من تـــزوجت فــعز دراســـتها الجــــامعيه ... ؟؟

[خياله2]

جبتيها على الجرح انا سنه ثانيه انجليزى وعرسي بيحددونه هاليومين فاربج يعين واكيد اهوا على حسب الاراده وعلى حسب ابوالشباب من النوع الي يساعد ولا مطنش دراستج ...وشوكرن لج

 

[dream_q8]

موضوعج يعتمد علي شيئين من بعد توفيق رب العالمين
-انتي واصرارج
-وتفهم زوجج لوضعج
وشوفي لا زم تعرفين انها موبسهوله لما تكونين بنت ومومسؤوله عن احد اومرتبطه
فشوفي وضعج واحكمي وماشاء الله البنات ماقصروا بافكار تنظيم الوقت
والله يكتب لج الخير

 

[Q8Ya GiRL]

عادي ماله شغل
انا متزوجه وادرس
بس ساعات اكشت بالدراسه حتى لو عندي امتحان
يعني لما زوجي يكون بالبيت اقعد معاه واكشت بالامتحان لووووول
اهم شي الوحده تكون خلصت الثانويه
يعني بالجامعه اوكي بس صعبه قبل
بس اللي تدرس طب ولا هندسه الله يعينها

 

[برنسس كاتي]

يعتمد على شخصيتج وقدرتج وبعد كيف الزووج اذا يساعد او ما يساعد ويشجع او لا
اعرف اكثر من وحده تزوجوا في الجامعه وجابوا عيال ، من ناحية المعدل لا بالعكس معدلهم مرره زين
بس المشكلة انه عيالهم يعني دايم يا عند اهلهم او مع الخدامة لانه دايم في الدوام ولمن يردون تعبانين ووراهم دراسه
فانا من رايي عادي الوحده تتزوج في الجامعة ولكن تحاول تأجل موضوع العيال لانه رح تتعب كثير وحرام ما رح تعطيهم حقهم
لانه دايم رح يكونون مع ناس غيرج وهذا الي صار مع كل الي اعرفهم تزوجوا وحملو يعني اذكر ولد بنت عمتي
مسكين كل ما شاف ريال قال له بابا مو عارف اي واحد ابوه لانه دايم مع جدته !
طبعا التوفيق اهم شي يعني نظمي جدولج مع ريلج انه متى يكون موجود تقعدين معاه ولمن يطلع وجذي تقعدين تدرسين
بس بعد يعني انا احس حلو الوحده تتزوج بعد الجامعة عشان تكون ناضجه ومتفرغه للدراسة او على الاقل في اخر سنوات الجامعه

 

[سكـــرهـ]

انا متزوجه وادرس هو تعب صح بس والله انا معدلي ارتفع
والحمال انتي اخريه لمن تتخرجين
والزوج ترا يساعد اذا يحب الدرسه بس انتي مو تنسين نفسك وتهملين لا شدي اهم شي الوضيفه

 

[دهورتني يازين]

انا تزوجت بأخر سنه ثنوويه وانا قدم امتحانات الفاينل ,,

الحمدلله يشجعني على الدراسسه ..​

 

[مولاي الفرج]

عيل يبيله وحده تكتب لنا شلون ترتب وقتها عشان اللي بيتزوجون واهما يدرسون يسوون مثلها

يالله بنات منو تتطوع ههه

 

[سموى88]

حياتي الله يعينج انا توني متخرجه وايد طلعة روحي لان حملة ولدت انصحج لما تتخرجين حملي لان الوضع هلاك

 

[~Unreachable]

انا ملجت الكورس الثاني سنه رابعه

والصراحه وايد تعبت .. مو شويه

معنها فترة ملجه يعني لي الحين مارحت عنده

بس الحمدلله تخرجت وافتكيت ..

و من السلبيات ..

ماكو وقت حق الطلعات و الوناسه

24 ساعه دراسه و امتحانات

و اضطرينا نطول فترة الملجه 7 شهور

واللي خفف علي الوضع انه اهوه يدرس معاي .. ماحسيت بالضغط بروحي

وكنا متفهمين الوضع

 

[مناير البيت]

انا تزوجت وانا أدرس وللحين ادرس
تعب .. تعب مو طبيعي بس الحلو اني ادرس بجامعه خاصه ووقتي ملكي صج الدراسه متعبه خصوصا 70% من الدراسة علي
لان نظام الجامعه جذي ..
هو اللي اقترحها علي وصراحه مادري شلون وافقته عليه:bbbiu:
كنت مغيبه وقتها :eh_s(2):
بس هو يساعدني ومايقصر وااذا شافني ادرس شجعني ..
​

 

[ريحْ المَطرْ]

ان ان شاءالله راح اتزوج وأكون سنه ثالثه
عسى الله يقدرني واوفق بين الدراسه والزواج

 

[شـيـخــهـ الزيـنـاتــــ }..]

اعتقد الزواج بكون حافز لج للنجاح والتفوق لعده اسباب منها :

1- كون عندج ريل وبيت ومسؤوليه راح تنظمين وقتج اكثر وماراح تعيشين حياة العشوائيه والدلع اللي في بيت اهلج

لانج بتنتهزين اي فرصه يطلع فيها ريلج عشان تدرسين .

