منو فيكم اللي كلمت ريلها بالتلفون قبل الملكة وتزوجته ... بليز ردو علي

[الفجر المضئ]

اي والله انا عارفة ان اللي اسويه غلط ....... بس انا دشيت بالمكالمات ما حسبت اني راح اوصل لحالة الأدمان ..... حتى اهو لما قلت له .... قالي حرام عليج ....... انا صرت زي مدمن المخدرات ...... لو تقطعين صوتج عني راح اموت ........... وحتى امس ما كلمته
وحسيت براحة لكن بالليل رد واتصل علي ........ وقالي والله تعبان مو قادر استغني عن صوتج

وانا بصراحة احس براحة اذا ماكلمته

 

[لــــذآآآآت]

اولا حبيبتي مثل ماقالو الاخوات على حسب عقلية الشخص بس من رايي انا مهما كان شي بدايته غلط ومعصيه لله وين بتلقين التوفيق لانه حابك الحين بس اذا تزوجتو راح يبدأابليس بالوسوسه والشك لانه مل منك واخذ حاجته حتى انتي بتشكيين فيه وبتراقبين تليفونه والله يكتب لك الخيره ان شاءالله في هالأمر

 

[الفجر المضئ]

صاجة حبيبتي .......... وانا ابي اقطع المكالمات بس مو قادرة بصراحة يقولي محد فاهمني الا انتي ......... وانت احسن وحده مناسبة لي

وانا خلاص حتى صرت ماابيه ......... والله قاعدة احتقر نفسي ....... وحاسه اني لايمكن اتزوجه حتى لو اهلي وافقو ...... لأني انا احتقر كل وحده تكلم بالتلفون .......... واشوفها ماتستحي ........ بس الريال احس انه مريض بحبي ....... لدرجة انه يجي من منطقة لمنطة بس علشان يمر من بيتنا ....... مع اني البس عباية واغطي ..... حتى يقول ابي اشوفج بالعباية وانتي داشه وطالعة ...... بصراحة صرت اتضايق من كثرة ما يحبني ....... لكن مو قادرة اقوله من خوفي ان يصير له شي

 

[sweet dashttya]

كل ريال وعقليته اذا يشك او لا

في بالزواج تقليدي الرياييل يشكوون والعكس صحيح

الله يوفقكم يارب ويجمعكم بالحلال

​

اي انا معاج

 

[دلع العتبان]

تفكيرة اشلون صاير


سالي خواتة

 

[الفجر المضئ]

مشكورة حبيبتي

 

[الفجر المضئ]

تفكيرة اشلون صاير


سالي خواتة

المشكلة انه ملتزم ....... وبعد ملتحي ....... واخته هي اللي دلته علي وهي اللي مدحتني عنده ....... وخلته يتعلق فيني

لكن اخته ماتدري ان اخوها يكلمني ........ وحتى انا ما قلت لها

لأني عارفه انه غلط ........... بس صار

 

[أإلع ـشق دلع ـهـأإ]

خلأأص مأدأم تركتيه لوجه الله ..


أبشــــــــــــــــــــــــــرٍي ..


أبشـــــــــــــــــــــري ...


ربج رأإح يعوضج بالخير والاحس الاحسن ..

لآتضعفين وتردين له ..

لو تغيرين خطج يكون أحسن ..

وأنتي قلتيهأإ أحس برأغحه يوم تركته..

لآن اللي يعصي ربه كل حيأته هم وضيق ..

أدعي ربج قولي ربي أني تركت فلأأن لوجهك الكريم وأني أقدر أرد اكلمه ولأأكن تركتة لوجهك الكريم ..أسألك بعملي هذأإ أن تعوضني بألزوج الصألح اللي يسعدني ويهنيني ويكون خير لي ..

والله يوفقج ويهديج ويحفظج يااارب

 

[الفجر المضئ]

الله يبرد على قلبج حبيبتي .......... بردتي على قلبي .......... لكن بصراحة انا ابي ازفه بطريقة دبلوماسية لأني حلفت اني ما اتركه ولا اتزوج غيره ...... انا ما ابيه يدعي علي ...... ابي طريقة اقنعه فيها اني ما راح اتزوجه ........... بس مو عارفه طريقة ما تخليه يزعل حيل علي ....... والله اني ادعي ربي انه ينشغل عني وينساني .......... بس هم يرد ويتصل ...... ومره ارد عليه ومرة اطنشه ..... بس مسجين .... يحاول ويحاول .......... لحد ما ارد

 

[ترانيم القصيم]

عزيزتي .. يا عزيزتي ..

الرّاي الأصح

و الأقوم

و الأمثل ( هذا ) ما تلاقينه عندي أو عند غيري من ( النّاس )

تلاقينه [ بالشّرع ] المطهّر لأنووهـ و بكل بساطة معصوم عن الأهواء و الشّبهات و ليس هو الحال عندي أو عند غيري

اعرضي موضوعكـ على الشّرع :

يا ترى هل أنـا آللي أسوويــه صح ؟ هل يرضي ربنــا ؟ لو فرضنـا ( على سبيل الإفتراض ) إنوهـ قبض على روحي ملك الموت و أنـا أكلّم هذا الشّاب

هل خاتمتي هذي حسنة ؟ و إلا سيئة ؟ ( خاصّةً أنّ المرء يُبعث على ما مات عليه ) و فيه ناس ماتت و هي ساجدة

فهل يا ترى أن يسرّني إن الله يبعثني يوم القيامة مُهاتفة لرجل غريب ( ليس يقع ) تحت طائلة محارمي ؟

