موضوعي منطقي و عقلاني و فيه ادله شرعيه لكن راح يضايق وايد بنات سامحوني بس لمصلحتكم

[شندوخه]

اي والله صاجه ياديفا
انا حمدالله حظريه وعندنا عادي الشوفه وبعد الملجه الريال يزور مرته وتطلع معاه بس مايصير شي الا بعد العرس

رفيجه اختي بدويه والنعم فيهم اكيد
اهيا ماشاءالله جمييييييييييييييييييييييييييييييييييييييله والله مابالغ بس جميله جميله والكل يشبها بنورمان اسعد تبارك الرحمن
ملجت وماشافته ولا تدري عنه وبيوم العرس والله احنا ضاق خلقنا عليها
ريلها ولد الحلال جيكر واسمررررررررررر واكتشفت بعدين انه اخلاقه بعد للاسف مو شي وشخصيته حدث ولاحرج
بس شتسوي صابره وساكته عشان عيالها الله يهديه ويسخره لها

 

[lina@lolo]

صرااااااااحه صاااااااااااجه بكل كلمه قلتيها

ومشكوووووووووووووره

 

[MaZyOoOoNa]

انا اوافقج الراي 10000%
ولله مره قعدنا نتناقش مع وحده شوي كبيره بالدواام تقولنا انتووو قلة حيه وين قاعدين اطلع معاه وهذره لي الليل مو راضيه تستوعب ان الشرع حلل هالشي جان تقوول اي وانتو ما صدقتوو على الله..قتلها الي يتكلم بيتهم في طوف يختارله الطوف الي يوزله ان الشرع الله ماشيه عليه

 

[بنت.المطيري]

بنات سوري يعني..بس احس اللي محترق دمه اكثر اهم بنات الحضر !!

ليش يعني

تدرون ادري بتكفخوني بس والله جد احس له طعم خاص لما مايكون بينكم شي (بس اهم شي علاقل صورة)

وانا ناوية ان شاء لله لي تزوجت مااعطيه صورتي طبعا وهالشي مادري اذا ابوي يوافق عليه

بس راح يشوفها ببطاقتي المدنية عشان ينصدم وتلوع جبده

بعدين يشوف الصج خخخخخخخخخخخخخخخخ

 

[مزيونه وشقره]

استغرب من اللي يتزوجون ومايشوفون بعض قبل الزواج صج صج غريبه شلون يعني البنت تشوف الامه كلها بالسوق بالطبيب بالجمعيه الا اللي خاطبه

حتى الولد يشوف العالم كله الا اللي يبي يتزوجها صج صج غريبه ؟؟




مع تحياتي ياحياتي

مزيونه وشقره ​

 

[حبووبة 76]

مشكووووووورة ديفا على هالموضووع الحلوو ...

وأشكرج بأن هدفج فعلا نبيييل وودج أتنوريين البناات وتنبهييينهم ...

بس حبييبتي أهما مالهم شغل ... العييب من أهلهم وعادااتهم وتقالييدهم اللي معظمهم ما هدّووها إلى يوومج ...

فياريييت البناات القبلياات البدويااات الحلواات المزيووونات مشاءالله عليييهم .. ينورووون أمهااتهم بهالموضوووع لأن ممكن لدوور الأم التأثييير على الأبو والأخوااان كوونها لها إحترامها وراايها بهالأموور .. فممكن تقنعهم بالشوووفة وببعض المكالماات من بعد الملجة ...

وتدروون أنا واااااايد من رفيجااتي بدوياات يحلييلهم يهبلوووون ,,,, بس ترى عااادي عندهم بأنهم ما يشوفووون الرياااال لأنهم مقتنعييين بأمرهم الواااقع .. ولأنهم يبووون الستر ويحمدوون الله بأن النصيييب جاااهم وماراااح يعنسووون ويبوون يكونووون أسرة وعيااال ... فتفكيييرهم منحصر بالتجهييز للزوااج وحفلة العرس والمكيااج و ... و .... وتلقيينها تحاااتي أهل المعرس وأمة وخوااتة أكثر من محاتااتها لزوجهااا اللي بيعييش معاهاا تحت نفس السقف ....



أكرر ... موضووعج حلووو ... بس لازم من توعية للأهل لأنهم أهما مربط الفرس .. وأهما اللي ممكن يضربوون بهالعاداات بعرض الحااائط إذا أقتنعواا ....


