موضوع للنقاش:الكويتيات همجيات!!

[حقوقيه زوغه]

يزاج الله خير

 

[أم حمد =)]

طبعا مانقدر نعمم .. نقول البعض وليس الكل ..


واهنيج على صراحتج

 

[Azzurra]

الصراحة انتي ظلمتي فئة كبيرة من بناتنا لانه عميتي علينا ماكو شي اسمه الكويتيات همجيات بكل دول العالم في الزين الشين حبيبتي

 

[Judy abbott]

كلامج عدل

والبنات المعارضيين

صج انها فئه قليله بس ترى الخير يخص والشر يعـم


وعموما كل انساان معاملته ترد حق بيئته الي عايش فيهااا

 

[عاشقة الكاكاو]

لا حبيبتي انتي ظلمتي البنات واايد

ممكن في فئة قليله مو الكل ولا النص قليل والله

بالعكس انا وحده من الناس لما اتييلي وحده بالدوام عندها معامله ولا كتاب اخلصه لها بوقت قياسي

ولما يصير موقف ابدي الاعتذار على كل شي

يعني صار موقف مع وحده بالسوق اقولها سوري مو قصدي تبتسم وتقول عادي

او ممكن تقول عادي وتمشي بس سوالف هوشات وجذي ماتصير الا ناادر و مو مع كويتيات

تدرين مره كنت مسافره دولة خليجيه ماراح اقول شنو علشان ما تصير مشاكل وبالسوق دعمت وحده

جان تقوولي انتي يا كويتيه يا ..... قلت لها ليش الغلط جان تنهد علي والله ما تحملت الكلام اللي سمعته

يعني بكل ديره مو بس بالكويت ومووووو الكل

حبوووبه ترى الكويتيات معروفين بالذوق والادب والاخلاق والذوق

شنو اللي يخليها اشهر مصممة ازياء واشهر خبيرة تجميل واحسن دكتوره واحسن مهندسة ديكور

واحسن متحدثه في السياسه والادب والاقتصاد

السبب انها متحدثه جيده

لا تطالعين بنات السوق ترى مو كل من لبس غتره وعقال صار كويتي

ولا كل من قالت شلونج شخبارج صارت كويتيه والدليل شوفي المسلسلات ترى كل اللي يمثلون مو كويتيات

لا شيماء علي ولا عبير الجندي ولا ناديه عاصي ولا عبير احمد وغيييرهم وااااااااااااااااااااايد واايد

>> انا ذكرت هالاسماء علشان لما تشوفين هالنوعيه بالسوق تسب و تغلط لا تقولين كويتيات لان الشكل مااايحكم

انا اقدر البس عبايه وشيله واقول سعوديه او اماراتيه او اي جنسيه بس ما يصير لان كل من يرده أصله

لا تحكمين علي البنات بسبب بنات الشواارع وترى كل من يرده اصله ولا تنسين التجنيس

فئة الملح والزااد دشت بقوووة غير اللي تقولج انا كويتيه وما يصحش هالكلام >>> اقوول ابله عطيات ويهج ويهج بس

حبووووووووووووووووووووبه خليني سااااااااااااااكته بقلبي قهر من هالاشكااااااااااااااااااااااال

 

[‏ღLave♥nderღ]

هههههههههههه عاشقة كاكاو شكل قلبج متروسه

اشكرج شكر كبير على طرح رايج

تشرفت بمرورج

 

[‏ღLave♥nderღ]

اشكركم بنات شرفتوني بمروركم

 

[أشبـاهـ المطـر]

قل صواباَ يتحمل الخطأ لا خطأَ يتحمل الصواب !

انا متأكده ان هدفج من ورا الموضوع نبيل ولاغبار عليه بس طريقتج بالعرض لي عليها تحفظات

قلتي ان كل الكويتيات همجيات ... التعميم لغة الحمقا يا اختي الكريمه

الأمر بالمعروف والنهي عن المنكر ليس حصراً على كويتيات من باب اولى ان تكون الدعوه مفتوحه للجميع وليس لفئه واحده

والناس قامت تفهم الموضوع من قشوره بدال مايتناقشون بالظواهر صاروا يتكلمون عن من هم الهمجيون؟؟ وهذا متوقع لان القراء مستويات

لم اقصد الهجوم انما توضيح عواقب الامور حتى لاينقلب السحر على الساحر

بالاخير اتمنى ان تتقبلي وجهة نظري بصدر رحب...

