~ نــقــاش جــــاد ~

[.،:"$الـعـوبــــة$":،.]

:eh_s(17):السلام عليكم يالغالين ،،:eh_s(17):

ان شاءالله كلكم طيبين حلوين بخير وبنحبكم ،،

انا حاطة هالموضوع مو عشان اتفلسف واسوي نفسي فاهمه ومحد مثلي ،،

لا والله حطيته لاني جد ابي نقاش جاد وحل لهالمشكلة اللي انتشرت ،،

للاسف بنات شكثر يحبون ياخذون رايي بمشاكلهم ومواضيعهم ،، مع اني والله مااحب ،، لاكثر من سبب ،،

يمكن الحل اللي اعطيهم اياه يناسبني واكون قادرة عليه بس مايناسبهم ويتهورون ويسوونه ويتوهقون واكون انا السبب !!:eh_s(10):

المهم ،، انا متزوجة لي 5 سنين ،، بس والله من اللي اسمعه احس اني متزوجة لي قرن !!

قبل بين كل 10 او 20 وحدة من البنات اللي اعرفهم ،، القى وحدة بس تقول صدت زوجي يكلم او يروح شقة ومن هالكلام !!

وكنت افوووووووووووووووووووور امووووووووووت قهر !!:rgewrg:

يعني الله رازقك بالحلال ليش تروح للحرام !! ولو وقفت عليه بالطقاق ،، بس تخافين من الامراض والبلاوي اللي تجي من العلاقات الوصخه اللي يرتبط فيها ،،

وهي مالها ذنب حافظة نفسها وحافظة بيتها !! ليش اتحمل انها تكون عرضة لهالامراض ؟؟


والله العظيم وربي فوقي ويشهد على كلامي ان وحدة كانت حامل باشهرها الاخيره ومعاها التهابات مو طبيعية واتعبت وكان ممكن تولد ولادة مبكرة !!
آخر شي قالتلها الدكتورة زوجك يعاشرك من الخلف ! قالت طبعا لا حرام !
قالت الفيروس مدري الجرثومة اللي فيك تجي من المعاشرة من الخلف !!!!!!!!!!!!!

يعني اشكره الواطي يخونها مع بنات الحرام ويرد لزوجته عادي ولاكنه سوى شي !!

:eh_s(4):

بس الحين ! بين كل 10 او 20 وحدة من رفيقاتي القى 19 منهم ازواجهم يكلمون ويخونون !!!!!


زين وبعدين ؟؟ شقولهم !! صرت اقول سوي اللي يقوله لك عقلك مو قلبك !!

لأن مو معقولة يابنات كلنا بنخلي بيوتنا ونهدمها عشان بنات الحرام وعشان الرياجيل عقولهم صغيرة !!

الوحدة وراها كود جهال !! استغفرالله !!

قبل صعبة تلقين رجال يخون او يغازل !! الحين عااااااادي على عينك ياتاجر !!

بالذات عقب هالكمبيوترات والنت والحين التلفونات خلاص صار كل شي حييل سهل !!

الحين قولولي شرايكم ؟؟

صدنا رياجيلنا يغازلون بس مو مقصرين علينا ، شنو ممكن يكون الحل !​

 

[ام شووووق]

رد : ~ نــقــاش جــــاد ~

انا معاج باللي قلتيه

ريال عن ريال يختلف

في ريال تكون خيانته نزوة او غلطه واحتمال يتراجع ويندم ويرجع نفس قبل واحسن
وفي ريال يخون بس يخاف من كلام الناس والفضايح ولمن ينكشف يبعد عن هالسوالف
وفي ريال موهامه حد لا مرة ولا بيت ولا عيال ولا ناس

اغلب الحلول انها تزعل وتروح بيت اهلها

يعني الريال اللي كله هايت ويجي البيت حق النوم شنو بتفرق معاه ؟؟؟

 

[opera]

رد : ~ نــقــاش جــــاد ~

مثل ماقلتي

يمكن الحل اللي يناسبني ما يناسب غيري

وكل وحده تعرف ريلها عدل اذا العله فيه ولا فيها وتتصرف على هالاساس

 

[RowTow]

رد : ~ نــقــاش جــــاد ~

و عليكم السلام و الرحمه..

