منو تعرف مقدمة برامج أعياد ميلاد ؟

[ام حمود@22]

حبيبتي بالعافيه عليج وعلى بنيتج
والحمدلله انكم استانستوا وكل شي تم على خير
بصراحه كلامج يشوق الواحد لدرجة اني تمنيت اكون حاضره (;
( رزة ويه )

 

[eva-deva]

حسافة يا ام حمود إني ما دزيت لج العنوان على الخاص <<< فيس ندمان !!!!!!

المهم كان عنوان موضوعي منو يعرف مقدمة برامج اعياد ميلاد ؟

وانا اقولكم الجواب عن تجربة .. ( هدى احمد ) خووووووووووووش مقدمة

والحمد الله إني إخترتها ,, والله برنامجها إلي 300 .. وايد حلووو

واكثر شي عجبني حزة الكيكة .. زفوها بعربانه فيها الكيكة وكان ظلمة وإضاءه ليزر

والف الصلاة والسلام عليك يا حبيب الله محمد ويباب << طبعا احنا فصلنا باليباب ...

وشكل الزينة روعة على اقواس .. وكلهم هليوم .. بس مربوطين بخطيط شفاف

وفي مسابقات اطفال حلوة وللامهات بعد ..

والي ترسم على وجوه رسمها مرتب .. حتى الامهات رسموا اشكال ورد وأوراق شيذي تونس ..

شنو بعد ودكم تعرفون ؟؟

البوفية طلبنا من مطعم .. ستايل اطفال

يعني همبورجر وجيكن ناجتس ومعكرونه بالنقانق ..

وحق الكبار ... لازانيا واستيكات ومشاوي وكبب ومعجنات

وعرايس .. وصينية بالباشاميل ..

وصوب الحلو .. دونات وكب كيك ملون وكريم كاراميل ..

وطبعا المقبلات كول سلو وسلطة جرجير وتبولة ..

مع خدمة السيرفس .. عصاير وشاي وقهوة

حلو القهوة من الخباز ماكرون وحلو القهوة من وحده بالروضة تسوي حلو الكيلو ب6

===================

حطيت صوب المدخل كوكيز من (كوكيز بوكيه )

مع برواز صورت بنتي وحلاو وكاكاو داخل غرشات شفافه ..

=====================

وبعد شنو !!!!!! اي علقنه البنياتا .. فيها حلاو وشرق ورق ..

====================

بنتي بدلت لبست ثلاث مرات هههههههههه

====================

كان في جوائز مخصصه للاولاد وجوائز للامهات وجوائز للبنيات ..

====================

والحمد الله اهم شي بنتي ومعازيمها الاطفال قضوا وقت سعيد

وإحنا الامهات ما نبي شي غير وناستهم وفرحتهم والدنيا تصير حلوة بعينا اذا شفنا ابتسامتهم

الحلوة .. وعسى الله لا يحرم اي ام من هل الشعور الحلوو ..

=====================

وربي يجعل اوقاتكم كلها فرح في فرح وسعاده في سعاده

ويبعد عنه الحزن والغم

===================

والسلام خير الكلام ..

=================

والسلام عليكم ورحمة الله وبركاته ..

 

[meen_ana]

سلالام عليكم بصراحه يعطيج الف عافيه على الحفله الروعة وعقبال مليوون سنه

 

[AVE.NJ]

يعطيج العافيه على الشرح
بس ممكن صور الحفله حتى لو قبل مايين المعازيم
وابي اعرف البوفيه من وين شوقتيني على بوفيه اطفال
انه ابي نفسج عيد ميلاد ولدي ولاغلطه

 

[eva-deva]

ان شاء الله ناوية انزل الصور بس .. طلبت السي دي من المصوره وما عطتنياه

الصور الي عندي مو وايد

ما نزلت بعد على الكمبيوتر

احاول باجر احطهم لعيونكم

===============

البوفيه من مطعم اسمه ( بوفيه اند تيك اوي)

اذا تبين رقمه اسال لج ريلي

 

[mrs.perfect]

مرحبااااا

الحمدلله على سلامتي كنت مسافره ويك اند ..............منو سالج وينج؟؟لووووول
عليج بالف عافيه ايفا

ماتوقعت العيد ميلاد قريب عبالي تو الناس

بس زين الحين صار عندنا شاهد عياااان موجووود



وبارتي لنك ييييييياااااايييييي

بس خلاص انا حجزت مقدمه وبنت خالتي مجربتها وان شاءالله تطلع زينه

 

[Q8_QT]

ان شاء الله ناوية انزل الصور بس .. طلبت السي دي من المصوره وما عطتنياه

الصور الي عندي مو وايد

ما نزلت بعد على الكمبيوتر

احاول باجر احطهم لعيونكم

===============

البوفيه من مطعم اسمه ( بوفيه اند تيك اوي)

اذا تبين رقمه اسال لج ريلي

حبوبة بسإلج عن البوفيه شلون أكلهم حلو ومتنوع حق كبار وصغار وبجم كلفكم وحق جم شخص وياليت تحطين الرقم وعذريني أذيتج بأسإلتي :eh_s(7):

 

[ام حمود@22]

Eva مشكوووووووووووووووووووره حبيبتي على العزيمه والله كنت اتغشمر ولو انه معرفة الي مثلج مكسب
وصج حفلتج اتشوووووووق ماشالله عليج
عليكم بالعافيه
بس بصراحه وايد مكلفه بس عليج وعلى بنتج بالعافيه دامكم استانستوا
ويللا شدي حيلج وحطيلنا الصور واذا تصوير فيديو احسن (;

 

[eva-deva]

اشكركم كلكم حبيباتي ..

