ناوية بعد رمضان ارحل واترك زوجي الحبيب اه اه اه الله يصبرني على فراقة

[غلاي عزوزي]

اذا كل وحده ريلها مريض او مسحور وفيه عين هدته نفسج جان نص الكويت اطلقوت


موقفج سلبي ومافيه ذرة عقل وايمان بانه الله قادر يحل مصيبتج التزمي بقراءة سورة البقره كل ثلاث ايام وراح تفرج


عن تجربه شخصيه

 

[~{.. روج احمر]

ياحبيبتي الله يشفي زوجج يارب

مو حل انج تبتعدين عنه وفيه بينكم حب


فكري بحياتج من بعده هل بتحصلين واحد مثله


محد فيها الدنيا ضامن شي

خلي سورة البقرة تشتغل في بيتكم 24 ساعه حتي وانتو نايمين

فتشي شقتج عن اي شي غريب وخلي زوجج يقرا سورة البقرة بنفسه

وبتلاحظين تغير فيه يمكن يتعب او تجيه احلام مو زينه بس تراه يمكن تدله علي الي حاسده

وداومو علي القرايه والمعوذات


ولا يترك صلاته تراهي حرز من الشيطان



واي مكان تروحين له من قرايبج او قرايبه اخذي اثرهم من غير مايدرون لاتستثنين احد منهم ابد



لاتفكرين بالطلاق حبيبتي اصبري خليه اخر الحلول

 

[{ عبره وهلت }]

:"""( ذكرتيني باللي مضااااا لي
:"""( الله يعينج ويلوووم اللي يلووومج
والله يصلح فيما بينكم بالخير ويعوضني يارب عاجلا يا ارحم الراحمين

الحل الاول مثل ما قالو البنات القيام والدعاء

وو الحل اللي عندي انكم لااااااااااااااااازم تروحون طبيب نفسي
وانا اعرف دكتوره ما شالله تنحط ع الجرح يبري
اذا تبينها راسليني

نصيييحه المشايخ والدكتور النفسي والدعاء

 

[NFOOOL]

الله يفرجها عليج انشالله ورمضان ياي مالج ألا صلاتج ودعائج واستغفارج

 

[DKNY]

لا لا الا الطلاق

لاتستسلمييين

حاولوو بكل الطرق حل هالمشكله سورة البقره على طووول بالبيت وبصوت عالي و24 ساااعه تطهير لمكانكم وانتي اقريها يوميااااا قسم بالله انها السحر الحلاااااااااال وعن تجرررربه

يارب لك الحمد هديتينا للاسلام وجعلت القران شفاااء وعلاج لعبادك سبحانك ماارحمك ماالطفك ومااكرمك
يارب اشفي كل مريض انت الشافي لاشفاء الا شفاؤك شفاء لايغادره سقما

 

[يوسفاني المزيون]

رد : ناوية بعد رمضان ارحل واترك زوجي الحبيب اه اه اه الله يصبرني على فراقة

جعل ربي يفرج همج وهم كل من يعاني ويطلب من ربه نصيحتي لج انج تستعنين برب العباد وتصبرين ولا تستعجلين على قرارج ترا العجلة من الشيطان يا قلبي قدامج كذا فرصة الاوقات اللي فيها الدعاء المجاب مثل الرمضان ودعاء الصائم وقت الفطور والعشر الاواخر وليلة القدر خير من ألف شهر وبعدها بشهرين الحج يمكن الله يكتبها لج انتي وزوجج والعبد ما يدري وين الخيره والخيره فيما اختارها رب العالمين شفتي ان ربج كريم

 

[روحي وجروحي]

الله يفررج همج وقادر ربي وحده اللذي لااله الا هو ان يفررج هممج
صبري ياختجج الصبر مفتاح الفررج وادعي ربببج كل ماقمتي وقعدتي
يالله يارب ان يفرج همج
الله اعلم اني ادعيلج من كلل قلبي والله نزللت دمعتي غصب

 

[HUDA2010]

رد : ناوية بعد رمضان ارحل واترك زوجي الحبيب اه اه اه الله يصبرني على فراقة

ربي يفرجها عليك يارب
وعفيه لاتفكرين بالطلاق :eh_s(16):
رمضان ع الأبواب استغلى كل دقيقه وادعي من قلللللللللللللب عسى ربي يفرحكم بزوال همكم ويريح بالكم يارب

:yaaaaaarb:

 

[راعية الطويلة]

اختيارج لازم يكون يريحج انتي

و يقنعج انتي\\

إذا كان بامكانج تصبرين لما يتعالج

و لا ما تقدرين و تبين تفكين هالإرتباط

عشان ما تحتاجون اثنينكم لعلاج بعدين

استخيري و فكري و اختاري اللي يريحج

 