إختي إذا كانت الحياه الزوجيه بالنسبه حق الوحده بس كلمه إنها متزوجه و مو مقصر عليها ماديا و كل يوم جايب لها مرض و حره بقلبها تقعد. إهي أدرى بنفسها.
أعرف وحده تصير حق أمي زوجها غني و مو مقصر عليها بالفلوس و متزوجين من أكثر من 20 سنه كل ما جاب لها مرض جنسي عطاها رضوه و قامت تعالج. و قاعده معاه زي الفل. و قبل جم سنه تزوج عليها بنت نص عمرها. لا و ولدها الكبير صار مثل أبوه, و الله إنه خاطب بنت خاله أصغر منه بجم سنه (عمرها 16 سنه) و هو نفسه صغير بس راعي سفرات و خراب, خذاها و طلقها بعد شهر واحد المسكينه و هي ميته عليه. و قبل فتره رد خذاها و طلقها مره ثانيه.
الولد يطلع مثل أبوه, و إذا المرا يرضيها ولدها يتربى على الخراب كيفها. و ترضى الخراب حق بنات الناس بعد.

أما الوحده اللي تشوف إن راحة البال أهم من المشاكل اللي تواجهها مع زوجها و هذا رايي فتتمسك فيه. و قصدي براحة البال العيشه مع رجال زين ماله بالحرام و ما يقعد يفرفر عالربا و الزنا و الخمر و كل ما حرم الله. محد كامل, بس ذنب عن ذنب يفرق.

و الطلاق الله سبحانه ما شرعه إلا لأنه حل. و حلال, و الله سبحانه و تعالى ما يحط حلال و يبغضه, هذا حديث ضعيف.
و الطلاق حلال مهما كان كبير. و الي يسويه هالنوع من الرجال حرام مهما كان صغير بعيون بعض الناس.
و تدرين يا إختي ليش الخيانات زادت من الرجال؟
لأن المرا سكتت ليما استفحلت الحال. لو كل مرا لما تصيد زوجها مره و مرتين و بعدها ثلاث ورته الشغل العدل و وقفوا معاها أهلها ما كان هذا الحال ألحين. لدرجة إن كل وحده تاخذ واحد تكتشف إنه أخلاقه زباله (عزكم الله) تسكت و تقول "كل الرجاله كده".
لا و الله مو كل الرياجيل جذي. و لو خليت خربت. في من الرجال اللي ينحط على الجرح يبرى, الله يخليهم لعين ترجيهم يا رب.

قبل فتره زوجي يسولف معاي, يقول لي شلون الواحد يحب مرته و يروح يخربط؟ ما تركب!
جاوبته و قلت له: عادي, يحبها و يحب الخراب ما فيها شي. لأن الحب مو أهم شي بالزواج, أهم شي هو الاحترام. الإنسان اللي يحترم ربه اللي قاعد يشوفه بكل لحظه من فوق سبع سماوات يحترم زوجته, و يحترم هالميثاق الغليظ اللي الله حطه بينهم. أما إذا ما كان في خوف من الله و احترام له و للميثاق اللي بين العبد و ربه, ما راح يصير فيه أي قيمه حق أي ميثاق ثاني.


ههه سولفت واجد
​

 

[** محبوبه**]

موضوع مهم وأقولج شنو سبب
1ـ مايراقب ربه في سره وعلانيه......لو يخااااااااف ربه مانظر للحرااااام ...إلى هي سبب جره للمعصي
2ـ أغلب الرجال ألي مثل هذي الحاله مايصلون وأن صلوا ما خشعوا... لقوله تعالى"أن الصلاه تنهى عن الفحشاء والمنكر والبغي
وتقبلي مروري

 

[.،:"$الـعـوبــــة$":،.]

