من تزوجت رفيجاتي خلوني !!!

[ايمانو حلوة]

tmtmt
في صديقات اي تعذرينهم لان يمرون بظروف وتدرين النيا تلاهي بس اللي تقطع عنج فجاة ومن غير سبب هذي شي ثاني


اوبرا
ياختج دايما العشرة تبين الانسان على حقيقته ومعاج حق الناس اللي مثل نوعهم ماتتحسفين عليهم ابد

 

[ايمانو حلوة]

ام شووووق
الله يخليلج صدييقتج وعسى الله لايفرقكم يااااارب انا عندي صديقة جذي مثل اختي واكثر والباجي مومهميييييين

 

[opera]

رد : من تزوجت رفيجاتي خلوني !!!

ايمانو فتحتي موضوع مهم للنقاش و مقهوره منه وايد :\

 

[eman84]

انا وايد تغيروا رفييجاتي بالذات البنات
خو مايصير اجابلكم 24 ساعه مثل اول طلعات وتلفونات و غيره الحين عندي بيت و ريل و اعيال ! يعني اكيد صار وقتي مايكفي
بس الرفيجة الصجيه اللي تقدر ظروفي واكو نوع من صجج !! شهالريل !! لي متى صاك عليج!! واي الله يعينج
انا اللي اسمع منها هالكلمات انا اسحب عليها

 

[ايمانو حلوة]

اوووبراانا مثلج والله باطيين جبدي تتعاملين مع الناس بنية صافية وهم نيتهم قشرة واطباعهم غريييييييبة

قووووووولي اللي بقلبج حبي لاتخشييييييين

 

[ايمانو حلوة]

eman84

مو قادرين يفهمون بعض هالبنات ان الوحدة لمن تتزوج تتغير حياتها ماتدري ان شووورها مو بيدها يعني ختحط نفسها مكانج اكيد بترد عليج بنفس كلامج بس في ناس يقطوون الحجي ويمشووون بلا مبالاة ولا اهتمام لمشاعر غيرها

 

[opera]

رد : من تزوجت رفيجاتي خلوني !!!

شقول حبيبتي شخلي

للاسف اتحسر على ايامي الي ضيعتها معاهم مو عليهم لا على عمري اللي راح وانا احسبهم خوات .. بس الحقيقه بانت متأخره وااايد

 

[ام علي84]

شوفي تبين الصج ,,, انا وحدة لمن تزوجت قطعت علاقتي مع البنات مو قصدي استحقر ولا مابي اتواصل معاهم بس يااااااربي ماااااااكو وقت تسويييين شي واهي تبي تقعد تتشره عليج وعبالها انتي فاااااااضية ومزاج ,, وتتغلى وانا بلووووية الله يعلمها فقلت ما ارد على احد لانة كل ما ارد تشرهو وقطو حجي يعور القلب ويسكرونة انزين شسوي اشق روحي يعني ,,, عاد الحين بعد مرور الاعوام حسيت فيها لمن شفت محد يسأل وعرفت اضبط اموري وارتبها شفت عندي مجال بس لمن ادق عليهم يقولون لي وينج من زمان وووالخ
وادري انه الي سويتة غلط بس شنسوي :/ الله كريم والله بيعوضج باحسن منهم صدقيني ^_^

 

[Tom ♥ Jerry]

,.


هذول مو رفيجآت حياتي
الله يعوضج بآحسن منهم ..

 

[ايمانو حلوة]

اوبرا
الله يعوصج باحسن منهم حياتي خيولووووووون ولاتهتهميين موكفووو والله


ام علي
اللي سويتيه بالبداية انج قطعتي عنهم مو حلوو على القل مسجااات اتصال بالشهر مرة ترى كللنا عندنا مسؤولياااات ماتخلص بس الوحدة منا ترى تحتاج يكون عندها صديقة حتى لو وحدة تسولفون تشكون حق بعض وكل وحدة تصير ستر وغطى على الثانية لان ترة مو كلشي نقددر نقوله حق اهلنا وخواتنا عرفتي

ويالله شي حلو انج رديتي لهم وانشالله ترد علاقتكم حلوة مثل قبل واحسن بعد

 

[عــود كمــبودي]

اصلاا ماعاااااااااااد فيه شي اسمه صداقه

 

[أم الغاااالية]

اي صارت معاي رفيجتي من تزوجت علي بالها خلاص ملكت العالم مدري منو ماخذه اقطعت علاقتها فينا <<<خايف علي متعوس الرجا زوجها واااااااعو صراحه


يسلمووووو انا رايي احقريهم مثل ماحقروج

 

[sweet december]

رد : من تزوجت رفيجاتي خلوني !!!

