منو كانت مدرسه ...... واتركت التدريس ؟؟؟؟

[usgirl]

رد : منو كانت مدرسه ...... واتركت التدريس ؟؟؟؟

هلا فيكم وشكرا على مروركم

شكلنا:s141:

ذاك اليوم يات الموجهه كل ما قالت لي كلمه رديت عليها بالف ابي تحقد على جوووود تنزلني اداري :yaaaaaarb:

بس الاخت شكلها بتزورني مره ثانيه اف اف اف

والله التدريس مسؤوليه رفيجتي عزابيه تقول انا بالبيت وحتى الويكاند ما عندي وقت احك راسي انتوا اشلون؟؟

ودي بوظيفه هاديه لا توتر لا امتحانات لا دفاتر
ومعاش ابيه راهييييي
ولو انه ما عاش

احنا جذي :eshrab:

tmtmtm
اتحفينا بتجربتج للعظه والعبره

 

[جنى الجنتين888]

ابي استقيل

 

[@الجود@]

تخيلي بنات عمي 4 استقالوا من التدريس


ورفيجاتي 8 اللي استاقلت واللي حولت

شكلنا بنلحقهم



والله صاجه

لانجابل عيالنا ولا بيتنا ..

اصلا بناتي خلاص حتى متعلقين بخدامتهم اكثر مني >>> شي يضيق الخلق فديتهمم


لا والاهل واهل الزوج لانشوفهم ولا شي

 

[marsooma]

صج تاخذ كل الوقت ... انا عزابيه و احس مو لاقيه وقت لنفسي عقب ماأرد من المدرسة !.. عيل شلون اللي متزوجه و عندها عيال و بيت و زوج .. أصلا اتوقع الابله مالها خلق تدرس عيالها اذا ردت البيت!!!

 

[لؤلؤية]

رد : منو كانت مدرسه ...... واتركت التدريس ؟؟؟؟

الله يعينكم
ويفرج عليكم مثل ما افرج علينااااااااا

<<<<< مدرسة متقاعدة

 

[هيونه الكويت]

اختى بغيت اسالج كذا سؤال
انتى جم سنه تدرسين؟
شنو الماده اللى تدرسينها واى مرحله؟
واذا مثلا اطلبت منج الموجهه تسويين درس نموذجى وقلتى مابى عادى؟ولا شتسويلج يعنى؟

 

[usgirl]

رد : منو كانت مدرسه ...... واتركت التدريس ؟؟؟؟

اب اب

 

[moony77]

انا نفسكم وقاعده احاول انقل من هالوزارة الله يعينا بس

 

[ليالي نجد]

حبيباتي انا اول سنة لي بالعمل الاداري بعد ماكنت معلمة!!

قرار اتخذته بعد دراسه كبيره واستخاره والحمدلله رب العالمين كل ماقعدت الصبح احمد ربي على قراري اللي اتخذته

وعلشان الاسئله عن تحويلي بختصر لكم :
انا خدمتي 12 سنه وما دخلت اي واسطه بتحويلي بس اذا خدمتج فوق العشر سنوات يحولونج على طول الا اذا عندج تقرير ومجلس طبي يحولونج قبل العشر سنوات

للاسف اكتشفت اني كنت مستعبدة من قبل المديرات والوكيلات الظالمات الله لا يسامحهم!!

يابنات والله العظيم انصدمت من اللي شفته !! الشغل عاادي جدا وسهالات اذا مو اليوم فيه باجر باذن الله !!واستغرب من اللي حواليني يتذمرون ويشتكون من كثر الشغل وانا منصدمه من تذمرهم ؟؟!!! بلاهم ما شافوا الضيم اللي شفناه !!

