نادي %كويتيات% لهواة التصوير الفوتوغرافي

[nice smile]

وهذا بعد هديه ..

 

[Maneena Manaana]

ههههههه ليش نضحك؟؟؟

عشان تطلعين بالنتيجة اللي تبينها ...لازم اتجربين واتجربين واتجربين.. وعسى تطلع بالشكل المطلوب

أمس صورت فوق ال 130 صورة وطلعت منهم اب 6 مادري 7 الزينين.. ولا ومو النتيجة اللي ببالي...

بس كصورة وفكرة... وااايد نايس

ناطرين ابدااعااتج القادمة

 

[Maneena Manaana]

اذا مالج مقاقة تقرين وجذي...

نصيحة..حطي ببالج صورة بتصورينها..مثلا مثلا تبين تصورين ليتاالت بالليل... كتبي بقووقل طرييقة التصوير الليلي .. وبتطلع لج تجارب الناس وكل واحد وطريقته بس بالاخير الاعدادات بتكون متشابهة,

كتبيهم على ورقة وابدي طبقي وبجذي بتكونين عرفتي شلون تصورين بالليل... وروحي للي بعدو.. تصوير ماكرو أو... أو..

انا هذي طريقتي... لا دورة ولا كتب...

 

[nice smile]

مشكووره قلبي على هالنصايح وبحاول اطبق ان شاءالله

بس ماكو وقت

ابي شي بالفطره

 

[Maneena Manaana]

:denya: ماكو شي ايي بالساهل


واذا على الوقت... ياربي احنا كله ماكو وقت.. لو بتشووفين الوقت اشكثره بس ماكو تنظيم !

 

[Maneena Manaana]

كل يوم صوريلنا صورة...بس مو أي صورة..نبي صورة فنية...وحطيها ... والبنات يعطوونج رايهم وانتقاادااتهم وبجذي تستفيدين للصورة اللي بعدها...

واذا تحبين الماكرو.. ابدي بالماكرو... وناطرين لوحة ماكروية من ابداعااتج

 

[nice smile]

ان شاءالله خيتوو

بس انا حاليا معتمده على الديجتال ماكرو وشرايج فيه ؟؟

 

[Maneena Manaana]

شنو تقصدين بالديجتال ماكرو؟؟

وانكمل ان شاء الله باجر...


تصبحين على خير

 

[بسمة الروح]

يعطيكم العافيــة بناااات


حبيت اسأل عن sony DSC-S800

حاطينها بالجريدة اليوم سعرها 50 د.ك


انا جداً مبتدئه وناويه اخذلي كاميرا


ياليت من الخبيرات يفيدونااا

 

[ام حسوني]

موضووع راااائع

و انشالله نقدر نتعلم التصوير من المواقع الموجوده

هذا رابط مصور من فلكرز

بصراحه لقطاته حلوة

و اتمنى انكم تستفيدون



http://www.flickr.com/photos/abraj/

 

[ام كتكوت]

قوه بنات


هذا تصويري المتواضع من تلفون سوني اريكسون (سايبر شوت)

5.0M

ترى صورت ع السريع وماهتميت للزوايا بس هذا اللي طلع معاي





طبعا بس اضفت الايطار وكتبت اسمي وبس


:tek:

 

[om3mar]

السلام عليكم
انا عضوه يديده معاكم انتمنى تقبلوني بالنادي
لاني اعشق التصوير
عضوه في نادي بيت لوذان للتصوير الفوتفرافي شاركت في عده معارض وخذيت دوره المستوى الاول والثاني ودوره الاستديو مستوى اول
هاويه وكل الشكر للاستاذ الكبير استاذ بهاء الدين القزويني

ساهمت في اخذ النادي للمداليه الذهبيه بالنمسا

كانت تجربه حلوه واااااااااااااااااااااااااااااااااايد
حابه استفيد منكم وافيد

 

[flfoo6a]

خوووش موضوووع انا بعد احب التصووير اي شي اشووفه جداااامي اصوووره بس اكثر شي اصور بتلفووني

 

[beauty]

السلام عليكم ورحمه الله وبركاته

موضوع روووووووووووووعه وجدا مفيد وصلت صفحه 18 وان شاء الله بكمل بس اخلص الامتحانات

بنات بستشيركم بشغله http://q8yat.net/showthread.php?t=162522 هذا الرابط

لا تنسوووووني

 

[ام مهودي]

السلام عليكم انا كاميرتي canon 400D

بديت التصوير كـ هوايه ولازالت احب هوايه لي..
لاحظت تطور بمستوى صوري .. والحمدلله ..
وودي ادخل دورات صراحة .. بس ماادري وين وشلون ومتى :")
يعني انا اللي عرفته كله من النت ومن خلال قرايتي للدروس في بعض المنتديات والمجاميع .. واتمنى ان اصل الى مستوى الاحتراف..

