موضوع للنقاش:الكويتيات همجيات!!

[‏ღLave♥nderღ]

ياهلا اختي مانهاتن

بالعكس لازم نتكلم مره والف عشان يوم القيامه لي سألنا الله عز وجل ليش ماانكرتوا المنكر اقلامنا تشهد انا حاولنا نصلح وانا انكرناه

وراح نستمر باذن الله بالتطرق لكل الظواهر حتى ينعدل الحال

 

[‏ღLave♥nderღ]

الذين تشاهدون محتوى الموضوع الآن : 2 ( العضوات 2 والزائرات 0)
‏‏ღLave♥nderღ


منو العضوه المتخفيه حياج الله بان وعليك الامان هههههههههه

 

[ام يوسف الكويت]

انا ماقريت الموضوع كله بس اؤيد كلامج بشده بصراحه وايد في بنات السانهم وسخ وردودهم بذيئه ةفي بعضهم ورب الكعبه يسبوووون بكلام وسخ وسخ وسخ وربي .. لا وبعد في بعضهم يقذفون اشكره ويحددون ويقولون انتي راح تدشين النار وانتي بالجنه ؟! انا شايفتهم بعيني بقسم الحياة الزوجيه وغيره ومابي احدد اكثر
وفي بعد نقطه .. اذا وحده طرحت موضوع او مشكله بينها وبين زوجها مثلا ..اشوف الاغلب يد
ش بعرج خشمها وينبشون بسوالفها طيب البنت طلبت منكم حل لمشكلتها مو تروحون تنبشون @@
يا ليت لو نرتقي اكثر

 

[كيوت24]

انا سعوديه بس اعرف كويتيات صراحه قمه في الاخلاق والذوق وضيافتهم صراااحه قمه مادري شقول واتكلم انا ازور الكويت واعرف كويتيات ويعزمون في بيتهم والله الكويتيات بنات عز ونعمه من يومهم وتلا قين عندهم ريحه حلوه وضيافه تشرف ونظافه وبس

 

[‏ღLave♥nderღ]

ياخواتي السعوديات اقدر مشاركاتكم لكنكم قاعد تنحون بالموضوع منحنى اخر

 

[حرية رأي]

ياخواتي السعوديات اقدر مشاركاتكم لكنكم قاعد تنحون بالموضوع منحنى اخر

ولا يهمك

تـــــــــــــــــــــــــــم مسح المشاااااااااااااااركه

:eh_s(6):

 

[‏ღLave♥nderღ]

اشكرج عزيزتي

وتشرفت بتواجدج

 

[أم بدير]

أول شي
بالنسبة للأسئلة الي سألتيها
انا سمعت فعلا ان في بنات يردون نفس هالردود
بس شخصيا ماصادفتني هالردود بنفس المواقف
صارلي حادث مع بنت دعمتني
نزلت ركض من سيارتها تسأل فيج شي؟ صارلج شي؟ (طبعا ويهي كان مصدوم اول مره اسوي حادث)
ودقت على ريلها من الخرعه مو مصدقه كلامي ووصل ريلها وياني السياره يسألني اختي؟
ولاقالتلي انتي الغلطانه ولا اهي الغلطانه ولاسألت اصلا منو غلطان وكان اهم شي عندها ان انا واهي مافينا شي وخلاص

وبالنسبه للمعاملات والله الحمدالله كل ما اروح مكان يصادفوني بنات متساهلين وحتى لو مالهم خلق يحاولون يتفككون من المعامله بس بطريقة ذربة خخخخخخخخخخخخخ

بس هم ما اقولج ماسمعت عن الفئة الي تتكلمين عنها ياما صديقاتي قالولي انهم حصلتلهم مواقف مشابهه واستغرب منها لأني بصراحه اذا سويت حادث او شغله جذي اسكت ولاكلمه ودايما حصل خير يكون ردي

بس في فئة سبحان الله عندهم البنت القوية والسنعه اهي الي محد ياخذ حقها ولسانها شطوله وحتى مدة الايد جدام الناس عندها عادي وياما سمعنا عن بنات متهاوشين ومتكافخين بالكليات والدوامات

