من تجاربكم شنو الشي الي تسوينه وانتي مكتئبة ويغير مزاجج180درجه؟

[بنت الدلال]

اقعـد اسولف مسن وادش كويتيات


واقره نكت واقعد اضحك او ادز مسجات حق رفيجاتي ملل ملل يردون حده ههههه


او اصبغ اظافري واتسبح واسوي شعري يعني الهي نفسي

 

[Om_Ksha]

انا مكتئبه ومنقهره من هالمعرض الفاشل ابي انام مانى قادره مادري شلون اغير هالمود

 

[منانا]

بنت الدلااال


صاجه انا ساعات لما ادز مسجاات حق البناات واقرا ردوودهم حده ونااسه وضحك يغير الموود ههههه


ام كشه


مشالله الموضووع مترووس افكاار حلوة ونقي الاشااء الي ولا مره سويتيها يديده علييج

انا امس دشيت وكنت متضاايقة الفكره الي نااسبتني النووم لان كنت حدي متلييشه من تعب يوومين والحمدلله كل شي يعدي مافي شي يستمر لي الابد حتى ان طول وكل شي يبتدي صغير ويكبر الا الحزن والهم ينولدوون كبااار ويصغروون مع الوقت

الله يهدي بالنا كلنا يارب

 

[منانا]

لما اشووف بلاوي النااس واسمع مشااكلهم تهوون علي بلوتي واقول الحمدلله على كل حاال

 

[hello!]

اخذلي كولا وناتشوز مع جبنه سايحه و مع الكولا ثلج واشغل الدي في دي واندمج و ساعات لا حب وكيك وجاي واطالع مسلسل

وساعات اتمكيج واصبغ اضافري واكشخ بدون لا اكون ناويه اطلع بس جذي لووووول

بس والله ماكو على القران ساعات اقرى قران او اصليلي ركعتين

او اخذ الايبود واشغل فيه قران واروح انام وانا مشغله القران احس رااااااااااااحه مو طبيعيه

 

[منانا]

مشكوورة حبيبتي اثريتي الموضووع بمشااركتج


يعطيج العافيه

 

[منانا]

 

[ناعم العود305]

ما احب اطلع

اذا مكتئبه اقرا قرآن لما ينشرح صدري

 

[حبنا الله عليه]

اصلي لي ركعتين

والإستغفار

وأتسلى بالمجلات والنت والحمدلله

 

[^~^بنت البولندية ^~^]

اذا اكتابت و زعلت

ادش الحمام و اتو الكرامة و اخذ ذاك الدوش الحااااار و اخليه يصب حيييل على راسي لمن اخدر و اطلع

عقبها ساعات انام او اصلي و اقرى دعاء و سورة يس ارتااااااااح

او اروح السوووووق سوق بو امية متعتي صج وناسة اشتري بالهبل

او اروح اشتريلي ملابس حق الدوام من المجمعات و بعدها اطلب لي وجبة و ارد البيت و ادبها ولو ان لمن ازعل ما اشتهي الاكل

او اسويلي نسكافيه او اروح انا و رفيجتي العزيزة الكافيه ستاربكس و ندرجش و نسووولف لان ريحة القهوة ما ادري ليش تعدل مزاجي

او اروح الصالون اسوي بديكير منيكير مع مساج ريلاكس اسوولي و ادمع عيوني


ماكو فايدة

او اتفخ راس اختي بالحنة

او اطالع كرتون قديم كنت احبه ااو اي فلم ديفيدي

 

[منانا]

ناعم العود & حبنا الله عليه & بنت البولندية


شكرا على مروركم الطيب اثريتو الموضووع

 

[دانة الكون]

والله والله اذا كان ضايق خلقي والهم كله فوق راسي ادخل هل المنتدى الرووووعة وارتااح واشكي لكم همومي واسمع الردود ارتاح
ارووح البحر اقعد بيني وبين نفسي افكر بعمق ارتااح
اصلي ارتااح

 

[أم سالـمـين]

اتسبح

واحيانا المنتدى

واذا كلش صاكه فيني ابدل ملابسي واطلع واطول عالاغاني ادش جوو

واروح اتعشى او اشرب عصير وارد المزاج متعدل

 

[منانا]

اي والله وانتو صااجين المنتدى مشالله له دوور بتخفيف همومنا الله يجعله من الاعلى للاعلى

 

[منانا]

 

[tyraa]

اكلم اعز اصدقائى و اشكى همى

 

[ĎєνiL.ĞιRL]

❤❤

❤❤



النوم !

ينسيج كل الهموم !

تنامين وتقومين ناسيه كل همومج وكئابتج تتبدل حق نشاط وانتعاش !

 

[^_^ حوراء ^_^]

ابجي ..


^_________^

 

[بنت العشرين]

اذاااااااااااا وااااااااصل الاكتئاااااااب حده ابجييييييييييييي بجييييييييييي وارتااح عقبها

اقرا قرآن يريح بالي ويشرح صدري سبحان الله

او اقووووم اتسبح واتكشخ والبس كأني بطلع واطالع التي في..... حتى امي تشوفني لابسة ملابس الطلعة عبالها بطلع هههههههههه

ساعااااات ارووووح االصالون اسوي شعري يا اقصه او اسشوره او اسوي منكير وبدكير يغير من مزااجي

اووو ارووح السووق اتسوق

او ارووح بيت خالتي او اطلع مع رفيجاتي

او اقعد ادز مسجات لرفيجاتي الي من زماان ما شفتهم.. ويردون علييييي استااااااااااانس ويتعدل مزاجي

 

[غلا حبيبها]

انا اطلع ويا رفيجاتي او امي واستانس وااايد