ناوية بعد رمضان ارحل واترك زوجي الحبيب اه اه اه الله يصبرني على فراقة

[جوري وبنفسج]

السلام عليكم

الطلاق مو الحل

أدري أنج صبرتي سنة كاملة وتعذبتي بس ما عليه أصبري وكملي لين يفرجها ربي

وصدقيني العلاج مو عند المطاوعة ولا غيرهم العلاج متوفر بين أيدينج وسهل بس يبيله مثابرة

وأنا أنصحج هالنصيحة وبإذن الله عن قريب راح تبشرينا

وهي : قراءة سورة الأنبياء بعد كل صلاة وناس وايد قرأوها والحمدلله الله رزقهم بالذرية واللي ربي أصلح بينها وبين زوجها واللي ربي شفاها من مرضها .

كثرة الأستغفار بعد كل صلاة وكل وقت

حاولي على كثر ما تقدرين تكونين دائماً على وضوء ورددي سبحان الله وبحمده سبحانه الله العظيم

ورددي لا إله إلا أنت سبحانك أني كنت من الظالمين

أكثري من دعاء

يا جبار أجبر بخاطري

ويا رب أني أسألك بإسمك القدوس أن تكشف ضري وضر زوجي

وحاولي تلزمين نفسج بتخصيص ساعة قبل الفجر وقسميها 4 أقسام ( ربع ساعة أستغفار + ربع ساعة صلاة + ربع ساعة قراءة قرآن + ربع ساعة دعاء )​

 

[هجووورة]

الله يفرج همج
بس اقول لو تعطينه سنه ثانيه دامنه زين وحبوب وزين معاج موووووووووو احسن
ماتدرين يمكن الله يفرجها من عنده
حاولي مرة ثانيه الله كريم

 

[أو عبوش]

الاحلام المزعجه دليل اكيد الف بالميه على انه في شي

بس انتي لازم بالرقيه الشرعيه تعرفين هالشي

واللي يختي انا مريت بتجربه صعبه جدا ومن كثر قرائتي للبحث عن الشفاء صارت عندي كم معلومه يمكن اقدر انفعج او اذكرج فيها

وطبعا الشفاء بيد الله وحده

شوفي
الحسد_ العين_ السحر_ المس_ << كل هذي بينها عامل مشترك وهو الجن.........

الجن هو اللي يسلطّ العين من العائن للشخص المعيون بطريقه غير مرئيه ويصدم في جسم الشخص المعيون

والجن هو اللي يتلبس الممسوس ويسكن جسده
والسحر يتسلط فيه الجن بقدره وبطريقه احد الاشخاص (المشعوذين والسحره) ليسلطه على المسحور....... ويقلب حياته

والاحلام المخيفه الدائمه............ اكيد دليل على شي ......

يعني الاحلام بالحشرات...... القطط...... النجاسه........ النساء....... الافاعي........النسور والصقور......... الكلاب........الابل........

كلها تدل على عين او حسد او سحر.........

فيه ناس معينه ربي اعطاها القدره على انها تقرأ القرأن عليج وعلى زوجج ويكون له تأثير .......... وبعذ المشايخ قراءته ماتأثر.......


فأنتي ابحثي عن المشايخ الموثوق فيهم..............

والله انا اللي اكلمج اقسم بالله رحت لمشايخ شكثر

كنت اعاني من اشياء غريبه تساقط شعر قولون عصبي ارهاق بكاء لغير سبب ضيقه وقت العصر والمغرب ماتنطااااق
وسبحان الله كان اي شيخ يقرا علي عاادي مافيني شي وماكنت امن ان الحسد او النفس موجوده
لين مره قرأ علي شيخ الله يجزاه خير
قمت اتثاوب حيييييييل وعيوني دمووووع من غير لا ابكي!!! استغفر الله مو ابكي خشوع من القرأن لا بس دموع غزيره......... قال هذا
دليل على حسد قوي ونفس من سنوات فيج.........