بين خلجاتكـِ تُجيبيـن عن هذا السّؤال بعد أن تطرحيـه

بمصداقيّة

[ تامة ]

احترامي و تقديري

ترانيم القصيم

 

[الفجر المضئ]

مشكورة حبيبتي والله يجعله في موازين حسناتك

 

[ترانيم القصيم]

الله يبرد على قلبج حبيبتي .......... بردتي على قلبي .......... لكن بصراحة انا ابي ازفه بطريقة دبلوماسية لأني حلفت اني ما اتركه ولا اتزوج غيره ...... انا ما ابيه يدعي علي ...... ابي طريقة اقنعه فيها اني ما راح اتزوجه ........... بس مو عارفه طريقة ما تخليه يزعل حيل علي ....... والله اني ادعي ربي انه ينشغل عني وينساني .......... بس هم يرد ويتصل ...... ومره ارد عليه ومرة اطنشه ..... بس مسجين .... يحاول ويحاول .......... لحد ما ارد

غريبة ,, كيف ملتزم أو ملتحي و يرضى يكلّم قبل الزّواج ؟

أنتِ متأكدة إنّوهـ ملتزم ؟ أخاف تمثيل >< هالشّباب يخوفون

ارسلي له مسج و [ باختصار شديد ] : آسفة ما أقدر أرد عليكـ ,, تبيني تعال من الباب أمّا سوالف التّليفونات ما لها داعي و أنت ملتزم و تقي

و عارف إنها حرام و لا ترضاها على أخواتكـ ,, كيف ترضاها على زوجة المستقبل !!

و اغلقي جوّالكـ و لا عاد تردّين عليه ,, هنــا راح يبيّن صدقه من كذبه إذا هو فعلاً جاد و إلا بس يلعب

الله المستعان ,,

 

[الفجر المضئ]

حبيبتي هو يا لحد بيتنا وخطبني ...... بس اهلي رفضوه ......... يقلون مو مناسب لعايلتنا ......... لكن والله هو ملتزم ...... حيل وانا اصلا بغيته علشان التزامه ......... بس بعدين ظميري انبي لأني عارفة اني قاعدة اسوي خطأ....... بس الله يجعله ينساني وينسى اسمي قولي امين
لأني انا ابتلشت فيه واحسه مريض بحبي ومو قادرة اواجهه واقوله اني ما ابيه ...... بصراحة اخاف يموت من كثر ما يحبي

 

[الفجر المضئ]

لا والمشكلة مهديني هدية ب1000 دينار ...... وبصراحة ابي اردها لأنه مسجين راتبه على قده لكن من حبه لي جاب لي هاذي الهديه
وقلت له انا بردها حلف انه مايخذها

 

[برشلونيه]

عسى الله يكتبلج اللي فيه الخير انشالله ويعتمد من ريال لي ريال

 

[درقاء]

اذا يبيج خليه اييج .. لا تطولين السالفه ..
في ناس يمشون بجذي علاقه ما شاء الله وفي ناس لأ مايكملون !
فكله يبين بعدين .. هو اهو اساسا تفكيره جذي .. انه يبي يعرف وحده عشان يتزوجه .. يعني حب
ولا يبي زواج تقليدي ..
واذا كان صاج صدقيني .. راح يطق بابج .. بس انتي نصيحه لا تطولين معاه بس اذا انتي معاه صار لكم اكثر من 3 شهور او 6 شهور فاعتقد كافي .. هديه وقوليله اذا تبيني طق بابي .. وراح يبين اذا يبيج او لأ ..
وعسى ربي يوفقكم ..

 

[درقاء]

حبيبتي هو يا لحد بيتنا وخطبني ...... بس اهلي رفضوه ......... يقلون مو مناسب لعايلتنا ......... لكن والله هو ملتزم ...... حيل وانا اصلا بغيته علشان التزامه ......... بس بعدين ظميري انبي لأني عارفة اني قاعدة اسوي خطأ....... بس الله يجعله ينساني وينسى اسمي قولي امين
لأني انا ابتلشت فيه واحسه مريض بحبي ومو قادرة اواجهه واقوله اني ما ابيه ...... بصراحة اخاف يموت من كثر ما يحبي

خلاص مدامه ياج .. ايي مره ثانيه .. انتي عليج الدور انج تقنعين اهلجومن كل قلبي عسى ربي يوفقكم ويسهل اموركم ان كان في زواجكم من بعض خير ربي يجييبه باسرع مايكون ويسهل الأمور بكل بساطه
وذا الله مو كاتب لكم الزواج .. فصدقيني .. الله عارف بكل شي
موفقين حبيبتي

 

[الفجر المضئ]

مشكورة والله يعطيج العافية

 

[الفجر المضئ]

بالله عليكم وش اسوي اليوم ....... دقدق على بالتلفون وكنت حاطة خدمة ان الجوال يعطيه مغلق ........ بس انا يطلع لي رسالة انه اتصل ........ وبعدين ارسلي رسارتين يترجاني ........ اني ارد عليه .......... لما رديت عليه .......... مومصدق يقول بغيت اموت من القهر .......... وقالي حرام عليج ولو ما تبغيني لاتسوين معي جذي ...... على الأقل على جرعات ومن هذا الكلام
بصراحة حاسة اني ورطت روحي وماني عارفة افتك منه

 

[السعودية تاج راسي]

حبيبتي عليك بالدعوات الصادقة ان الله يتوب عليك وعليه ....... وينسيكم بعض ......لاني افضل انك تتركينه والله يكتب لك الخير