بس الي اختلف معاج فيه انج قلتي كويتيات!!!
انا رحت السعودية وصادفت بالسوق هالموضوع
وعندنا ناس بالامارات ويشكون من بنات نفس الفئة
وصديقتي بحرينية ونفس الشي عندهم فئة معينه نفس النوع
وما يخفي علينا بعد بامريكا ولندن
جربي سوي حادث
والله تنزلين تنطقين طق سنه بساعه غير الحجي الوصخ الي بينقط عليج
يعني موضوعج المفروض يكون عنوانه البنات همجيات... أو بالأصح بعض البنات همجيات
لأن بكل دول العام في فئة همجيه وفئة راقية
ومانقدر نعمم

 

[@رومانسيه@]

بصراحه
اهنييييج كان ودي وحده تتكلم جذي
انا شفت جذي برا وحتى بالمنتدى الهواش التطنز
ليش يعني الليىتبي تجذب تجذب انتوا ماعليكم منها اللي مايعجبها لاترد ولا لاتفشل البنت
كوني اديبه

بالعكس كل ماتفننت البنت بالردود تبين انوثتها وجماليتها الروحيه

الله يعطيج العافيه
واتمنى الكل يستفيد من موضوعج
والله يعينج

 

[arwaa3]

أولا أصابعج ما هي سوا.. المفروض تخصصين الهمجيات عديمات الأدب و الذوق.
و فعلا في بنات بالمنتدى و برا المنتدى و الله انصدم من اسلوبهم الهمجي... الله يهديهم... تتثقل على نفسها الكلمة الطيبة و الذربة... على بالها إذا قلت أدبها يعني كل الناس بتخاف منها و تحسبلها حساب ,,, على العكس تماما الناس ما ترد عليها تتقي شرها... ما تدري إذا احترمت نفسها تفرض احترامها على غيرها...
و مشكوووووووووورة إختي على الموضوع ..

 

[~*~الملكة~*~]

يعطييج العافيه
تدرين حيرتني ماني عارفه اكوون معاج او مو معااااج

بس الي اعرفه ان موكلنا جذي

انا ماراح ارد مثل ردود البنات المعتادة بناتنا سنع ومنع ودلع :eh_s(6):

ويمكن الي تتكلمين عنهم موكويتيات متكوتات <<<<هذا الرد المعتاد من قبل البنات ولي رديتي عادي يقولون انج موكويتيه

مادري شايفين جنسيتي ولا اهما الي مولديني:dddds:

هالنووعيه الي تتكلمين عنها موووووجودة لكن مو كلنا جذي يعني لي دعمت وحده بالسووق ماراح تقولي عمى ماتشوفين

ممكن تقولي it`s ok

لكن الموظفات عااادي ترد علييييج بلسان طوويل مادري ليييش جني يايه اطر منها وبالمقابل في موظفات

ابتسامتهم موجوده على طوول <<<<<<نفسي يعني :eh_s(6)::tomato2:


وعندنا موظفه الموظفين يتحاشونها فمابالج بالمراجعييين عادي ترد على الكل ماتحشم احد حتى المدير :eh_s(1):

المكشله عايلتها من ارقى عوايل الكويت المفرووض تحترم الاسم الي شايلته و المشكله هالنووعيه تتكلم عن الناس الهيلق

ياماما سنعو نفسكم بالاول عقب تكلمو عن غيركم


اتمنى هالنوعيه تقل وتنعدم ترا الابتسامه صدقه :eh_s(6):

مافيها شي لي زينت النفس

 

[Hello_kitty]

حبيبتي انه مقدره ان في كلام عندج ودج تقولينه معاج حق في بنات وايد تخصص لسان طويل وتدقر ونفس خايسه

بس والله العظيم في بنات ذهب ويهبلوووون وحتى الموظفات تقوم معاج وتخلصلج شغلج والضحكه تارسه الويه

يعني حرام لا نعمم وانه اقول خانج العنوان!!

جد يا ليت تغيرينه ترى العنوان اسمحيلي حبيبتي اهو الدفش والهمجي واي وحده تقراه على طول ببتنرفز وتعصب

 

[وصايف الزين]

الســـلام عليكم ورحمة الله وبركاته


الصراحه ترددت في كتــابة هــذا الموضوع ..اللي متابع الحاصل في المنتدى من انحدار وانحطاط شديد في الردود والمنافسه

منو لسانــها اطول اللي يقرى العنوان راح يقـــول الله يعينــج يالافنــدر من هجوم البنات عليج :dddds:

بس هذي مخاطره انا اتقبلها بكل رحابة صدر

اول شي ياللي قريتي العنــوان ويايه دايسه تبين اتشخطين هديلي بالج شــوي وكملي الموضــوع للأخر ..واتمنى مااشوف اي تعليق الا من الكويتيات يعني اللي عندها الجنسيه الكويتيه ترد<<صايره اعبر من الجويهل :krkrkr:

واتمنى ماسمع عبارة في كل الدول الحريم جذي او احنا عالاقل احسن من غيرنا

لا ..احنا عشانا احسن من غيرنا لازم نكون ارقى واوعى واكثر تذهيب ..