وانتي قصتج قريبه من وحده قريتها هني بالمنتدى....... انها تطلقت من اكثر من شخص كانت تبيهم بس شي يمنعها منهم ويكرهها فيهم ويكرهم فيها........... وكله تحلم بــ (الجاثوم)
اللي هو شغله تكتم النفس والصدر وانتي نايمه وتحاولين تقومين وتحسين بس ماتقدرين تقومين لفتره ثواني وشي مزعج..........
طلع اللي فيها مس عاشق يمنع اي زوج يعاشرها لانه هو يبيها. وكله كانت تلاقي نفسها مكشوفه والغطاء موعليها لما تقوم من النوم...........وعطاها شيخ مسك اسود لان الجن يكرهه ويكره ريحته حيييل.... وكانت لما تحط مسك اسود على جسمها قبل لا تنام تسمع صوت شخص يتذمر ويتأفف ومايقدر يجيها بالحلم ويروح بسرعه...................

وشخص قريب مني صار له نفس الاعراض .............واللله على ما اقول شهيد

بس اللي كان فيه مس وسواس......... كان يبي يقتله ويبيه يأذي اللي حواليه......... كان اذا خواته رايحين السوق شي بداخله يقول له انت متأكد مو رايحين السوق؟؟؟ شدراك انت بالبيت وهن طالعات علا كيفهم لا حسيب ولا رقيب......... وان كان بالسياره يقوله لف لف حيل عالسياره اللي جنبك جذي بس يبي يذبحه......... ويشككه بأهله ويخليه يتهاوش مع الناس بالسوق يقوله هذا ليش يخزك جذي!!!!!!!!
وكان يحلم بجمال وابل........... والجمل تفسيره الصبر وان علاجه محتاج صبر وفعلا عقب علاج 4 سنوات رقيه وقراءه قران وقيام لليل.................. تشافى الحمدالله عسى ربي يخليه لنا .........ويبعد عنه الشر.

وفي وحده بالمنتدى نسيت نكها.......... اتوقع عشوقه......... او العاشقه ما اذكر

بس ربي افرج لها عقب معانات مشاكل في بيتها........ ويوم استمرت على سوره البقره تقراها بالليل قيام لليل وتبكي وتناجي ربها وتدعوه حلمت بمزهريه ابيتها 3 مرات يتكرر الحلم وعقبها لقت حقيقه داخل هالمزهريه مسوين لها سحر وصورته وحطته بهالقسم عسى ربي يبعد عنا وعنكم الشر..................

اقري اقري سوره البقره....... في اعراض مع قراءه المشايخ وقراءتج تبين شنو فيج
اذا ترجعين سحر
اذا تنعسين وتثاوبين وتدمع عيونج عين قويه او حسد

اذا تتكلمين بكلام مو بصوتج مس

المشايخ اعرف بالاشياء لا تخلين عمرج

 

[سفيره الهم]

استخيري

 

[مدرسة84]

يابعد قلبي موضوعج كان مشابه لموضوعي

بعد حفلتي صار فينا عين ..... وحلومنا كلنا تفسيرها سحر معمول لنا

اعوذ بالله من هالناس..... وصرت مثلج ما احب لا اروح ولا اي حق احد .....حتى اهلي لان مثل ماقلتي مشكلتي صارت من ورا عيونهم

وحاولنا في نفسنا سافرنا عالجنا بس مافي فايدة.... وبالاخيرتطلقنا ......

والله كريم.

حبيبتي انتوا حاولوا غصبوا نفسكم على هالشي يمكن تنفك عنكم

واي شي تبين تسأليني عنه من تجاربنا في هالموضوع راسليني عالخاص.