فهيّا يا بنااااات أبتدواااا أشتغلوا على أساليييب الأقنااع من ألحييين لأهلكم علشاان تشووفوون بعل المستقبل المنتظر ...
واللي تقوول آنا ما أبي أكلمة وأستحي .. أو ماأبي أشوووفة وأستحي ... أقوولها شووفيية مررة وحدة وكلميية ومحّد يدري من النااس ألا أهلج .. لأنج ترى يمكن تتفشلييين إذا ما عجبتييية بعد الزواااج ويهّدج وتنفضحيين عند كل العاالم حزّتها بأنه عااافج وما عجبتييييه >> ترى حتى لو كنتي ملكة جمااال ومنيكاان .. الرجااال أذوااقهم تختلف ويمكن ما تكوونيين ستاايلة اللي يحلم فيييه ويبي عكسج تمااماا ,,,


والله يحفظ كل بنااتنا وبناات المسلميييييين ,,,,, ودمتم بحب وود ...

 

[مزيونه وشقره]

مو شرط البدو ما يشوفون بعض

انا بدويه واهلنا من قبل ايام امي وابوي يتزوجون يشوفون بعض وقت الخطبه لا بعد ابوي شايف امي ويبيها ويطلعون مع بعض ويزوهم وانا بعد جذيه زوجي شايفني وقعد معاي وبالملجه عادي نطلع ويزورنا


مع تحياتي ياحياتي

مزيونه وشقره ​

 

[صلاتي-حياتي]

أولا الموضوع مايضايق وبالعكس انتي تطرحين وجهة نظرج

ثانيا : فيه عادات كثيره مازلنا متمسكين فيها ولنا الفخر في ذلك فما نقدر نقول على العادات انها باليه أو غير صالحه لأنها عادات معظمها نابعه من تعاليم ديننا الحنيف

ثالثا : أنا معاج في إن الزوجين لازم يشوفون بعض (( الشوفه الشرعيه )) ولايتعدا ذلك
مهما كان لاتليفونات لا طلعات لازيارات لأن مثل مافيه بنات انصدموا وتطلقوا بسبب انهم ماشافوا ازواجهم فقط والعكس صحيح
كذلك فيه عدد كبير من البنات راحوا ضحية هالطلعات والمكالمات اللي شكثر تخلوا عنهم أزواجهم قبل لايسوون عرس ويكون داخل عليها فتصير المصيبه كبيره لاهي بنت ولاهي متزوجه !!

رابعا : في هالوقت أعتقد كل عروس شايفه زوجها مثل ماقلتي طاله من الدريشه او صورة وصدقيني ياعزيزتي الوفقه من الله سبحانه وتعالى سواء شافها او ماشافها ...مو معنى هالكلام اني ضد لاوالله بالعكس أنا أؤيد وبشده الشوفه الشرعيه ولكن نحترم كذلك عاداتنا وتقاليدنا ونسعى لتحويل هالعادات لصالحنا

خامسا : والله ياأختي انا عندي الأهم من الشوفه واللي الشوفه تكون على أساسه اهي فحص الدم يعني دم الزوجه والزوج وهل يصلحون حق بعض اتمنى من الكويت تطبقها مثل المملكة اللي مايتم عقد أي زواج إلا بتحليل الزواج وعلى أساسه يتحدد اذا يصلحون حق بعض أو لا اعتقد هالبند مهم كثير لأن جميعنا نعرف الامراض الوراثية وأمراض الدم منتشره الله يكافينا الشر

وأخيرا : أشكرج على فتح باب النقاش ورايج نحترمه ونقدره ونشكرج على حرصج على مستقبل خواتج والله يوفق الجميع ياااارب

 

[DLOOL]

ياقلبي انت ذكرتي قصص البناات اللي ما شافوا ازواج انها حلال وصح حلاااااااااال الشوفه ولو يطلب ياخذها ويروح زوجته
بس ليش نحرق على بعض احلا اللحظااات والله احلا ما في الزواج انج ما تعرفينه الا بعد العرس لج هيبتج عنده وقيمتج ما يشوفج ولا يمسكج الا بعد عرس وطقطقه والكل يدري واحسن
وبالنسبه للملجه فيه بنات واجد كلموا ازواجهم وقاموا يحنوووون عليهم بالطلعه والبنت انزفت حامل بالثالث ففشله يعني على اي اساااس عرس وخرااابيط ساس العرس انها اول ليله
ومحسوب لها الف احسااااااااب دخوول ملكي يليق بلمكه البيت
مو غلط مو حرااام بس هيبه البنت عشااان يعرفهااا عدل

 

[بنت.المطيري]

بقولكم موقف صار لوحده من صديقاتي ...

