منو اللي يخاف من الطيارة

[كويتيه أنيقه]

انا الحمد الله ماخاف منها لاني مؤمنه والموت يجي بأي لحضه

 

[جاي الضحى]

كل ما أقول دعاء السفر بالطياره اقوله جنا هذا يومي بس ماراح أعيش!!! والأعمار بيد الله....كل شي يهون إلا الطياير النتف ...الصغار حيل من صغرها مافيها حمام.....أخاف منهم ما حبهم......الله يحفظكم ويحفظنا بحفظه. ​

 

[نواري]

حبيبتي انا كنت بالكويتيه وطارت ثلث ساعه وردة الكويت .وبعدها بساعتين ردينا طرنا طبعا على نفس الطياره وردينا الكويت بنفس العطل والله ستر عساكم ما تشوفون الى شفته بس شسوي مضطره اسافر لاني أدرس بره (الله يستر)لين أخلص على ما أوصل الا انا خاتمه القران من الخوف.

 

[giuo]

:s141: السلام عليكم


واااااااااااااااااااااااي بنات انا مو خوافه انا اكبر من كلمة خوافه لو في لي درجه والله اقعد اصارخ وابجي وامسك ايد ريلي وتيني حاله مو طبيعيه من الخوف وارجف واحس برد وبطني عوار وقلبي :eh_s(11): والله ولا اسمع خبر طاحت الله يكافينا الشر ولا شي والله اموت بالسفر بس من اسمع هل السوالف خلاص ومن تزوجت كل ما اسافر احس بموت خلاص وبطيح واقول استغفر الله الموت حق وباي لحظه بس مابي بالطياره اتعور ومادري وين وشيصير اخاف والله بنات ابي حل ابي اعالج سالفة خوف من الطياره


:eh_s(11): والمشكله احب السفر وريلي هم يحب السفر مادري شسوي واقره قران لي درجه عندي سفره تخيلو الحين وحجزنا واخر شي مت من البجي قتله مابي اروح من سمعت في طياره طاحت بدبي :eh_s(11)::eh_s(11)::eh_s(11)::eh_s(11): واجلناها اللى عندها حل تقولي والله معنى اقره قران بس ماكو فايده:s141:

 

[ذكرى الفراق]

رد : منو اللي يخاف من الطيارة

اول ماكنت اخاااف بس من صااار عندي عيااال قمت اخاااف مدري ليه دايما يطرون علي بالطيااارة ..وبصراااحه من بديت اشوف برنامج تحقيقات الكوارث الجوية وانا كله اتخيل انه يصير فيني مثلهم ..لاسمح الله ..بس ان شالله اجيب معاي مصحف واقعد اقرى اذا ماجاني نوم ..

 

[om_7amad]

انا بعد الطياره رعب بنسبه لي <<<<< احنا بدال ما نشجع البنيه ونقولها شتسوي قاعدين نخرعها لوووول

اخذي معاج مجلات حلوه او كتاب تقرينه او اخذي معاج دفتر كتبي فيه شنو مخططه تسوين اول ما توصلين

 

[sweet fashion]

يمه
انا مره سافرت بطيران اسمه معروف بالكويت ماابي اقول والله يابنات ان الكل قعد يتشهد اول شي طرنا و كان جو الكويت مايساعد لان كان الجو غبار احمر وهوا قوي يهز درايش الجيت مت من الخرعه وقبل لا نصعد الطياره تاخرنا ساعه الا ربع السبب هم ان باب الطياره خربان وقاعدين يصلحونه عاد يوم ركبت تصرقعت قاعده اقول لزوجي احس الحين مع الضغط راح يتبطل وينفجر باب الطياره

بس امبيه الطياره كانت جنها غساله تهبد فينا فوق وتحت اعفستنا عفسه وانا ابجي بجي حتي اية الكرسي مو قادره اكملها من البجي واشهق كان يوم رعب

 

[semaasem]

واللة انا امووووووووووت من الخوف والسبة برنامج الطيران الى المجهول من كثر مااشوفة صرت خوااااااااااااااافة لا وعديت زوجي بعد
بس شنسوي شر لابد منة:0bee2e8d89:
بس انا لواموت مااعرف انام بالطيارة مرة طايرين الساعة 2 بالليل والناس كلها نايمة الا انا بروحي قاعدة مستحيل انام من الخوف لا والنكتة قاعدة اطالع من الدريشة (الساعة 3 الفجر هاااا !!! خوش منظر صراحة) ولا اشوف لمبة صغييرة من بعيد مومبينة واقعد اصارخ واقعد زوجي ببجي اقولة في طيارة ثانية بطريجنا واللة شوف الليتات مالتها الحين بنتداعم ونموت:eh_s(11): ولا يخزني ويرد ينام واقعدة مرة ثانية مييييييييييتة جان يقولي انتي هبلة ولا شكلج جذي هذي لمبات الطيارة اللي عالجناح خمدي احسن لج :krkrkr:خخخخخخخخخخخخخخخخخ صراحة فشلني (يعني جاكتهم) شدعوة مافي رادارات؟؟؟الحمدللة والشكر:gr4uu:

لووووووووول مت من الضحك على سالفتج صكيتي علي

 

[semaasem]

بنات انا فكرت جديا اني اراجع دكتور على سالفة هالخوف اذا تعرفون دكتور زين قولولي بليز ماتسوى علي سفرة عذاب غربال اهو صراخ اهو بجي اهو رعب ومع اني قبل ماكنت اخاف بس لازم اشوف لي صرفة بليز ساعدوني

 

[Meeesh]

انا اموووت خرعه طوول ماهم حاطين علامة حزام الامان
احس ممكن الطياره تفقد توازنها وتطيح خخخخ تفكير غبي بس شسوي من الخووف
وطوول ماهم حاطين علامة الحزام وانا قلبي يررررررررررقع وعلى اعصابي

 

[تكانه ومصرقعه]

ودي اساااااااااااااافر بس من تطري علي الطياااااااااااااااااارة اهون
حيييييييييييييييييييييل اخاااف منها