نادي %كويتيات% لهواة التصوير الفوتوغرافي

[جاي وحليب]

هلا اختي ميسا.. شكراً لمرورج على الموضوع
كانون 400d من احسن الكاميرات للهاوين الجادين نحو الاحترافيه.. وسعرها مناسب..
اذا انتي حاطتها في بالج وعاجبتج مميزاتها وامكانياتها وهذا اللي تبينه
توكلي على الله واخذيها...

انا صارلي حوالي 8 اشهر والكاميرا 400d عندي وخوش كاميرا ومريحتني
واهي اللي خلتني اتطور بالمستوى بعد الكومباكت اللي كانت عندي وكانت امكانياتها محدوده تقريباً....

بالتوفيج عزيزتي

 

[ميســـا]

مشكوره حبيبتي جاي وحليب

بس بالنسبه حق المميزات انا مافهم فيهاذاك لزود

انتي قولي شرايج فيها؟؟؟؟؟؟

ومميزاتها زينه؟؟

يعني اتوكل على الله واخذها

 

[جاي وحليب]

ميسا .. الشغله هاذي انتي تحددينها..
اوكي دخلي على مواقع كاميرات مثل..

http://www.dpreview.com


وقارني بين الكاميرات .. المميزات لازم تعرفين كل شغله حق شنو ..
عيل على اي اساس حددتي انج تبين هالكاميرا ..
المفروض على المميزات والاستخدام اللي انتي تبينه للكاميرا

لاتستعيلين وتاخذينها ويمكن تكون ازيد من استخدامج العادي لها
روحي سألي قبل لاتشترينها شوفيها .. مسكيها.. ترى موصغيره وناعمه لا .. وفيها وزن .. وشغلات يمكن انتي موحاطتها في بالج بس هناك تشوفينها..

 

[ميســـا]

رحت شفتها وحبيتها

بس قال اللي بالمحل اذي نيكون 200 احسن

مادري محتاره بينهم

بس النيكون استخدامها اصعب اذا انا توني مبتدئه

 

[جاي وحليب]

نيكون 200 جم سعرها ؟

ماادري اذا بالاستخدام اصعب.. بس مع الوقت تتأقلمين ماكو شي صعب يمكن بالبداية بس..
ولاتاخذين بكلامه.. اهو مجرد بياع وممكن بس بيمشي البضاعه اللي عنده..

انتي حطي المميزات هاذي جدامج .. والمميزات هاذي جدامج ..
وقارني.. وشوفي انتي محتاجه هالاشياء ولا زياده ومنتي بحاجتهم..
شنو المميزات المهمه اللي تحرصين انها تكون بكاميرتج اللي بتاخذينها..
الميزانيه .. وهالشغلات.. وعلى اساسها حددي ...

 

[سمو]

نيكون دي 200 كاميرتي ماخذتها اول ما نزلت بعد الخصم ب 700 وشي مادري جم بالضبط ... وهي تعتبر من احسن الكاميرات جوده


ومثل ما قالت اختي جاي وحليب ...انتي شوفي شنو تبين ... حرام تقطين فلوسج على كاميرا غاليه وما تصورين فيها اشياء واايد ...او استعمالج خفيف للكاميرا

 

[حالة استنفار]

,,

الله على الـ pic ,,

صج صج روعـه ,,

 

[SabaQueen]

السلام عليكم بنات النادي شلونكم شخباركم

بنات طحت على مجلة كويتية تهتم بالتصوير الفوتوغرافي لقيتها بالكتبة العدد الخامس يعنى توها طالعة سعرها 1,500 بس تسوا واايد حلووه فيها دروس و مقابلات و اخبار و كل شي . و آنا ان شاء الله بدق عليهم علشان اشترك فيها ... و ان شاء الله تعوضنا عن مجلة فوتو اللي صار لها جم سنه منقطعه عن السوق
نسيت اقول لكم اسمها : فوتوجرافيك

يلا لحقوا اشتروها بالمكتبااات

و هذا موقعهم بالنت :

http://photographic-kw.com/

بالتوفيق

 

[جاي وحليب]

SabaQueen

شوقتينا عالمجله .. ان شالله باجر امر مكتبتنا ادورها.. شكراً على هالمعلومه

 

[SabaQueen]

اي و الله دوريها , بعد ودي اشتري اعدادها القديمه

 

[سمو]