حسابي بـ Flickr .. فيه مجموعة صور كبيره لي وانزل صور يديده بشكل مستمر
http://www.flickr.com/photos/nescafe


من افضل المواقع المختصه ..
-عرب ديجي كام
http://www.adigicam.com/vb/
- أصدقاء الضوء
http://www.friendsoflight.com/forum
- فن الصوره
http://www.aofphoto.com/vb

حلوه كامرت هاذي بجم ب 400 دينار صح
انا باخذ كانون جي 90 شرايج فيها بلييز:tek:

 

[miss_lavendar82]

اول شي السلام عليكم بنات وودي انضم معاكم عضوه بالنادي

ثاني شي

انا طبيعتي احب اوثق المناسبات الاشياء الغريبه اللي تمر علي واحب اصور الاطفال اكثر شي

واختي ام كتكوت

صورتج هذي بوضع البانوراما صح 3 لقطات اندمجوا بلقطه وحده

هذي خاصيه وااااااااااااايد احبها

تونس وتضفي حركه حلوه للصور

خصوصا اذا عندج لقطات متحركه

^_^

واختي ام عمر انتي اللي فازت بمسابقه النمسا فردي ولا قروب ؟؟

الصراحه فرحت لكم

لاني اتابعكم عن طريق الفلكر

^_*

 

[ام مهودي]

جاي وحلييب


صج تصورييرج روعه لازم تعلميينا لانه انا شكلي باخذ نفس كامرتج او اللي رقمها 450

 

[ام مهودي]

السلام عليكم بنات
مشكورة اختي على افتتاح هذا الموضوع الحلو
آنا من هواة التصوير الفوتوغرافي و بداياتي من 1988 و كانت ما كاميرا مينولتا شراها لي الوالد الله يخليه مع عدسه 28-200
و الحمدلله قدرت ابدع فيها و الكل يشهد لي و لي الحين عندي الكاميرا و معتزه فيها و بعد ساعات اصور فيها
بعدين شريت لي بعد كاميرا ثانيه مينولتا جديده بس مو ديجيتال و على فكره آنا ما احب استخدم الديجيتال احس انه ما يطلع الشخص فنان غير الفلم العادي ..
و بعد عندي عدة عدسات مختلفة من سيجما وهي على فكرة عدسات تستخدم لكل الكاميرات + فلاتر و حامل و فلاش كبير ..
قل لا اتزوج كنت امارس هوايتي على طول بس الحين ما عندي وقت للأسف !!

ولا تنسون يا بنات مجلة فوتو للتصوير الفوتوغرافي وايد تفيد كنت مشتركه فيها .
و عندي مواقع بس بجهازي الثاني ان شا الله احطهم ..
و بالنسبة للدورات عندج بيت لوذان و كذا مكان
آنا كنت ماخذه دوره بالتطبيقي من جم سنه و فيها تعلمت تحميض الصور ابيض و اسود كانت دوره ممتعه ...

كل ما تذكرت شي ان شاء الله اضيف لكم

ماشاالله عليج الله يوفقج اللي بالتطبيقي خذيتي الدوره عند منو سعاد الحمر ولا احمد الصباغ

عاد بالتربيه لاساسيه وماخذه 3 مواد تصوير فوتغرافي وتحميض صور ومشاركه بمعارض بالتطبيقي
وكل موادي امتياز بس بعد ما تخرجت نسيتهم لازم اراجع الماده عشان اتذكر :tek:

 

[أنثى إستثنائية]

فوووق الموضوع روعة ومفيد الله يعافيكم يااارب

من جد استفدت كثير منه

 

[أنثى إستثنائية]

أنا مبتدئة بالتصوير ... وعندي اسئلة الله يوفقك ويوفق اللي تجاوبني عليها

أنا أختكم من السعودية ترا ..



قلبي انا توني شريت كاميرا .. كانون G 9

وفية أشياء بالكاميرا مو فاهمتها الحمد لله عربي بعد ولا كنت صرت حيييل ضايعة ..


بغيت أعرف الحروف اللي فوق بأعلى الكاميرا على الدائرة نضبطهم

اللي هم ..

C1

C2

Tv

M

Av

Scn

P

Auto

أتمنى أحد يقولي معناهم بالتفصيل او روابط تشرح لي كل شي بالكاميرا

بنات عربي الله يوفقكم انجليزيتي مو سنعة ابد