ممنوع بالكويت يحسبون السيرفس بفآتورة المطعم ..صح والا غلطآنه ؟!

[بنت عز وما تنهز]

نفس سالفتنا قبل 4 أيام

وصج ممنوع ياخذون علي السيرفس

وخذوا علينا 5 وشي بمطعم رايس بالافنيو

ومرت اخوي قالت هالمره بكلمهم كل مره 2 وشي وهالمره 5 شسالفه

لما كلمت المدير قالها ناخذ علي الطلب 10 %

يعني اذا طالبين 50 يطلع 5

واذا 100 يطلع 10 :eh_s(14):

وقالتله ممنوع من الدوله قال ياريت يمنعون هالشي لان احنا مو مستفيدين يروح لدوله:eh_s(10):

واعطي الفاتوره مرت اخوي وقالها اشتكي وزاره التجاره


انا اتوقع الحكومه قاعد تتغاضي عن التجار :eh_s(14):

 

[:: Diva ::]

روبي تيوزداي الويكند الي طاف
ماخذ سيرفس منا جريب 4 دنانير !!!!!


شلون و ليش ؟
و هل منعوه ولا لأ ؟


للاسف ما اخذت الفاتوره بس صورتها لو في اجراء قانوني
والله العظيم مو علشان الفلوس الحمدالله على الخير
و الحمدالله القعده كانت حلوه و ما تنمل و الاكل جيد

بس سالفة الاستغلال
يعني انا دافعه فلوس اكلي
شلون اروح انا المطبخ و اييبه ؟


و بعدين شنو هالمشوار الي مكلفهم جريب 4 دنانير ؟
من المطبخ الى الطاوله ؟


هل في شي رسمي ؟ قانون معين ؟

 

[هامتي]

رد : ممنوع بالكويت يحسبون السيرفس بفآتورة المطعم ..صح والا غلطآنه ؟!

المفروض يعاقبونهم نفس الحال برج الحمام خذا منا 3 دنانير وشي وكنا ثلاث اشخاص صج نهيبه

المفروض يحطون قانون رسمي ومعاقبه مو بس كلام خلفله علينا كله ساكتين عن حقوقنا

 

[ترجمة احساس]

رد : ممنوع بالكويت يحسبون السيرفس بفآتورة المطعم ..صح والا غلطآنه ؟!

والله ماعندي فكره

 

[احلى صحبه]

رد : ممنوع بالكويت يحسبون السيرفس بفآتورة المطعم ..صح والا غلطآنه ؟!

كل المطاعم تاخذ ويدرون انه ممنوع بس الواحد شسوي مع الاسف مافي رقابه

 

[Gourges]

ايييي نصابين

حتى اردا المطاعم الحين قاموا ياخذون سيرفس !!!!!!!

 

[L a w y e R]

من نزلت الالف والكل شاد حيله الحمدلله والشكر

سواء السيرفس جارج والا خدمة التوصيل

 

[توتــــه21]

اي والله من عطونا 1000 والكل شاد حيله وكل شي صار غالي

 

[Hambka Q8]

انا اللي اعرفه ان ممنوع بـ مطاعم الوجبات السريعه
بس اذا مطعم تقعدين و اهما يخدمونج .. مسموح بس ما يعدي 15%

 

[بنت الفوزان]

رد : ممنوع بالكويت يحسبون السيرفس بفآتورة المطعم ..صح والا غلطآنه ؟!

اي صح شدعوا انشالله يبونا احنا نشيل المعاين ونغسلهم ولا احنا ننجب حق عمرنا

 

[ام خالد 78]

كل المطاعم اللي ادشها لازم ياخذون سيرفس

 

[Mrs. Honey]

اي سمعت أنه ممنوع
بس من يطبق؟

 

[يـونـيـك الغـلا]

شلون ممنووع والكل ياخذ سيرفس ...؟؟؟!

 

[PuPa^^SWeeT]

انا اعرف مطاعم وايد تحسب السيرفس

انتي اللي عليج لاتخلين بقشيش زيادة

بس ترا ردو سمحوو لأنه اغلب المطااعم قامت اتسويها

واذا عندج جرسون مايخدم عدل لج حق تغسلين شرااعه الحيين لووووول


فاا عادي اذا حسيتي الخدمة مو حلوة اشتكي لأنه دينارين اصلن وايد عليهم

لوووول


​

 

[صآعده تحت}..]

.

@@

توني ادري عن خدمه سيرفس
واحنا بالمطعم نفسه مو طلبيه للبيت

الله يعين شافو ناس ساكتين

بكره حتى الكراسي راح يحسبونها علينا

ولا الماي لا فتحوه غصب عشان يحسبون قيمته !

.

 

[oyoon al maha]

رد : ممنوع بالكويت يحسبون السيرفس بفآتورة المطعم ..صح والا غلطآنه ؟!

برا الناس ( تبقشش) النادل او الجرسون في المطاعم

بالكويت مافي بقشيش !!

علشان جذي حطوا المطاعم ( ثمن السيرفس ) في الفاتورة ..

هل هذا الشي قانوني ؟

الله اعلم

 

[al-musk]

يبيله تدقين على حماية المستهلك

 

[قلبي مثل قبري 2]

أنا اللي بعرفه أن في مطاعم تابعة للفنادق مثل النوخدة و واسابي وروبي تيوزداي وبيبيس بيتزا اللي هم تابعين للهوليدي ان ياخذون سيرفيس على أساس ان الفنادق تاخذ سيرفيس بس المطاعم الثانية وخصوصا الراقية اللي أسعارها غالية عيب ياخذون يعني نروح تغسل معاهم مواعين؟

 

[Killer^Girl]

سيرفس ليونوتر وايد غالي
احنا 4 اشخاص طلع علينا 3 وشوي
انصدمت انا

 

[نـعـومـه]

رد : ممنوع بالكويت يحسبون السيرفس بفآتورة المطعم ..صح والا غلطآنه ؟!

انا دم ضروسي هالسالفه الحمدالله موبخل بس مااااااااااااااااااااااااااحب سالفه الاستغلال والنهب

مره وصلي ايميل قبل سنتين انه ممنوع السيرفس واللي يشوف السيرفس محسوب يدق على رقم معين بس حسافه ناسيه الايميل لانه قديم

بس لازم نسأل وزارة التجارة