من شقه بروحنا لي.... بيت اهله!!

[* الجليلة *]

استخيري
وانا رايي خلج بشقتج احسن واريح للكل

 

[Nicki Minaj]

شالفايده تكبرين بعينه الحين وبعد جم شهر تبلش الاكشنات والافلام .. وقيل وقال وتعفسين مزاجه ومزاجج ؟!
الحيآة جدامج وبتكبرين بعينه مليون شغله ثانيه ما يت الا تكبرين بعينه على سبيل راحتكم ..
اهم شي حبيبتي اشتري رآحتج وخلج بيتج أحسنلج لا تروحين لهم بريولج ,, بكيفج مرتاحه محد يسالج شماكله شمسويه شاللي لابسته شهالازعاج ليش ما تسمعين الحجي ولدنا متأذي و و و و و ...
إبعد عن الشر وغنيلو

 

[Adorable]

مشكورين والله يا بنات اهو الاجار مو وايد و زوجي معاشه زين بس مثل ما يقولون زياده الخير خيرين باجر بيصير عندنا مصاريف زوجي قال خنوفر هالجم فلس انا ما اقولج رح نشتري فيهم بيت بس عالاقل نحط عيالنا بمدارس سنعه و نسافر و جذي
و اهو قايلي اخذي وقتج بالتفكير و انا خايفه باجر بدال لا ايوفر هالجم فلس يروح يصرفهم على ماجلتهم او شي لان اهو الحين و احنا ما نروح الا مره بالاسبوع يعطيهم حق الماجله فمادري باجر شنو الوضع فانا بيني و بين نفسي اقول احنا شكلنا ما رح نوفر فخلينا شاريين راحتنا احسن

 

[زوجة عزيز]

تمي في شقتج احسن واريح

 

[PuPa^^SWeeT]

حبووووبة انتي ادرى بحمولتج

وانتي ادرى بحالتكم

البنات انقسمو نصيين نص يايد و نص يعارض


و كل طرف حطلج اسباابه و حلووله


فا انتي شوفي شنو وضعج و قارني بين الطرفين

ايهو اهوو وضعج

وربي يكتبلج الخير

 

[sosowaty]

ااااب

 

[@_@_@]

يماا من صجج انتي تبيعين رااااحتج وتروحين للشقاااا برجولج تكفين قعدي بشقتج. واااااجد ابرك وانا ادفع عنج الايجااااار>>مجربه ظيممممم الحموووله

 

[love love]

نصيحه مجرب نفس حالتج



لاااااا

 

[@ DLOO3TAH@]

الله يعينج

 

[غدووور الكويت]

استخيري

 

[shy rose]

الباب اللي يجيك منه ريح سده واستريح

 

[عبير-الشرق]

والله لو تصلين الاستخاره افضل

 

[بحر الرمال]

في حل حلو
اذا عندهم دور زايد و مدخل منفصل خل يأجرونه على ناس و الاجار يعطونه ريلج عشان يساعدونه بدفع اجار شقتكم
منها انج استقليتي بمكان خاص فيج و منها ان الدور الزايد يستفيدون منه

 

[ســتارز]

انا من رايي تسكنين ببيت حمولتج وبتتكيفين باذن الله

ومولازم تصيرين نفس حماتج كل وحدة ولها شخصيتها المستقلة

طبيعي لابد من تقديم التنازلات سواء بسكن اجار والا بيت حمولة هذا له حسناته وسيئاته وهذا نفسه

الله يوفقج

 

[nezgha.85]

من تروحين لهم حطي لج نظام وإذا الله رزقج بعيال بعد سوي نفس الشي خليهم ما ينزلون إلا معاج وشوي وتصعدين فوق عشان مثل ما قلتي لا يتمادون عليج وما تاخذين راحتج وتربين عيالج على اللي تبينه ( معاناتي وقدرت اسيطر عليها )​

 

[حبيبي مالكني]

انا انصحج تمي في مكانج اذا ضروفج الماديه تسمح
اريح لج ولريلج نفسيا

 

[ryoonah]

رووح بعيد وتعال سااالم

 

[عفت طآريك]

روحي لـ بيت اهله بتكبرين بعينه مدام عندج دور خاص فيج ومدخل خلآص ماله داعي سالفه الايجار
واهله كوني معاهم رسميه مو لازم تحتكين فيهم ,

 

[* Snow White *]

سؤال بس، ليش دايما المتزوجات يكرهون اهل الزوج؟! وحوش؟! بياكلونكم؟! جبح ويه شوفو اهاليكم بالاول =/
عادي روحي شفيها يعني!!! الله يهديكم بسسسس الحمدلله والشكر اصلا اهله صارو اهلج، واهله مايتعوضون بس الزوجه غيرها الف!

 

[om_3azoz]

شوفي انتي ترتاحين حق شنو واستخيري مثل ماقالو البنات

والله انا لو اهل ريلي عايشين بيت جان سكنت عندهم وانا مغمضه بس للاسف ساكنين بشقه