حلوه هالمجله ... بس صراحه لما تشوفون المجلات الاجنبيه وما تردون عل العربيه كلش ... بس طبعا المجلات الاجنبيه واايد غاليه منهم على 3.750 ومنهم على 4 دنانير وشي .. بس صراحه فيها مواضيع تعلم تكنيكات التصوير ومواضيع تعلم عل الفوتوشوب :

digital photography

populer photography

 

[شمعة الكويت]

مشكوووووووووورين وايد على هالموضوع الاكثر من روعة

قريت كل رد فيه صفحة صفحة صارلي 3 ايام

ومشكورين وانا ناوية اشتري كاميرا وودي بنصيحتكم

وبعضكم دزيتلهم رسايل على الخاص وفادوني واايد

الله يعطيكم العافية ومشكوورين وما قصرتوا

والله يوفقكم انشالله ونشوفكم من اكبر المصورين

تحياتي :

شمعة الكويت

 

[شمعة الكويت]

مشكوووووووووورين وايد على هالموضوع الاكثر من روعة

قريت كل رد فيه صفحة صفحة صارلي 3 ايام

ومشكورين وانا ناوية اشتري كاميرا وودي بنصيحتكم

وبعضكم دزيتلهم رسايل على الخاص وفادوني واايد

الله يعطيكم العافية ومشكوورين وما قصرتوا

والله يوفقكم انشالله ونشوفكم من اكبر المصورين

تحياتي :

شمعة الكويت

 

[SabaQueen]

العفو يا شمعة الكويت و حياج الله ...
و مشكوره على دعائك الصالح لكل المشاركات بالموضوع

بس للأسف مادري شفيه الموضوع شويه تم نسيانه و راح الحماس اللي كان

بالتوفيق للجميع

 

[شمعة الكويت]

العفو شدعوة ما سويت شي تستاهلون اكثر


وانشالله يرد حماسكم تدرين الحين عطلة ويمكن اغلبهم مسافرين



تحياتي :

شمعة الكويت

 

[شمعة الكويت]

ويييييييييييييييينكم يا حريفات التصويييير


ردي اللي قبله صارله سنة لوووووووووول



يالله جددوا النشاط من يديد

وانا جاهزة وياكم

طبعا لهيت بالعطلة 2007 ولا خذيت كاميرا

قبل شهر رحت الامارات وخذيتلي كاميرا كانون 950

وايد مدحوها لي بس بصراحه ما جابلتها عدل

يعني صورت عادي وفيها مميزات ما ادري شلون استخدمها


يالله خل نرجع حق النادي ومنكم نستفيد

 

[supermarket]

اي والله ياريت نرد مثل قبل

مادري شفيني خقيت

ودي ادش دورة ... مهما قريت من النت بسرعة انساهم

 

[nice smile]

انا كنت ادور الموضوع اول ماشريت كاميرتي .. ومالقيته !!!

وفجأه اليوم لقيته بويهي


يالله شدو الهمه انا وياااكم بس ماعرف شي بالتصوير ..

بس الماكرو اللي عرفته هههههههههه .. وابي تشجيع ومنافسه



كاميرتي كانون ixus 960 is ..

خذيتها لانها 12 ميغا بكسل

وتصوير الفيديو اكثر من 3ساعات للميموري 2 غيغا


وبصراحه اللي خلاني ودي اتعلم .. اخوي ماشاءالله عليه مصور محترف واصوره تشوق .. بس ماكو وقت يعلمني ..

 

[Maneena Manaana]

سوبر ماركت... من وين امطلعة هالموضوع؟!! ههههههههه حده قديم


المهم...شوفي..أحسن طريقة عشان اتعلمين تكنيكات التصوير .. لعبي بالكامرة.. تعبثي.. صوري صورة وحدة بأكثر من اعداد وكتبي اعدادات كل صورة وقارني بينهم.. ومع الاستمرار بتطلعين بنتاايج حلوة


نايس سماايل...انطاالبج بصور ماكرو... يلاا نزليهم شنااطرة؟!!!

 

[nice smile]

مانينا مانانا

والله قاعده احاول اتعلم بيني وبين نفسي بس اشوه فيه شوي تطور ..
مادري ليش مالي خلق اشبك على ويب سايت خاص للتصوير احس اني ماراح افهم مصطلحاتهم



وهذا اللي اطالبيني ..

موتضحكون كلها صوره وحده محتفظه فيها ... ههههههههههههه