منو فيكم تاخذ ماجله معاها؟

[bronzya_cool]

حطيلج جنطه هاند باق فيها معلبات والجيس الكبير حق بطاط نايس وكرتون كتكات واخذي جبن كرافت وصحون وقفاش بلاستك واذا تقدرين اخذي غلاية ماي صغيره تلقينها بيوريكا حق اذا بتسوين شاي ولا حليب واخذي قواطي كارنيشن وليبتون تي باق وتروحين وتردين بالسلامه

 

[أمانيQ8]

السدره ماقصرتي حبي .. عالرد الله يعلم اشكثر قاعده استفيد منكم

 

[أمانيQ8]

طير الحب صاجه يقولاون مطاعمهم نار اسعارها خبري فيها اول لما رحت لها من جم سنه كانت نار اشلون الحين

 

[أمانيQ8]

برونزيه كووول اولا مشكوره عالمرور ثانيا يعني برايج ادخل الجنطه الطياره؟

 

[ظلال القرآن]

النمسا انا اقمت بزلمسي عشرين يوم واتسوق من سوبر ماركت ماكسي اسعاره وايد وايد زينه وكللللللل شي فيه

بس اخذي جبن قلاصات كرافت ولا الخبز والصمون مكود واصلا يونس

بس اذا تبين تاخذين بعض المعلبات فول بزاليا جذي يعني

ساعات تردين من الرحلات حيل متأخر وكل شي مسكر توهقين

بس الكويتين الي معاي بالعماره يطبخون عادي مجابيس ريحتها تعور القلب

يعني صعدتي لي شقتي عذاااااااااااب وانا اشم ومغمضه خصوصا الظهر

اهم يطولون شهرين وعاهم خدم وحريم كبار فما يستغنون عن الطباخ بصراحه زين يسون

لان الوناسه ما تكتمل بالاكل السنع >>> الرجيم مايدور

 

[أمانيQ8]

ظلال عاد انا شنو اشمشم ريحة الطبخ الكويتي بالسفر ساعات واحنا نمشي اقول حق ريلي الله ريحة مجبووووووووووس دياي يوديني مطعم بس مو مثل الاصلي وااااااااااااااي لا لا بجرب اطبخ وصج ماكسي ارخص من بيلا؟؟؟؟

 

[أمانيQ8]

up up up

 

[autointoxication]

و الله انا عن نفسي ماحب اخذ معاي اغراض وايد

اخذ جنطه صغيرة من اللي ممكن يدخلون الطيارة يعني ما احب اغراض بالوزن

أو اخذ جنطة ايد كبيرة أو زوجي يشيل معاه باك باج (جنطة ظهر) نحط هدوم ليوم واحد

و نشتري من هناك


حجه و حاجه


و اذا سفرة طويلة اخذ هدوم رخاص سوالف H&m و زارا عشان اقطهم هناك و استفيد من مكانهم بالجنطه (طبعا نروح بجنطة و نرجع بأربع جناط)



بس سوالف اكل بصراحه ما اخذ معاي
يمكن علج و حلاو لكن اكثر من جذي ما اخذ

بعدين في بعض المطارات ما يسمحون يكون بالجنطه مواد غذائية يطلعون الجنطه من الوزن و يفتحونها و يطلبون منج تقطينهم

 

[MissChoco]

امانيي نصيييييييحه والله نصيحه .. اذا عندج عيال اخذي عيش وجدر الضغط


لانه سفرتين رحنا ويا اختي يااهل وماتاكل اي شي واذا بليل ياعت كل شي متسكر وماكو شي .. واذا ردين من الرحله
تعبانين واهيا واعليييييييه مسكينه كانت ميته يوع


فبعدين امي فطنت لوول ولمن رحنا النمسا والمانيا خذينا ويانا عيش ويا عدس والجدر .. وصج طبخنه يمكن 3 4 مرات بس
والعيش عطيناه المطاعم التركيه لانه حرام ينقط



واذا انتي ماعندج عيال .. اخذي وياج شكر عشان اذا سويتي جاي بغرفتج .. واخذي جبن قلاص وليبتون وبسكوت

 

[MissChoco]

وحبيبتي شوفي في مطارات ما ادخل اكل نفس لندن مره مادخلو الجبن الي يبته عاد غراااامي :\\


