منو كانت مدرسه ...... واتركت التدريس ؟؟؟؟

[MisS^MesSY]

حبيبتي الاستقالة عادي وبأي وقت تقدرين اتقدمينها ومحد يقدر يعترض وأنا درست سنة ونص وبعدين قدمت استقالتي

الله يطمنج بالخير حبوبه
واييد ناس خرعوني يقولولي لازم خبره سنتين على الأقل و من هالسوالف

 

[aallaall]

حبيباتي انا اول سنة لي بالعمل الاداري بعد ماكنت معلمة!!

قرار اتخذته بعد دراسه كبيره واستخاره والحمدلله رب العالمين كل ماقعدت الصبح احمد ربي على قراري اللي اتخذته

وعلشان الاسئله عن تحويلي بختصر لكم :
انا خدمتي 12 سنه وما دخلت اي واسطه بتحويلي بس اذا خدمتج فوق العشر سنوات يحولونج على طول الا اذا عندج تقرير ومجلس طبي يحولونج قبل العشر سنوات

للاسف اكتشفت اني كنت مستعبدة من قبل المديرات والوكيلات الظالمات الله لا يسامحهم!!

يابنات والله العظيم انصدمت من اللي شفته !! الشغل عاادي جدا وسهالات اذا مو اليوم فيه باجر باذن الله !!واستغرب من اللي حواليني يتذمرون ويشتكون من كثر الشغل وانا منصدمه من تذمرهم ؟؟!!! بلاهم ما شافوا الضيم اللي شفناه !!

ياالله كنت وين وصرت وييييين؟؟!! راحه نفسيه مابعدها راحه ولله الحمد والمنه

كنت متخوفه من قرار تحويلي واني راح اندم وناس كثيره وقفت ضدي ...بس اغلبهم وخاصة اهلي وزوجي وقفوا معاي وقالوا توكلي على الله
اذا على الكادر اشتري فيه راحة بالج ووقتج !! وفعلا ياناس الدنيا تغيرت والنفسية تغيرت وحتى تدريس عيالي تغير واصبحت الامور عندي سهالات لله الحمد

ايام التدريس كنت كثيرة التذمر واتحجج بضيق الوقت والنفسية الزفت لكل اللي حواليني واتعذر عن اغلب المناسبات !! بس الحين فعلا غيرررر .... اثاري الاعذار هذي كنت اتعذر فيها بسبب النفسيه الزفت والا كنت احاتي شغله طالبينها علي ومالي خلق شي !!

اللي بتحول تتوكل على الله وربي ماراح تتحسف لان بصراحه التدريس ما اصبح تدريس وفقد كل سمه حلوه فيه من وقفة الطابور الى جرس الهده...

على فكرة اغلب اللي تعبوا من التدريس هم من النوعية اللي يخلصون في عملهم ومايحبون يقصرون في واجبهم ويحاولون ارضاء كل الاطراف لكن في عالم التدريس هيهااااات ترضين احد !!

والله كلامج عدل الف بالمية

 

[ليتني مـآ كبرت]

رد : منو كانت مدرسه ...... واتركت التدريس ؟؟؟؟



واااااااااي بنات خوفتوني آنا باقي لي سنة تقريبا و أتوطف

من ألحين كرهت التدريس مابي مابي

لاحظت هالسنة حيل كثرانة الاستقالات اعرف جم وحدة استقالوا

و رفيجتي ساحبتها غياب من أول الكورس ..

الكل كارة هالمهنة .. مع اني والله دشيت الجامعة و ىنا حابتها ..

تكفووووووووووووون انقذوني انا تخصص اجتماع وين أقدر أقدم غير التربية؟؟؟؟؟؟؟

 

[اقلام]

ساندوني عاد .. ويش بتقول الناس عنى بعد الاستقاله .. بتقول ما استحملت والكل يستحمل وما تعودت ولا عطت نفسها فرصه
.. ولازم اول الشى تعب بعدين راحة .. بس اللى اشوفه ان نهايته اني بمرض
ردو على هل ارجع ويمكن يعتدل الوضع او انجوا بانفسكم

 

[عذوق]

انا وحدة بسمع كلام اختي هي صارلها 10 سنين بالتدريس

قالت لي تلاحقي على عمرج وصحتج وحياتج واذا بتتركين التدريس تركيه الحين لاتقولين بكره بيصير اسهل وافضل