[انوار المحبه]

لا حول ولا قوة الا بالله

 

[كويتيه مذهله 87]

روحي حق شيخ شاطر
الطلاق مو حل

 

[najla86]

لا حول ولا قوة الا بالله عن جد شي يقهر

حبيبتي توكلي على الله واصبري بعد سنه وغيري من نفسج واهتمي واقري البقره يوميا شوفي يمكن يصير تغييير

 

[Cinderella]

7aram la tfkreen bel6alaq 9bry 9bry 3ndch rm9`an inshallah allah yfch 9`egtch

 

[أم راشد المطيري]

قرارج اللي بتاخذينة اكبر غلط

خلي شيخ يجي يقرا على البيت

وانا اعطيج رقم شيخ حدة مضمون وانا ارتاحلة وقوليلة كل سالفتكم

99751719اسمة ابو خليفة يجيكم لي البيت

 

[بشاير السعدون]

اقري سورة البقرة كل يوم لمدة 3 ايام
وانسي فكرة الطلاق الحين والصبر
مفتاح الفرج

 

[حجيه هيونه]

عورتي قلبي

انزين خلو المطاوعه يقرون عليكم يمكن تروح العين مافي شي بعيد عن رب العالمين

والزموووو المعوذات + الاستغفار ويارب يفرج همكم

بس لا تستعيلييييييين حرام عليج

جذي بتفرحين عذالج اللي حسدووووج

ماكو شي ماله علاج والمطاوعه ترس الديره خلكم معاهم فتره لين الله يفرجها يعني الحين الحمدالله السحر يتعالج مو معقوله العين ما تتعالج !!

 

[ghalaha]

رد : ناوية بعد رمضان ارحل واترك زوجي الحبيب اه اه اه الله يصبرني على فراقة

حبيبتي لاتخلين زوجج وتاخذه غيرج اهو لج وانتي له اقري البقره مدة 40 ليله بعد صلاة الفجر انتي وزوجج واستغفري واقري سورة (الضحى) والله كلام ربج سحر عجيب وخلي ايمانج بالله قوي قعدي معاه واتفقوا انكم تستغتفرون بنية مشكلتكم والله يساعدكم حاولي اتناسين الالم اللي انتي فيه ترا هذا سبب حزنج وماراح يساعدج بانج اتخطين مشكلتج ولاتكلمين مع احد من اهلج واهله انكم تقرون اذا بديتوا تقرون البقره لاتقولين لاحد نصيحه من اختج وكسبي زوج ولاتخلينه مادام انه يحبج

 

[منيتي اسعده]

لا لاتفكرين بالطلاق
اهو محتاجلج وانتي محتاجتله
صبري وحاولي
ولاتفقدين الامل
اللي فيه غصبن عنه
مو بايده
لو خليتيه شيبي يصير فيه؟؟؟؟؟؟
فكري فيه لو تحبينه
وانتي شتبي تصيرين بعده؟؟
لا لاتفكرين بالطلاق
صبري
وبشهر الخير ادعي ربج
وانتي واثقه ان مشكلتج راح تنحل
لان الله يقول (انا عند حسن ظني عبدي بي)

الله يكون بعونج وانشالله يارب تنحل والله يصلح مابينكم
ويخليكم لبعض
ويرزقكم
وتشوفين عيالكم انشالله
بس كلش ولا الطلاق

 

[تنـــاســـانــي]

الله يعينج و الله عورتي قلبي ،،

صبري ان الله مع الصابرين ،،

روحي حق المطاوعه و استمري عندهم انتي و ريلج و لا تفكرين انها بتنحل قبل 3 اشهر هذي فترة العلاج الصحيحه حق من العين او السحر ،،

تو الناس بعدكم صغار و العمر جدامكم ،، وين تلاقين احد يحبج مثله ،،

اذا انتي بالكويت و تبين رقم راقي شعي قوليلي و انا اعطيج ،، بس استمري

و العين بتطلع ان شاء الله ماكوو شي بعيد عن الله ،،

ان الله على كل شي قدير ،، الله يعينج و يصبر

 

[شقرديـه عالطل]

الا الطلاااااااااااااااق انسيييه مره وحده لا تفكرين فيه
اصبري وارقي نفسج حبيبتي
وحده من عايلتنا والله سنتين ماياها زوجها ولا قالت لاحد ولمن افحصت انصدمت الدكتور انها بنت
لمن اهيا وزوجها اصبروا وارقوا انفوسهم والحمدالله عندها الحين احفاااد والله
وعلى قولت المثل امسك مينونك لا ايلك اين منه
دامه حبوب معاج وحنون وطيب اصبري
والله يفك ضيقتج يارب