السلام عليكم
استغرب من بنات قبليات يقولون انهم ما شافوا رياييلهم لما تزوجوا يعني الابو يزوج بنته بدون لا تدري
او تدري بس مو شايفه الريال اذا كلش محظوظه طاله من الدريشه و لا صورة و تلاقينها قديمه
و لا البنت الي تكون نايمه و تسمع يباب ولا ملجوا عليها و خلصوا واهي اخر من تعلم
و تبقى عروس سنه ولا سنتين او لموعد عرسها ما تحاجيه و ما تشوفه
و اذا قالت للبنات ودي اكلمه هجموا عليها ما يصير و خليج لا تحاجينه و ثقلي و من هالسوالف !!
و نلاقي تجمع ما شاء الله كبير بساحة العروس عن البنات الي بيتزوجون بنفس هالطريقه و الاغلبيه منهم خايفين مالجه متزوجه بس لا مالجه ولا متزوجه بس بالاسم !
اول شي سمعت قبل شهر برنامج على البرنامج الثاني كانت المذيعه حنان تكلم الشيخ احمد القطان و قال عن المحبه و الود بين الزوجين
ان في فئه من الناس تقوم ببعض الممارسات بالزواج ليست لها علاقه بالاسلام و انها امور جاهليه !
طبعا استغربت وقتها كنت بمصافط المنطقه التعليميه ابي اسوي معاملتي والله قعدت لين خلص الشيخ كلامه و الي قال فيه
بأن الزواج من دون علم البنت فهو لا يجوز
و الزواج بدون رؤيه شرعيه خطأ و عدم التكلم او رؤية الزوج خلال الملجه خطأ
و ان اعلب حالات الطلاق من هالسالفه
طبعاً بعد شهر ما اقدر اتذكر كلامه عدل و اقوله فاستعنت ببعض المصادر :
الحاصل انها تتزوج و ما تدري شسالفه و تستلم المهر و تجهز
و ودها تعرف شنهي شخصية صاحب الصوره
و تقعد تحلم و تتصور و وقت الصجيه
تكتشف اخلاقه طبعا حتى الي تكلم ريلها بالملجة و الي بعد الزواج و مخلفه ما راح تعرف شخصيته لكنها تنصدم بعيوبه الخلقيه الي محد قال لها عنه معاق عور حول اصلع قزم شايب جيكر محروق مشوهه و غيره و غيره و هم من اذا عكستيها يشوف الريال زوجته شي ما قط تخيله جيكره او مشوهه وغيره يعني صدمه للطرفين احياناً و ياما حضرت عروس
تشوفين العروس قمر و ريلها لا حول ولا قوة الا بالله تبجين على حالها و اهي على طول يبين على ويها الضيق
والله والله والله
بقولكم سالفتين صج وربي ما جذبت
الله يشهد علي
الاولى
الولد اسم الله عليه قطعه من الجمال و خوش وظيفه و حالتها الحمدالله يوم وروه صورة عروسته بالبطاقه المدنيه قال مقبوله و تمت الملجه ما قعد معاها ولا كلمها لين العرس
ليلة العرس دخل ولا !!
والله لف ويها بيطلع من الصاله الا امه تقظبت فيه تترجاه ان يكمل و ما يطلع و لا يفشلهم لانهم انصدموا بعد
ولا العروس مو صاحبة الصوره هذي اختها الكبيره الله ما عطاها من الجمال شي بس قصوا على الريال و تزوجت و نطر عليها و طلقها بدون لا يدخل عليها
السالفه الثانيه
والله هاذي الي بجيت فيها على حال العروس !
دخل المعرس من شاف مرته قلب ويها وقام يصارخ مزوجيني فرس انا قايل لكم خطبوا لي مو توهقوني
و طلع من العرس !!
وااااااااااااااي ليش جذي ؟
لان ما شافوا بعض ولا قعد معاها
الغريب احنا الي نملج و نطلع مع رياييلنا و نسولف معاهم بالتلفون حالتنا باول سنه زواج لوعه و عوار راس لانج تتعرفين على شخصيته و اطباعه مع انج كنتي مالجه و تسولفين معاه فشلون على هالعرايس ؟ والله يعورون قلبي
يمكن وايد بيزعلون والي تقول انتي شكو احنا راضين
والله يا اختي انا راضيه تزعلين علي بس المهم اوعيج
ما قاعد انصحج بشي غلط قاعده اوعيج بالغلط و ما ودي
اي اخت لي في الله تنظلم او تنصدم او تتطلق على شي سخيف مثل هذا و شي رسولنا الكريم عليه الصلاة و السلام علمنا شلون نتفاداه بالرؤيه الشرعيه
و الي تقول خلاص شفناه و تزوجنا
زين اذا صار ريلج و ملجتي ليش حرام تسولفين معاه بالتلفون ؟
هذا اذا قلنا ان اهلج ما يرضون تتعشين معاه او يزورج بالبيت او تطلعين معاه
شنو المانع الشرعي ؟؟
و شنو الغلط بكلامي ؟
هذي آراء بعض البنات الي تزوجوا بنفس هالطريقه
و ضيعوا احلى وقت بحياة كل عروس
لي عوده
لحد يرد بنات :tek:
استغرب من بنات قبليات يقولون انهم ما شافوا رياييلهم لما تزوجوا يعني الابو يزوج بنته بدون لا تدري
او تدري بس مو شايفه الريال اذا كلش محظوظه طاله من الدريشه و لا صورة و تلاقينها قديمه
و لا البنت الي تكون نايمه و تسمع يباب ولا ملجوا عليها و خلصوا واهي اخر من تعلم
و تبقى عروس سنه ولا سنتين او لموعد عرسها ما تحاجيه و ما تشوفه
و اذا قالت للبنات ودي اكلمه هجموا عليها ما يصير و خليج لا تحاجينه و ثقلي و من هالسوالف !!
