~ نــقــاش جــــاد ~

[ام شووووق]

رد : رد: رد : ~ نــقــاش جــــاد ~

يازينك ويازين حكيك :eh_s(7):
موضوع مفيد يعطيك العافية العوبة عشان الكل يستفيد
اناا معكم في ان الطلاق موحل ؟؟!! لان كثرت نسبة الطلاق
طيب ولا كل وحده تقدر تصبر وتملك اعصابها
بس يمكن الحل حل ام شوق بس تتوقعين انه بيتغير ولا لا؟؟ لما تجلس وماتعطيه حقوقه مو كل الرجال سواسية
و بعضهم يروحون بيت اهلهم كتأديب للزوج
يمكن يتغير بس ماتقول لاهلها السبب عشان الاهل ماراح ينسون مثل
ماقلتي وبيصغر في عينهم

وفي نفس الوقت مدري احس مافي حل مقنع ويمكن يغير الرجال يعني شالحل مدري :eh_s(4):

يابعد عمري نورتي والله

مافي حل الا ندعيلهم بالهدايه

 

[Tom ♥ Jerry]

.



شوفي الريال الي يخاف ربه مستحيييييييييييييييييل يسوي الحرآم
لو جدآمه مليون بنت متفصخه , مو عشان زوجته و لا عياله
عشان ربه المفروض كل ريال يحط في باله ربه
و يتخيل العكس , يعني لو زوجتك تكلم ؟ أو تغازل ؟ أو تنآم مع وآحد ثاني ؟ > سوري ع الجرأه
شنو راح تسوي ؟ اقل شي بتطقها و اذا مآ طلقتهآ بتخليها نفس الخدآمه عندك و تذلها ذل


بس الي مآ عنده خوف من الله , مآ يصلي مآ يقرا قرآن مآ يعرف ربه
> هاذا تلقينه يحوس بالمولات و من شقه ليه شقه > طبعا مو الكل بس انا معآج أنه وآآآآآآآآآآآآآيد جذي
اصلا ريلي يقول الحين الريال الي متزوج خافي منه أكثر من العزآبي !!

بس شنسوي بعد ؟ :/ الي مآ يخاف من ربه يسوي كل شي
و النقطه الآسآسيه و المهمه و الحل الرئيسي " الخوف من الله " (=

 

[فوفو22]

كثير مفاهبم تغيرت هالايام


صار الزنا فاحشه........بسهوله ممارستها مع البنات وببلاش!!!!!!

لكن اذا فتحنا موضوع الخيانه ودوافعه واسبابه ونتايجه

يرجع لسبب واحد لا غير

لا يوجد وازع ديني ولا تربية صح ببيت اهله



والنتيجه الارتباط بشخص لا يحلل ولا يحرم لنفسه إلا ماشاء لمتعته


ما بيدي وبيدكم إلا الدعاااء لهم بالهدايه والصلاح

فوفو

 

[ونات الخفوق]

انا قايله الرجال مخلوق فضائي

ما يقدره الا ربه للي خلقه

الله يهدهم قولو امييييييييييين

 

[اسما87]

رد : ~ نــقــاش جــــاد ~

الطلاق اصعب قرار خاصة اذ فى بينهم اطفال افضل حل هو تذكر ان الله حق وانة راح يتعاقب وتخويف من غضب الله ومن الامراض والحل الاخر انة تنفصل عنة روحييا وجسديااا تبين لة انها مشمئزة منة وانها تخاف على نفسها من الامراض دايم تحسسة انة نجس فترة لين يتوب ويعقل لاكن لا تترك بيتها وفى الاخير الى مايخاف من الله ماظن انة بيخاف من زوجتة والله يهديهم

 

[honey lust]

تدعين له الله يهديه و ما تقصرين معاه بشي

 

[هنـــــد]

أنا بعد ماعندي رد لمثل هالحاله !!!؟
الرجاجيل جلاب ملبسه ثياب ( سوري عالوصف )
وناطرين الشاره عشان يخونون .. وكأنهم على طريييف ..
غبر ان بنات الشوارع تارسين المجمعات ويغازلون الرجال اشكره عيني عينك
وهو من الفرحه مايصدق على الله يجي كلّــه مسكين يحسبها داخت من نظرته الشقاقيه
والا وسامته عذبتهااااااااااا .. مالت عليه وعليها .. بنت فقر وتبي العيشه أو معقّده من بيئتها في البيت
والخياس اللي عاشت فيه طول عمرها وتبي رجال يونسها وينسيها همها يامال الهم ..
واللي عانس وتبي ريحه رجااااال لدرجه انها مستعده تصرف عليه بس يعطيها وجه

وكلهم بنات حرام
لان بنت الحلال نفسها عفيفه وما تطالع الرجال بعين جرعه <<< هذا كلام امي خخخخ
وما تسوي روحها بضاعه للي يشيل بالجمله .. اعرفته اكيد اعرفت عشر غيره
وما يجوز لهم ولا يعجبهم الا المتزووووج ،

حسبنا الله ونعم الوكيل في هالنوعيه من الحريم والرجاجيل
وكفــــــــــــــى !!