وفي دول مافيها جبن قلاص .. مثل استراليا ماكو

 

[LuLiTa]

لما انساافر اانا و اهلي ناخذ معانا خفايف و ما ناخذ شغلات مثل عيش و ما عيش
يعني ناخذ معانا جبن كرفت و جبن مثلث و جاي و قهوة و شوربة و نودلز و شااابورة و بسكووت مالح و بقصم وترا في بالجمعيات جبااتي مثلجة هذي بس اتسخنينها و تاكلينها تنفعكم وااااااااايد حق الريوووق

يعني هالاكل حلووو و خفيف و الكل يحبه و بعد لا تنسيين تاخذين معاج ابهاراتج عشااان اذا اذا اشتهيتي اطبخين الا يكون عندج بهاراتج

 

[أم صالح]

انا عن نفسي بس السنه اللي فاتت اخذت خفايف معاي حق عيالي حق الريوق بس وشويه معلبات لانه ريلي مايحب اكل المطاعم يوميا خذيت قلاص كرافت الكبير و3 اكياس خبز حق اول يومين بس وعندي ولدي يحب الرهش خذيتله العلب الصغيره وحليب كرنيشن وعلبة شاي وحمص وفول اللي بس يتسخن مايطبخ وبسكوت وكل ماخلص شرينا من هناك لانه الشقق بدون ريوق وبعدين ريلي قام يشتري بطاط مثلج وهمبورجر التركي سوينا بالشقه ب ماانصح تاخذين جدر وعيش لا لانه شي يجر شي يعني العيش يبيله بصل وبهارات ولويه وريحه الاغراض بالشقه تصير نفس ريحة الطبخ لا لا

وصج بعد خذيت اقفاش واقلاصات وصحون بلاستيك ومفارش نايلونناكل ونقط يبا انتي رايحه تغير مو كراف

 

[جاي الضحى]

إذا رايحين لمدة شهر ولا أقل ودولة أوال مره ترحونلها ما يسوى تودين شي زايد...بتكونون طالعين طول اليوم كل يوم مكان ومايمدي تطبخون....بس ترى الريايل كلا يقولون لا تاخذين وذا ياع وطلعتيله الأكل يقول ولله انج سنعه وشقت الحلج من اهني لا اهني....البنات عطوج أفكار حلوة ودي أزيد عليهم كورواسوه زعتر وجبن شي خفيف وحلو...إذا شتهيتو عيش فيه مطاعم وايد..الله يهنيكم......

 

[ورد وكادي]

أنا والله بتكلم عن خواتي أهم يروحون مع أزواجهم وعيالهم وجم واحد من ربعهم وأهله وكانوا ساكنين بشاليهات عالبحيره أختي واللي معاها ماخذين ماجله كامله يعني ماتخيلين حتي الماش والربيان الناشف ماخذينه ومعجون طماط وصبار فكانوا يروحون من الصبح للرحلات وما يردون الا المغرب بوقتها تقول الرياجيل يقعدون عل البحيره ويشبون هالحطب ويخدرون الجاي أما الحريم يتجمعون بشاليه وحده منهم وكل وحده وهمتها كل يوم علي وحده اللي تسوي عيش وماش ودقوس صبار واللي عيش وربيان ولا مره أختي شافت بالسوبر ماركت باميه مجففه تقول مت عليها وسوت مرق باميه مع لحم وعيش مشخول وياكلونه يالهواء الطلق لا ولازم معاهم دولكة لبن بعد((((حدهم راهين)))) بس والله لما تسولف كلنا نبطل حلوجنا ونتخيل الجو الحلو والأكل

 

[SPIDER-WOMEN]

والله انا لمن رحت اوروبا امي ماشالله ماخلت شي العيش والمعكرونه والعدس والربيان اليابس والماش والله مسيجينه ماقصرت معانا لانه اهناك ووووووووووووووووووووووووووواااااااااااااااااااااااااااااااااااااااااااااااااايد غلااااااااااا حدها ناااااااااااااااار والله صمونة فلافل بدينار يعالم بدينار:eh_s(14): لا والبيبسي بنص :eh_s(14): فمابالج بأشياء الباجيه والله وفري فلوس الاكل حق المشترى والتسوق احسنلج انا ماقول ثقلي على عمرج سوي مثلي لمن رحت مع ريلي مره ثانية غير روحة اهلي خذيت اجبان سلايس وقلاصات ومرتديلا لحم ودجاج وخذيت نودلز قواطي وخذيت شوربة كنور الجاهزة وغير الكتشب والمايونير وتونا بجياس يبيعونها بالجمعيات وغيره اشياء خفيفه
:tek:
وانشالله تستانسين وهم توفرين على عمرج:eh_s(8):

