موضوعي منطقي و عقلاني و فيه ادله شرعيه لكن راح يضايق وايد بنات سامحوني بس لمصلحتكم

[سہكہـرهـہ وذآبہــہـت]

اول شي ثانكس على صراحتج

وانا بعد بتكلم بصراحه وياليت ماتزعلين مني؟؟

مادري ليش حيل مهتمه بهالموضوع يعني حتى لو تكلمتي شنو راح يصير؟؟

يعني بتوعيين البنات؟؟

ترا اهما مالهم شغل كل هذا من اهلهم الله يسامحهم

وبعدين هذي العادات والتقاليد

انا لما قريت موضوعج عجبني ورحت اقراه على ابوي... على فكره انا بدويه

المهم جان يقولي ابوي تخيلي لو واحد يبي يشوف وحده قبل الملجه وشافها وماعجبته؟؟

وراح ومارجع؟؟ شلون راح تكون نفسيتها؟؟

و قلت احسن ماينصدم بليلة العرس؟؟ ويطلق؟؟

قالي اذا واحد من الجماعه مستحيييل يطلق لان عييييييب

وبعديين مو معقوله اخته ولا امه يقصون عليه؟؟

والحالات الي قلتي عنها حالات نادره

وانا بصراحه ما احب سوالف الطلعات والمكالمات

لأن راح يصير بينا حيل ميانه ويمكن تصير مشاكل

حلاته بالعرس يكون في حيا بينا

 

[سہكہـرهـہ وذآبہــہـت]

الله يعينهم

كل ماشف وحدة جذي اقول الف الحمد لله اني ما تولد بنت هل عايله
له جان علوم

المصيبة انها ماتشوفه إلا ليله الدخلة, يعني اشلون اشلون تنامين معاه فجأة جذي بدن حتى مقدمات؟؟ حمد لله و الشكر

الف الحمد لله اني بنت امي و ابي الله يخليهم لي

ليش الله يعينا؟؟؟

حبيبتي مو لهدرجه عاد؟؟

ترا صج ان احنا مانقدر نشوفه بس بالصور؟؟ بس عاد شنسوي؟؟

ترا عادي تعودنا؟

وبعدين شلون تنامين معاه بدون اي مقدمات؟؟ مافهمت قصدج؟ شلون مقدمات

 

[سہكہـرهـہ وذآبہــہـت]

ديفا حبيبتي موضوعج حلو وقوي وانتي مشالله جهزتي له عدل واعددتي العده عشان يايتج حرب شنعاء من هالموضوع

بس انتي تكلمتي بالدين ومابعد كلام الدين كلام

بس اذا الحين معانا بنت وقرت كلامج واقتنعت شتسوي ؟؟؟؟؟؟؟ وراها اهل وناس وعادات

والله تنصفق طراق اذا قالت بشوفه وهذا اقل شي:krkrkr:


حبيبتي في بنات اهما يبون جذي يعني مو من الابو والاخو اهي تقول عيييييييييب وترى توها من جيل هالوقت تقولج عيييييييييييب وانا مابي اشوفه


والريال يكش من المره طبعا عند هالناس هاا يكش منها اذا كلمها بالملجه يقول جريئه وماتعرف العيب


شنو الحل ؟؟؟


ربج يحلها


والوقت يحلها


لاتضحكين اذا قلتلج سياقه المرأه للسياره كان حلم وصار حقيقه

وتعليم المرأه


عمل المرأه


دخول المرأه البرلمان


الحين ومع الوقت تحققوا لان الزمن تغير والتخلف قل​

ياليت ما تذكرين كلمة تخلف؟؟

لأن مافي تخلف لا قبل ولا الحين؟؟

 

[سہكہـرهـہ وذآبہــہـت]

هلا ديفا شلونج حبيبتي شخبارج عبالي بالتجمع مال اكتوبر قاعده لووووووووول
المهم
حبي شوفي انا بدويه<<<حطو ايدكم على راسكم وقولو والنعم لووووووووول
اهلنا فري حيل من كل النواحي نلبس حجاب نلبس نقاب على كيفنا شنو نبي نسوي ونسوق سيارات نسافر نتوظف لو نبي في مخفر عادي عندهم اهلي بس واحد يخطب ويطلب شوفه هذي فيها قبايل وفيها قنابل وغازات مسيله للدموع لووووووووووووول
ممنووووووووووع عندنا كلللللللللش ولا نقاش بالهموضوع عشان جذي المحضوضه اللي دريشة دارها على الدوانيه لوووووووووول

لووووووووول صح كلامج

بس احنا لو طلب يكلم البنت عادي

اما اذا ماطلب لأ فشله يروح ابوي ويقوله كلمها؟؟

 

[om mido]