ايمانو شوفي قلبي

رفيجتي وحده كنت احسها ماكو منها بالدنيا واكثر من اختي الي يابتها امي بس اهي اكبر مني ب 4 سنين يعني الحين عمرها 29 وما تزوجت ومن تزوجت واهي كله تدق تقولي جقري ريلج لا تسمعين كلامخ قوليله انا بطلع ليل نهار مادري شنو واقولها والله ريلي مو حاكرني والمشكله اهي تعرفه لانه قبل لا نتزوج جم مره شافته معاي وانا وريتها اياه

قبل سنه تقريباااا لما حملت بولدي الثاني تقولي بسج يهال عالعلم انا ماكان عندي الا واحد ومادري شنو وبعدين قالتلي ترا انا بسوي العمليه الي بلندن بخش بويضاتي اخاف ما اتزوج وبعدين بييب عيال شلون

قتلها اوكي انا اساعدج

وبعدها بفتره راااااااااااااحت واختفت وردت انا ولدت ودزيتلها مسج ودقيت عليها ولا ترد

ودقيت لاخر مره ولا تلكمني بنفسيه وتقولي انتي وانتي وانتي وانا ماسويت شي

حسيت انها تغار مني مادري ليش والله اول مره احس بهالاحساس تجاهااا

وقتلها سمعي يا بنت الناس انا عازمتج عالعشا

وفعلا عزمتها وطلعنا انا وياها

عقب ما كلينا وخلصنا

قتلها فلانه اناا اذيتج ضريتج قصرت معاج بشي

ولا تقولي لا

قتلها خلاص مثل ما ابتدينا بالمعروف نطلع بالمعروف

ولا تقولي ليش قتلها بس جذي انا ما احب الوحده الي تلف وتدور وانتي وايد تلفين وتدوين


وانا هذا طبعي لو بقطع علاقه مع اي شخص بحياتي اعزمه عالعشا واقوله الي بخاطري عشان اخر طلعه تكون حلوه وتتذكرها طول العمر

جني قلت قصه حياتي


بس والله حسافه

كنت وايد احبها احترمهااا بس ليش الرياييل ماعندهم هالشي

بس احنا الحريم الغيره ذابحتنااا


اففففففففففففففف صج حريم

 

[غنج الكون]

رد : من تزوجت رفيجاتي خلوني !!!

يمكن غيره انا وحده من رفيجاتي احبها واعزها سوت فيني مقلب بعد ماملكت دزتلي واحد يزعجني كل يوم رسايل وكالمات لا ويعرف اسمي بس الحمد لله اخذت حقي حسبي الله عليها الغيره وعمايلها

 

[ايمانو حلوة]

سويتوووو
اي والله حرييييييييييييييييم اطباعهم غرييييييييبة وانا اقول الرييل مزاج والله الحريم العن انا عندي خالتي جذي كلشي بمزاجها تدق بمزاجها تييج بمزاجها تتواصل معاج بمزاجها بس شسوي اقول خالتي ولها وقفات وياي مع اني معاها مو مثل اول بس اجاملها فقط لاغير وانشالله ربي يعوض عليج بصديقة سنعة تقدر شي اسمه صداقة


غنج
الله يبعد عنج شرها ناس ماتستحي

 

[opera]

رد : من تزوجت رفيجاتي خلوني !!!

مارياج نفس اللي صار معاي بعد ماتزوجت قامو يقولون انتي وانتي وانتي .. هذا واهم متزوجين قبلي

بس خلي الغيره تحرق قلوووبهم ..


واصلا بعد الكلام اللي سمعته منهم زادت ثقتي بنفسي وحسيت اني احسن منهم بوايد اشياء وقمت احمد ربي عالريل اللي عندي .. وخلوني اشوف شي انا كنت غافله عنه


بس يا ايمانو راحت احلى ايام العمر منين نييب صديقه صدوقه الحين !! شيبنا لوووووووول

 

[G!RLooNa]

اكو متزوجه اهيا اللي تهد رفيجاتها عقب ما تتزوج

يا انها خايفه منهم على ريلها ولا ريلها ما يخليها تروح وتيي ويا رفيجاتها يعني لا تظلمون البنت قبل ما تتاكدون

بس اللي يقطعونج عقب ما انتي تزوجتي و اهما حياتهم ماتغيرت لا ريل و عادي يطلعون وجذي هذول معقدين صراحه و بالطقاق اللي يطقهم اللي ما يبينا ما نبيه وبدال الرفيجه 10 غيرها

 

[ايمانو حلوة]

اوبرا

افا عليييييييييج انا والبنوتات الحلوييييييين الطيبين اللي هني كللللنا صديقاتج وخواتج
ولو

لو خليت خربت وانا اختج

 

[ايمانو حلوة]

جيرلووونا
صح في العكس وهم وااااايد بعد ومثل مايقولون اللي يشتريني اشتريه واللي يبيعني ابيعه

 

[سبسيال]

رد : من تزوجت رفيجاتي خلوني !!!

والله وايد اسمع مثل جذي .. لكن انقهررر حيييل :eh_s(2): .. ان شاءالله ماتصير ويا رفيجااتي ابد
والله يكون بعونج ويصلح أحوالكم وتردون مثل قبل ..

وحياتكم

.. حبووبه بغيت انبهج مايجوز اتحلفين بغير الله الله يسعدج غلاتي ...