ممنوع بالكويت يحسبون السيرفس بفآتورة المطعم ..صح والا غلطآنه ؟!

[كويتية و لكن]

ماعندي اي فكرة والله

 

[aziziz]

kilha denar aw denarain laish atngar ma3a al nas fshla

 

[Miss Cherry]

اغلب المطاعم ياخذون .. ودايم اشوف يكتبون بالمنيو السيرفس 10 بالاميه من الطلب يعني اذا زاد الطلب يزيد السرفس


انا بعد قاريه من قبل بالنت انه مو قانوني وممنوع .. كل مره اروح ودي اتكلم بس ماقولهم شي لانه احس الكل يدفع مو هامه واكيد ماكتبوا بالمنيو الا عارفين انه مو ممنوع


ياليت نعرف الصج ممنوع ولا مو ممنوع .. واذا صج ممنوع صراحه مصخره شلون مخلين كل المطاعم ياخذون سيرفس

 

[Miss Cherry]

اغلب المطاعم ياخذون .. ودايم اشوف يكتبون بالمنيو السيرفس 10 بالاميه من الطلب يعني اذا زاد الطلب يزيد السرفس


انا بعد قاريه من قبل بالنت انه مو قانوني وممنوع .. كل مره اروح ودي اتكلم بس ماقولهم شي لانه احس الكل يدفع مو هامه واكيد ماكتبوا بالمنيو الا عارفين انه مو ممنوع


ياليت نعرف الصج ممنوع ولا مو ممنوع .. واذا صج ممنوع صراحه مصخره شلون مخلين كل المطاعم ياخذون سيرفس

 

[!الجادل الصعب!]

حيآتي آنتوا

نبي شغله آكيده القآنون شيقول

للحين مو عآرفين الصح ..!

 

[نـ(المطيري)ـازكـ]

لا يبة ممنوووووووووووووع ياخذون واتذكر في احد البلوقرات احد الاخوان كاتب ...

انا بعد يومين بتأكد من هالموضوع واتحجى فية ..

 

[OhYeaah]

رد : ممنوع بالكويت يحسبون السيرفس بفآتورة المطعم ..صح والا غلطآنه ؟!

لا مو ممنوع
على كثر المطاعمـ اللي اكلت فيها يحســــــــــــبون السيرفس
وبالعافية

 

[fatosh235]

عاد تصدقون بنات ذاك اليوم طلعنا رحنا ميت كومبني اللي ب360 وعقب ما خلصنا ولا ماخدين علينا السيرفس 11 دينار و كسور شرايكم؟ السيرفس تبعهم 12 بالمية

(عندي شغلة بخصوص السيرفس تشارج اللي بالمطاعم اللي قاعدين ينصبون علينا واحنا ولا عالبال

قانون يديد بالكويت من حماية المستهلك ان السيرفس تشارج ممنوع باي مطعم عندنا وفي قرار معمم على المطاعم انا شفته بعيني ان مايحق لاي مطعم ان ياخذ من الزبون غير سعر الطعام اللي ياكلة المحدد سعره بقائمة الطعام لازيادة ولا نقصان يعني بالكويتي ماياخذون منك الا سعر الاكل اللي كليتة ماكو شي اسمه سيرفس واذا بتتأكدون بنفسكم اتصلوا على رقم حماية المستهلك135وسألوهم بنفسكم

على فكرة انا جربت هالشي مع عده مطاعم بالكويت واهما تشيليز0 واسابي0 روبي تيوزدي وشالو عني السيرفس اهما خامرين قالو شكلهم اللي يتكلم نشيل عنه واللي ما يتكلم نشتغل نصب عليه


انتو ماعليكم الا تنادون المدير اللي بالمطعم وتقولون له ان السيرفس ممنوع بالكويت والمفروض انك تشيلة من الفاتورة واذا ماشالة قولة عطني كوبي من الفاتورة ودق على 135 قولة اسم المطعم وبأي منطقة واهوا يقولك وين تروح تقدم الفاتورة ويخالفون المطعم ويتسكر اذا كثرت شكاوي السيرفس
فخلونا ايد وحده لان في هوامير بالديرة قاعده تنصب علينا
وكل هاللوية عشان احنا ندفع اجر العمالة اللي بالمطعم من خلال توزيع السيرفس عليهم واحنا ندفع سيرفس ونحط بقشيش الظاهر حسبالهم ان مفطومين نفط والمسألة مو مسألة دينار ولا دينارين الحمدلله احنا ديرة نعمه بس لازم يكون بالحق
ماقول الا هذي الكويت صل على النبي

ومشكورين
انشر الموضوع لتوعيه الناس اللي مو فاهمة طريقة النصب بالسيرفس)
منقول

 

[اميره1980]

يوم الخميس اللي فات رحت مع ريلي مطعم الدلة صاير بمجمع المثنى فوق و دشينا و لا بوفيه و النفر 12 دينار قلنا اوكي و عقب ما خلصنا اتفاجأ ان احنا الاثنين حسابنا 26 دينار و 400 فلس يعني السيرفس دينارين و نص و يا ريت فعلا اخدمونا بشي اذا نظام المطعم بوفيه و انا أجيب حق نفسي الأكل ليش سيرفس بعد؟؟ الجرسونة بس صبت لنا ماي بالجلاص يعني صبه الماي ب دينارين و 400 فلس ؟؟

بغيت انادي المدير بس ريلي ما رضا قالي خلنتوكل على الله قومي و اللي يبط الجبد كنت انا اللي عازمته و انا اللي دافعه لووووووووول من الحررررررررررررررررره

و حبيت اقولكم ان كان واصلني ان ممنوع السيرفس بالمطاعم بالايميل من سنتين تقريبا و حزتها دقيت على البلدية و قلت لهم هالخبر صحيح قالولي لا مو صحيح يعني لازم ندفع سيرفس

 

[ام علي84]

رد : ممنوع بالكويت يحسبون السيرفس بفآتورة المطعم ..صح والا غلطآنه ؟!

