بالعكس ليلو القصه كامله من كل النواحي..
اصلا من بدت قطيعة الاهل للام والاب...ماكان فيه شيء المفروض تذكره وهالشي لازم القارئ يعرفه..وبعدين انتقلت للمحور الرئيسي لاماديا لانه مافيه شيء اكثر توضحه في حياة بيتا وانطوان (الام والاب)..
وبعدين ليش تذكر سبب مهارة الام بالخياطه؟؟
الوحده وقطيعة الاهل كفيله بانها تخليها تنشغل بالخياطه وتصير ماهره وتشغل وقتها بهالمهنه ولا تنسين انه ام بيتا كانت تحب هالشغله وممكن انه بيتا اكتسبت هالمهنه من امها وتعلمتها من صغرها وماكان لازم الكاتبه توضح هالشيء لانه سبب واضح ما يبيله توضيح !
وتكلمت عن اهل ام البطله علشان تمهد انه مصير ام اماديا بيكون نفس مصير اهلها الي ترحلوا!
وبعدين اهم يهود وواضحه من بداية القصه انهم يهود بداية من اسم ابو بيتا (جاكوب) اسم يهودي بحت...ومهنتهم بالتجاره وامتلاكهم لمصرف ...ومعروف انه اليهود كانوا اكبر تجار في المانيا!
ونقطة اختفائهم ... وعدم ذكرهم بالقصه..كان تعبير من الكاتبه بالمصير المجهول المتروك للقارئ انه يحدده يا انهم ماتوا بالاحراق حالهم حال اليهود اللي حرقهم هتلر او انهم هاجروا لامريكا وخصوصا لنيويورك ومعروف انه نيويورك اكبر مدينه فيها يهود مهاجرين من ايام الحرب العالميه واستقروا فيها واصولهم فرنسيه والمانيه ووووو...
وبالعكس الروايه تهبل وفوق الرووعه انصح الكل يقراها منها يستفيد من التاريخ للحربين العالميتين الاولى والثانيه..ومنها استمتاع :rerrerek:
شوفي لو هي فاصله قصة الام عن البنت
يعني مخليه كل وحده روايه لحالها جان بتطلع تووب
وعن الاسم مو كل الناس تعرف ان هالاسم يهودي
وكنت متحمسه اعرف مصيرهم لان صج سمعت ان هتلر يحرقهم بس ماكنت اتمنى هالنهايه لهم
وحتى لما تعرفت على جدها احسه تفصيل ماله داعي
ياليت لو جمعت بينهم فالنهايه
شوفي الجزء الاول حلوو لو كملته و ما و لته بالثاني
والجزء الثاني هم حلوو لو ماوصلته بالاول
وناااسه النقااش معاج :eh_s(9):
شنو بتقرين خل نتناقش
انا عندي روايات علياء الي خذتيهم
