منو فيكم اللي كلمت ريلها بالتلفون قبل الملكة وتزوجته ... بليز ردو علي

[كتكوته ورديه]

هلا اختي اما انا زواجي تقليدي بلا حب ولا شي والحمد الله ماشي الصراحه ابحيت انصحك لوجه الله بنت عمي حبت واحد وتكلمه قبل الملكه وتزوجها وجابت ولد وبنت وتطلقت منه الصراحه الرجال ما يثق في البنت الي تكلمه قبل الزواج

 

[ســـــكر]

والله عمري مادري شقولج
بس اهم شيء انه تكون النيه شريفه
ويارب يكتب اللي في الخير
ويرزقج ,

 

[((shoOoshoOo))]

يعتمد على شخصيه الشخص اللي تكلميـنه
وكلها توااااااااافيق من عنـد الله ..

والله يجمعج معآه بالحلاااال

موفقه خيتووو

 

[توتا5]

الله يوفقج حبيبتي انا كلمت ريلي قبل الزواج وبعد قصه حب توجناها بالزواج والحمدلله صارلي ألحين 20 سنه جنا تونا متزوجين ليلحين مايناديني إلا حبيبتي وانا بعد استحي لما انا ديه بأسمه لأني مو متعوده والحمد لله حياتنا كلها ثقه وعيالنا ربيناهم عالحب
عالأقل تاخذين واحد تعرفينه مواليوم اتشوفينه وباجر اصير ريلج وماخفيه كان اعظم

 

[ام سوسو الحلوة]

مو مقياااس حبيبتي تجارب البنااااااات
كل رياااال وله طبعه
والزواااج قسمه ونصيب والتوفيق من الله
عسى الله يقدم لج اللي فيه الخير

 

[a7la-warda-q8]

والله حبيبتي علي قولة البنات كل ريال وطبعه
انا بنت عمي خذت ريلها علي حب وعايشة احسن عيشة
واعرف رفيجتي هم خذته علي حب وكانوا بموتون لو ما تزوجوا
والحين بعد خمس يهال طاحله مغازل وخرابيط وخلاها تجابل عيالها
كل شي بالدنيا حظ ونصيب

 

[عقــد منثور]

على حسب ووضعج وبيئتج .. فى شكثر بنات تزوجووا عن حب واموورهم ماشية .. بس حبيت انبهج للشغلة اذا انتى بنت صغيرة ديرى بالج من هالحجى .. ترا سوالف الشباب ما تخلص .. ويعشمج بالزواج عشان تستمرين معاة .. بالاخر يقولج بباااى ..

انتبهى يالغلااا ..

 

[ملآمح يوسفيه]

كل ريال وعقليته اذا يشك او لا

في بالزواج تقليدي الرياييل يشكوون والعكس صحيح

الله يوفقكم يارب ويجمعكم بالحلال

​

 

[غنج بدويـه]

اي صح جم عمرج انتي ؟
وبالتوفيق حبوبه عسى ربي يكتبلج اللي فيه الخير ..

 

[همس الغلا*]

مرحبااااااااااااا

اختي نصيحه لك من ترك شيئا لله عوضه الله خيراا منه ...

ومكالماتكم حرااااااااااااااااااااااااااااااااااااااااااام
لانه مو من محارمك
واذا يبيك يجيك من الباب
خليه يحاول مع اهلك مره مرتين ثلاثه مو مره ويتحجج فيها
قولي اذا تبي مكالمات بالحلاااال احسن واريح لنا ,,,,

والله يكتب لك كل خير بينكم ولجميع البنات ربي يرزقهم ....

 

[m!ss Cat]

وأنا مع { .. همس الغلا* .. }

وبعدين الرجال اللي متعود على المغازل هذا ميه بالميه راح يشك بزوجته وخواته وحتى يمكن أمه
وبعضهم تكون حاله نفسيه فيهم حتى لو ما يغازل !!!