 

[Ro00os]

رد : ناوية بعد رمضان ارحل واترك زوجي الحبيب اه اه اه الله يصبرني على فراقة

حبيبتي دام هو يحبج وشاريج ليش الطلاق اصبري عليه وغيرو الشقه وكثري قرايه على نفسج وعلى زووجج يعني اذا شفتيه نايم قعدي يمه واقري عليها وخلي الرقيه الشرعيه شغاله بيتج وانشالله ربي يسهل امورج عورتي قلبي صج هالناس ماتعطي خير

 

["اسطورة العشق"]

انا نصيحتي تشوفين حياتج من حقج تاخذين فرصه ثانيه ..
صح اهو طيب و حنون ..بس انتي مرا و لج احتياجاتج اهو عاجز ما يقدر يعني هذا اساس الزواج اذا مو موجود عيل ليش متزوجه
على هالوضع ما تقدرين تيبين عيال .. بتنطرين لي متى سنه كافي و زياده لو يبي يحل المشكله يقعد طووول السنه عند لمطوع لما تطلع العين .. مو يروح ثلاث مرات و يقول عين و خلاص

بعدين انتي صغيره فرصتج لزواج مو مستحيله بس اذا كبرتي اكثر ما تضمنين .. و شنو موقفج لا سمح الله لما يي و يقولج بتزوج وحده ثانيه لان انتي ما يشتهيج بس الحريم الثانين عادي !!

ترى هالشي وارد مو مستحيل بس عقب جم سنه بتموتين من الحرا و تلومين نفسح لانج صبرتي ..
انا اقول انتي ما قصرتي سنه وايد زينه و الطلاق ليش الله شرعه عشان هالامور في حال ما صار تفاهم كل واحد يشوف حياته ..
اذا حصل طلاق خلي يكتبلج ان طلاق تم بدون دخول هذا من مصلحتج عشان اذا بتزوجين مره ثانيه يدرون انج للحين بنت
استغرب من الي يقولولها ليش تطلقين @@ و شيلي الفكره من راسج !!

ياربي اهيا ليش متزوجه عشان تطلع من بيت ابوها و تسكن بشقه زوجها !!!
اهيا متزوجه عشان تحس انها مرا و تلاقي الي يلبي احتياجاتها بالحلال و تيب عيال و تكون اسره ..

ان شاءالله ربي يسخره لج و يهديه و يرجع طبيعي قبل نهايه رمضان ,,
انتي استخيري اكثر من مره و الله يكتب الي في الخير ..

 

[عيش و مرق]

الله يفك عوقك يارب ويسهل عليج امورج مع زوجج

 

[viva la glam]

استخيري ويايج رمضان ادعي وان شاءالله الله يفرج همج

 

[بناتي زينة حياتي]

الزمي البقرة والقرآن شفاء وعسى الله يشفيج من كل هم ومن كل عين ,,,

دائما رددي بختام دعائج سبحانك اللهم إني كنت من الظالمين

ورددي الايه (( أمن يجيب دعوة المضطر إذا دعاه ويكشف السوء ويجعلكم خلفاء الأرض أإله مع الله ))

ومافي شيء صعب على رب العالمين ,,, ألحي بالدعاء وصدقيني بتلقين اللي يسرج ويغير حالج

ويارب يبدل حالكم من حال الى افضل ويسعدكم ويسخركم لبعض

 

[Mrs_Orchidia]

صبري حبيبتي صبري

الصبر مفتاح الفرج ... ماكو شي دايم .. الله راح يفرجها عليكم ان شاءالله



و الله انج عورتي قلبي حبيبتي .. مع اني مو متزوجة بس حاااسة فيج



صبري و طولي بالج .. و الله بيفرجها عليج ان شاءالله .. ترى الطلاق صعب صعب فوق ما تتصورين .. يمكن يكون اصعب من الوضع اللي انتي فيه الحين .. لانج راح تفارقين زوجج حبيبج

 

[Mrs_Orchidia]

وكانت لما تحط مسك اسود على جسمها قبل لا تنام تسمع صوت شخص يتذمر ويتأفف ومايقدر يجيها بالحلم ويروح بسرعه