أم شوق ،، هذا اللي كنت اقوله للبنات قبل حتى بالمنتدى ،، يمكن صارت وجهة نظري معروفة عند الكل الا كل شي يهون عندي الا الخيانة !
وحريم تغيرت طرقهم في عقاب الزوج ، ناس تكسره بالرضوة وتكون مبلغ كبير عشان يحس بغلطته ويعرف قدرها !
حريم اتدخل اهلها واخوانها وهنيه مدري احس غلط ! الرجال والمرة بيتراضون بس ترى الاهل ماراح ينسون وبيذكرونها في كل مرة يشوفونها مسوية له شي !
حريم تسكت وتصبر ، وهنيه تفرق ردة فعل الرجال ، بعضهم يحس بالندم ويتغير للافضل ، وبعضهم يتوقع انه صبرها خضوع له ويزيد ويتمادى !!

أوبرا ،، هذا الصح ،، حياك الله ،،

RowTow حياتي الطلاق مو حل جذري ! والولد راح يصير مثل ابوه سواء تطلقت او استمرت معاه !
وممكن ياخذ الولد عبرة من ابوه ويصير احسن منه ،، ويشوف صبر امه ويقدر المرة اكثر ،،
وهذي حالة شفتها بواحد سكيييير وعياله مطاوعه وملتزمين ومحترمين وشايلينهم حريمهم شيل !

** محبوبه** كلامك صح ومافيه غلط ، بس هذي الاسباب ،، واحنا نبي الحل !

حياكم الله كلكم ومروركم اسعدني والله ،،:eh_s(17):​

 

[مرمر سكر نبات]

اقولج شي

قبل كنت اظن ان الريال يخون لالقى تقصير
بس يوم صحييييت اكتشفت ان اللي يبي يخوون والله لو بيته زوجته مخليته له كاازينو من الدلع والدلال والشيسموونه
هم يبي يخووون
احس الخياانه شي الريال بدونه يحس عمره نااقص مدري ليش !!!

اغلب الحلللول

زعلي روحي بيت اهلج

طيب مو كنه جذي تعطيه الشاارة انه يخونها حتى ببيتها لو هي مو موجود ة فيه

صحيح ممكن يكون يحبها بس يتأدب لو راحت وزعلت

وممكن يكون العكس تعطيه فررصه يخونها على رااحته وممكن حتى ببيتهاا

اعرف وااحد يدخل الفااجرات بشقته وزوجته طاالعه ويتفااخر بين الرجاال انه سوى جذي وجذي

حسبي الله عليه

 

[للزين هيبه]

اللي يخوون
1_متعوود على هالسوالف قبل الزوااج
2_يحب التغيير
3_زوجته مو معطيتهه حقه؟؟

وفي حريم يقولون يووه خليه يكلم من ورااي واذا كلمته ماراح يرد علي
بسكت عنه عشاان مايعرف اني ادري ويكلم من قدامي؟؟؟؟؟

لا ياحبيبتي اولا اذا عرفتي انه زوجج يكلم؟؟؟
والله ليشووف نجووم القايله؟؟؟
ماخذني من شااارع انت عشاان تحط فووقي بناات؟........

انا يعني لو اشووف زوجي يخوووني؟؟؟؟؟؟؟؟؟؟
اول شي بدق على البنت اللي تكلمه عشاان اهي توصله اني دريت وكشفته؟؟؟
واهو بخليه مثل الطووووفه
يكلمني يطقني يسبني بحقره بخليه يحس انه حقير
وكل ماقال شي بقوول مستوااك اللي تكلمهم انت لو فيك خير جاان حافظت على بيتك وعيالك واهلك
بس انت جاهل وللحين مو قد المسئوليه رووح العب وسربت واذا خلصت وصرت رجاال تعااال كلمني؟

 

[ام شووووق]

رد : ~ نــقــاش جــــاد ~

أم شوق ،، هذا اللي كنت اقوله للبنات قبل حتى بالمنتدى ،، يمكن صارت وجهة نظري معروفة عند الكل الا كل شي يهون عندي الا الخيانة !
وحريم تغيرت طرقهم في عقاب الزوج ، ناس تكسره بالرضوة وتكون مبلغ كبير عشان يحس بغلطته ويعرف قدرها !
حريم اتدخل اهلها واخوانها وهنيه مدري احس غلط ! الرجال والمرة بيتراضون بس ترى الاهل ماراح ينسون وبيذكرونها في كل مرة يشوفونها مسوية له شي !
حريم تسكت وتصبر ، وهنيه تفرق ردة فعل الرجال ، بعضهم يحس بالندم ويتغير للافضل ، وبعضهم يتوقع انه صبرها خضوع له ويزيد ويتمادى !!

لازم كل متزوجه تحط ببالها هالحجي

وفي نقطه ثانيه بعد اذا الزوجه اصرت على الطلاق عقب خيانه زوجها

الناس بطلعونها غلطانه بقولون عادي الريال مايعيبه او ليش ماصبرت عليه
لو سنعه جان سنعته وووو الخ

يعني المره بتكون خسرانه عالجهتين

 

[opera]

رد : ~ نــقــاش جــــاد ~

لازم كل وحده تدري انه ريلها يخونها

تحط ورقه على باب البيت تكتب فيها


أن الزنا دين ان انت اقرضته كان الوفاء من اهل بيتك


جوود يخاف ريلها ويتسنع

 

[حلوه ولمآحه]

هلا العوبه شلووونج،،
هذا الكلام كلام امي وخالاتي والحين اختي صارت مثلهم بس احس ماقدر اطبقه في حيآآتي
يقولون دامه قايم بواجباتج ومو مقصر معاااج بشي من كل شي،،
معليج منه مابقى الا تحاسبينه ع لحمه،،
بس من يسمع ،،
انآ صآراحه مآقدر،،
ويقولون هو مو بيبي وماراح تقدرين تتحكمين في تصرفاته وتحكمينه ،،
ولو صديتيه ،،مره ومرتين هذولي دريتي عنهم والباااجي ماراح تدرين،،
انآآ بالنسبه لي مآآآقدر ،،

 

[أم عايض]

رد : ~ نــقــاش جــــاد ~

انا معاج باللي قلتيه

ريال عن ريال يختلف

في ريال تكون خيانته نزوة او غلطه واحتمال يتراجع ويندم ويرجع نفس قبل واحسن
وفي ريال يخون بس يخاف من كلام الناس والفضايح ولمن ينكشف يبعد عن هالسوالف
وفي ريال موهامه حد لا مرة ولا بيت ولا عيال ولا ناس

اغلب الحلول انها تزعل وتروح بيت اهلها

يعني الريال اللي كله هايت ويجي البيت حق النوم شنو بتفرق معاه ؟؟؟

ماشاء الله ام شوق تقول حكم ...........:ggdw:
والله صاجه الريال الي هايت ويجي للبيت حق النوم شنوبتفرق لي رحتي حق اهلج
بالعكس عطتيه الحريه الكامل وما راح يهتم فيج بقول مثل ما طلعت ترد

بيرتاح ويأخذ راحته ...............

لكن السؤال شنو الحل ؟؟؟؟؟؟؟؟؟؟؟؟؟؟؟
غير الزعل وطنشيه وروحي حق اهلج
نبي حل يقضي المشكله من جذوره
طبعا بعيد عن الطلاق
لان ماشاء الله نسبه الطلاق في الديره عاليه............