و نلاقي تجمع ما شاء الله كبير بساحة العروس عن البنات الي بيتزوجون بنفس هالطريقه و الاغلبيه منهم خايفين مالجه متزوجه بس لا مالجه ولا متزوجه بس بالاسم !
اول شي سمعت قبل شهر برنامج على البرنامج الثاني كانت المذيعه حنان تكلم الشيخ احمد القطان و قال عن المحبه و الود بين الزوجين
ان في فئه من الناس تقوم ببعض الممارسات بالزواج ليست لها علاقه بالاسلام و انها امور جاهليه !
طبعا استغربت وقتها كنت بمصافط المنطقه التعليميه ابي اسوي معاملتي والله قعدت لين خلص الشيخ كلامه و الي قال فيه
بأن الزواج من دون علم البنت فهو لا يجوز
و الزواج بدون رؤيه شرعيه خطأ و عدم التكلم او رؤية الزوج خلال الملجه خطأ
و ان اعلب حالات الطلاق من هالسالفه
طبعاً بعد شهر ما اقدر اتذكر كلامه عدل و اقوله فاستعنت ببعض المصادر :
الحاصل انها تتزوج و ما تدري شسالفه و تستلم المهر و تجهز
و ودها تعرف شنهي شخصية صاحب الصوره
و تقعد تحلم و تتصور و وقت الصجيه
تكتشف اخلاقه طبعا حتى الي تكلم ريلها بالملجة و الي بعد الزواج و مخلفه ما راح تعرف شخصيته لكنها تنصدم بعيوبه الخلقيه الي محد قال لها عنه معاق عور حول اصلع قزم شايب جيكر محروق مشوهه و غيره و غيره و هم من اذا عكستيها يشوف الريال زوجته شي ما قط تخيله جيكره او مشوهه وغيره يعني صدمه للطرفين احياناً و ياما حضرت عروس
تشوفين العروس قمر و ريلها لا حول ولا قوة الا بالله تبجين على حالها و اهي على طول يبين على ويها الضيق
والله والله والله
بقولكم سالفتين صج وربي ما جذبت
الله يشهد علي
الاولى
الولد اسم الله عليه قطعه من الجمال و خوش وظيفه و حالتها الحمدالله يوم وروه صورة عروسته بالبطاقه المدنيه قال مقبوله و تمت الملجه ما قعد معاها ولا كلمها لين العرس
ليلة العرس دخل ولا !!
والله لف ويها بيطلع من الصاله الا امه تقظبت فيه تترجاه ان يكمل و ما يطلع و لا يفشلهم لانهم انصدموا بعد
ولا العروس مو صاحبة الصوره هذي اختها الكبيره الله ما عطاها من الجمال شي بس قصوا على الريال و تزوجت و نطر عليها و طلقها بدون لا يدخل عليها
السالفه الثانيه
والله هاذي الي بجيت فيها على حال العروس !
دخل المعرس من شاف مرته قلب ويها وقام يصارخ مزوجيني فرس انا قايل لكم خطبوا لي مو توهقوني
و طلع من العرس !!
وااااااااااااااي ليش جذي ؟
لان ما شافوا بعض ولا قعد معاها
الغريب احنا الي نملج و نطلع مع رياييلنا و نسولف معاهم بالتلفون حالتنا باول سنه زواج لوعه و عوار راس لانج تتعرفين على شخصيته و اطباعه مع انج كنتي مالجه و تسولفين معاه فشلون على هالعرايس ؟ والله يعورون قلبي
يمكن وايد بيزعلون والي تقول انتي شكو احنا راضين
والله يا اختي انا راضيه تزعلين علي بس المهم اوعيج
ما قاعد انصحج بشي غلط قاعده اوعيج بالغلط و ما ودي
اي اخت لي في الله تنظلم او تنصدم او تتطلق على شي سخيف مثل هذا و شي رسولنا الكريم عليه الصلاة و السلام علمنا شلون نتفاداه بالرؤيه الشرعيه
و الي تقول خلاص شفناه و تزوجنا
زين اذا صار ريلج و ملجتي ليش حرام تسولفين معاه بالتلفون ؟
هذا اذا قلنا ان اهلج ما يرضون تتعشين معاه او يزورج بالبيت او تطلعين معاه
شنو المانع الشرعي ؟؟
و شنو الغلط بكلامي ؟
هذي آراء بعض البنات الي تزوجوا بنفس هالطريقه
و ضيعوا احلى وقت بحياة كل عروس
لي عوده
لحد يرد بنات :tek:
