م انام الليل والسبب ؟؟؟؟

[احبك ليش؟]

لا تاخذين واحد مو مقتنعه في انا كنت احب ولد عمي و الكل كان رافض و تزوجنا بالغصب و احنا صغار انا عمري 17 و اهو 20 بس ما همنا احد و الحين عايشين احلى عيشه و الي يقول ما في حب قبل الزواج لا يحكم على الكل يمكن اهو تجربته فاشله مو شرط كل التجارب مثله بالعكس بعد الزواج يزيد الحب و كافي يكون كل شي بالحلال و الكل يدري فيه مو بالخش و الدس

 

[احبك ليش؟]

توني اشوف ردج الله يوفقج و يتمم عليج

 

[(( لولي ))]

حبيبتي نصصيييحه نصييحه من وحده مثلك ماتقدر تنام الليل انتي عالاقل قريب اللي تبينه ولسا ف اول الطريق مع خطيبك
اخذي ولد خالتك اذا تشوفين انه كفو ويقدر يسعدك وانتي تحبينه يعني بكل شي فيه تبينه وهو بعد يبيك
لاتقولين خطبوني ناس زينين ومدري ايش ماخلاني بحالتي الحين الا سكوتي عن الشي اللي ابيه كنت ابيه وكان يستاهل وامه بعد تستاهل وحيل احبها وهي تتمناني له كان يستاهل واصدمك للحين يبيني ووده اتطلق عشان ارجع له بس جاني قريبي وخطبني وابوي عطاهم ع طول بدون مايرجعون لي لو اللي احبه يقرب لي حيل وفيه امل اهلي يوافقون عليه والله مااهتميت بحكي الناس انتي ب اول الطريق واكيد الحب مو كل شي بس دامك شايفته مافيه عيب وطيب وكلكم تبون بعض ارجعي له وخطيبك طلعي لك اي عذر عشان ماتتطلق اخته دامه ماعندها مشكله باللي اخذته الله يسعدها خلي اهلك يقولون اي عذر البنت تعبت جتها عين بسم الله عليك اي شي قولو فزة الناس صارت فيها اعذريني على هالكلام بس عشان اختك ولاااا تنسين تصلين استخاره قبل هذا كله

 

[(( لولي ))]

بعد توني اشوف ردك الله يسعدك ويشرح صدرك يوفقك معاه اهم شي ب اقتناع لحد يضغط عليك

 

[lolwah]

:eh_s(15)::eh_s(15):

شوفي اما بقولج شي وباذن الله تفكرين عدل

ورب الكعبه مافي شي اسمه حب قبل الزواج

خواتي ثلاثه تزوجو عن حب ..

حب متبادل بينهم

وشوفي المشاكل الي بينهم لستارررر

والله العظيم حتى اخوي ماخذ مرته بنت عمي عن حب وهم مشاكل تكسر الخاطر مشيب عيونها

بس انا ريلي خذيته ما اعرفه ابددددد ولا شايفته

يعني تخيلي يقول كنت اوقف عند باب بيتكم بالساعات ولا اصيدج طالعه على حسب وصف خواتي اعرفج اقول يمكن اهي هذي

واول مره شافني بالعرس ..

مع انه بنات جماعته كلهم ميتين عليه ويبونه بس اهو شوي ثجيل شخصيته مو مال حب وخرابيط متعلق بخواته وايد

عشان جذي ما كان يخربط ابد لانه الجبير ويخاف على سمعة خواته

فاي وحده تطلع تحبه من بنات عمه ولا جماعته ينحاش منها ويهون عن الخطبه

انا طبعا قالو لي كلميه قلت لا قالو قعدي معاه قلت مابي ولا خليته يشوفني الا يوم العرس

ووالله العظيم انه يموت فيني وادري ولدرجه انه اذا زعلت كل يوم يكلم ابوي واهلي عشان ارد

ويحط حساب لدموعي حيل ويفقدني

ويبرر كثير لتصرفاتي والكل منتبه لحبه .. مع اني عصبيه واهاوش وما اتحمل اذا نرفزني

سبحان الله شلون صار يحبني مادري !

لكن نصيب

والله العظيم الي بوصله لج .. الحب يي بعد الزواج والي قبله كله خرابيط

باجر لا خذيتي هالريال ع الاقل مرتاحه

شلج بعوار الراس مع اهله وامه ع بالج راح ترتاحين والله ماترتاحين .. حتى لو اني بعيده راح يصير الحجي فيه وغير اتصالاتهم على ولدهم والحش براسه

وحطي بالج محد يبيع اهله عشان مرته كلها وعود جاذبه

لكن الثاني الي للحين ماعرفتيه يمكن يكون هو الي يوريج الدنيا ويحبج اكثر من هذاك وتحبينه اكثر بعد

احنا متزوجات ونقولج الي نعرفه

ترا قبل الزواج غيررررر وبعد الزواج غيرررر

وهذا الي يحبج يايج واهو معاه كومة مشاكل هاويه الشقى انتي ؟

تبين من بدايتها تدخلين حرب معاهم !

يازين الراحه النفسيه اهم ماعليج راحتج لا تقولين يحبني ومادري شنو

هم يحب اهله ومايرضا عليهم باجر تصير حياتج كلها على اهلك ويا طلابة اهلك !

ليش تتواصلين معاه وانتي مخطوبه ليش فتحتي لها مجال ؟

خلاص قولي ماكو نصيب واختي راح تنضر بهالشي وحرام اظلمها معاي

دوسي على قلبج وطيعي امج اهي عارفه وفاهمه وتدري

والله يديم عليج راحة البال ويفرج همج يارب

ماشاءالله عليج عين العقل

 

[اهذريبك~]

شتبين بعوار الراس اذا عارفين معدن امه
تقضبي براي امج لان هي اللي تعرف مصلحتج
و لا تردين حظج و حظ اختج و الحب يجي بعد الزواج
و عسى الله يوفقج

 

[اهذريبك~]

أبشركم الحمدلله .. تركته 4 ايام وقدرت افكر زين
واخترت اللي خطبني وارتحت . وتحددت ملكتي

دعواتكم لي بالتوفيق ., واشكر كل وحده ردت علي والله يسعدكم :eh_s(7)::eh_s(7):

:rerrerek::eh_s(17):

 

[Om..soso]

اذا الي خاطبج سنع واهله سنعين توكلي على الله وانتي أصلا مخطووبة

وقبل الزواج غيييييير عن بعد الزواااج

وكل شي يروح من تعاشرين زوجج وتعيشون تحت سقف واحد راح تموتين عليه صدقيني

شلج بولد خالج وتدرين انه ورآه مشاكل !!!

مرد كل شي بصير ماضي وبتنسيين طوايفه بعد

وفكري عددددددل وصلي استخارة

والي الله كاتبه بصير

الله يوفقج