انتوا ليش متروعين
انا زوجي ما شفته حتى بصورة... وكنت ملكتي مدتها سنة 
الصورة عندنا عيب .. تبين اطلب شوفه براسه واكلمه.. كان انقصت رقبتي ههههههههههه
كلن ياخذ نصيبه سواء شفته ولا ماشفته
اسمالله علينا محد متروع ^_^
بس عندي تعليق على (( كلن ياخذ نصيبه سواء شفته ولا ماشفته))!!!!!!!!!!!!
يعني الحين تساوين إلي شافته نظرة شرعيه وما ارتاحت له ولا تقبلته ورفضت الزواج <<ولله الحمد
+تساوينها بلي ماشافته بالمره وليلة الدخله انصدمت بسحنته !!!!!!!!!!!!!
رايج غريب عجيب !! انا ماشوف الزواج قسمه ونصيب
انا اشوف ان
الزواج تفكير بهداوه على أسس معينه وشروط وقبول من كلا الطرفين بهيئة الثاني وشكله وشخصيته
ثم اتخاذ القرار النهائي والتوكل على الله
سبحانه
وسؤاله ان يتم كلشي على خير وتكون الحياه الهنيه والاختيار صح
لكن كلمه ((قسمه ونصيب))وبطيخه ماتعرفينها إلا من تقصينها!! صارت شماعه لكل وحده ريلها مو عاجبها ولا الوضع الي تزوجت فيه مو عاجبها
قالت قسمه ونصيب ... شكو!!!! لا عيوني هذي تدبيسه واكبر مقلب الوحده تاخذها بحياتها ماهو قسمه ونصيب
الحين عندي فرصه بالملجه اتعرف عليه على شكله على شخصيته ..
واذا ماعجبني همن اتم موافقه وراضيه علبو قسمه ونصيب !!!
تفكير سطحي بحت صراحه ^_^
وإلي ترد تقول يعني اذا حاجيته بعرفه عدل ؟؟ هههههههه
اكيد ياقلبي ما بتعرفينه كثر ما تعرفينه بالعشره والسنين والأيام والعيال ومطبات الحياه والبلاوي
لكن على الاقل تتقبلين سحنته السنحتيه
لكن على الاقل نفسيا تتهيأين لأول يوم !!
لكن على الأقل تعرفين اساسيات شخصيته احلامه طوحاته رجولته
يامعوده على الاقل سوااااااالفه سواااااااااالفه هل اهو قثيث ولا عسل على القلب
يامعوده تعرفي على رؤوس اقلام بس من شخصيته تفتحين فيها حياتج معاه
قهوة بريه غاليتي .... كلامج اول مره اسمعه وحيرني!!!
انتي ادرى بشبابكم ؟؟ لكن فعلا تفكير سطحي مره اخرى !!
اذا تحجا مع بدويه تطيح من عينه ؟؟ وحضريه يدلعها ؟؟
ياريت تكملين انا من متابعينج ^_^
بقولكم موقف صار لوحده من صديقاتي ...
نفس السالفه بدويه وتزوجت بنفس الطريقه
لا صورة لا بطيخ
اول شوفه بالكوشه ^_^ هههههه حلوه هاذي اول شوفه بالكوشه
المهم
تخيلو
نزلت البنيه من الكوشه مع ريلها
ومشو بكل سعاده بعد ما كل واحد يبوق النظرات وده يلمح ملمح من سحنتة شريك حياته !!
ولمن قطعو الصاله ^_^ ووصلو عند الباب
تخيلو شسوا ريلها ؟؟؟؟؟؟؟؟؟؟؟؟؟؟؟؟؟؟؟؟؟؟؟
قال حق اخته ييبي نقاب !!
وصديقتي بنفنوف العرس وردائها بتطلع تركب السياره منصدمه شنقابه؟؟
اهي مو متنقبه
جان يقولها لبسي نقاب !! واخته يابت له بطلعة الروح
والنقاب وسخ وعليه كريم اساس وحمره ولوعه
ولبسها عند باب الصاله ^_^
والعبره بعينها بليله عرسها ^_^
شرايكم بالله !!!
بذمتكم هذا نقول عنه قسمه وصيب ؟؟
لا عيوني لو بالملجه في تواصل بينهم جان قالها انا ترى ابي مرتي منقبه
ابيها كيت وكيت ... يمكن يستحي يقول حق اهلها عن اشياء معينه
بالملجه تعرف شخصيته كريم بخيل
تتدبس بواحد بخيل علبو قسمه ونصيب؟؟؟؟
بطلو من هالقسمه والنصيب الي ذابحينا فيها ...
ماكو شي قسمه ونصيب
كله اجتهاد من عبد الله وتوفيق وسداد من الله ^_^ سبحانه وتعالى
جنكم تقولون عن واحد تارك الدراسه وماله خلق يكمل ... والله فلان قسمه ونصيب وقف دراسه ^_^
