مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[ضــمــاد]

الله يبارك فيكم بنات



حدي مستانسه من الوسام ان شاء الله يكون دافع قوي لي لنزول اكثر واكثر


وعقبالكم جميعا ً ..



وتسلم ايد اللي مسويه الوسام ..



شكرا ً شكرا ً شكرا ً

 

[منوري الكويت]

مبببروك ضماد والفال لننننا بس بغيت اسآلج شوربةة العدس ما تمتن !

 

[كويتيه سبيشل]

عالبركه ضماد والله يقويج حبيبتي​

حياتى كويتيه سبيشل وزنى هالأسبوع 87 كجم حاشنى احباط لما شفت نتيجة وزنى:eh_s(16):​

ياليت تعدلين وزنى

حبووووبه تم التعديل

الله يعطيج العافيه كويتيه حبيبتي

وعساج ع القوه

وألف مبرووك لضمااد تستاهل :**

حيااتي الله يقوج

انا عن نفسي اليوم ما قاومت القيمات كليت شكثر وبعد ساعتين كليت لي برتقاله وبالغبقه كليت تشريبه والحين بما ان خربطت حرمت نفسي من السحور بس بشرب جاي اخضر

حبيبتي امشي ع نظام عبدالله المطوع فيه اللقيمات يمكن بااجر انزله ان شاء الله
وحبوووبه لا تحطين ف بالج ان الشاي الاخضر
مشروب سحري

مشكوره كويتيه سبيشل:tongue22::hjy5jewf:

ارتحت نفسيا ما ودى ارجع الوزن اللى نزلته .​

العفو حيااتي
انا نزلت الموضوع عشان التشجيع
وان شاء الله يدووم الحماس ياارب
​

 

[لصبري نهاية]

حبيبتي ضماد مبـروك و استمري
و كل ما ضعفت نفسج طالعـي الوسام ,,


بنـات تنصحوني برجيم 7 لقيمات و لا لا ؟ في وحدة جربته
او استمر على رجيمي هذا احسن .؟

 

[كويتيه سبيشل]

ضمووده حبيبتي براافو عليج
وقواااج الله
وانتي مو بس شجعتي نفسج
لا شجعتينا معااج

وموفيقه ياارب

 

[كويتيه سبيشل]

حبيبتي ضماد مبـروك و استمري
و كل ما ضعفت نفسج طالعـي الوسام ,,


بنـات تنصحوني برجيم 7 لقيمات و لا لا ؟ في وحدة جربته
او استمر على رجيمي هذا احسن .؟

والله ماادري مو مجربته
ان شاء الله البنات يفيدونج

 

[منوري الكويت]

كويتيه سبيشل والله احسج انتي الوحيده الي تشجعيني
بس شنو تنصحيني باجر اتفطر !

 

[كويتيه سبيشل]

كويتيه سبيشل والله احسج انتي الوحيده الي تشجعيني
بس شنو تنصحيني باجر اتفطر !

حبيبتي تسلمين
حبوووبه والله كل البناات يشجعووني دااايما بعد

شوفي انا الامس وان شاء الله بمشي عليه
اكل 6 قفشات اي شي ( عيش او تشريب و اي شي) _ 6 م سلطه - قطعه نفس حجم كف الايد لحم او ديااي
اذا ماتبين لحم او دياااي او سمج شيليه وضيفي بداله 3 ملاعق لل6 قفشاات اللي قلت عنهم

اوكي واذا تبين قطعة كبه او سمبوسه او فطااير تشطبين قفشتين من 6 قفشات
هذا رجيم عبدالله المطوع
وان شاء الله
بااجر بنزله

وموفقه حبيبتي

 

[اثمان]

السلام عليكم


الف الف مبرووك ضماد تستاهلين

وكويتيه سبيشل يعطيج العافيه حبيبتي مشكوره علي تعبج

 

[عاشقة الككاو]

الف مبروووووووووك ضمودا والله فرحت لج
برافو عليج ماشالله

وعقبالنا كلنا



كويتية سبيشل
مشكوووورة حبيبتي ع تنسيق الجدول ومتابعتج لنا ونفسيتج الحلوة ياحلوة
بس في غلط بطولي انا 155 او 157 انتي قزمتيني زيادة هههههههههههههههههههه



اريام

تكفين انقذيني برجيمج الرمضاني بدال ما انا ضايعة


وباقي الرشيقات شلونكم شخبار فطوركم

امس طلبو كنفاني
قطايف وام علي

كليت وحدة جوز مع شوية شيرة وام علي 4 قفاش كبيرة
وسحوري كان مهلبيه وتحتها كيك فانيلا وكورن فلكس

وحسيت حلجي حاااااااااااااااااااااالي

 

[فواصل]

صباح الخير

شخباركم

ضماد

الف مبروك على النزول ..تستاهلين كل خير

كويتية سبيشل

الله يعطيج العافية وما قصرتي

بخصوص الخربطة

اكلوا اللي تبون حبة او حبتين مب تهجمون على الاكل !

ماباقي شي على العيد

اول ما يأذن اكلو 3 تمرات وشوربة بدون كريمة وماي او لبن لايت

عقب تموا 10 دقايق =روحوا صلوا المغرب

الفطور :سلطة و عصير فرش واكلي من كل شيء 5 او 6 قفاش

وبعدها تموا 10 دقايق ممكن تاكلين الحلو او اكتفوا بالشاي او القهوة

وخلوا الحلو و الفطاير حق عقب التراويح (غبقة)

و السحور اي شيء خفيف او خليه مثل وجبة الريوق

ولا تنسون الماي =هاي اهم شيء

 

[تووته البسكوته]

هاي ياحلوااات
انا قلت لكم برد ع نظامي مال العام فطور شوربه وتوست وماكو سحووووور
امس سويت هالحركه بس جني تحسفت احس اني بمووووت من اليووووع ياليتني ماكله ع الاقل روووووب بس كنت تعبانه ادور الفراش نمت الساعه 11 مثل الدياي لووووول وشربت بطل ماي قبل النوووم

والصبح مادري ليش طق براسي اوزن ولقيت روحي نازله كيلوووووووووووووو حدي استاااانست مووومصدقه
وزني صار 91 ..ابي اودع ال90 موو خوووش رقم
موفقين بنوتات

 

[فواصل]

توتة

لازم تاكلين شيء

مب زين تتمين بجوعج

 

[تووته البسكوته]

والله اي ميته يووع

 

[العينآوية]

مبروووووووووووووك ضمودة تستاهلين

يا حلوووه الوسااام .. الفاال لي ياارب

 

[تووته البسكوته]

مبروووووك ضماد تستاهلين كل خييير
والفال لنا

 

[الوناسة]

ان شاء الله نصير رشيقات

 

[مـريومه]

ان شاء الله نصير رشيقات

آمييين يارب اجمعييين

 

[مـريومه]

ساعه 6 نزلت العب ع القاري

وتوني خلصت احس انهد حيييلي

مافيني طاقه

 

[مس اغراء]

مبروك ضماد الفال لنا انا والله مخففه اكل بس هاليومين اكل حلويات تدرون بعد نروح نبارك بالشهر ولازم ناكل
بس يابنات شعري يتساقط بشكل خيالي