من شقه بروحنا لي.... بيت اهله!!

[ساااارونه]

راحة البال تنشرى بفلوس الدنيا كلها

 

[j r o 7]

نصيحه يابنت الناس خليج ابيت بروحج والله باجر تقولين ياليتني ماطلعت من بيتي والوحده بيتها احسن لها
بالنسبه لي اهله طيبين بس والله ليومج هذا وانا الوم نفسي شحقه اطلع من شقتي واروح عند اهه ومصارين البطن تتعارك نفس مايقولون المصريين شلون انتي وهم ابيت واحد والحين تقولين طيبين لما تسكنين معاهم تتندمين قد شعر راسج البنت مالها غير تكون حره مع ريلها وانتي وراحتج

 

[شاربة بيبسي ومدلعة نفسي]

آآآآآآآآآآآآآآآآآآآآآآه حدي تحسفت اني تركت شقتي وسكنت عند اهل ريلي
معنهم كلش مالهم شغل فيني بس والله اشحلاتي لمن كنت بروحي
رووح بعيد وتعال سالم

 

[أنهار الورد]

اشتري راحة بالج حتى لو بإيجار

فكري اكثر وقرري

 

[ورده الكرستال]

حبيبتي عوديهم على نظامج



ولا تحتكين فيهم واجد





والله يسهل اموركم

 

[خزامى]

شوفي حبيبتي,,
الاستقلاليه حلوه بكل اختصار

 

[njoom1]

حبيبتي اذا على قولتج دور كامل وحلو كبير روحي عندهم ليش لأ
وصج وفروا فلوس الاجر حق شي ثاني ينفعكم
اول روحي شوفيه اذا اعجبج المكان توكلوا على الله حبيبتي

 

[amoon]

الله يرزقني بالمسكن الخاص ويوسع علي يارب

 

[PuPa^^SWeeT]

والله حبيبتي كيفج

هذي شغلة ماتسمعين فيها اراءنا و تاخذينا


انتي شوفي اموركم و ظروفكم اللي حدتكم تبون تسكنون عندهم


اذا حسيتي انه ظروفكم ولا الايجار غالي

روحي سكني بس خليج عادية بسيطة بس رسمية

يعني نزلي شوي و صعدي و خليج على نظامج قبل طباخج عندج و شغلج عندج غسيلج عندج

وبس جذي


بس انه علشان مايقولوون شايلة نفسها لما تنزلين نزلي معاج شي حلو ولا كاكاو ولا اي شي و قدمييه

و صعدي بعد ساعة ساعتين



بس ارد و اقوول انتي ابخص بحالج

 

[سيلينا]

انا اقول سكني في بيت اهله والوحده اهي الي تحط حد للناس

مرت حماج اهي الي تبي تقعد 24 ساعه وهي الي فاتحه مجال انهم يغلطون عليها

انتي اتبعي نفس سياستج وانتي بشقه بروحج خصصي وقت تنزلين لهم ولي مريتي سلمي وخلي سلامج حلوو

انا ساكنه عند حمولتي بس انا طبعي ما احب 24 ساعه قاعده معاهم مع ان والنعم فيهم بس انا احب اقعد بروحي

احب اقضي وقتي مع زوجي وهذا الي صاير كاني بشقه بروحي مع اني ادخل واطلع عليهم من غير لا اشوف منهم شي يزعجني

وعيالي انا الي حاكمتهم اكيد بوقت بتحسين انج مو مسيطره علي الوضع بس شووي وتعدلين احساباتج وتعيشين حياتج بالطريقه الي تعجبج

 

[حشمه]

سكني عندهم وخشي فلوس الاجار

واما عن تدخلاتهم انتي وريلج اتفقو

وانتي قلتيها مرت حماج سامحه لهم

انتي غير لج نظامج وطريقتج وساعه نومج

لاتحاتين عوديهم على طريقتج ومع الوقت بيصير عادي

 

[آوص ياجرحي سكوت]

والله انا من رايي خلك بعيد وحبك يزيد

 

[الأماكن]

خليك بعيد تصير حبيب

انتي مستصعبة السالفة لإنج من تزوجتي و انتي بعيدة عنهم ...

بس انتي قلتي ان لج شقة بروحج و مخرج بروحج ... نقطة زينة و احسن

و دام ماكو الا عمج و خالتج ...و مو شرط لازم تصيرين مثل مرت حماج ... كل وحدة و شخصيتها عرفتي

ترا السكن في بيت الحموله له سلبياته و ايجابياته

حاولي انج تاخذين الامور ببساطة و بصدر رحب ... أكيد كل بيت لازم يصير فيه سوء تفاهم عاااادي في كل بيت حتى بيت أهلج


هم الاجار يكون بجيبكم ... راح توفروون حيل بالميزانية

و موفقة

 

[~{Danon}~]

خلج بعيده احسن ,,, كافي الخصوصية

 

[ليان]

شوفي رجلج شنو يقول ولا تعارضين

واذا سكنتي عندهم مالج شغل الا بزوجج

والكلمه الطيب للعود والعجوز

والباقي لاحق ولا باطل

وانتي بتفلحين​

 

[-Bello-]

قعدي بالشقه احسلج

 

[aṕriliå]

قعدي بالشقة واشتري راحتج

 

[بيتي بوب بس كويتيه]

عادي أنا ساكنه بيت حمولتي
اول شي مطمنه على أطفالي من ناحيه الاهتمام وانا بالدوام يغدونهم معنه عندي خدامه بس يهتمون
وغيره أمان
وبحكم انه ريلي دوامه شفتات فأحسن لي انه قاعده عندهم
صج في مشاكل وخاصه مع مرت حماي بس أنا اعرف أخذ حقي بادب

وبالنسبة للنظام أنا منظمه فخالتي مستانسه على نظامي انوم اليهال مبجر وينزلون بوقت معين يعني أنا بالدوام ما اخلي الخدامه تنزلهم الا لما يقعدون

 

[روعة الأمومة]

ويع قعدي مكانج أحسن لج

رايحه حق عوار الراس بريلج !

 

[كياني المجروح]

اشتري راحتج بفلوسج
اهل الريل لو شنو كانو لازم يغثونج بكلمه