من تجاربكم شنو الشي الي تسوينه وانتي مكتئبة ويغير مزاجج180درجه؟

[يازيين بختي]

وممكن فيه شغله ثانيه ممكن تسوينهاا بسيطه وسهله شووفي البوم صوركم لما كنتو صغاار تررى لااااااااااااااارادياااا راح تفطسين من الضحك لما تتذكرين وتشوفين الصور

 

[Ms. luxury]

طبعا أول شي غالبا أكون مكتأبة أول ماأقعد الصبح منزعجة من الحلوم وأفرغ بزوجي ويطلع حق الدوام معصب وأنا معصبة أكثر لأنه ماساحلني ولاعاملني كأنثى<<<<خوش أنثى...
أروح أصلي ركعتين الضحى وأسوي لي بيضة عيون حاااارة وداااااافية تعوضني عن الدفى اللي فاقدته من الصبح وأحشيها بصمون الهمبورجر اللي كيسه مبكر بأبيض وأخضر (بدون سمسم) مع مسحة مايونيز ودبل جبن سلايس وأعظ فيها لين تطفا حرتي ..
وإذا كنت متنرفزة بوقت غير الصبح أروح أتلزق بزوجي يمكن يعوضني إذا ماشفت عنده شي ولاحتى لمسة ولاتعبير ..طبعا ماكو غير هالصمونة العجيبة
وسلامتج وتعيشين

 

[Killer^Girl]

انا اذا ضايق خلقي
اقوم انظف البيت
وافجج الكبتات واسوي تصفيه حق الهدوم
واكت ديتول وماي واقعد امسح
وبعدين ارتب وابخر
واغسل اليهال
ونبدل كلنا
ويي وقت النوم لول

 

[شندوخه]

اناااااااااااااااام

 

[اللوحة الناقصة]

انا اذا نفسيتي اكس ،،، اطالع المسلسلات الكوميدية الي احبها واحسها تقلب نفسيتي 180 درجة

او اروح اتسوق هم احس لما اشتري شي يديد تتعدل نفسيتي شوي

او اجابل النت ​

 

[زوجة جوجي]

بصراحة

اشتري وانتي بكرامة جواتي

3او 4 يعدلون مزاجي حتى لو كانت نفسيتي بالارض

 

[جوك احلى جو]

اقري قرأن وادعيه
روحي كافيه غيري جو
دشي النت
اقري كتب منوعه عن تطوير الذات او مجلات منوعه
قعدي مع مجموعه سواء مع العايله او الصديقات يعني لاتقعدين بروحج عشان تبعدين عن نفسج الغلقه والاكتئاب

 

[..rain..]

الحل الفعال السوق

واذا ماكو مجال النوووووووووووووووووووم

 

[توت عنكبوت]

انااااااااااااااااااااااااااااااااام

او اتسبح واصلي واشغل قران

 

[رياان]

ههههههههههههههههههههههههههه

ان اقعد اهواااش وبعدين اطخ واستغفر >> صج حالهــ

يسلمووووو بس ابدا استرخي شوي توني بنوتهـ

 

[LA TROO7]

الرقص على اغنيه ويسألني مكانه وين مالت مريام فارس شيييييييييييي

 

[noorq8]

انا اذا ضايق خلقي
اقوم انظف البيت
وافجج الكبتات واسوي تصفيه حق الهدوم
واكت ديتول وماي واقعد امسح
وبعدين ارتب وابخر
واغسل اليهال
ونبدل كلنا
ويي وقت النوم لول

ههههههههههههههههه هذي أنا أسميها نظرية هد الحيييييييل لي صار مخي مشغول ومتكدره من شغله أطبق نظرية هد الحيلللللللللللللللللل أتم أنظف واشتغل وبالأخير دوش عشان أنام ماأفكر والصبح أصحى ناسيه ههههههههههههه

 

[SeNyOrA Q8eYa]

انا واحد من الاشياء اطبقها :
1_ اشغل فلم هندي واندمج
2_ احط اغنيه وارقص
3_ انشغل بخلطات للجسم
4_ اخذ شاور واطول فيه
5_ احط راسي وانام ولا يهمني شي :d

 

[جوري وبنفسج]

السلام عليكم

أنا أذا حايشني ملل وزهقة أغير الروتين وأطلع مع خواتي عزومة برا البيت لمطعمنا المفضل ساتشي :eh_s(15):

أو أروح أتسوق

بس أذا حايشتني غلقة وضيقة بصدري هذي عاد علاجها بسيط وسهل ووحدة بوحدة ومجرب آخذ قلاس ماي وأقرأ فيه الفاتحة 7 مرات والله من أشربه احس مثل الشيء البارد اللي يطفي نار الضيقة اللي بصدري والحمدلله ​

 

[غير الكل]

اروح الصالون و اقص شعري و اخر مرة قصيته بروحي وبعدين رحت الصالون وقصيته بوي قرعت

 

[يابختي]

انا دااااشة باستفيد..لان المزاااج دااون هالايام....

بس اذا ابي شي فوري..اسوي ريكي....

 

[bent_7awa]

انا اذا حسيت بضيقة لازم اول شي اصلي ركعتين وادعي ربي وعاد اول ما اخلص سلام على طووووووول >>> اسوي نفس اختيBURBEERRY انبش بداري وافتشها شبر شبر والاقي اشياء انا كنت مضيعتهم قبل واسوي جرد حق الكبت اللي ما ابيه اقطه واليديد ينحط مكانه او اني اقرا رواياااااااااات >>>>> مدمنة روايات
لدرجة المحاسب اللي بالمكتبة حفظ شكلي من كثر ما اروحلهم عشان اشتري روايات

 

[Lemon Juice]

والله هالملل وضيقة الخلق ماكو فكه منها

لازم يحوشني الملل باليوم .. يعني أطلع ولما أرد يرد الملل

بشكل عام اللي يخفف علي اشوي لما أطلع مع رفيجتي أو لما أطلع أقضي مشاويري ( الجمعيه , الصالون ...ألخ )

والنت والتلفزيون .. مع انه التلفزيون صاير إييب الهم زياده

عندج المشي بعد واااايـد يريّح .. شفتي الواجهه اللي بين المركز العلمي ومرينا مول .. هذي وايد حلوه خصوصا بين الساعه 4 - 6 المغرب

والأهم من هذا .. ذكري الله سبحانه [ ألا بذكر الله تطمئن القلوب ]

واقري قرآن ... ينشرح صدرج

 

[supermarket]

ادش النت او اطلع حتى لو اتمشى بالسيارة

 

[banoota_ad]

انا احب اسوووولف ويا اعز ربيعه عندي واطلع كل الي في قلبي ...واذا ربيعتي مشغوله اطلع الي في قلبي حق امي