جربي المسك الأسود اللي قالت عنه الأخت أو عبوش .. لعل و عسى ينفع

 

[شاربة بيبسي ومدلعة نفسي]

حبيبتي اولا راح ادعيلج
الله يفرج همج عجلا غبر اجلا ويبعد عين الناس عنكم
ثانيا الطلاق مو حل
الزمي بالأستغفار واحصنو نفسكم ليل ونهار
هذا يبيله صبر مو طلاق
يااااااااااااااااارب يفرج همج عورتي قلبي
حسبي الله ونعم الوكيل على كل حاسد وعلى الي مايتمنون الخير لغيركم

 

[pretty sarona]

بدال لا تحطين هالفكرة من راسج .. شيليها و استغلي رمضان انتي و ريلج بالعبادة و انشاء الله ربي يفرجها عليكم يا رب ,, صبري و الأمل بالله

 

[تاج راس الحريم]

رد : ناوية بعد رمضان ارحل واترك زوجي الحبيب اه اه اه الله يصبرني على فراقة

شوفي ياحبيبتي جاينا شهر فضيل تقربي لربج فيه وادعي بحرقه واستخيري انتي سنه انا اعرف وحده قعدت ويازوجها سبع سنين

 

[الطرقـا]

رد : ناوية بعد رمضان ارحل واترك زوجي الحبيب اه اه اه الله يصبرني على فراقة

لاحول ولاقوه الا بالله


حبيبتي اصبري مو حل الطلاق كلش

بعدين حرام هو يبيج بس مو بيده وانتي بعد تبينه وراح تتعبين من بعده


المفروض توقفين معاه وتساعدينه مو تتركينه

مالج الا الصبر والدعاء

 

[يا ماي عيني]

رد : ناوية بعد رمضان ارحل واترك زوجي الحبيب اه اه اه الله يصبرني على فراقة

الله يعينج لاتفكريين بالطلاق هذا ابتلاء من الله ربي يختبر صبرج
ربي اكيد راح يفرجها ربي كريم ورحوم
تعوذي من ابليس وصبري ...لا تقدمين على سي وتندمين عليه
صح ولا احد يقدر يحس بالي انتي فيه بس اقولج حبيبتي ظلي عند زوجج ولا تهدينه حتى اهو نفسيته تعبانة اذا تحبينه لا تهدينه واهو بهالوضع
ما اعتقد راح يشكي حق احد ثاني

اظن انتي الوحيدة الي حااس انج فاهمه شفيه
فبلييييز لا تتخلين عنه
وربي مع الصابرين
الله يفرج همج ويبعد عنج كل شر انتي وريلج

 

[قدها و قدود]

اصبري عليه بعد
المدة اللي صبرتيها ترى بسيطة بالنسبة لعمرج اقصد ماضاع من عمرج وايد
و اخاف بعدين اذا تطلقتي و هو تشافى ساعتها راح تتزوجين غيره يمكن يطلع الثاني مو شي و تتحسفين على طليقج
و زوجج اتوقع انه محسود

عسى الله يفرج همج يااااااااارب

 

[الليدي لموسه]

الله يصبرج ويفرج همج كثري حبيبتي من الاستغفار وارقي نفسج واقرئي سورة البقره لمده اربعين يوم واقرئي دعاء اللهم جنبنا الشيطان انا مو حافظته قبل اتيان الزوجه تلقينه بحصن المسلم

 

[الحلوه الأموره]

الله يفرجها عليج يارب العالمين

استغفري ربج ...

يقول الله عز وجل :
((وقل استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا))

الله يرزقج من حيث تحتسبين ومن حيث لا تحتسبين

وحبيبتي في بالانترنت الرقية الشرعيه

شغليها في بيتج 24 ساعه

وريلج خل يكون موجود

اذا عين بتروح

ورمضان الشياطين مقيده

الله يفرجها عليكم بإذنه