2- بتخففين طلعات الرفيجات والسوقه والمطاعم لانه عاده بداية الزواج الريل مايخليج تطلعين مع رفيجاتج كل وقت .

3- نفسيتج بتكون مستقرة لانه الزواج استقرار , و بتحسين بثقه وبمسؤليه تجاه شريك حياتج .

على فكرة كلامي هذا عن تجربتي انا لاتي تزوجت وانا طالبه .

هذا الكلام اللي يجمد على الشارب :rerrerek:

 

[أنهار الورد]

انا متزوجة ولازلت ادرس يعتمد على تنظيم الوقت حبيبتي
وفيه كثير بنات تزوجوا وكملوا دراسة ما اعتبره عائق

 

[جناويه]

هلا حبيبتي انا بالنسبه لي اثر علي الزواج تزوجت سنه ثالثه قبل الامتحانات باسبوع واخذت ماده بعد ماكنت انجح بدون مواد للاسف على الرغم ان زوجي مساعدني بس راح تلاقين تغيرات من كل الجهات يعني صرتي مسؤله عن زوج وصار عندج حموله وزيارات لاهلج في النهايه نظمي وقتج وعطي كل واحد حقه والله يوفقج ان شاء الله

 

[لمسة حنية]

انا عن نفسي تزوجت في سنة ثالثة وبالبداية كنت خايفة اني مااكمل بس الحمدلله زوجي كان مصر اني اكمل مانكر واجهت صعوبات وواجد وتعب لاني حملت بسرررعه بس الحمدلله رب العالمين عدى الترم ونجحت في كل المواد وتخرجت وانا الحين موظفه لله الحمد والمنة صدقيني حبيبتي اصرارج وطموحج بالاضافة الا تفهم الزوج ومراعاته راح يخلونج توصلين للي تبينه وبالعكس ماعمري استمتعت بالدراسه كثر مااستمتعت فيها وانا متزوجه تدرين ليش؟؟ لاني كنت ابي انجح واجيب درجات ارويها زوجي واقوله شوفني شلون انا شاطره ههههه وعاد هني يصير محد قدج كل اللي تبينه يجيج
الله يوفقج يارب وتوصلين للي تبينه

 

[قلبهـ 86]

الصراحه على شخصيه البنت وترتيبها للوقت وشغلها

 

[Stylista_Q8]

اهوا صعب اكيد بس هم على حسب انتي اي كليه وين تدرسين؟؟

كليات اللي يدرسون حق الامتحان بيوم الامتحان و ماشيه الحياه ماتوقع ياثر وايد لان اساسا ما عندهم دراسه بس كليات الطحاس و الكراف صج يبيلج قلب ما يتعب *

معآهآ . .

على حسب تخصصج وشخصيتج

وصعب تأجلين مسألة الحمل 3 سنين جدآم . . فهالشي لازم تفكرين فيه عدل

والله يوفقج ان شالله

 

[سميه الحلوه :)]

أنا اشوف انه علي حس البنت بس الي قاعده اشوفه اغلبهم ما كملوا

عن نفسي احس اني ما اقدر على الزواج والدراسه .

الله يوفقج ان شاء الله

 

[It'S Me]

انا تزوجت وانا ادرس كان باقيلي سنه ونص و اتخرج بس لما تزوجت حملت و يبت بنتي فتأخرت و بدال السنه و نص صارت سنتين بفترة حماليي كانت نساتي جايده فعشان جذي بالكورس كنت اخذ مادتييين بس و بالغصب اداوم عشان جذي نزل معدلي بس عقب ماولدت ولدت بشهر 6 فماخذيت صيفي رديت ضغطت على نفسي و درست ارتفع معدلي بس مو وايد لانه تدرين انه اخر سنه ينزل وايد بس بالغصب يرتفع و بس يعني ترى مافيها شي الوحده تتزوج و تحمل و تدرس انا كانو معاي بنات عندهم يهال بالابتدائي يكملون دراسه بدال الدبلوم بالعكس احس الزواج يشجعج انج تكملين و تخلصين خصوصا اذا زوجج يبيج تكمليييين و تكونين جامعيه و عندج شهاده

 

[حبيبي مالكني]

شوفي كل شي يعتمد على الريال
اذا بساعدج اكيد بتقدرين توازنين بين الدراسه والزواج
اما اذا كان من النوع الي ما يساعد
صج صج الله يعينج يتضوقين الويل
انا الحمدالله ريلي وقف معاي بدراستي ولولاه ما كنت بقدر ادرس ولا اخلص انخطبت قبل لا ادخل الجامعة وتزوجت بعد كورس واحد
وحملت وولدت الحمدالله مرتين
يعني بعد فضل الله ريلي هو سبب تخرجي
وما انسى هلي الي كانو ا ايودون عيالي لما روح الجامعة
وتخرجت من الجامعة بإمتياز مع مرتبة الشرف الاولى