ياالله كنت وين وصرت وييييين؟؟!! راحه نفسيه مابعدها راحه ولله الحمد والمنه

كنت متخوفه من قرار تحويلي واني راح اندم وناس كثيره وقفت ضدي ...بس اغلبهم وخاصة اهلي وزوجي وقفوا معاي وقالوا توكلي على الله
اذا على الكادر اشتري فيه راحة بالج ووقتج !! وفعلا ياناس الدنيا تغيرت والنفسية تغيرت وحتى تدريس عيالي تغير واصبحت الامور عندي سهالات لله الحمد

ايام التدريس كنت كثيرة التذمر واتحجج بضيق الوقت والنفسية الزفت لكل اللي حواليني واتعذر عن اغلب المناسبات !! بس الحين فعلا غيرررر .... اثاري الاعذار هذي كنت اتعذر فيها بسبب النفسيه الزفت والا كنت احاتي شغله طالبينها علي ومالي خلق شي !!

اللي بتحول تتوكل على الله وربي ماراح تتحسف لان بصراحه التدريس ما اصبح تدريس وفقد كل سمه حلوه فيه من وقفة الطابور الى جرس الهده...

على فكرة اغلب اللي تعبوا من التدريس هم من النوعية اللي يخلصون في عملهم ومايحبون يقصرون في واجبهم ويحاولون ارضاء كل الاطراف لكن في عالم التدريس هيهااااات ترضين احد !!

 

[usgirl]

رد : منو كانت مدرسه ...... واتركت التدريس ؟؟؟؟

انا مدرسه لي 4 سنوات من الكرف مادتي انجلش
اختي ليالي نجد مشكوره على مرورج وعلى مشاركتنا بتجربتج
يعني واضح ان من كان له 12 والا 4 سنين بالتدريس سيم سيم
لان كله اقول باجر خاذ على الشغل باجر يخف الكرف بس ماكو كل سنه جديده بطالباتها وافكارها ونوعيتها
اشوف غيري يداوم 8 يرد 12 والا 1 دوام ماكو قلق على طول الاسبوع ولا محاتات الطلبه
حياتي الاجتماعيه توقف مع بداية السنه الدراسيه لان ما عندي وقت والله حتى الويكند مشغوله ولا اقدر ااجل شغل المدرسه بصراحه رفيجتي اللي تركت تقول لحقي على صحتج وبيتج اتركي التدريس واشتغلي بمكان ثاني مهما كان في شغل ماراح تاخذينه معاج البيت بس تطلعين من الدوام خلاص تنسينه واللي ما خلصيته اليوم تخلصينه باجر

بس زوجي يقول اشدعوه كل الدوامات نفس الشي لا تتركين التدريس احسن شي وخوفي من اني استقيل وما انقبل بمكان زين
ما علينا انا كل يوم اقول خلاص بترك ولما يي باجر اقول عقب باجر رفيجتي قالتي انتي خوافه وراح تقعدين بالتربيه لان التربيه تبي ناس نفسج تخاف وتسكت وتقول انشاء الله

 

[Winter Q8]

أنا أشوف انج وايد حارقه نفسج جذي تحسين بالاحباط ..
خلج ايزي و لا تضغطين على نفسج اكثر من طاقتها محد يستاهل ..

 

[Turquoiseya]

شنو ناظرة؟ شنو وكيلة ؟شنو موجهة ؟ شنو مدرسة اولى ؟
حشى حرامية احنا يراقبونا واذا دشوا علينا في يوم واحد البنات مالهم خلق قالوا منج يالابلة 00 صفج ضعيف! ونسفوا كل تعبج!
ابي افهم شغلة من حقراء التربية 00 لما اناقشهم ونقول لهم صفوفنا شطار وانتوا شفتوا هالشيء 00 ليش ماخذينا امتياز؟ قالوا لأ احنا نقيمج على ادائج !! مو شطارة صفج !!!!
واذا صار صفج في ذاك اليوم مو اكتف ومع انج بالحصة شاقة عمرج شق، قالوا لأ يا ابلة احنا انقيمج على صفج مو ادائج

الله ياخذج ياوزارة المقبرة
يعلني افتك من نار الجهنم اللي قاعدة فيها 00 وزارة مصخرة تافهة قليلة ادب واخلاق وجذابة ويسمونها تربية!
وعسى الله ياخذ موجهيني ورؤساء اقسامي المصارية وناظرتي اللي خسفوا بتقريري بالظلم
الله يبيلهم بعمرهم ان شالله مثل ما اقهروني وودوني العدان كذا مرة