 

[مخدوشة الوريد]

فعلاً كلامج صح .. بس مثل مايقولون لو خليت بليت .. واكثر بنات الكويت لحمدالله مافيهم من الي تقولينه
بالعكس هالنوعيه هذي طلعت بالفتره الاخيرهـ تدرين شنو عيب الكويت .. ان الي يي يعيش فيها يصير حاله الكويتي ويحط راسه براسنا
فماتقدرين تفرقين بين الكويتي والي مو كويتي غير بمعاملته لج .. والله يصلح الحال .. مابيدنا نسوي شي ... الي ندعي لهم بهدايه

تسلمين على طرح

 

[‏ღLave♥nderღ]

قل صواباَ يتحمل الخطأ لا خطأَ يتحمل الصواب !

انا متأكده ان هدفج من ورا الموضوع نبيل ولاغبار عليه بس طريقتج بالعرض لي عليها تحفظات

قلتي ان كل الكويتيات همجيات ... التعميم لغة الحمقا يا اختي الكريمه

الأمر بالمعروف والنهي عن المنكر ليس حصراً على كويتيات من باب اولى ان تكون الدعوه مفتوحه للجميع وليس لفئه واحده

والناس قامت تفهم الموضوع من قشوره بدال مايتناقشون بالظواهر صاروا يتكلمون عن من هم الهمجيون؟؟ وهذا متوقع لان القراء مستويات

لم اقصد الهجوم انما توضيح عواقب الامور حتى لاينقلب السحر على الساحر

بالاخير اتمنى ان تتقبلي وجهة نظري بصدر رحب...

ياهلا اختي

اول شي اشكرج على هالرد احب هالنوعيه من الردود

بالفعل التعميم لغة الحمقا بس هل ترين بالموضوع اي تعميم ...

خليج من العنوان ..الموضوع نفسه مافيه اي تعميم ..

اذا كان التعميم لغة الحمقى شرايج باللي يطلقون الاحكام على الموضوع فقط من خلال عنوانه

نسميهم حمقى او ...

كل الردود ناقشت الفكره وتحفظت على العنوان

انتي الوحيده اللي ناقشتي العنوان وتحفظتي على الموضوع ..!



تشرفت بمرورج

 

[روحها لكويت]

لا صج همجيات تعالي دقي على الدوامات وشوفي النفسيه قبل بدوامي لما أتصل على بنك وترد وحده منفسه حده تلوع جبدي

ولا المواصلات الريج الخايس طالعه ريحته من ورا التلفون وكنت اروح الشئون وفي وحده حدها هذي بروحها أعصاب وتلوع جبدي لما شريت عبايه من السوق السعودي نطت يمي وتبوس فيني وهي قبل ما تشتهي حتى أسالها سؤال صرت عمرها وحبيبتها كلش موووووووووت

بس عشان تعرف من وين يبت عبايتي ........
بس نرد نقول في مثل العسل بلسم بنات يهللون ويرحبون شحلاتهم من أول ما تشوفينهم يبردون القلب
عن نفسي ماحب تعامل الحريم كلش ملش

 

[أشبـاهـ المطـر]

طريقة العرض تحفظت عليها وذكرت ان الغايه نبيله
وبررت تحفظي بثلاث نقاط ذكرتها بردي السابق لم اتحدث مطلقا عن العنوان


يقول الرسول الله صلى الله عليه وسلم : ( انا زعيم ببيت في ربض الجنه لمن ترك المراء و ان كان محقا )


أكتفي بهذا القدر

 

[ريــمووو]

ماشاء الله عليج خووش موضوع روعه
ويستاهل التصفيق

صح دشيتي بالموضوع قوي وحلو ترتيبج وايد عجبني

تسلمين ويعطيج العافيه

وفعلا في ناس اصواتها عاليه بالسوق مايصير الناس تسمع صوتج انتي بنت والمراء صوتها عوره

مايصير حبيبتي تتكلمين بالتلفون مو لازم الكل يسمع شنو تقولين

اما الدوامات حدث ولا حرج

والله تبين الصراحه انا مرات اسولف عن البنات اللي يلبسون وحتى اقولها مرات بس مو اعطيها بالوجه بس ابينهلها ان لبسها غلط

هم احش بالناس بس ان شاء الله باذن الله بكتب كفارة المجلس على مكتبي ومراح احش باحد