من تجاربكم شنو الشي الي تسوينه وانتي مكتئبة ويغير مزاجج180درجه؟

[.]

استغفر واذكرالله واقرا او اسمع قران و اصلي ع النبي..

ومشكوره..

 

[ليمون معصورة]

انا اقولك الحل
دخلي غرفتك وبخريها بالعود وشغلي المسجل وارقصي
وبعدين العود ثبت علميا انه علاج لحالة الاكتئاب
وبعد الشوكولاه جربيها وادعي لي

 

[زينة الشرق]

كثرة الاستغفار والتسبيح والصلاة على النبي وعلى آل بيته الطاهرين مجرب 100%

وابتدعيلي

 

[^وجد قلبي^]

اشبك واكلم رفيجاتي بالمسنجر

ولا افتر بالمنتدى واضيع وقت

• 
  انا جذي بعد
  
  واشغل شعر بالاب مالي واسمع اشبك ..

 

[البرنسيسة غلا]

انسى ,, اضيع وقت ؟؟

استغفر والا اقرى قرآن وارتاح ...

 

[rawan22]

الاستغفار
و
لااله الا انت سبحانك اني كنت من الظالمين

 

[يبقى الوله]

دشي غرفتج
وطلعي نفنوف عرس
وشكلي اغاني
وارقصي هههههههههههه

وآجـد نسوويهآ ,,,

​

 

[منانا]

اي نسيت اقول شي اذا كنت حدي متضايقة اروح فوق راس امي وابجي لوول عشان تروح الضيقة

انتي تتضاايقيين تغثيين امج يالشرييره ههههه الله يخلييها لج صاااجه الام اهي الي تشييل الهم الله يخليينا امهااتنا يارب

 

[منانا]

اشبك واكلم رفيجاتي بالمسنجر

ولا افتر بالمنتدى واضيع وقت

يا حيالله الست المدييره نورتي موضووعي حبيبتي مشالله المنتدى ملاااذ للجمييع الله يعطييج العاافية انتي والعضواات المحترمااات جهوودكم تفييد الكل اكيد

 

[منانا]

أول شيئ أتوضى وأصلي وأقرا قرآن بسم الله الرحمن الرحيم (ومن أعرض عن ذكري فإن له معيشة ضنكا) وبعدين أطلع أتمشى على البحر أو أروح أتسوق أدلع نفسي أو أروح السينما و أشوف فيلم كوميدي و آكل كاكاو أو أيس كريم الدنيا ماا تسوى الواحد يزعل عشانها قبل لا صار عندي مشكله أو صارلي موقف أحتر وأحرق بنفسي لقيت الدنيا مومستاهله أبرد أعصابي وعلى قولتهم طنش تعش الواحد يقط ورا ظهره ولا يلتفت تعلمت ما أغلط على أحد ولا أحقد على أحد وأنام مرتاحه

تدرين لطوووفه انا بعد عقب ما اكتشفت ان فعلااا مافي شي يستااهل والدنيااا كل شي فيها يعدي وما يبقى غير وجه رب العاالمين فقمت لما اتعرض للموااقف الباايخه اردد كلمته طنش تعش حيااج الله

 

[منانا]

رووونه &&&& ليمون معصورة &&&& ما انسااك &&&& ليجاااال &&&& البرنسيسه غلااا &&&& رواان &&&& يبقى الوله




الله يعطييكم العاافيه وشااكرة مشااركاااتكم كلااامكم درر تسلمووون

 

[حفيدة عمر]

موضوع رائع
اولا اعتب على كل وحده تقول لما اكتئاب اشغل اغاني واشوف مسلسللات اقولها انك زدتي الطينه بله لان الاغاني تضيق الخلق صدقيني حتى لو وقتهها استانستي بس بعدها ساعتين ثلاث تحسيين بضيق ليش لانك عصيتي الله وانتي محتاجه ان الله يفرجها عليك صح
طيب نجي للحل الحل انك ترجعين لربك هو القادر على تغير نفسيتك اولا توضي واسبغي الوضوء كما كان يفعل الرسول صلى الله عليه وسلم
وقبل بدا الوضوء سمي لله واستششعري وانتي تتوضين انا الله يحبك لان الله يحب التوابين ويحب المتطهرين عاد هذه شعوره وحده يشعرك با السعاده وبعدها صلي لله ركعتين وقولي في سجودك ربي اشرحي صدري اكثر من مررره ومن قلبك والله ثم والله سيشرح الله لك صدرك وتشعري با السعاده بنات خلو في بالكم لا لا يمكن ان تغير نفسيتك بمعاصي الله وتفرحي تضنين انك حققتي السعاده لا والله بل ستصبحي في ظنك لان من اعرض عن ذكر للله فهو في ضيق وكرب
ويا ليت يا بنات ما احد يكتب اغاني لانك بهذه تجاهرين با المعصيه وفي الحديث في ما معنا كل امتى معافى الا المجاهرون وانتم يا بنات قاعدين تجاهرو وتقولو للبنات عشان لاتجي وحده وتسوي مثل ما سويتي وتكسبي اثم ولا تزرو وازره وزره اخرى