نفس السالفه بدويه وتزوجت بنفس الطريقه
لا صورة لا بطيخ

اول شوفه بالكوشه ^_^ هههههه حلوه هاذي اول شوفه بالكوشه

المهم


تخيلو


نزلت البنيه من الكوشه مع ريلها

ومشو بكل سعاده بعد ما كل واحد يبوق النظرات وده يلمح ملمح من سحنتة شريك حياته !!

ولمن قطعو الصاله ^_^ ووصلو عند الباب

تخيلو شسوا ريلها ؟؟؟؟؟؟؟؟؟؟؟؟؟؟؟؟؟؟؟؟؟؟؟





قال حق اخته ييبي نقاب !!
وصديقتي بنفنوف العرس وردائها بتطلع تركب السياره منصدمه شنقابه؟؟
اهي مو متنقبه

جان يقولها لبسي نقاب !! واخته يابت له بطلعة الروح
والنقاب وسخ وعليه كريم اساس وحمره ولوعه

ولبسها عند باب الصاله ^_^
والعبره بعينها بليله عرسها ^_^





شرايكم بالله !!!

بذمتكم هذا نقول عنه قسمه وصيب ؟؟

لا عيوني لو بالملجه في تواصل بينهم جان قالها انا ترى ابي مرتي منقبه
ابيها كيت وكيت ... يمكن يستحي يقول حق اهلها عن اشياء معينه
بالملجه تعرف شخصيته كريم بخيل
تتدبس بواحد بخيل علبو قسمه ونصيب؟؟؟؟



بطلو من هالقسمه والنصيب الي ذابحينا فيها ...
ماكو شي قسمه ونصيب

كله اجتهاد من عبد الله وتوفيق وسداد من الله ^_^ سبحانه وتعالى




جنكم تقولون عن واحد تارك الدراسه وماله خلق يكمل ... والله فلان قسمه ونصيب وقف دراسه ^_^

ماشالله عليها ..الله يهنيهم
بالعكس ريال
ويغار عليها ..الحين اللي يبي الستر هذا عيب فيه ..صدقيني اي مرا مكانها بتستانس حتى لو انها ماتحب النقاب عالاقل بينها وبين نفسها تستانس لانها عجبته
واللي اي شي عادي عنده ولا يغار <<وناسه يعني
اهو صح مافيه شي اذا مانقبها بس بالعكس يعني مااشوف انها عيبه فيه الا ياحظها والله يهنيهم

..بس نتوش ترى حيل اشتطيتي على البنات

اللي ايده بالماي مو مثل اللي ايده بالنار ..

وعلى فكرة انا ماكنت ادري ان هالعاده موجوده بالكويت اصلا توقعت انها من العصر الحجري وانقرضت لاني شفتها بفلم مصري قديم ان وحده صعيديه متغطية من راسها لريولها وماشافو بعض حتى بيوم عرسهم مو راضيه تكشف

عاد بعدين انصدمت ان حتى اهلي جذي
مااقولج استانست بالعكس تضايقت حيل وقلت نفس كلامج

بس بعدين مع الوقت تقبلته وبدا يعجبني ...اسمحيلي بغض النظر عن السلبيات احس البنت لها هيبة وانها مو سلعة اي احد يشوفها

واضن عند الحظر ناس وايد مستغلين هالعادة استغلال سيئ بس شغلتهم يفرون على بيوت الناس ويشوفون فبناته وهالشي صراحة مستحيل ارضاه لنفسي

 

[moone GRL]

بنات سوري يعني..بس احس اللي محترق دمه اكثر اهم بنات الحضر !!

ليش يعني

خخخخخخخخخخخخخخخخخخخخخخخخخخخخ نفس الكلام اللي كنت بقوله

يعني شحار جدركم .. يبا حنا راضين وكل واحد ينام على الجنب اللي يريحوووو :ggdw:



بالمنطق بعيد عن الفزعة .. المسألة مشربكه وكثير امور نسويها سواء بدو او حضر هي مزيج بين الثقافة والدين يعني المسألة مو بس حلال وحرام وكثير اشياء ممكن تكون حلال بس مجتمعنا ما يتقبله او حرام لكن ما نستهجنها مثل الاغاني وغيرها .. وهالموضوع بذات ( الثقافة والدين ) اليوم كنت اتناقش فيها مع وحده اجنبيه لاهي عربيه ولا شي عن نفس الموضوع تقولي ليش تغطين وجهج وتلبسين اسود واشوف مسلمات ما يغطون وجههم شالسبب .. للعلم انا باوروبا مو بالكويت .. دار بينا نقاش طوييييل واقنعتها بوجهة نظري والاحلى من هذا حركت الفضول فيها عشان تتعرف اكثر عن الاسلام

