نادي لافام الصحي .. الخالديه

[ام الدرر]

24925666
موجود الرقم بالردود
وحياج ان شالله نتلاقى​

 

[yam_yam]

شوقتوني عليه صراحه

 

[زعفرانة_73]

مشكوره حياتي ام الدرر دقيت عليهم أمس
ان شاء الله بعد العيد اشترك بحيل الله​

 

[كتكوته نورة]

مشكوره حياتي ام الدرر دقيت عليهم أمس
ان شاء الله بعد العيد اشترك بحيل الله​

حبيبتي اشتركتي بالنادي؟؟؟

 

[نعومة88]

وانا بعد ناويه اشترك ؛)



 

[زعفرانة_73]

حبيبتي اشتركتي بالنادي؟؟؟

هلا حبيبتي كتكوته نوره ،اشتركت الحمدلله​

 

[klOoOre]

والله انا ما جربته بس جربت نادي جميعه المعلمين نادي فيت بالدسمه هنادي راقي لبعد الحدود ومافي بويات ولا في يهال وهدوووء

 

[مارشملوزه]

السلام عليكم

صباحكم مساكم خيرررر

انا من مشتركات نادي لافااااام

للاشتراك
اليوم ب10
الشهرب100
3 شهور ب200
6 شهور ب300
سنه ب395

النادي دور واحد كبير وملمووووع حيل حلو ومريح ونظيف وهادي

الخدمات اللي فيه
مطعم لو فات
صالون
معهد لرياضة البطن والمؤخره

كل العاملين فيه عسل بعسل

وكل شي متوفر من فوط وشامبو وشور جل وسشوار ومصلى وغرف تبديل وخزاين .....الخ

وبرادات الماي بكل مكان وقلاصات متوفره بكل وقت

والحووووض كبير واولمبي
وجاكوزي
وسوتا
وبخار

وامممممممممم بس خلاص وترا ماذكرت كل شي هاذا اقل وصف وشرح عنه .

ودمتم بود

 

[IT shadow]

بنات شلون النادي وتنصحوني فيه؟
وصج يتغير جسمي اذا اشتركت وياهم؟

 

[أميرة-]

انا كنت مشتركه فيه

يعيب النادي حمام السباحة مو عميق غلطانه اللي تقول اولمبي عمق حمام السباحة متر تقريبا يعني انسي تغرقين

وفيه شغلة بنات بقولها

بالنسبة للفوط انا اشتركت بكذا نادي لافا وتشامبيون وغيرها وكنت استخدم الفوط اشوفها نظيفة واستخدمها ليما صارت معاي فطريات بشعري وراجعت قالي الدكتور انتي تستخدمين فوط ولا مشط مو لج .. فعلا كلامه صح

فنصيحة نصيييحة لا تستخدمون الفوط حتى لو تشوفونها مغسلينها لانه الفطريات ما تروح مع الغسيل لازم تتعرض للشمس والحرارة

 

[1001]

الاشتراك اليوم الواحد شلون يعني محددين ساعات وتمارين محدده يعني اقدر ادخل النادي الساعه 10 اطلع الى 6 بدون محد يحاسبني قعدتي على الاجهزة وايد

 

[ذات الهمة العالية]

اب
مو جرب صالونهم

 

[besko0o0otah]

بنات انا عندي سؤال انا ودي اشترك بالنادي من الشهر الجاي بس مو حاصلي كل مره اخلي ولدي مع الخادمه ويا زوجي بالبيت لو اظطريت اجيبه معاي مع الخادمه يصير او ممنوع و فيه مكان نفس صاله او قعده ولا لا .. ياريت تردون علي للاهميه

 

[1001]

شوفي اذا دخلتي من باب النادي راح تختنقين من ريحة الكلور إلي بحمام السباحه
فليش تاخذين ولدج معاج وتأذينه

 

[besko0o0otah]

1001
مو المشكله فيه ايام بيكون صعب اخليه مع ابوه ويا الخادمه( تعرفين احيانا زوجي يبي يطلع او يكون عنده احد ) صج ان بيتي بالخاليه و وايد قريب بس اخاف اضطر اخذه مع خادمته قلت اسال لو فيه مكان مثل جلسه او صاله يقعد اهو مع الخادمه

 

[Beauty paradise]

هالنادي كنت مشتركه فيه قبل .. صج هادي وملموم بس وايد ممل وحمام سبااحه صغير واسعاره صلخ عالفاضي حتى عروض ما يسوون :/ ومن بعدها اشتركت بنادي ثاني اريح