==========

بالنسبة للمطعم .. يعتبر نوعا ما بسيط .. وللامانه لو اقولكم ما تصدقون

بس والله ما ذقت اكله .. مع انه كان راهي وزاد والله .. بس ما كليت ولاشي << اسوي رجيم

==============

بالنسبه للصور راح ادز على الخاص للبنات الي طلبوا منوا .. على شان في

صور الصاله << تخاف احد يعرفها ههههههههههه

الي تبي تشوف تقول لي وادز لها على الخاص

 

[ام حمود@22]

Eva اكيد انا بشوف دزيلي ماعليج امر

 

[eva-deva]

بنات انا توني ارسلت رساله خاصة للبنات الي طلبوا مني الصور

اي وحده تبي تشوف .. خل تقول ارسل لها الصور على الخاص

=================

البنات الي ارسلت لهم الصور .. اتمنى تكون الصور واضحة عنكم ..

اذا ما طاعوا واضحين قولوا لي

ارد ادز لكم حبيباتي من عيوني

 

[AVE.NJ]

اشكركم كلكم حبيباتي ..

==========

بالنسبة للمطعم .. يعتبر نوعا ما بسيط .. وللامانه لو اقولكم ما تصدقون

بس والله ما ذقت اكله .. مع انه كان راهي وزاد والله .. بس ما كليت ولاشي << اسوي رجيم

==============

بالنسبه للصور راح ادز على الخاص للبنات الي طلبوا منوا .. على شان في

صور الصاله << تخاف احد يعرفها ههههههههههه

الي تبي تشوف تقول لي وادز لها على الخاص

حبيبتي ماقصرتي ياليت اطرشيلي وابي اعرف المطعم وبكم وابي اعرف الميزانيه النهائيه
لانه عيد ميلاد ولدي بعد العيد وبسويه نفسج ببيتي

 

[AVE.NJ]

انه شفتهم وواضحين ماشاءالله

 

[eva-deva]

كويت فيش ماركت (اسم المطعم) ... وله اسم ثاني (بوفيه اند تيك اوي)

رقم المحل : 22610909
او رقم ثاني : 22620909

 

[Q8_QT]

مشكورة حبوبة عالصور ماشاءالله وايد حلوة
اعجبتني التوزيعات غريبة وحلوة عليكم بالعافية والله يخليلج بنوتج تفرحين فيها عروس ان شاءالله

 

[eva-deva]

اشكر كل البنات الي ردوا علي بالخاص

والي طلبوا مني شكل الكيكة ,, اقول لهم والله ما صورتها بكامرتي

اذا استلمت الصور من المصوره ادزها لكم ,,,

وحتى العربانه ما عندي لها صوره ,,

والبنات الي سئوا اذا كان في اولاد صغار او بس بنات ..

اقول لهم كان في اولاد صغار وكان لهم جوائز غير ... بس ما دزيتها لكم نسيت ..

وكان في سؤال عن الخواتم الي بالكب كيك .. والله شريتهم من امريكا ..

وما زلت حاضره للرد على اي استفسار

===============

ملاحظة : ام حمود من الحين عيد ميلاد بنتي السنه اليايه انا عازمتج اول وحده

 

[meen_ana]

كل عام وبنتج الامورة بالف خير وعقباال مليوون سنه بصراحه الحلفه واايد روعه وتستاهل

 

[شعنون]

كل عام واهو بخير بصراحه مجربين وحده تصير رفيججه اختى عندها كل شي من الي واسلوب يهبل وكفايه انها كويتيه بنت البلد والكويتي انفع دقي عليها واستفسري وان شالله تفيدك هذا رقمها 94412839 وعليكم بالعافيه

 

[eva-deva]

كل عام وبنتج الامورة بالف خير وعقباال مليوون سنه بصراحه الحلفه واايد روعه وتستاهل

مشكوره يا قلبي :eh_s(22):

والله ما احد روعه غيرج فديتج :eh_s(9):

 

[eva-deva]

السلام عليكم

==========

في رسايل على الخاص تسأل عن مستوى البوفيه واذا اعرف بوفيه مناسب لحفلات اطفال

بصراحة المطعم الي طلبت منه .. يعتبر مناسب لحفلة بالبيت للاطفال ..

وبعد في مطعم رويال موفينبيك .. تابع لمطعم شهريار .. عنده بوفيه باسعر مناسبه

مع خدمة السيرفيس .. 4 فلبينيات وعصاير وشاي وقهوه .. 270 ..

رقمة مثل رقم شهريار واهما يحولون لج على الطلبات .. 1888800

وفي مطعم ابحار وايد راقي .. بس اسعاره غاليه

======================