ما علينااااااا نرجع لموضوعنا ... بالاخير المسألة قناعات ووجهات نظر وماله داعه احد يملي على الناس اللي يسوونه يعني اوكي انتي مو مقتنعه وتشوفين انه غلط لج حرية التصرف سواء بالقبول او الرفض اما انج تحكمين على الناس وتفرضين عليهم رايج سوري بس هذي يسمونها لقافة ولها اسم ثاني بعد :ggdw:

وبعدين الموضوع مو مثل مو متوقعين شسالفة الوحده يدقون عليها اهلها يقولون ملجتي ترا وما تعرف اسمه ولا شي .. مو لهلدرجة بالعكس تخير وتنسأل ويسألون عنه ولها الرأي الأول والأخير من حقها ترفضه لو كان من عيال عمها قراب ولا لاحد حق يغصبها وهذا المعمول عليه عند البدو لكن ما تطلع معاه وتكلمه الا بعد العرس

وفيه ناس عندهم عادي تشوفه وتكلمه بس ما يطلعون وفيه ناس لا .. كل هذا يعتمد اهم شي راي الاهل والطرفين

عن نفسي انا مخطوبه لا اكلمه ولا اشوفه ولا ابي ولا يهمني هالشي .. لكني عرفته عدل مثل ما اعرف خواني

وانا متأكده انه رايه مثل رايي .. وهذا شأن خاص فيني والمسألة فيها خصوصية اما انج تحطين موضوع انتوا يالبدو ليش تسوون جذي اسمحي لي هذي شغلة مو مقبولة

والموضوع اللي مقتبسته عن واحد سعودي ترا ضحك مو صج يعني تخيلااااات لا اكثر


سوري اذا اسلوبي ماعجب البعض بس فعلا اللي اشوفه كل اللي يدافعون وشاديين حيلهم حضريات ويشوفون رجالهم طيب ليش معصبه يعني كاسرين خاطرج لهالدرجة خخخخخخخخخخخخخخ

 

[نتاشا الجميله]

بنت المطيري

لبسها نقاب غصب عنها ونقاب يلوع الجبد متروس كريم اساس وحمرا
واهي اصلا كانت لابسه الرداء ومغطيه ويها بس غصب النقاب يعني فرض رجوله غصب هذي مو مرجله ^_^

اقص ايدي اي وحده بتستانس بعرسها اذا ريلها يسوي جذي وبتقول واااي يغار عليّ يابختي ياحظي ^_^
وينه ماشرط النقاب لمن ياء يخطب وملج !!




على قولة عضوه ليش الحضر حارقين دمهم اكثر من البدو؟؟؟

صج احنا شعلينا

لا والمشكله اروح وارد على الموضوع هههههههههههههههههههههههه

 

[نتاشا الجميله]

صج نسيت شي

وتذكرت احنا ليش معصبين ومحترين عليكم هههههههههههههههههههههههههههه وفزعانين لكم يعني ^_^




لأن اساس الموضوع من صاحبه الموضوع تتحجا عن البنات الي ودهم بهالشي الحلال لهم ومو حاصل لهم
وحطت ردود بعض البنات الي متضايقين من هالشغله مع انها حلال واهلهم محرمينه عليهم




اي والله تذكرت اصل الموضوع ^_^ وعرفت ليش محترين احنا




على البنات إلي يبون هالشي ويبون يتعرفون على ريايلهم قبل العرس >>>>>وبــــــــــس<<<<<




طلع معانا حق نحتر وإناقش ^_^

 

[om-HaSsoOon]

صح كلامج الله يهدي هالنوع من الاهل يظلمون البنيه والريال بعد

احنا مانقول خل يطلعون مع بعض 24 ساعه ويكلمون بعض 24 ساعه لا

بحدود طبعا على الاقل كل واحد يتعرف على اخلاق الثاني ويعرف طبايعه نشكرج

 

[رورو 88]

بصراحه تخللللف درجه اولى !!

شي حلله رب العالمين تيون انتوا اتحرمونه على اي اساس ؟؟ شالمنطق ؟؟

الشوفه الشرعيه ضروريه مو بس عشان الشكل في ناس سبحان الله

ما ترتاحينلهم كلش ما يصير في قبول

وبعدين عادي البنت تطلع واتروح السوق ويشوفها الاولي والتالي

بس لما يي الوقت اللي تختار فيه الانسان اللي راح اتعيش معاه

طول عمرها وهالشي حلال انقلبت الايه وصار حرام

واللي اتقول انا مو سلعه رخيصه امبيه شكو ؟؟!!