والله الكل يقول من الفشلة والناس تطالع ودينارين ماتسوى السالفة ,, عشان جذي لاقينة بس والله ودي اقولكم قصة واحد ماشاء الله عليه اعتبره فنان ريلي قايل لي عنة واهو ريل وحدة من الاهل خوش انسان محترم جدااا وماله صوت
مرة عزمة واحد طايش معاه بالدوام ويحن ويحن عليه تعال فرايديز واهو كلللش مو مال هالسوالف ( كلة عيوش ومجابيس ) المهم قامو يضغطونة ربعة ويالله وروح وشخايف منة ووو .اقتنع الريال وراح فرايديز على اساس رفيجة عازمة ( خلصو اكل رفيجة قاله بقوم اغسل راح الانسان وطول ربع ساعة وهالمسكين ناطر نص ساعة وهم ناطر ساعة ساعتين واهو يدق عليه جهازة مغلق المهم قعد يمكن حول 3 ساعات ليمن بيسكرون ادفع الحساب يقول ما ادفع قاعد جيبو الشرطة والمدير يقولة ياعمي ادفع خلص مالنا بهالسوالف قال ما اتحرك اتصلو على الشرطة وووووومارضى دقو على الشرطة قالو تعالو المخفر الفلاني وراحو قالهم القصة وشهد الي معاه انه معاه واحد مواصفاتة على اساس رفيجة ويدقون علي صاحبة ويتلونة المخفر وهذاك مو مستوعب شالسالفة تعال ادفع حسابك بفرايديز انصدم الحبيب ( النصاب ) شدعوة سويت لي قضية عشان مسوي فيك دقة ,,,, المهم بطلنا يقول عيون الناس قطعتني وكلمن التم علي وانا وقاعد احترق من داخل بس قلت ما اخليه ,,,,, بس والله عندي بطل ,, ادري شككككككككككو وو السالفة بس الي بوصلة والله لو نصير شوي جريئين نعرف ناخذ حقنا ومانخلي احد يستغفلنا نصير اذكياء شوي وهذا حق,,, ترة مصخت هالي يشتغلون بديرتنا وبحلالنا وهم يستغفلونا ولاقيننا !!!!!!!!

 

[يعطرني اسمه]

ممنوووووووووووووووع معرووف ان ممنوع بس كالعاده اللي يطلعون القوانين اهما اللي يتجاوزووونها

يعني هالمطااعم تدري ان محد بيحااسبها من جذي حاطين هالشي
ممنوع تدرون ليش لان هذاااا ضمن الضرايب والكويت من الاساس مافيها ضرايب عشان المطاعم يتفلسفووون عرفتي
بس البووووووووووووووووووووووووق اشكره صاير بالكويت ومحد يتحجى لان الكل مسنود


وعلى فكره 90% من المطاعم اللي اروووح لها عندهم من 10 لي 15 بالميه بس الشكوى لله
ووالمشكله اي احد تبطلين معاه الموضووع يقوولج كلها دينارين كلها 3 انزين ندري انهم مايسوون هالكثر بس الواحد مايحب احد يبوووقه اشكره ويسكت يا ربي
الله يعين بس ... الشق عوووووووود يا خيتي <<<<ماصدقت تتحلطم خخخ ​

 

[دنيتي راحت]

وايـــــــــــــــــــــــــــــد مطاعم ياخذون

 

[sarate]

المفروض يمنعونه ويطبقون
اصلا احنا قاعدين نعطيهم زياده من عندنا لما يردون باجي الفلوس نخليلهم تقريبا الكل جذي
ليش النصب بعد

 

[*غنج*]

سمعت ان ما في سيرفس بس اذا صج ولا لأ مادري ياريت احد يقولنا اذا في ولا لأ

 

[f-a-r-m-l]

رد : ممنوع بالكويت يحسبون السيرفس بفآتورة المطعم ..صح والا غلطآنه ؟!

اب
اب اب
اب اب اب

 

[لؤلؤية]

اليوم
تعشيت انا وريلي بمطعم النوخذة
وانصدمت
الفاتورة ب 26,500 :eh_s(1):تقريبا
اشدعوه..؟؟!!:cxxxp:
بوفيه حاسبين الشخصين ب 21,900
وماي ب 1,250
والباجي كله سيرفيس:dfgl:
!!!!!!!!!
وريلي دفع وهو مبتسم..ويقول يستاهلوون خوش عشاااء
:eh_s(10):
:gr4uu:

 

[!الجادل الصعب!]

تدرون .. دآم هم عآرفين وسآكتين و ونفس الشي حنآ سآكتين .. نستآهل هاللي يصير فينآ ..!

 

[miss_math]

ما عندي علم

 

[semaasem]

انا اعرف ناس ما تدفع المبلغ وغصب عليهم وهم حشاكم.....يشيلونه


يالله بنات خنسوي حملة لا للسيرفس تشارج وبعد احنا بالكويت أكثر طلعاتنا بلعة ومطاعم يعني الموضوع يستاهل

 

[no0oralq8]

مااكو قرار رسمي مكتوب ناخذ صوره منه..؟؟
اذا رحنا هالمطاعم...تعودوا ع النهب ومات الضمير..