ارتفع ضغطي عوعو والله
الله يبعدنا عن الخيانه وكل طواريها

 

[Fe6aMi]

رد : ~ نــقــاش جــــاد ~

بنات ترى مرات ما تكون المشكله من الريال تكون المشكله من المرا نفسها ويكون تقصير منها
هذا الي يخلي الريال يروح يدور على شغلات مو قاعد يحصلها ابيته :bbbiu:وفي ريايل المغازل وهل السوالف
يمشي بدمهم وطبع وعلى قولتهم :eh_s(4) بو طبيع مايوز عن طبعه ) وفي ريايل عقولهم صغيره تيي بنت الحرام تتحرش فيه
وتلف عقله وتغريه ويمشي وراها وبعدين اطباع البنات والمواقف تختلف فعلشان جذي الحلول لهل المشكله يختلف
والله يهدي كل زوج لزوجته وكل زوجه لزوجها الله يوفقكم جميعااا :yaaaaaarb:​

 

[عهد..]

رد : ~ نــقــاش جــــاد ~

السلام عليكم جميعا,,,,,
انا اشوف الحل انها تتقرب لرب العالمين اولا
وبعدين تقول له قصص كانها ماتقصده عن بنات الحرام وامراضهم
يمكن يخاف,,وانا اول شيخ يقول المراه اذا تقرب لله بالصلاه وقراءه القران
قدام الرجل فهو يحزن انها تتقرب وتعبد الله اكثر منه فيحاول منافستها وفتحاول تتذكره بالله يمكن يخاف,,
وتكرر له المثل من دق باب الناس دقو بابه,,ولو بعد حين
وكل وحده يابنات تحاول دئما اذا طلع زوجها اوسافر او حتى رحتي السوق او بيت اهلك تستودع الله في زوجها في نظره وفرجه وسمعه وكل مافيه وان شاء الله مابيضيع امانتها............
والله يهدي المسلمين والمسلمات جميعا وربي يحفظ لك زوجك يالعوبه من كل شر على هالموضوع الحلو,,على فكره تراني دئما متابعه لك ولمواضيعك واااااااايد احبك,,

 

[RowTow]

رد : رد: ~ نــقــاش جــــاد ~

rowtow حياتي الطلاق مو حل جذري ! والولد راح يصير مثل ابوه سواء تطلقت او استمرت معاه !
وممكن ياخذ الولد عبرة من ابوه ويصير احسن منه ،، ويشوف صبر امه ويقدر المرة اكثر ،،
وهذي حالة شفتها بواحد سكيييير وعياله مطاوعه وملتزمين ومحترمين وشايلينهم حريمهم شيل !
​

هلا و الله حبيبتي
آنا أشوف إن الطلاق حل, و لولا إنه حل ما كان الله شرعه. و حتى الصحابه طلقوا و حتى من زوجات الرسول صلى الله عليه و سلم كانوا متطلقات.
الطلاق مكروه أي نعم, و لكن مو كارثه مثل ما بعض الناس تصوره

و مثل ما قلتي معاج حق, سبحان الله ممكن الأبناء يطلعون عكس الوالد تماما و هذا شي واقعي و ملموس.
و لكن مقصدي من ردي السابق هو: هل المرأه آله مثلا أو شيء قاعد قاعد بالبيت مثل أي كرسي أو أي شي؟
ترى آنا مع إن المرا تصبر على زوجها إلى آخر مدى, بس إلى آخر مدى صبرها إهي.
و إهي أدرى شنو اللي تصبر عليه.
على فكره ترى آنا أمي كانت متطلقه من أبوي 13 سنه قبل لا تتزوج مره ثانيه, و آنا كنت عايشه معاها و أعرف النظره حق المطلقه بس الوحده أهم ما عليها إنها تكون مرتاحه و صدرها نظيف.
خالتي مثلا صبرت على زوجها 15 سنه قبل لا تتطلق منه, و هو أنواع الخراب و التقتير و مع هذا صبرت عليه ليما قالت بس.
خالتي الثانيه لا زالت صابره على زوجها من 17 سنه و هو بعد مو ذاك الزود و يمد إيده.
يعني آنا أعرف إن النساء مو سواء. فيه مرا من أول ما تكتشف إن زوجها عنده سوالف زنا تتركه, و في وحده لأ. إما إنها مو مهتمه أو عادي عندها أو من قناعتها إنه يلف يلف و يرد لها أو إنها تدعي له بالهدايه و تصبر عليه.

