من الـ 70 ـنات إلى الـ 60 ـينات ... اللي بتشارك حياها

[بـ سـ كـ وتـ ة]

عليج بألف عافية حبيبتي

أمس تريقت صمونتين مشكل

ما تغديت

تعشيت كباب

 

[بـ سـ كـ وتـ ة]

اليوم قمت من النوم حرارتي مرتفعة وبلعومي ملتهب

ما تريقت

تغديت فطيرة وحدة جبن وزعتر عشان أقدر آخذ المضاد الحيوي مع عصير أفوكادو

المشكلة المطبخ كله منظفات فما أقدر أدخل أطبخ لأن الحساسية راح تزيد

والعشا نص صمونة جبن

 

[angel a]

حبيبتي الف سلامه عليكي

انا اليوم فطرت كوب حليب + حفنه زبيب عشان فقر الدم الي صار عندي بعد سنه كامله من الدايت
تغديت طاجن بطاطس بالدجاج بس ما اكلت الدجاج اخذت بس بطاطس
مع سلطه ومن غير خبز

ولسه ماتعشيت
​

 

[بـ سـ كـ وتـ ة]

الله يسلمج حبيبتي

بالعافية وما تشوفين شر ... فقر الدم لاحقنا لاحقنا

الزبيب والفواكه المجففة والمكسرات صحية بس أهم شي الكمية

حفنة كمية مناسبة جدا وخصوصا الصبح في وقت تنهضم وتستفيد من طاقتها وجربي القراصيا بعد مفيدة وطعمها حلو

آنا مع المرض صاير أكلي قليل جدا وجبة وحدة في اليوم

بس مو حابة أوزن

بما إنج بادية رجيم من سنة جم كان وزنج في البداية؟

 

[angel a]

حبيبتي انا بديت الدايت من سنتين تقريبا
كان وزني فوق ال 97 ما كنت اوزن الصراحه بس اخر مره قبل الدايت وزنتو كان 97
وزدت كمان بعديها الله اعلم كم كان وزني
عملت دايت واستمريت تقريبا سنه او اقل شوي وصل وزني لل 62 وبعدها صرت اتهاون شوي بالاكل
صحيح ما صرت اكل مثل زمان بس ريحت شوي
وخصوصا برمضان الفات لحد ما صار وزني 70
طبعا هالشي قهرني كتير وحفزني انو ارجع مثل ما كنت زمان رشيقه
وعندي مشكله كمان انا جسمي من نوع الي يسمن بسرعه (((
.
كان فطوري اليوم كوب حليب + جبن + حفنه زبيب

الغدا اكباد دجاج وبس

 

[عاشقة الككاو]

هلا وغلا بأم فطووووم
انا معاااااااج وبقوة بعد
وترى كتبت لج رد شطوووله ف موضوعج الي طاف بس للاسف انمسح المنتدى كان فية مشكلة والله حيييييل زعلت ، قلت ليكون فكرت اني طنشتها بس لا والله انتي عزيزة وغالية ع قلبي
والله يخلي لج فطومي وابوها وتبشرنا قريب بنزول وزنج وبحملج مع بعض يارب ياكريم

انا ولدت الحمدلله ويبت عبدالله وجسمي صار يلوع الجبد صرت 74 من بعد ما كنت 60

كرشي مترهل وزنودي وفخوذي كبار وايد الكل يقولي صايرة بطة مو حلو عليج

بس باذن الله رح ابلش معاج صح ونبي التزام عدل والي يغش هو الي خسران اي وسجلت بنادي ع امل التزم بالرياضة
وان شالله يصير عندي وقت واقدر اروح لو ساعه وحده بس ،، واااااااااايد استانست لما شفت موضوعج يااغلى اخت وصديقة ..