المهم بدش بصلب الموضوع

الكويتيات همجيات

أي نعــم همجيات جدا جدا

اللي عندها اعتراض تجاوبني بصراحه

لي رحتي السوق ودعمتي وحده بالغلط شنو جوابها عليج

أ-ماعليه حبيبتي

ب-عمى بعينج يالعميه ماتشوفين

اجزم بانه 80% راح يقولون سمعنا الجواب الثاني

لي رحتي وزارة وعندج مراجعه مهمه وكلمتي الموظفه عساس تمشي الشغل بسرعه لان الاخت تتمطط واتسولف مع اللي وراها ويمها حتى الفراش ماسلم منها شنو جوابها عليج

أ-من عيوني ياقلبي الحين اخلصه لج

ب- لا والله يعني انتي الوحيده المستعيله انا مااشتغل عندج.. تدرين شلون هذي اوراقج وماني مسويتها!!!

طبعا بدون شك الكل راح يختار الجواب الثاني!!!

بقعداتكم بالدوام لو وحده سولفتلكم انها اشترت العطر الفلاني من لندن مثلا

شنو تتوقعون ردة فعل زميلاتها

أ-ماشالله تتنهنين فيه
ب-حنان تقول لفاطمه من لندن الخايسه هذي كفو تشتري من لندن ان ماطلعت جذبتها!! وتقعد تستلمها بلسانها اللي تقول مشرط سجين لين البنت تكره العطر والساعه اللي اشترته فيها!!

طبعا هذي امثله بسيطه على اللي قاعد يصير في حياتنا اليوميه

صاروا الحريم يتنافسون بسلاطة اللسان والبذاءه

واللي تقط حجي من الوزن الثقيل مع استخدام اعلى نبرات الصوت مقاربه لنبرة الطقاقات تطلع فرعونة زمانها ومحد يقدر عليها

رساله لهالنوعيه اللي تتسابق بسلاطة اللسان وافحش الكلام اغلظه

انتي ماتدرين انه صنفان من الناس يتعذبون في القبر واحدهما اللي يستمتع بالكلام الفاحش!

يعني بلحظة وانتي تقولين هالكلام وتأذين فيه غيرج ممكن تموتين واحنا ندري ان الموت حق وان باخر الزمن يكثر موت الفجأه

بالذمه لو متي وانتي من هالنوع منو وشنو اللي راح يفيدج

زميلاتج اللي كانوا يشجعونج بالكلام (اي عفيه عليج زين سويتي فيها) هذيل النوعيه لو يدرون انج قاعده تتعذبين بالقبر جان قالوا زين يصير فيها!!!

ترى المرة حلاتها بانوثتها بالصوت الناعم والكلام المفهوم مو المياعه الماصخه ولا الصوت العالي

قلنا لاتميعون لكن لاتسترجلون !!!

لما تقول وحده سالفه لو جذب لاتنافسون مو يفشلها لو فيكم خير تنافسوا بمنو يساعدها ويخلصها من مشاكلها

لانها لو انها انسانه طبيعيه ماجذبت

يابنات قبل لاتاذين احد بلسانج سواء تحسين انه يستحق والا مايستحق تذكري قول رسول الله صلى الله عليه وسلم (من يؤمن بالله واليوم الاخر فليقل خيرا او يصمت)

نعم صمتي

فكري مليون مره قبل لاتقطين الكلمه لان ممكن تقطينها وتنسيها لكن

اللي قطيتيها عليها راح تفكر فيها اليوم وباجر واللي بعده

ممكن الكلمه اللي قطيتيها تهدم حياة انسانه او اسره

ترا الكلام اقوى من القتل

لو تذبحينها برصاص تموت وتصير برحمة الله

لكن لو تذبحينها بكلامج ممكن تعيش لكن شايله الاساءه شايله الجرح

شفيها لو حليتي السانج تكفين لاتقولين انا مااحب المجاملات والنفاق!!!