كلامج كله صح

بس هذي عاداتهم وتقاليدهم وفي كثير منهم مقتنع فيها وصعب ان يغيرها

اعرف وحده تزوجت عن طريق الصورة بس يعني زوجها الي شاف صورتها واهي ما شافته الا يوم العرس
وعندها الوضع عادي

يعطيج العافيه موضوعج حلو
وان شاءالله يستفيدون منه

 

[وردة بيتنا]

صاجة

صعبة والله ما يشوفون بعض

الله يعين الجميع

 

[سہكہـرهـہ وذآبہــہـت]

تسلمين ع الموضوع بصراحه صج مهم وايد وايد

وحده من رفيجاتي ماشافت ريلها بس اهوا شافها بالبطاقه ابوها عنده ممنوع الشوفه او تكلمه حتى الملجه ماشافوا بعض

مسكينه قبل لا تزوج تقعد تسال اخوانها عنه اخوانها قالوا له حلو شكله واقتنعت

ويوم تزوجت كلى مشاكل تقول اهوا موفاهمني ولا انا فاهمته وغير جذي تقول كنت بتطلق من اول اسبوع

وقعدت تقول الله يسامحك يا يبا ورطتني هالورطه بس المسكينه الحين تقول هذا نصيبي لازم اتحمل


اما موقف ثاني هم ابوها ممنوع عنده يشوفون بعض بس اخوها الكبير خلاها تشوفه قبل الموافقه

ويوم صارت الملجه خذوا ارقام بعض صح ماصار يشوفون بعض بس صاروا يتكلمون

والحين تزوجت بس طلع بخيل وله عيوب ثانيه بس اهيه مستحمله هذا نصيبها شتسوي

موقف الثالث وحده هم ممنوع تكلمه وتشوفه عاد ماشافته الا بيوم ملجه سلم عليها بس

وبعد ماشافته الا يوم العرس وما اتفقوا وتطلقوا

يعني اذا شفته وكلمته خلاص صرت اعرفه عدل؟؟؟

ترا عندنا وعندكم خير

 

[!! شوق !!]

السلام عليكم ,,

غاليتي كلام سليم ومنطقي اميه بالاميه .. بس للاسف اقولها وانا بدويه ..

احنا يالبدوو الا من رحم ربي الشي اللي يعجبهم يطوفونه ويسونه ولو كان حرام ,, والشي اللي محلله الله بس مو بمزاجهم يحطون فيه اميه عله وعله ..

انا الحمدلله ابوي امي مايعرف يكتب ولا يقرا ,,, وكبير بالعمر مع ذلك يخلينا نقعد مع الخاطب بدون فتفوته مكياج ونكلمه عقب الملجه ونطلع .. لانه يقول هذا حلالك لو يسحبج من شعرج ويقول ابي مرتي ماقدر ارده ..

امممممممممممم

في طرف اخر .. الحين ترا الشباب ودهم يكلمون حريمهم ونفس الشي البنات .. بس الولد يخاف لما يطلب من اخو مرته رقمها انه ينقد عليه او يفشله ....... وبالناحيه الثانيه ممكن اخو البنت يكون متفهم بس صعبه يعرض عالرجال الرقم بيطلع اميه علامه استفهام !!!

لو الشباب اصروا على امر الشوفه الشرعيه كان صار الامر عادي لكن كل طرف متحرج من الثاني انه ينقد عليه

 

[~*~الملكة~*~]

اول شي مشكوره على هالموضوع

وصدقيني محد راح يزعل منج ولاراح يحوشج هجووم

كل الي قلتيه عدل ماقلتي شي خارج عن الدين علشان يكون فيه هجوم

بس في عادات وتقاليد الناس متمسكين فيها اكثر من تمسكهم بالدين

وبصراحه انا معاج لازم الوحده تشوف ريلها وتكلمه على الاقل يعرفون بعض

يمكن مايكون فيه قبول والحالات الي ذكرتيها فرديه يعني مو حالات كثيره

لانه مافي اهل يقصون على ولدهم يعني احنا الحين نبي نخطب حق اخووي

كل ماقالو لنا عن وحده سألنا حلوه لانه مانبي نظلم اخونا

احنا بدو بس عندنا عادي نشوف الزوج ونكلمه ويجي عندنا في البيت

نعقد بروحنا بروحنا محد معانا بس مانطلع معاه جذي اهلنا عندهم

كلميه شوفيه ويزورنا في البيت ان شاءالله لو ينام عندنا عندهم عادي بس مافي طلعه مع بعض

الحمدالله احنا احسن من غيرنا بوااايد


وصدقيني البنات لو بيدهم جان سوو كلشي يبونه بس هالموضوع بيد الاهل مايقدرون

يقولون فيه شي المفروض هالكلام ينقال للآباء لانه بيدهم

وهذي عادات وتقاليد واعراف لبعض العوائل مو القبايل لانه القبيله فيها مليوون عايله

وكل عايله تختلف عن الثانيه

وجزاج الله خير على هالموضوع

 

[لوكي 22]

صاجه وحلو كلامج

 

[سينتيا]

كلامج عدل الوحده لازم تشوف ريلها قبل الملجه على الاقل تشوف ويهه بالطبيعه تقعد وياه تعرف اسلوبه واهوه بعد يعرف اسلوبه
وبالملجه خلاااص اهيا زوجته على سنه الله ورسوله مافي مانع يقعدون مع بعض ويطلعون مع بعض

 

[قهوة برية]

ياديفا السالفة اطول من جذيه

ويمكن الكلام الي اقوله يضايق البنت .!