سوري كتبت قصة حياتي وطولت

 

[عاشقة الككاو]

وزني الحالي 72
طولي 155
عمري 28
هدفي 60 او 55


بس مبدئيا اي ادش عالم الستينات

ربي يقدرنا ويساعدنا

 

[angel a]

حبيبتي منوره

امبارح العشا كان علبه تونه بالليمون

الفطور اليوم كوب حليب وكشمش
وبعدها بساعتين كوب لبن اكتيفيا

والغدا حيكون صحن فاصوليا

​

 

[angel a]

الغدا
صحن فاصوليا + بطاطس مشوييه

بعد المغرب اكلت كشمش بس كثرت :d

 

[angel a]

العشا 2 هوت دوج مسلوقين قطعتهم مع شوي زيت
وبيضه واحده


بعد العشا اكلت شوكولا​

 

[عاشقة الككاو]

هلا انجل
حلوو يومج بس لو تدخلي المشي او رياضة خفيفة يكون ممتاز




انا امس غداي رز مشخوول و3 سمكات ميد مشوي والسناك رز بحليب
والعشا توست اسمر وهوت جوكلت وحليب لايت و1 حبة كعك

 

[عاشقة الككاو]

ريوقي اليوم توست اسمر وجبن مثلث لابشكريم
وموزة وكورن فلكس العسل والفول السوداني والحمدلله


لما اجوع رح اشرب ماي

 

[بـ سـ كـ وتـ ة]

هلا وغلا بأم بدور

مبروك ما ياج يتربى بعزج ان شالله

أدري إنج رديتي حبيبتي قلتيلي ... وآنا بعد دزيتلج عالخاص ومرة دزيتلج مسج عالتلفون وبعدين اخترب تلفوني وراحت أرقامي هههه

حياج الله بتونسينا آنا وانجولة

اينجل عليج بالعافية حبيبتي وشطورة اللي قدرتي تنزلين هالوزن وان شالله هالمرة الإرادة أقوى تكون بعد

والكشمش أحسن شي تسوينه تاخين الكمية اللي تبينها وتروحين ما تطينه كله جدامج هههه

بس عموما بالعافية ترى الفاكهة المجففة تعتبر من حصص الفواكه بس عيبها سكرها وايد

ومن ناحيتي دايما أقول أكثر فواكه تفيد جسمي ولا آكل ككاو ما منه فايدة؟ عالأقل هذا مفيد

 

[بـ سـ كـ وتـ ة]

أمس خارج الحسبة لأن احتفلنا بميلاد ريلي

ما تريقت

تغدينا بآشاز خذيت راحتي خبز نان بالجبن والزبدة وسمبوسة وبرياني لحم وذقت برياني الربيان من ريلي

وكوب لبن ونص لتر ماي

هذا كله في المطعم (الله أكبر عليج يا أم فطوم)

بالليل كليت صمونة فاصوليا وبطاط بعدين لما رحت أنام تذكرت إنه موعد مضادي الحيوي ولازم آكل لأنه وايد قوي

وبنتي تبي تنام ومو راضية أسكر عليها الباب فما أقدر أسوي لي شي

اضطريت آكل شبس بالخل مع كوب ونص عصير

اليوم البداية الصح

 

[عاشقة الككاو]

الله يبارك فيج يالغالية ما قصرتي

وكل عام واهو بخير والله يخليكم لبعض يارب ولا يغير عليكم ان شالله


لا تكفين مانبي تخابيص
او ع قولتهم من كل بستان زهرة هههههه يعني جم قفشة من كل طبق



انا وايد يعت ف الدوام ف اكلت 2 بسكوت دايجستف مع شاي اخضر وبصبر لين موعد الغدا


الرضاعه قعد تيوعني وايد وللاسف مااشتهي الا الحالي يارب اقدر اكمل

 

[بـ سـ كـ وتـ ة]

القرقة:

الحمدلله صحتي وايد أحسن بس جسمي متكسر من المرض ومرهقة ورقبتي متشنجة ههههه

والشي الحلو إن اليوم آخر يوم بمضادي الحيوي الحين باخذ حبة وتبقى الحبة الأخيرة ما بغينا

قمت من الصبح بس ما كليت ولا شي ولا شربت ماي

حاطة في بالي أسوي داونلود حق جم فيديو رياضة عشان أشغلهم وأسوي معاهم

خطتي لمدة أسبوعين وتتمدد حسب التطورات:

تماريني راح تكون بشكل عام مشي وcardio وتمارين strength

وتمارين الكارديو تزيد نبضات القلب والدم يتحرك أسرع ويبدا الجسم يحتر ويحرق

غير إنها تحرق طاقة كبيرة وعقبها آنا شخصيا أحس بنشاط وأكون فخورة بنفسي

أما الـ strength فيكون باستخدام أثقال عشان تصقلين عضلاتج ولحد يخوفج من الأثقال

من تجربتي زنودي يمتنون بس مو كثر باجي مناطق الجسم لأني لما كنت صغيرة كنت أشيل أثقال الخفيفة مالت الحريم

والعضلة كل ما تصير أقوى تحرق دهون أكثر في كل وقت وتنسق شكل الجسم

عضلاتنا موجودة عشان نستخدمها ونستفيد منها مو نحطها في الكبت مع الملابس وننساها (حسيت نفسي مدرسة ههه)

وهذا مختصر تمارين هالأسبوعين ان شالله


راح أعتمد على هالـ 3 تمارين

1. تمرين حق الظهر: ظهري ولله الحمدلله من المناطق اللي محافظة على شكلها بجسمي فلازم أحافظ عليه
وهم أقويه لأنه دايما يعورني من بعد الحمل - مدة الفيديو جريب الـ 11 دقيقة


Get your SEXY BACK with this Fat Burning, Calorie Blasting, Body-Sculpting Workout by Tiffany Rothe

2. زومبا: هالفيديو أول تمرين زومبا سويته بحياتي بـ 2009 له مكانة خاصة عندي أستمتع وآنا أسويه مدته 9 دقايق وشوي

ZUMBA® Fitness!!!

3. زومبا: عرفته من العضوة غفران يزاها الله خير وحسيته يونس مدته 9 دقايق وشوي

4. وتمريني الأخير أثقال:

Fine Toning Arm Routine | Tone It Up Tuesdays
​

 

[بـ سـ كـ وتـ ة]

واليوم يوم يديد وعزيمة يديدة ان شالله

اليوم الأول

وزني 78 بالضبط بالبيجاماالتركواز (عشان أتذكر هههه)

ما تريقت

سويت رياضة التمارين اللي فوق كلها تقريبا 40 دقيقة

شربت بطلين صغار ماي

الغدا



الصورة مو راضية تطلع عندي ... مبينة عندكم؟ نزلت فايرفوكس وعفس لي الدنيا هههه

نص خبزة مع بيضتين عيون

حليب ككاو ما كنت مشتهيته بس الفارة بنتي شربت منه نتفة أمس وخلته

جزر وفجل صغار

 

[بـ سـ كـ وتـ ة]

الغدا : صمونة بيض (نص خبزة وبيضتين عيون) - نص أفوكادو - جزر وفجل

وكوب حليب ككاو وماي

العشا: العيش بطاسة صغيرة بس شكله وايد لأنه تناثر
4 حبات كباب مشوي
طاسة روب
بطل ماي

بعد العشا رديت حطيت لي جم قفشة عيش لأن مضادي الحيوي يخلي معدتي جنها تنعصر إذا ما كليت ويسوي طعم مر بالريج

الحمدلله بعد شوي باخذ آخر حبة

 

[عاشقة الككاو]

ماشالله يومج ممتاز
والصورة طالعه تشوق
بالعافية

انا ريوقي بان كيك 3 شرايح مع السيروب
وبيضه مفيوحه مع توست شريحتين محمش
وكوب حليب
والحمدلله


ادري دسم بس لانه بالغدا ما رح اكل عيش الا قفشتين فابي استانس

 

[بـ سـ كـ وتـ ة]

صباح الخير يا قمرات ههههه المود مصري اليوم

عشوق حبيبتي حق الرضاعة أحسن شي السوائل ... حطي حيلج في الماي والعصاير والشوربة وخصوصا شوربة الدياي والشوفان

واكلي لوز ومكسرات نية وإذا اشتهيتي حلو اكلي تمر أو كشمش أو أي فاكهة مجففة

بس المقدار استكانة وحدة بس أو حفنة لا تكثرين

بالعافية ماكليتي وأحس ريوقج مناسب حق وحدة توها والدة ... اشكثر صار لج؟ شهرين؟