احنا ماقلنا سطري فيها ابيات شعر

اختاري ارق واعذب الكلام ترى يرطب القلوب ويحننها

واللي موعاجبتج ترى اهيا خلقة الله ..لاطالعينها انها جذابه وحقيره طالعيها بنظرة انها انسانه محتاجه علاج وعطف وممكن بسبتها تدخلين الجنه

الكلمة الطيبه يابنات وينكم عنها

تدرين الله عز وجل شنو قال بالقران عن الكلمة الطيبه وشوفي شنو ذكر عن الكلمة الخبيثه!!

قال تعالى : (ألم ترى كيف ضرب الله مثلا كلمة طيبة كشجرة طيبة أصلها ثابت و فرعها فى السماء , تؤتى أكلها كل حين بأذن ربها و يضرب الله الأمثال للناس لعلهم يتذكرون , و مثل كلمة خبيثة كشجرة خبيثة أجتثت من فوق الأرض مالها من قرار )


انزين ممكن تقولين الحين لاوالله في ناس ماتستاهل الا الكلام الخبيث!!!انا اقولج هل فرعون يستاهل الكلام الطيب

واحد متحدي الله عز وجل

متخيلين معاي

الله بعزته وجلاله واحد من خلقه يتحداه

تدرون الله عز وجل شقال لموسى

("أذهب إلى فرعون إنه طغى فقولا له قولا لينا لعله يتذكر أو يخشى")

شوفوا التهذيب ياناس

وقول له قولا لينا

طيب الله عز وجل ليش ماامر موسى عليه السلام ان يستخدم ابشع الكلام واسوءه واستخدام اعلى نبرات الصوت

تخيلوا لووحده من البنات راحت وكلمت فرعون تدرون شراح تقول

فرعونه ياحيوان ياواطي ليش تتحدى الله عز وجل!!

لاتضحكون هذا واقع

اذا اهيا تعامل اختها المسلمة باسوء وابشع الطرق فمابالج بفرعون!!

طيب مو الله عز وجل اللي خلق فرعون والله احق منا جميعا باستخدام القوة ..هو اللي امره بين الكاف والنون كن فيكون

ليش مااستخدم القوة

لان الله عز وجل ضرب لنا مثل في التعامل الانساني والاخلاق الساميه

كلام هين ولين


استفيدوا من الدروس القرانيه

احنا مسلمين

يامسلمات تهذبن

والله اللي حاصل بديرتنا الحين امر مؤسف

البنات والحريم امهات 50 سنه سمعي صراخها بالسوق سمعي الفاظها سمعي كلامها

مره كبر يدتي احفادج طولج مستحيل تكون هذي الفاظج عيب والله عيب

انتي ام مربية اجيال شخليتي للمراهقات

شفيها لو كان كلامج حلو شفيها لو رديتي عالاساءه بالله يسامحج ترى هذا موضعف هذا بيزيد:krkrkr: مكانتج عند الله عز وجل

هذا بيرفعج درجات

شفيها لو احد خدمج تردين عليه بيعطيك العافيه بدال مابغيت تخلص!!شفيها لو شكرتي غيرج على تعبه حتى لو الحكومه تمشيله معاش!!

رغم كل اللي قريتيه ومستمرة بطريقتج الهمجيه عيل راح اصدمج بالحقيقه المره!!

انتي ياام لسان طويل سواء بالسوق او بالشغل ياللي محد سلم من لسانج تدرين ليش الناس ماترد على اساءتج

موخوف منج

ترا لانهم يشوفونج انسانه واطيه بلااخلاق وحتى الكلمة الخبيثه خسارة فيج

نعم

الناس تتجنبج عشان فحشج ولسانج الطويل لانهم مايبون ينزلون لمستواج الهابط

لان الناس تعبت على سمعتها واخلاقها ماتبي اي شي يربطها فيج لانج عار على الاخلاق والناس الشريفه المحترمه

كلما دخلتي على مكان تدرين شيقولون الناس (يات حيزبونه ام لسان طويل,الله يعينكم بنات على لسانها بس مااوصيكم كبروا عقولكم وخلوها تولي)

تخيلي هذي نظرت الناس لج

تقدرين تتحملين هالشي

هل تقدرين تعيشين طول عمرج شايله هالوصمه انسانه بلا اخلاق

طيب شنو ذنب اعيالج اللي يبتيهم

شنو ذنبهم ينوصمون بعيال العوبه الهيلقيه ام لسان طويل

مااقول الا الله يعينهم عليج!