 

[ترجمة احساس]

رد : ~ نــقــاش جــــاد ~

اب اب
من حزب الطماشه

 

[ام شووووق]

رد : ~ نــقــاش جــــاد ~

ماشاء الله ام شوق تقول حكم ...........:ggdw:
والله صاجه الريال الي هايت ويجي للبيت حق النوم شنوبتفرق لي رحتي حق اهلج
بالعكس عطتيه الحريه الكامل وما راح يهتم فيج بقول مثل ما طلعت ترد

بيرتاح ويأخذ راحته ...............

لكن السؤال شنو الحل ؟؟؟؟؟؟؟؟؟؟؟؟؟؟؟
غير الزعل وطنشيه وروحي حق اهلج
نبي حل يقضي المشكله من جذوره
طبعا بعيد عن الطلاق
لان ماشاء الله نسبه الطلاق في الديره عاليه............

مافي حل جذري او بلاحري سحري

بس من رايي

تزعل ببيتها وتعيش حياتها ولا كنه موجود
واذا طلبها حقه الشرعي تمنتع بحجه الخوف من الامراض وتطلبه يروح يكشف بلاول
جود يستحي على ويهه شوي

والاهم من هذا التقرب لله والدعاء ومن اياته ((واذا سألك عبادي عني فاني قريب اجيب دعوه الداعي اذا دعاني فلستجيبو لي ويؤمنو بي لعلهم يرشدون))

 

[أو عبوش]

العووبه اول شي انتي وينج يا اختي .......... انقطعتي فتره عن المنتدى صح؟ عسى المانع خير

والله احبج في الله واحب مواضيعج



وبالنسبه لموضوعج

صراحه كل وحده تشوف اللي يناسبها

ويناسب ظروفها



اعرف وحده مسكينه..... زوجها يسافر ويعلمها رايح المغرب ولا سوريا ولا تايلاند........... وهي تدري طبعا رايح ليش مو حبا في المناظر الخلابه!!!!
وعندها الوضع عادي...... تقول مو مقصر فيني وفي عياله...... وانا عندي صراحه حياتي عنده ولا في بيت اهلي الجحيم@@


والثانيه اللي عندها قناعه ان كل الرياجيل لاااازم لازم يخون اللي مايخون مو رجال....... اهي جذي قناعتها@@

وفي حريم ماتصبر على الخيانه ومن عذرها تخاف على نفسها من المرض......


وموشرط عندي عياله يتعلمون منه لان يطلع من ظهر الفاسد عالم ويطلع من ظهر العالم فاسد....


اللي هاديه الله هاديه

واللي شيطانه قوي....... الشكوى لله له رب يسنعه ويهديه

وعقب البلاك بيري والاي فون صااااارت الخيانه شربــــــــــــه ماي!

 

[المرتاحة]

الحل الجذري ان يرجعون الناس ويلتزمون بالشريعه الاسلاميه

لو كل الشارع فيه حريم محتشمه ورياييل تغض البصر جان ما وصلنا لهالمواصيل

لو المسلسلات والفضائيات محترمه و ما تعبي مخوخ البنات و الشباب بسوالف مالها معنى جان ما صار هذا حالنا

لو الناس من حريم و رياييل يخافون الله جان مافي خيانات

 

[.،:"$الـعـوبــــة$":،.]

مرمر سكر نبات ،، حياتي هنيه المشكلة إن خيانة الرجل مو بضرورة يكون بتقصير من المرة !!
تكسر خاطري المرة اللي لما تكتشف خيانة زوجها وتجي تشتكي يقولون لها شوفي بشنو انتي مقصرة ! راجعي نفسك عشان تعرفين السبب اللي خلاه يطالع برى ! انتي ضيعتيه !!
ياربي شدراكم ان التقصير منها ؟ ليش مو لان بعض الرجال مايترس عينهم الا التراب ! ليش مو لأنه نفسه ردية ومو مقدر الحلال والا يبي الحرام ! ليش مو لانه مايخاف ربه ولاخاف على اهله !!
بس للحين مو عارفين شنو الحل ؟ شلون نمنعهم ! شلون نوقفهم عند حدهم ؟؟