لأن كل سنه طالعين بشي جديد وقاعد تصير اصعب واصعب والعقد تزيد

انا صارلي سنه وبهالسنه فكرت مليووون مره بالاستقاله او النقل لوزارة ثانية

وان شاءالله لو يجي ذاك اليوم اللي اكون فيه بوظيفة مريحة بمجرد خروجي من باب الدوام ماكو شي معاي ولا جنطه كتب او اكياس للبيت

وااااااااااااي احسن اني بسوي عزيمة وبعزم كل اهلنا وبسوي حفلة ورقص

الله يعين بس

 

[مي الصغيره]

لا اختي حنان العيون ذكري الله والله كلنا بالهوا سوا

 

[مي الصغيره]

شي تقولن انا ولدي مريض ومحتاجه الفلوس تعبت مثلج بس منو يحس والله اعرف وحده بغت تموت من قهر التدريس ومره تسولف عن الطب النفسي قالت انها سالت طبيب اهناك عن المرضى والا يقول لها اغلب مرضانا مدرسات
ومعانا ابله بالدوام تقول وصلت لمرحله كئابه حاده لي درجت ان وخروا عنها اعيالها لاتسوي فيهم شي يوتعالج بالسر عند طبيب نفسي

 

[مي الصغيره]

اييييييييييييي

اللي تخصصها اجتماع اختي انتوا اشوي اهون تربيه حياتيه على وطنيه سهالات
بس احنا انجليزي متنا من التحضير وغباء البنات وكميه الدفاتر و عمات عين
اظن ان الاجتماعات اخف بوااايد

 

[usgirl]

رد : منو كانت مدرسه ...... واتركت التدريس ؟؟؟؟

بنات اليوم رايحه الدوام ويايبه معاي وسائل تونس من بيتي


تدرون بعد التعب والتنطط بالصف الا وحده من البنات واهي تعلج تقول واااي سخااافه
عما بعينها مخليه ولدي معاه حراره ويايبه لكم وسائل منتوا كفوا
وتالي ادش على العلل اللي بعدهم الا لسانهم يلوط اذانهم مو باط جبدي الا البقر لي قاموا يستخدمون مبدأ (خذوهم بالصوت لا يغلبوكم) اهي بقره ومو فاهمه وقاعده تسولف واذا قلتي لها جاوبي تقول انتي ما تشرحين عدل انتي بسرعه بسرعه بعني لو كنت شارحه لها بتفهم قلت لها يا بقره هاذي تمارين من سادس مو مالت ثامن يعني هالشغلات مو صعبه عليج ي التيسه
بس انا ملاحظه البقر متخذين هالاسلوب من فتره
لما ما يعرفون شي يقولون ابله منج

 

[الحلمششش]

أقول على قولة اختنا كل شي يصير بالواسطة يعني هالقرار حق المساكين اللي ماعندهم واسطة

 

[aallaall]

خلاص ما ابي اعالج عند الطب النفسي

ابي الحق عمري واترك حزب نون النسرة يتخبط على كيفه في وزارة التفليس والتدمير العالي​

 

[تفااحة]

لا وحاسدينا على هالمعاااشات .................. انا وحدة قاعدة افكر بالاستقالة بس ياربي على ديون واقساط مادري شسوي احول ادارية يبيلها واااسطة وعلى فكرة انا مو تخصص تربية اخصائية وقدمت على رياااض اطفااال وكان يوم اسود الي قبلووني فية قعدت 5 سنين وكل سنة اقوول خلااص بس وتخلص السنة وماسويت شي .......... ياربي ليش كل شي بالواسطة .... تعبنا ...... لاتقولون ريااض اطفال وعادي لا واللة شابين علينا من ندخل الروضة لين نطلع والمشكلة مو بالاطفال المشكلة بالادارة والمشرفات والتوجيية الي مايترس عينهم شي قطع درسي غني رقصي اصرفي من معاشج زيني الصف اشتري وسائل امسكي نشاط ودي فرصة ودي مطعم سوي فعاااليات سوي دروووس ياويلج اذا الطفل صار فيه شي درسج مو حلو ابدعي اكرفي سوي رقصة سوي فقرة للتخرج سوي فقرة طول السنة دربي عليها سبحان اللة تصير فعالية يجينا ضيف انتي حااهزة ياابلة ........ متنا وياليت عاجبهم واللة الاطفال يهبلوون بس الموجهات الناظرات المشرفااات الي كل يوم رازة وجهها عندج يوميااااااااااااااااااا واذا مادشت لج جم يووم تمووت كأنها مسوية ذنب انا مادشيت لج ........ طول السنة كراف ... ياليت اكو شي وااضح منهج نمشي علية كتب شي يسوا ماااكو واللة يالمنهج الجديد الي يبوون يطبقونه انا وحدة خذيت الدورة منهج فااااشل حدة لا ويطبق مع الشعل القديم يعني بدال لا يخففون زادوا الشغل ولايصير الصف فية معلمتيين غط مو طبيعي .....هذا غير التنقل كل سنة من صف لصف مايمديج تأقلمتي مع الي معااج عرفتي شخصيتها والتعامل معاها السنة الي وراها مغيرين اي ليش العذاب النفسي وتقطين على الصف وتسنعينه وياليت نفعد فيية .................. رياا الاطفاااااااااااااال مصيبة والعيش فيها عذااااااااااااااب ..........