وبعدين سالفة إنه يبكي الصراحه غريبه يعني هو رجال مو بنت أقصد أن القرار بإيده يعني هو اللي يخطب ويتقدم ,,
وإذا يحبج صدق راح يحاول مع أهلج لما يوافقون وممكن يخلي أحد من أهله أو أهلج واسطه بينه وبين أبوج ,,

أما سالفة الحب قبل الزواج أنواع :
يعني ممكن أنه شافها بمكان ولا صدفه واعجبته أوسمع عنها وعن أخلاقها الحلوه وبعد هي نفس الشيء فأعتقد ما راح يشك فيها لأنهم لا تكلموا بالتليفون ولا اطلعوا من ورى أهلهم ولا اغضبوا ربهم ,,
وممكن بعض العوايل عندهم إنه لازم يتعرفون على بعض قبل الزواج ويشوفون إنهم يناسبون بعض ولا لا مع أن هذا حرام لأنه مو من محارمها فراح يصير خلوه ,,
أما حب المغازل والترقيم والطلعات من ورى الأهل كأنهم حراميه فهذا لعب وخرابيط وماهو جد يعني بس يقص عليها ويهدها بعد ما تروح سمعتها وسمعة أهلها ,,

ولا حول ولا قوة إلا بالله

’’ استخيري والله يوفقج إن شاء الله ’’

 

[ام جوري وجود]

الله يكتب لك اللي فيه الخير ويوفقك حبيبتي

 

[الفجر المضئ]

يزاكم الله الف خير ........ الريال والله شاريني بس موعارفة اكبف اتصرف معه

 

[وردة-الكويت]

مو مقياس ,, ما نقدر نقول ان الزواج اللي عن حب فاشل و التقليدي ناجح ,, لان يعتمد على التوافق بين الطرفين ,, و هالشي ما يبين الا بالعشرة

انا معاها بلي قالته

الله يوفقج يارب ويستر عليج وييسر امرج

 

[• قلبه نصيبي •]

على حسسسب الريال ! يمكن انتي تاخذينه ويشك فيييج وغيرج يتزوجون عن حب ومايششك فيهم !

 

[brettey]

خلاص حبوبه عليج بالدعاء انه يكون من نصيبج وادعي انه اهلج يوافقون عليه وان يكون من نصيبج ويسخره لج بعد الزواج
عسى ربي ينولج مرادج

 

[كيكه توفي]

الله يكتب لج اللي فيه الخير

 

[صعبة المنال :~]

حبيبتي انتي ...

انتي لو ما تدرين انه هالشيء غلط جان ما خفتي انه يشك فيج بعدين صح ولا انا غلطاانه ؟؟؟!!

هالشيء غلط وما يجوز من الاخر يعني بس هذا شيء صار وخلاص يعني ما ينفع الكلام الحين

شوفي يا قلبي الي عليج تسوينه انج تقولين حق الرجال الي تكلمينه يا فلان انا ما اقدر ااقعد على هالحال كل يوم مكالمات بالتلفون

احس اني قاعده اسوي شيء ما يرضيني ! من خلال ردة فعله بتعرفين اذا اهو مقتنع بلي يسويه ولالا

يعني اذا قالج لا عادي بالعكس انا اشوف هالفتره نتعرف فيها على بعض وجذي معناته اهو عادي عنده هالشيء

بس تراا مو شرط لانه يمكن يكون الله لا يقوله من هالشبااب الي يلعبون عشان جذي ما يبيج تهونين وما تكلمينه

بس شوفي انتي قولي له الي قتلج ووقولي ليش ما اكلمك بالحلال اخطبني واكلمك بتفترة الخطبه ع الاقل ارضي ضميري

شوفي شيقولج وبعدين تراا حتى انتي بتشكين فيه بعدين لانه هالشيء صار معروف عندنا الي يكلم وحده يكلم عشر

وحتى صارو الشبااب يشوفون البنت بنفس النظره يعني تكلمني تكلم غيري !! مع انه مو شرط وغلط هالكلمه


عموماا انا ما اقولج انج غلطانه ولا اقول انج تكلمين غيره ولاااااااا شيء من هالكلام وانا مو ضدج يا قلبي

بس انتي فكري بالموضوع من جميع النواحي بتلاقين انه غلط وحاولي معاه قولي ع الاقل خطبه اذا في شيء يعيق زواجكم


والله يوفقج ويهنيكم ..

 

[آم آحمدو]

بيبتي دام متعلق فيج ويبيج خلااااص توكلوا

 

[NoAaRy]

حبيبتي اللي بطبعه شكاك راح يشك فزوجته سواء تزوجها عن حب او تقليدي

اقولك اعرف شخص تزوج وحده عمرها 15 سنه يعني بيبي ومع كذا عيشها برعب من الشك وهي جايته قطه مغمضه
بس ولله مو دليل انا متزوجه زوجي بعد قصة حب وكذا بس تبارك الله لاشك فيني ولا شي لانه قريب لي وعارف اخلاقي زين الحمدلله ...
بالتوفيق حبيبتي واستخيري ربك وادعي هذا اهم شي ....