وبالختام رساله لبنات المنتدى لاتشوهون المنتدى لاتتنافسون باقبح الردود والله اني اقرى ردود انصدم انها طالعه من بنات

اي وحده تردج عليج برد سيء لاتعبين عمرج رساله للمشرفه وراح يوقفونها على طول

خل نرتقي احنا كويتيات بنات الحمايل بنات الناس المحترمه

احنا اللي طيبنا مالي الارض ليش نبخل فيه على بعضنا

خلوا قلوبكم بيضا وتعاملوا بالاحسن والافضل

واتمنى اني ماطولت عليكم بالكلام ولكن من المناظر اللي تفشل اللي نشوفها بكل مكان والله ان الرياييل قاموا يخافون يتزوجون من اللي قاعد يشوفونه من البنات

اهم يبون انثى مو ريال نفسهم!!

كثر اللة من امثالج وللمعلومية اهي تتكلم عن فئة من الناس مو كل الكويتيات بطلو عيونكم عدل واقرو الموع مرة اخرى:eh_s(1)::eh_s(1)::eh_s(1):

 

[happy&single]

ليش التعميــــــــــم ؟؟؟
ومنو الهمـــجية ؟؟ اللي لسانها طويل وما تحشم احد وما تعرف ترد واتكلم؟؟
هذي مريضة وشخصية غير سوية لأنها تهاجم بدون تفكير ،، ولا تحسب لا نفسها ولا لغيرها حســـاب

" كلــــن يرى النـــــــاس بعيـــــن طبعــــــــه "
اللي هذا اسلوبــــــــــها بتلاقــــــــــــي ناس مثلــــــــــهاا بالدنيـــــــــا ،،

انا كويتية وافتخر اني كويتيه بالتأسيس وما عرف احد من أهلي او رفيجاتي أو حتى صديقات بالدوااام همج على قولتج!؟؟

فعلا في بنات بالمنتدى والشارع أسلوبهم يعور القلب بس قلت لج هذا سببه تفكيرها وشخصيتها الغير سوية
ماكو انسان طبيعي يستخدم ألفاظ واسلوب وقح بدون لا يكون اهو بالاساس ما عنده قدر حق نفسه للأسف ،،
واهم قلة قليله الله يشفيهم ويهديهم ويفكنا من شرهم ،،

اهل السنع والذوق اهم اهل الكــــــويت ،، ولا أرضــــى ولا اقبل احد يمسهم بكلمـــــة

اختي موضوعج يناقش قضية كل يوم البنات يطرحونها "" الاسلوب"" واعتقد خانج التعبير باختيار العنوان والكلمة "همج"
بارك الله بالكويت واهلها ،، والله يعطيج على قد نيتج

 

[‏ღLave♥nderღ]

بنات اذا عنوان الموضوع يجرح فافعالهم كل يوم تجرحنا

وتجرح بنات وايد


ادري انكم عصبتوا وانا مالكوم لان هذا شي يمسنا ولكن عشان توصل الرساله عدل لازم في كلام يطق بالقلب

لازم نستخدم كلام يهز عشان البنات يصحون

يعني موحلو يطلق عليج لقب نسره ولا ام السعف والليف

ولاحلو انا باجر يتعمم الوصف علينا

اتمنى تتركون العنوان على الجانب وتتعمقون بالموضوع

 

[مـيـراس]

ياهلا ميراس

للاسف راح تقصين ايدج من عروقها لان والله اللي يشهد اني كويتيه وابشرج جنسيتي اولى بالتأسيس

ترا ممكن اصورلج الجنسيه عشان تتاكدين

وللاسف التصنيف اللي صاير عشان ذكرتي سلبيه بمجتمعنا اطلع مو اصيله جنج من ربع سكوب اللي ضد الاستجواب كويتي شريف يحب الوحده الوطنيه واللي مع الاستجواب كويتي غير شريف يحب التفرقه والعنصريه مع انه سكوب كلها عقد وبدون
ههههههه شفتوا شلون الدنيا مقلوبه!!

ترا انا الاحق ان انعتج انج موكويتيه اصيله لان الاصيله يهمها مجتمعها واصلاحه والغير اصيله يهمها خرابه ودماره!

مع ذلك انا اييدج بكلامج انه هذي صفات العقد لكن في بنات قاموا يقلدونهم عرفتي يعني بدت اتصير ظاهره وعشان نقمعها لازم نسلط الضوء عليها

واذا ماعجبج الموضوع هذا ماينفي صحتها

اخذيلج فرة على الردود بالمنتدى هواش ونجره وكل وحده تتبارى بمنو اردى رد !!شوفي تذمر العضوات من الردود والهلاقه الحاصله!

