مناقشات وسوالف بنات نادي الكتاب

[أنثى اليمامة]

مشكلة الترجمات بالوطن العربي قليلة جداً ، وممكن الرواية تصدر وبعد عشر سنوات يفكرون يترجمونها ، او اكثر ، ومثل ما انتي شايفه في روايات مضى عليها دهر والى الآن مافي ترجمه لها
يعني الترجمة عندنا ترجمه هواية وتفكير بالربح المادي قبل كل شيء ..

 

[كراميلا مرة]

كراميلا الرواية الي بالعربية والمنتشره باغلب المنتديات .. تقليد مو اصليه ههه من النوع الي يكتبه بنات مراهقات .. يعني احمد حب سوسن ، سوسن لبست تنورة ورفعت شعرها ، ومدري شنو صار جان تبجي ويعصب احمد

ههههههههههههه
ضحكتيني زين ماصدقت انها صج وقريتها

 

[كراميلا مرة]

انا انتهيت من جزئية اليوم
وينكم بنات اشرايكم بتغير الاحداث
انا انقهرت لما مات خالد:eh_s(11):

 

[ليلو جبريت]

كرميلا باطقج طق

حرقتي علي الحدث
منك لله

انا من شوي راجعه من برع

بابداء القراءة

اقول كرميلا لاتدري انثى ان خالد مات

 

[3oosh <3 MJ]

بنات تذكرون جودي ابووت وصاحب الظل الطويل ​

هي كانت رواية ؟​

هالرواية هلكت وانا ادورها وماحصلتها الا بالانجليزي :\
اظن مافي نسخة عربي

 

[كراميلا مرة]

لوووووول
افتكرت قريتوها الحين بيبدا يوم الثاني
وخلاص غيرت رايي مامات احد:eh_s(3):

 

[كراميلا مرة]

بنات شرايكم بارض السواد لعبدالرحمن منيف
منو قرتها

 

[أنثى اليمامة]

لااااااااااااااااااااااااااااا خالد مااااااات ..

متى مات ... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ،، يا ويلج كراميلا انا توني بديت اقرأ الرواية ..

 

[أنثى اليمامة]

بعد ما صحيت من الصدمة .. موت سعد صالح وموقف امه ، لما شافته انا شايفته بمسلسل بفلم .. ما اتذكر .. بس شايفه هالموقف / بس جنه بالمسلسل مدري الفلم كانت زوجته بدل امه ..

 

[كراميلا مرة]

سوري حرقت عليكم الروايه بسد فمي مره ثانيه :s141:

 

[مرآسيـــم]

بنات شرايكم بكتاب افاق بلا حدود للدكتور محمد التكريتي

يدخل ضمن كتب تطوير الذات ويتكم عن الهندسة النفسية


اللي قرته هل تنصح بقراءته ؟​

 

[أنثى اليمامة]

صباح الخير .. عبدالرحمن منيف ما قرأت له ،، لكن الكل يمدح خماسيته " مدن الملح " .. بس احس انه زودها شدعوه خمس روايات بس هم ممنوعه سياسياً ..

 

[أنثى اليمامة]

كرميلا اشوف ان روايات منيف مهمة ، لانه كل يتكلم عن التاريخ ويرصد مراحل تاريخيه هامه .. مثل الرواية الي سألتي عنها .. تتكلم عن العراق ولهجتها عراقيه بعض الشيء ،، لان امه اصلاً عراقيه ..
انا من فتره بديت اقرأ عن اعماله ، لاني افكر اقرأ له .. اذا قررتي تقرين ارض السواد .. نقراها انا وانتِ .. وعلى فكره ترى اهي ثلاثيه

 

[كراميلا مرة]

ايي انا لانها تاريخيه لفتت نظري
واعرف انها 3 اجزاء
خلاص نتفق عشان نقراها مع بعض

شخبار رواية زمن الخيول... وياك
انا يمكن انتهي منها اليوم

 

[أنثى اليمامة]

انا والله بطيئة بالرواية شسوي ، هالايام اقاتل عشان الحقكم ، بس مافي فايده .. شكثر شغل ..

خلاص نشوف متى نقراها ، بس انا اقول نحدد لها فتره طويله لانها ضخمه جداً .. الجزء الواحد فيه 500 صفحه .. وبعدين تاريخيه يعني لازم نستوعبها عدل .. شرايج نخلي لها شهر واحد ..

هذي الروابط ، ونتفق بعدين على الشهر المعين ،، شرايج ؟

ارض السواد الجزء الأول
ارض السواد الجزء الثاني
ارض السواد الجزء الثالث


​

 

[كراميلا مرة]

ايي انا عندي الروايات كلها محملتها من فتره

ايي خلاص نخلي لها شهر نبدا نقراها على مهلنا عشان نستوعبها وصحيح اهي كبيره يبي لها مده طويله

خلاص انا ماعندي مانع اي وقت بتبدين عطيني خبر

 

[ليلو جبريت]

تدرون لازم الثلاثي المرح يكتمل

وانا معاكم

بس خل نحدد عدد قليل من الصفحات كل يوم

 

[أنثى اليمامة]

اكيد ليلو .. من غيرج مافي شي له طعم .. شوفوا حددوا الي تبونه ، بس بعد شهر اكتوبر ..

 

[ليلو جبريت]

فديتش انثى

انتي حددي

اليوم بنخلص زمن الخيول البيضاء

ناخذ استراحه يوم وبعدين نقراء حق واسيني

او تبون نواصل ؟؟

 

[ليلو جبريت]

احس تلخبطت شوي
والاحداث صارت وايد والكلام محشور حشر مو طبيعي

مابقى شي واخلصها

احسن واحد في الرواية خالد