 

[هيبه فتاه]

هههههههههههه
النوم يقضي ع كل هذا لاصج احلى شي النوم وبلا شك الصلاه والتقرب من الرحمن

 

[منانا]

شاكرتلكم مرووركم العطر نورتووو الموضووع

 

[جاي الضحى]

وعليكم السلام؛

من كثر ما نتضايق طرقنا وايد. هههه.

إذا مكتئبه لأني متضايقه من أحد أقعد واكتب كل إلي بقلبي جني قاعدة أحاجي إلي مضايقني. << طرق المسالمين.

أو إذا كنت مفوره أمسك المخده واقمت حلجي وأصرخلي صرختين << طريقة إلي ما بيدهم حيله. هههه.

والطريقة الثالثه تدشين قسم المشاكل الاجتماعيه وتقرين هموم غيرج تنسين همومج أو تهون عليج همومج. والوردي (المنتدى) عموماً يسلي ولهيج عن إلي انتي فيه وطريقة سهله.

أما إذا حالة إكتئاب بدون سبب الركض أحلى علاج لي. بس إذا كنت بالكويت استبدل الركض بالمشي وإذا الجو لاهوب التمشي بالمولات يمكن يهون علي وسيتحسن أخلي البوك بالسياره لأن خطر مكتئبه واتسوق مو خوش فكره جيني إذا يوعانه و رحت الستور اشتري اغراض الجمعيه. هههه.

إيه وماني ناسيه إذا كنت بالديره بيت يدتي ما شاء الله ونيس؛ يدتي وخالاتي فيه البركه الله يخليهم. ​

 

[عالمة_جيولوجيا]

اول شي افكر فيه السفر واذا ماقدرت اسافر اقزرها طلعات مع امي الحبيبه ورفيجاتي واروح مساج و اموووت علي تسووق احاول اشتري اي شي يديد او اغير اي شي عندي تليفون كمبيوتر والله شكلي بالضيقه اليايه بغير سيارتي هههههههههههههههههههه

 

[ام العزيز]

انا صارلي ست شهور الاكتئاب شغال فيني لين وصلت حالتي وساوس وخوف وارق وحتى شقتي ما ادشها على طول فبيت اهلي وزوجي مسكين متشتت ادعولي يابنات ان الله يفرجها علي واعرف بالضبط شنو حالتي وتزول عنيالمخاوف والوساوس وارد بيتي

 

[مس ماك 1]

الاستغفار والتسبيح

 

[دااانوه]

خوووش موضوع

صراحه انا مافيه شي محدد

بس الشيء اللي اسويه بكل الحالات أبجي أبجي أبجي لييييييييين أطلع كل اللي بقلبي

هالشيء رسمي يعني

عقبه يا أما ادق على بنت عمي بس ما اقولها شصار يعني اسولف عادي عشان انسى

أو البس لي فستان زواج واتمكيج و ارقص << ماااكو شغل

اختي تخترع اذا دشت و لقـتـنـي كاشخه لوووولز

ساعات امسك دفتري واكتب اكتب كل اللي بخاطري واحيانا اشقه وساعات لا

و أحيانا افتر بالمنتدى واسولف عالمسن واذا روقت شوي دورت لي كاكاو اكله او طلبت لي عشاء


وساعات اناااام اذا كان فيني نوم .. انا وانا ابجي

واقوم وانا متكدره

بس يالله .. الله يعين

 

[^~^بنت البولندية ^~^]

وايد عاجبني الموضوع

منانا صج انتي مبدعة الصراحة

يلا بنات تجاربكم