للزين هيبه ،، توني تكلمت عن هالموضوع ،، مو الا يكون التقصير بالمرة نفسها ،،
وبعضهم بالعكس مايكون متعود ، تنصدمين ان جك بم تغير الرجال 180 درجة ؟؟
تلقينه متزوج له سنين شحلاته وفجاة قام يطول برى صار عنده تلفون مخشوش بالسيارة وتلفون قدامك صار يسافر ويقول محجوز بالدوام او سفرة شغل او رايح مع رفيقي تعبان << طايحين فيها هالفترة !!!!!
يمكن تعرف على شلة وصخه !! يمكن بعض بنات الحرام جرووووه لهالطريق !! يمكن هو وده يجرب !!
بس ويييييييييييين الحل !؟؟

ام شووووق ،، هنيه المصيبة !!! المرة بكل الجهات تكون خسرانة !! لاحول ولاقوة الا بالله !!
ان زعلت ان طلبت الطلاق ،، لازم الرجال نفسه يتغير ؟ وممكن يتغير فترة يسكتك ويكسب ثقتك عشان يرجع لسوالفه !!

opera ،، حياتي اوبرا ،، لو سوينا هالسوالف ،، صار لك فجاة ملتزم وحافظ كل الاحاديث والايات اللي تدينك وتبين حقوقه عليك ،، يعني صدقيني مايغرهم شي ،، كل شي يعرفونه استغفرالله !!


حلوه ولمآحه ،،انا والله كنت اخااااااااااالفهم الراي !! بس الحين مدري كني بديت اهون !!
يعني مو معقولةالمرة تهدم بيتها عشان الاخ بغى يجرب او مسوي فيها مراهق !!
والعيال ؟؟ المرة ماجابتهم عشان تشتتهم وتردهم بيت اهلها !!

أم عايض ،، انتي معاي ،، يعني للحين مو لاقين حل جذري لهالمشكلة !!!!

فديتكم والله القعدة معاكم ماتنمل ،،:eh_s(22):​

 

[جـــواهر]

اعفيني عوعو من النقاش في هذا الموضوع
لاني عجزت القي حل منطقي للرجال الخاين وشنوتقدر تسوي الزوجه في هذي إلحاله

 

[أم عايض]

رد : ~ نــقــاش جــــاد ~

موضوع يستحق النقاش
موضوع رائع ولج مني احله تقيم ...............

 

[احساس السعوديه]

رد: رد : ~ نــقــاش جــــاد ~

مافي حل جذري او بلاحري سحري

بس من رايي

تزعل ببيتها وتعيش حياتها ولا كنه موجود
واذا طلبها حقه الشرعي تمنتع بحجه الخوف من الامراض وتطلبه يروح يكشف بلاول
جود يستحي على ويهه شوي

والاهم من هذا التقرب لله والدعاء ومن اياته ((واذا سألك عبادي عني فاني قريب اجيب دعوه الداعي اذا دعاني فلستجيبو لي ويؤمنو بي لعلهم يرشدون))

يازينك ويازين حكيك :eh_s(7):
موضوع مفيد يعطيك العافية العوبة عشان الكل يستفيد
اناا معكم في ان الطلاق موحل ؟؟!! لان كثرت نسبة الطلاق
طيب ولا كل وحده تقدر تصبر وتملك اعصابها
بس يمكن الحل حل ام شوق بس تتوقعين انه بيتغير ولا لا؟؟ لما تجلس وماتعطيه حقوقه مو كل الرجال سواسية
و بعضهم يروحون بيت اهلهم كتأديب للزوج
يمكن يتغير بس ماتقول لاهلها السبب عشان الاهل ماراح ينسون مثل
ماقلتي وبيصغر في عينهم

وفي نفس الوقت مدري احس مافي حل مقنع ويمكن يغير الرجال يعني شالحل مدري :eh_s(4):