 

[magnolia]

الله يعينكم

انزين بنات انا طالبة ميداني و هالكورس بتخرج تربية /انجلش

بس لا يحوشك كلش مو مفكرة اقدم على التربية

في مجال اقدوم لوظيفة ثانية او وزارة ثانية؟
و لا لازم تلابية كوني انا خريجة التربية

انزين انا مابي؟

 

[MisS^MesSY]

قوه, أنا صارلس سنه او نص أشتغل في مجال التدريس يصير أستقيل ولا لا بليز ردو علي

 

[usgirl]

رد : منو كانت مدرسه ...... واتركت التدريس ؟؟؟؟

اختي الاستقاله صعبه لانها تنرفض ليش ان على قولتهم نقص وتحويل اداري ممنوع خاصه على الانجليزي
انا رفيجتي ماتت على ما استقالت يابت واسطه عشان تستقيل
:cxxxp:

 

[MisS^MesSY]

بس مو بكيفهم مو غصب مابي أدرس

 

[دانة))))]

رد: رد : منو كانت مدرسه ...... واتركت التدريس ؟؟؟؟

اي نعم اللي متعبنا الاداراة

واهو السبب الرئيسي في ضيقة خلوقنا"""""""""""


خلف الله علينا مالقينا ادارة سنعة


والتوجيه بعد مايقصر
كلة تدريس تخبط بتخبط


الله يعين ويسهل علينا وعليكم

 

[اقلام]

اليوم استقلت من مهنة التدريس اللى ما صار لى 8 ايام مداومه هناك !!! حسيت نفسيتى زفت وضيقه في الصدر وكاني حامله ثقل على صدرى ..ما قدرت استحمله .. قلت في اليوم الاول بستحمل وبسكت .. وماقدرت ..قالوا لى بتتعودين لان اول اسبوع اصعب شى وبعدين بتنسين وبتعتادين ولكن ما يمر اليوم الا بصعوبه ونفسيتى تضعف .. قلت اذا استمريت بمرض لان اللى قاعدة اسويه غلط ان اضغط على نفسى .. واليوم اتصلت الى المدرسه وخبرتهم ان خلاص ما بستمر .. عاد هذه مدرسة خاصة .. وتعرفون المدارس الخاصه والكرف .. مومجبورة مثل الوزارة ان اتعب نفسيتى .. وخلنى الحق ارتاح على ما احصل وظيفه في التربية .. هذا اذا تعدل مزاجى لتدريس
وين التدريس سابقا ووين الحين .. كان حلمى سابقا ادرس باسلوب شيق لكن انصدمت من الواقع

ومثل ما قالت الاخت ليالى نجد "على فكرة اغلب اللي تعبوا من التدريس هم من النوعية اللي يخلصون في عملهم ومايحبون يقصرون في واجبهم ويحاولون ارضاء كل الاطراف لكن في عالم التدريس هيهااااات ترضين احد !!"

 

[نسمة هوا]

حبيبتي الاستقالة عادي وبأي وقت تقدرين اتقدمينها ومحد يقدر يعترض وأنا درست سنة ونص وبعدين قدمت استقالتي

 

[حنان العيون]

رد : منو كانت مدرسه ...... واتركت التدريس ؟؟؟؟

بناااااااااااااااااااااااااات ساعدوني

صااااااااااااااااااااير فيني احباط

من الدواااااام

اليوم بعد ما طلعت من الدوام قعدت بالسيارة بس ابجي

و الحين قاعدة اكتبلكم و الدموع بعيني

بس تعبن والله تعبت

احس اني عيزت قبل اواااااااااااااااااني

ما ادري شسوي

الاستقالة صعبه

المعاش ضروري

و الواسطات ولا بيزه

بحول ما يخلوني

وصلت للوزيرة و صكت الباب بويهي

ما ادري شسوي

احس انس بموووووووووووووووووووووووت

فيني اكتئاب مو طبيعي

فيني انهيار نفسي