فوق هذا شوفي الهلاقه بالاسوقه فعقد والا موعقد اهم موجودين بالكويت وللاسف محسوبات كويتيات والمؤسف اكثر ان بعض الكويتيات قاموا يقلدونهم

اشكر لج مرورج

هلا حبيبتي

ترا عموما كل من هب ودب اخذ الجنسية حتى لو انها من سوريا او انشالله من الصومال وياخذها بالتأسيس وانا اذا تكلمت اذا ااصيلة ولا مو اصيلة اقصد انه دمه كويتي وعروقه كلها كويتية سواء بدون او عنده جنسية وخل يكون بعلمج ترا في ناس بدوون واهم يستحقون الجنسية اكثر من الللي عنده جنسية ولو بالتاسيس واذا انتي شايفة ان فئة العقد مو مستحملة اسلوبهم وشفتي نفسج على حق واهم ممصخينها يختي عامليهم بالمثل لان من قديم الزمان واهم يقولون عامل الناس كما تحب ان يعاملوك بس ان جيتي وحده اسلوبها ذرب وبنت حمايل عامليها بنفس الاسلوب بعدين اذا قلتي ان البنات صايرين يقلدونهم لا يا عمري ما يقلدونهم الا اذا كانو مراهقات اما لا كبروا ينقدون على نفسهم عقب ما يردون لعقلهم والبيئة اللي تربو فيها...عرفتي؟؟؟

 

[مـيـراس]

اللي نفس اختي ميراس اصحاب التفكير المفتوح!! قبل لاتردون دخلواعشان تعرفون قصدي عدل

http://www.q8yat.net/showthread.php?t=530900

http://www.q8yat.net/showthread.php?t=532613

http://www.q8yat.net/showthread.php?t=533025

اذا انتوا عايشين بمحيط ملاءكي وماتعانون غيركم يعاني من الهمج..!

يعني تقصدين امثالج تفكيرهم مفتوح

 

[مـيـراس]

ماراح اطولها واهي قصيرة كلامج اغلبه صح ..بس مو معناته 100% كلنا همجيااااات!!!!!! موضوعج معمم عالبنت الكويتيه ..بس كان ممكن تختارين لفظ شوي اخف من همجيات؟..اصابعج يدج مو سواا يعني في الكويتيات تلقين الزبنه و فوق الزينه و العادي والي بحال سبيلها..,في همجيه مانقول لا ..هذا احنا صايرين نطلع عيوبنا ونذكر مساوئنا وننسى نمدح بعض !!!

درر وربي همجيات قوية هههههههههههه

 

[مـيـراس]

اللي نفس اختي ميراس اصحاب التفكير المفتوح!! قبل لاتردون دخلواعشان تعرفون قصدي عدل

http://www.q8yat.net/showthread.php?t=530900

http://www.q8yat.net/showthread.php?t=532613

http://www.q8yat.net/showthread.php?t=533025

اذا انتوا عايشين بمحيط ملاءكي وماتعانون غيركم يعاني من الهمج..!

معاج حق بالموضوعات اختي والصراحة اايدج
انسان شاف بعينه مو مثل اللي ماشاف

انا مثلا احصلت لي مواقف فيني او في غيري قدام عيني بس يشهد الله ان بنت الحموله واهلها معروفين ما يطلع منها ردا والبنات اللي ما تدرين من وين يايين واللي بالي بالج اهم ساس البلا واهم اللي ينقال عنهم همجيات للاسف انا لحين على رااي
واختلاف الراي لا يفسد للود قضية

لا تعصبين ها؟ وهم لا تتطنزين يا قلبي

 

[عاشقة_الجمال]

بنات ليش تتضايقوون من كلمه الحق ؟؟
الصراحه انا مع صاحبه المووضوووع صارت الهلاقه والردود الشينه اهي اللي طاغيه على اسلوووب البنات
ولا تنسووون ان الشين يعم يا بنات وما يخص
فيا ريت تكوون الردوود احلى وارقى
انتوو الحين كليتوو صاحبه الموووضووع بس ليش انها كاتبه العنوان جذي
اللي عارفه نفسها ان اسلووبها راقي وما عندها هلاقه ولا همجيه ما راح تتضايق من العنوان
بالعكس راح تدخل بكل أريحيه وتتكلم وتنصح البنات انهم يعدلووون من ردوودهم