لكن الرجل عندنا وبالذات البدوي البعض منهم عنده انفصام بالشخصية (مو الكل ماحب اعمم ..)

اشلون ؟!

اذا زوجته بدوية انسي يفكر يكلمها لعتبارات كثيرة لكن يكلمها اطيح من عينه .!

لكن اذا اخذ حضرية تعالي شوفي الرومانسية ولا عنده مانع يطلع وياها ويعزمها بأي مطعم او كافيه مثلا ..!!

طيب ليش حلال عليك وحرام ع غيرك .!

والحديث بهالموضوع شرحه يطول وبذات الي قلته

ولي عوده ثانية ان شاءالله لأني مصدعه ع الآخر .!

 

[بدوره 22]

بنات اذا تتذكرون وزير الاوقاف السابق د.عبدالله المعتوق


هو ملاج (مأذون شرعي )

وهو بنفسه اللي سولف لنا هالسالفه

ووالله هذا كلامه وانا مجرد اني بقولكم ...

يقول ان لمن كان يملج حق س من الناس بصفته ملاج كان يطلب ان يسال العروس عن رايها اذا موافقه ولا لأ ....

يقول ان دشت عليهم العروس بس خاشه وويها وقالت موافقه فجاه ولا يسمع وحده تصااااااااااااااااااارخ ابوس رجولك يا شيخ لا تملجلي

الي قالت موافقه هذي امي مو انا ...


والله كش شعر جنبي من هالسالفه .... وغير غير وايد سوالف ذكرها لنا الدكتور تخص موضوعج ديفا بس صعب اذكرها لان مابي البنات..


يزعلون مني

 

[Stylista_Q8]

صـح لسـاانج

يعني مادري ليش يمنعون شي حلله الله ؟؟

لو حرام جان قلنا بس اهوه حلال والله ما حلل هالشي الا و له حكمه

بالله ما تقبلوا شكل بعض لنه الشكل ترا مهم في اختيـار الزوج > هذا برايي يعني

وذكرتيني امس شفت حلقة الساكنات في قلوبنا نفس الشي تكلمـوا عنه كسرت خاطري البنت

لنها شافت ريلها و خربطت معاه > اهوه حلال بس لنه بالسعودية ما يصير فما قالت حق احد

ولو اهيه بالكويت جان عااااااااااادي مو ذبحوهاا واهيه ما سوت شي حرام

والبنات اللي مثل جذي الله يعينهم بصراحة

والحمدالله ما عندنا هالسوالف

 

[oranGe~Girl]

حبيبتي كلامج كله صح وميه ميه

وهالشي من العرف اي من العادات والتقاليد

وفي من العادات والتقاليد غلط

مثل موضوعج هذا ان مايشووف العرووس طبعا غلط غلط

والعادات والتقاليد الاسلام خلى منها ومنها رفضة

وانا صج قبليه بس اهلي رافضيين هالمبدأ تماما

 

[جنون العاطفه]

كلامك صحيح بس هذاا مجتمعناا اللي بتقوول نفس كلامك يمكن تنذبح بس شنسووي تخلف !! يمكن الرجال لووطلب يشوووف مايقوولون شي بس البنت لا حرام تطلب هالشي بنظرهم !!!

طيب يمكن البنت رومانسيه لهاا نظره تبي وعندهاا شرووط يمكن شكله ماترتاح له لازم تشووفه !1
بس اول واخير نصيب وهذي عواامل **

 

[[[ عيون جابر ]]]

اي والله معاج حق البنت من حقها تشوف الريال الي بتكمل معاه حياتها
صاجه وكلامج حلوو

 

[الحــــالمة]

معاج حق بكل كلمة قلتيها

 

[Miss_Moon]

صااااااااااااااااااااجة حبيبتي ويسلمووو على هالموضووع

 

[badraa_85]

بالعكس كلاااااامج عين العقل واصلا كلــــــــــــــــــــــــــــــش مايضااااااايق لان الله ورسوله اجازوو هالشي

بصراحه استغرب من مجتمعنا يبدووون العادات والتقاليد وينسوووون الدين وتعاليمه !!!!

ومو بس بسالفة الخطبه بواااااااايد شغلات والله المستعان

الله يألف بين قلوب كل اثنين مخطوبين او متزوجين ويوفقهم اللهم آمين