نبيك الأفضل ...بالشهر الفضيل...

[om.5doja]

اللهم امين يارب العالمين

مشكووووووووووووره حبيبتي علياء والله يضعفنا على عافيه اللهم امين

 

[Eng_7asasa]

لا تقولين جذي ام حدوجة بتدرين ان شاء الله بس اهم شي ما تهملين نفسج لانه الاهمال الي يخلي الواحد يتبهدل عدل

خل اقولكم اليوم شنو كليت


تفطرت شوية تمر وخفايف مقبلات شوية عصير اناناس و شوربة خضار

بعد الصلاة يريش تقريبا 6 ملاعق

على 9 حلو مع قهوة عرربية قطعتيين حلو

12 حبة فاكهه عرموطة

و بعد اشوي بتسحر ان شاء الله حليب مع تمر و صاج خفيف مسويته على خبز اسمر و سلامتكم

 

[Eng_7asasa]

هلا ستيلا والله نفس الحالة بس حاولي تحركين لو عشر دقايق حوسي بالمطبخ ساعديهيم قبل الفطور هذي كلها حركة سوي تمارين معدة ايدين

الي مايخذ وقت دامج الحين فاضية تحركة بالبيت صعدي نزلي انا توني سويت جذي

و لعبت على جهازي عشر دقايق حرام اضيع رمضااان نقدر ننزل فيه اذا عرفنا اشلون نستغلة لانه اكلناا اقل وايد من الايام العادية موفقيين

 

[om.5doja]

ان شاءالله الله يضعفنا على عافيه حساسه

اللهم اميييييييييييييين


وعليج بالعافيه يارب


انا فطوري اليوم

3 تمرات ويه قلاص لبن

طاسه شوربه صغيره عدس

3 قفاش عيش مع ربع صدر ديايه مشويه

وقبل شوي شربت لبن مع 3 تمرات



والله يتمم علينا يارب

 

[Eng_7asasa]

امييين ان شاء الله

 

[om.5doja]

اي وفي شي بعد لوول

خرتها شوي بعد ماشربت اللبن كليت صبع كيت كات مال القرقيعان

بس ان شاءالله ماعيدها

ومن باجر التزام 100%

 

[Eng_7asasa]

عادي خدوجة الحرمان يولد الانفجار بعدين حلي بالمعقول كتكات صغير ولا قطعة حلو ماراح تأثر

 

[om.5doja]

ان شاءالله


انزين بنات حق منو ادز الوزن يوم الاثنين؟

 

[عليـاء]

ستيلا
أنا بعد ماامشي حبيبتي بس اسوي تمارين للبطن وقرص للخصر
واحرك يدي .

ام خدوجة
ترسلينه حق حساسة فديتج

 

[Loving Stella]

بالعافيه حساسه وام خدووجه

اي والله المفروض احوس او انزل الدري كذا مره عشان احرق ان شاء الله بحاول اتحرك كثر ماقدر


انا تفطرت فيليه سمج قطعه ونص و ربيان و 4-5 قفاش يريش و شوربه و سلطه و 4 تمرات

بعد الفطور قهوه عربيه و 3 تمرات

بعدين طلعت رحت السوق خذيت لى كابتشينو

و سحوري 5 قفاش نخي و سلطه و كيوي و تمرتين وقهوه عربيه

وايد اكلي اليوم صح؟

 

[Eng_7asasa]

اهو انا اقولج مفروض صنف واحد اما ربيان او سمج او تاخذين شوية من هذا و شوية من هذا

عادي برمضان الكمية بدعنا فيهاا ياارب نننزل لاعت جبدي من السبعينات

 

[om.5doja]

الله يعافيج حبيبتي ستيلا


مشكوره علياء وان شاء الله نبيض الويه لوول


انا بروح اسويلي عصير اناناس وكيوي وارضع بنتي


نشوفكم على خير

 

[om.5doja]

بالعافيه عليج ستيلا

اي حبيبتي حاولي مادخلين اكثر من نوع بنفس الوجبه علشان ينزل وزنج ومايثبت

 

[Eng_7asasa]

بالعافية ام خدوجة مقدماا

 

[Loving Stella]

اي اكلي وايد مكثره اليوم و انا اشوف ليش وزنى ثبت !!!!!!!!!

 

[om.5doja]

الله يعافيج حبيبتي حساسه

ستيلا ياقلبي شوفي انتي مشكلتج تحطين اكثر من وجبه بنفس الوقت

يعني مثلا

سحورج ماخذه 3 بواحد

يعني القهوه والتمر هذا سناك

2 كيوي سناك

السلطة مع النخي هذا وجبه

حبيبتي بهالطريقه وزنج ماراح ينزل بسرعه وبالاحرى راح يثبت عندج وايد

وفطورج نفس الطريقه

انا لو منج اخذهم كلهم بس على دفعات علشان جسمج يظل يحرق وماتحسين حارمه روحج

بس لما تعطين جسمج مره وحده اكثر من نوع جذي راح يثبت


وموفقه يارب

 

[Eng_7asasa]

حاولي تقليلن اكلج خاصة السحور

 

[عليـاء]

سويت تمارين بطن 50 مرة
وحق اليد 30 مرة

 

[Eng_7asasa]

شطورة علووية

 

[BiiShOoO]

اهلييين بناات

انا رديت من قرقيعانه و الحمدالله ما خربطت


و سحوري قلاص لبن و تمرتين ان شاء الله