الريال طاق الباب ويبيج بالحلال وما طلب الا حقه

ولو هالشي في اهانه حق المرا جان مثل ما قلت ما صار

حلال فرضا طلع ريلج اعور اصلع مشوه في عيب خلقي

ما تقبلتيه شلون ؟؟ ونفس الشي فرضا ما عجبتيه وكنتي

عكس ذوقه وما تقبلج حزه العرس ؟؟ اتوقع وقتها كنتي راح اتغيرين

رايج 100 %

وعلى سالفه النقاب على فكره انا مو متحجبه بس لما قريت

السالفه مادري حسيت ان شي حلو ما غار عليها الا لان اعجبته

( والله اعلم بالنوايا او ان كان يبي يقرض رجولته معني مااتوقع)

بس هم انا رافضه الفكره ان ما شافها ولا قالها ان لازم تلبسين نقاب

ومشكوووره ديفا عالموضوع الحلووو بس بعض الناس توعى

 

[صلاتي-حياتي]

يعني كلمة تخلف صراحه أحسها كبيره لو يعون البنات حجمها ماكتبوها ؟؟!! هداهن الله

مع احترامي الشديد لصاحبة الموضوع ولعلمي أنها مانزلت هالموضوع الا هدفها نبيل

لذلك اتمنى الرد يكون من الاخوات اللي تعنيهن هالمسأله

أو اللي تبي ترد يكون ردها يرقى لمستواها ومايكووون هابط ويقلل من شأن أحد

الله يهدينا ويهدي الجميع

 

[بنت واصل]

النظرة الشرعية ::هي ان يرى الخاطب مخطوبته قبل الزواج ومن اسمها نظرة
مو يجلس وياها كل يوم على قولتهم بحضور المحارم وتصير خطبة لمدة اشهر وكل يوم عندهم بالبيت على ابو خطيبها
نظرة فقط لاغير ان تزوجوا كان بها وان حدث العكس يستر كلا منهم على الاخر
من ناحيه ثانيه شدعوه شدعوه عليج مشوه ومحروق ومادري شنو وجيكر يعني معقوله اهلها بيقطونها على ناس جذي
اتوقع ناس هذول تكون حالات شاذه اذا كانت موجوده بعدين
الرجل بدينه واخلاقه وسلوكه مو باي شي ثاني
اما اثناء الملكه او بعدها عاد يصير اللي يصير ماكو مشكله

 

[احلى غلا]

والله كلامج عين العقل وصح انا معاج يالغلا وحرام بالنهاية يتطلقون والسبب تافه
فديتج عالوضوع الحلو صج يعطيج العافيه

 

[ام عباير]

السلام عليكم ..

شوفي حبيبتي غلط آننا نرسم صورة ورديه حالمه عن البنت اللي تكلم زوجها بالملجه
و آنها حياتهم بتصير غير و خلاص الموضوع آنحل و الطريق مستقيم !

و بنفس الوقت اللي ماتكلم زوجها مصيرها بتكتشف يوم العرس شخصية الآنسان إللي تزوجته ..
يعني لا كذا عاجب و لا كذا عاجب !!

دام آني بدويه آو "قبليه كما تشتهين" آحب آبين لج طريقة الزواج في قبيلتي بالذات
آولاً الرؤيه الشرعيه ضروريه عندنا ، طبعاً مايجي يشوف إلا لما يكون آبوي و آخواني
سألين عنه و متأكدين من آخلاقه و مقتنعين فيه و ماخذين موافقتي ..
ذيك الساعه آهلاً و سهلاً
و لما آدش عليه عليه شيلتي و عبايتي و بس وهو يشوف
طبعاً إللي مثل حالتنا ماتشوف إلا نعاله كرمكم الله :d
و إذا عجبته بيوافق و بيملجون !
إما آكلمه و يكلمني فـ آنا ضد هالشي و عن تجارب بنات سبقوني
واجد قالوا آن آزواجهم قبل العرس شي و بعد العرس شي ثاااااااااااني
تقدرين تقولين حذفو الآقنعه *_*
مشان هيك
آنا آقووول في فترة الملجه آتفرغ لـ عمري و تجهيزي و كشختي
و لين يجي يوم العرس يصير خير لاحقه بتعرف عليه و بشبع منه :d

​

 

[om al ghaleen]

يعطيج العافيه " صااجه و كلامج عدل