان مقلي و لحم مفروم و صلصة حمرا و بالفرن .... بس احسها ثقيلة يا الربع ! مو مالت ريوق
اممممممممممممممممممممممممممممممم .. بشرى .. سويلهم حمسات ... يعني حمسة بطاط مقلي مع بيديان مع فاصوليا بالصلصة الحمرا مثلا ..
حمسة مرتديلا و نقانق مع زيتون و فلفل أخضر و احمر و اصفر و فطر
ممكن mashed potato ..
تفوحين بطاط عدل عدل عدل ... و تقشرينه و تهرسينه عدللللللللللل ليما تلوع جبده من الهرس .. و تسويله خلطة كل الاجبان الي بالثلاجة عندج .. و فص ثوم مطقوق عدللللللللل ليما تلوع جبده من الطق ( نفس البطاط الي فوق ) ... و تحطين الخلطة بالميكرويف ليما تذوب و تحطينه فوق البطاط و تقلبينه عدل ... هم حلو و خفيف
ممكن الله يسلمج تسوين طبق كانت صديقتي مره مسويته بالمدرسة ..
اتيبين توست ابيض . تشيلين أطرافه .. ترقينه عدلللللل ليما تلوع جبده من الرق ! ( مادري شفيهم كلهم لايعه جبودهم ) .. و على طرف التوسته تكونين مزهبه خلطة ( فلافل منتـفتـها مع جبن شدر و زيتون و شوي زيت زيتون ) .. تحطينها على طرف التوسته و تلفينها بشكل الرول .. و و تسوين كمية من هالرولات و تحطينهم في بايركس و ترشين فوقه شويييييي كريمة سائلة و جبن موزاريلا و بالفررررن ..
ممممممم ... ممممممم .. ممكن نفس طريقة الي فوق و تغيرين الحشوة .. تحطين مرتديلات و نقانق و اجبان ...
ممكن عجة بيض .. او عجة فلافل ( تحمرين بصل مفروم + طماطه مقطعه صغار صغار + و فلافل مـنـتـفه و تقلبينهم و تحطين عليهم ملح و فلفل اسود شوي و شوي ماي ليما تحسين انه قوامه صار نفس قوام الفول ( مو خفيف و مو ثقيل وسط ) .. و قصصي معاها طرشي .. و خيار و طماط .. ) ...
و ممكن تسوينلهم ضفادع الفقراء ( بطاط بالكزبرة ) : تقصصين بطاط مكعبات صغار . و تقلينه بالزيت العميق ، و بعدين تحمرين ثوم .. حوالي 3 فصوص ثوم + ربطة كزبرة مغسولة و مقصصة عدلللللللل مدللللللللللل و تحطين فوقهم البطاطس المقلية و تملحينه .. و بعدين تعصرين عليه ليمونه ... و بس
و لذيذه جدا مع اللبنه ( اختيار امي هم بعد ، و قاعده تعطيج الاقتراحات لأنها أبله هم بعد و تعرف شنو الي ينبلع بالمدارس و يحبونه المدرسات
)
امي تقولج بعد .. ممكن طبق فول .. ( و ان خلص الفول انا مش مسؤول ... >>>> امي الي تقول مو أنا !! ) ..
يبي الفول بالخلطة السرية ، لا تيبين مالينج رح يتعبج في التقشير ، فتحي العلبه و حطي الي فيها في جدر ، و قلبي عالنار ، و حطيلها شوي زيت زيتون ، شوي ليمون ، رشه ملح ، رشه فلفل أبيض مطحون ،ملح الليمون هم بعد رشه ، كموووون ( اهم شي في الفول الكموووون ) .. شوي بقدونس مفروم اذا عندج .. كل هذا و اهو عالنار ها ... و كل شوي ذوقيه شوفي شنو ناقصه
و بعدين غرفيه بصحن عميق او بايركس ، و حطي فوقه خيار و طماط مقصص صغار صغار ، و خيار مخلل صغار صغار ، و زينيه بمثلثات الناتشوز
ممكن تسوين كلوب ساندوتش عملاقة ... تعرفين البريوشه العوووودة الي تكون عجفه ؟؟؟ ( ظفيرة ) ؟ تنباع بالجمعية ..
هذي احنا انييبها في البيت نشقها و نحشيها مرتديلا لحم و مرتديلا دياي و مرتديلا تيركي .. و اجبان متنوعه .. شدر على كرافت ... و نسوي بيض أومليت و نقصصه و نحشيها ... مع طماط و خيار و الخضروات الي نبيها .. خس ... و نسكرها و نحطها في التوستر او السخان شوي ...
ممكن بعد الله يسلمج تسوين حبيب الكل .. ورق عنب !
ممكن ... اممممممممممممممممممممممممم .. تسوين لفائف الخس نفس مالت لانوتر ... طبق حده سهل ..
اتيبين ورقه الخس ... الخس الطويل العادي ... تقصين الجزء اليابس الي فيه و تخلينه يصير بس ورقة لينه .. تحطين قطعه جبن حلوم طويلة بالعرض ، ممكن تضيفين مرتديلا ، و تلفين ورقة الخس على الجبنه .... و اخر شي تربطينه بساق بقدونس او بعود أسنان .. حلو كسلطة
حدي يعت الحين !!!