كااااااااااااااااااااااااااااافي ارحموووووووووووووووووونا

 

[اقلام]

بعد ما استقلت امس ..صادني ردة فعل عكسيه ..بدل ما ارتاح نفسيا شعرت بخيبه واحباط .. وكيف ان يومي في البيت والمدرسه شغل
شعرت اني احب التدريس ..بس للاسف استقلت من مدرسه خاصه ..قررت ان ارجع بيني وبين نفسى بس شتقول المدرسة عنى .. استقالت ويوم ثاني رجعت .. حدى محتارة .. المعاش زين والدوام مناسب والمكان قريب .. بس ما استحملت الضغط .. وعرفت انه هذا حال التدريس وحتى اعتاد عليه قبل قبولى في الوزارة يعنى كخبرة
هل يصير ارجع لهم بس ويش اقول .. يامعلمات عاد ردوا علي لا تخلوني في حيرة

 

[ايامنا الحلوة]

اقلام


لاتردين


تتحسفين

بس اذ كان الاداره عندكم حلوه ومريحه والطلاب مودبين

مادتج سهله

ردي

بس مدرسه البنين


انحاشي عنها

نصيحه

 

[usgirl]

رد : منو كانت مدرسه ...... واتركت التدريس ؟؟؟؟

ما ادري شا اقولج جربي نفسج بالحكومه
لا تخافين لو انج عاااهه:tongue22: ماراح يقولون لا يبون مدرسات على قولتهم نقص

وهاذا ويهي اذا ما استقلتي وفوقها بوسه

 

[tefany pearl]

انا خلاص نويت استقيل وأقدم اوراقي عالديوان من اول وجديد بس ابي اعرف صج لازم اقعد سنه كامله؟؟ منو استقالت وقدمت اوراقها عالديوان ياليت تفيدنا شلون الطريقه؟

 

[حنان العيون]

رد : منو كانت مدرسه ...... واتركت التدريس ؟؟؟؟

لا ما يحتاج سنة

انا اليوم سألت

قالوا عادي استقيلي

و قدمي اوراقج

بالكثير اذا طولتي يمكن 6 أشهر

 

[اقلام]

رد: رد : منو كانت مدرسه ...... واتركت التدريس ؟؟؟؟

اقلام


لاتردين


تتحسفين

بس اذ كان الاداره عندكم حلوه ومريحه والطلاب مودبين

مادتج سهله

ردي

بس مدرسه البنين


انحاشي عنها

نصيحه

شكرا ايامنا الحلوة

مدراستى خلط بنات واولاد ابتدائى .. واكثر ما يسبب لى الفوضى وعدم الضبط هم الاولاد
والادارة زينه بس صارمة جدا وخاصة المديرة شديدة ..عادى عندها تهزء الشخص بس ما صار لى معاها موقف
و مادتى سهله " دين "

ما ادري شا اقولج جربي نفسج بالحكومه
لا تخافين لو انج عاااهه:tongue22: ماراح يقولون لا يبون مدرسات على قولتهم نقص

وهاذا ويهي اذا ما استقلتي وفوقها بوسه

شكرا usgirl

قلت ولو اني استقلت بس صارت عندى خبرة ولو بسيطه في عالم التدريس ..علشان لو استقلت عندى مجال في الحكومه اراجع نفسى وما اتسرع
بس لا تفاولين علي واستقيل في الحكومه

 

[غرور وايل]

الله يعينكم ..,,

 

[tefany pearl]

رد: رد : منو كانت مدرسه ...... واتركت التدريس ؟؟؟؟

لا ما يحتاج سنة

انا اليوم سألت

قالوا عادي استقيلي

و قدمي اوراقج

بالكثير اذا طولتي يمكن 6 أشهر

حنون الله يبشرج بالخير والله صج ريحتيني بس منو بالضبط اللي قالج؟