 

[أمانيQ8]

autointoxication صح كلامج بس انا معاي يهال ايوعون واهناك جربت كل شي يسكر بسرعه ماقصرتي حبيبتي عالمشاركه
مسكاكا باخذ كل اللي قلتي عليه وزالله يعيني على زوجي اللي ادري فيه بيقعد ينبش ويقط بالاغراض وانل بطب المانيا اول بعدين النمسا مطار المانيا يدخلون اكل عادي
بالنسبه الاستراليا انا كل سنه اروح لها لان عندي شقه اهناك بس هالسنه بنغير ..ولما كنت اروح استراليا ما اخذ شي لان ادري يقطون الاكل بالمطار
والجبن الكرافت ماكوو اقصد القلاص بس في كرافت انواع ثانيه حتى كان جبن القلاص الكرافت الازرق اللي يشبه الذهبي موجود اهناك قبل ماينزل الكويت بس مافكرت اجربه اجبانهم ماتيوز لي مع ان زوجي يحب اجابانهم .. والله يسهل انشالله وتنكتب لكم سفر مثلها واحلا

 

[أمانيQ8]

لوليتا
جبن كرفت و جبن مثلث و جاي و قهوة و شوربة و نودلز و شااابورة و بسكووت مالح و بقصم ... هذا باخذه بس الجباتي اشلون مايسيح!! اخاف يتلصق على بعضه
ام صالح صاجه مورايحين نكرف لووووووووووووووووووووووووووووووول

جاي الضحى : ترى الريايل كلا يقولون لا تاخذين وذا ياع وطلعتيله الأكل يقول ولله انج سنعه وشقت الحلج من اهني لا اهني (ماجربت اخاف يفلعني فيهم )لوووووووووووووووووووووووول اول مره بودي ماجله

 

[أمانيQ8]

ورد وكادي فكرت اخذ ماش وربيان يابس بس خفت يصير وايد خبه لاني لاتشوفين اشبودي زوجي متعجب يقول بتموتين من اليوع اهناك؟! وانا حاطه مشخال مال العيش وحق المعكرونيه يقول هييييييييييييي شنو هذا لا يبا مايصير قلت له اشخل بشنو قال مولازم!!:0bee2e8d89:

سبايدر أي والله حراق ادري غاليه انا عيل ليش بودي اغراض عشان اوفر:eh_s(1):

مشكورين على النصايح الحلوه اللي تهبل مثلكم وقولوا امين يعل الله ينولكم اللي في بالكم:tek:

 

[لوللي]

احنا انشالله رايحين بروكسل هالسنة ..
يعني اذا خذيت معاي بسكوت وكاكاو عصير وأشياء خفيفة
يدخلونها معاي ؟؟ يعني ما يسوون لي سالفة بالمطار ؟
احس فشلة اذا فتشوا وشافوا الأغراض معاي ؟
وعادي استعمل الغلاية بالفندق لأني ولا مرة جربت استخدمها ؟

 

[CheeSeCaKe]

الأخت لوللي
=======


والله نفس تساؤلي هل نقدر ندخلهم المطار عادي يعني !!

انا نفس الشي بروح هولندا

لأن استراليا يسوون سالفة وتفتيش وما تمرين بالأكل هل اوروبا تختلف وإلا نفس الشي ؟؟

أهو صج السفر حلاته غير بكل شي ونجرب مطاعم وأكل الديرة اللي احنا فيها..
بس اوروبا غالية حيل هذا شي

ومرات تردين تعبانه تبين تاكلين شي خفيف وتريحين بالفندق

يعني هل في نوعية معينة مسموحة فيها ؟؟؟

اعرف ناس ما شاء الله عليهم مشقلين معاها كرتون ماي وكرتون قواطي بيبسي !!!
شلون على الوزن الله اعلم انصدمت يوم قالوا !!

وشكرا