كل وحده أدرى بنفسها.
​

 

[ام شيخوه]

الحل بسيط لاتعبون نفسكم ولاتعصبون وتنكدون على عمركم مارد الكلب على القصاب حتى لو يكلمون عمر الرجال ماراح يثق في بنات الحرام ويتزوجنهم يعني بيلف بيلف وبعدين بيرجع زي الكلب

 

[sharshora80]

رد : ~ نــقــاش جــــاد ~

يدتي الله يرحمها كانت تقول
يلالي يلالي ومرده لفراشي
بس بصراحه انا ما اقتنعت بهالمثل احس اللي يسكت عن الحق شيطان اخرس
وانا من طبعي ما اعور قلبي ولاشئ اقل شئ ايمع اهدومه بجيس ازباله واحطهم له برى باب الشقه جدام اللي يسوى واللي ما يسوا طبعا هذا لاني خلاص بايعته واقوله انا ناطره ورقتي والنفقه والخدامه والسكن بخذهم غصبن عنك يا بالرضا او بالمحاكم
واذا عندك كلام تقوله لامك وابوك وهم اللي يراضوني
يعني بالمعنى اخلي يعرف اني قويه وماراح يهزني شئ
بس بيني وبين نفسي لا والله راخ اموت قهر على كل دقيقه هو استغفلني فيها

 

[أم ليااااااااال]

وعليكم السلام والرحمه
اولا لاتنسون انا نعيش بمجتمع ذكوري يعني الرجال شايل عيبه
يعني رجال تربى على هذا المبدأ صعبه تغيرينه
يعني كل شي عنده عادي انا اقول الي تصيد زوجها بهالمواقف بس تقوله
وبكل ادب والله ماهقيتك جذي تصلي وحابتك حاله وتزني او تشوف بنات
انا ماعانيت من هالمشكله بس اختي صار فيها موفق مع ان زوجها
ملتزم يعني مو مطوع بس حيل ملتزم صادت في فونه
صوره حق بنت ممثله بس ماعرف اسمها تدرون شسوت
طالعته وقالتله تصدق عندك ذوق حدها حلوه او مشت
عنه الرجال افتشل وجهه انقص راح لها وتعذر او برر موقفه ملايييين المرات وهي بكل برود تقوله
عادي ذوقك لي تعدل
الله يستر ع رياجيلنا من بنات ابليس ويستر علينا من امراضهم وشرورهم

 

[" غـادهـ "]

.

وآلله من قلت آلوازع آلديني ..
غير هآلسبب صدقيني مآآ كوووو ..

.

 

[franshiska]

رد : ~ نــقــاش جــــاد ~

لازم كل متزوجه تحط ببالها هالحجي

وفي نقطه ثانيه بعد اذا الزوجه اصرت على الطلاق عقب خيانه زوجها

الناس بطلعونها غلطانه بقولون عادي الريال مايعيبه او ليش ماصبرت عليه
لو سنعه جان سنعته وووو الخ

يعني المره بتكون خسرانه عالجهتين

اذا الخيانه متكرره طبعا راح اصر على الطلاق
وكلام الناس ما يخلص خل يتكلمون لين يقولون بس
لان اللي اتكلم ما جربت
وانا من ناحيتي الزم ما علي راحتي ووناستي ليش اصبر على الهم والغم :eh_s(10):
انا متزوجه على شان انذل ؟ والا على شان اييب عله على قلبي اطبخ وانظف واسنع واشيل بيته واربي عياله واخر شي رايح حق هالاشكال ؟

لا والله اتطلق والله يعوضني :eh_s(7): ولا اصبر واتييني امراض على شان واحد مو كفو :rgewrg:

واللي تقول لو سنعه جان سنعته :flower:
اولا انا متزوجه على شان اكون وجه مو بيبي ستر حق واحد شكبره اعلمه الصح من الغلط:23_asmilies-com:
ثانيا انا لو ادري من البدايه انه مو سنع جان ما خذيته لاني ابي واحد سنع ما ابي اتعذب
وهذا رايي

 

[أحلى الألماس]

الا الخيانه وكل وحده تعرف الشي اللي تقدر تسويه
بزوجها اذا خانها والطلاق ابد موحل اذا كانت الزوجه تحب
زوجها لحد الجنون
بس كل رجال وتفكيره يخلي الزوجه تكون واحده من هالنقاط
وهي الأولى انه يقولها اسف وهذي نزوه وماراح تتكر وتصير زوجه
مسامحه وماراح تسامحه لو كررها
والثانيه انه يقولها هذا انا تبيني اهلا وسهلا ماتبيني الباب ياسع جمل
وبجذي يانها تطلب الطلاق وقليل أو انها ترضى بخيانته وتسكت وتدعى ان
الله يهديه
والثالثه ماتبين له انها تدري وتدعى ان الله يهديه
الله يبعدنا احنا وياكم عن الخيانات

 

[FeShinGoOo]

صج الرياييل يموتون بالحرام مو الكل بس الاغلبيه يعني ينطبق عليهم المثل كل ممنوع مرغوب اتخيلي ابو ارفيجتي طلق مرته طلقتين وكل ماتصير مطلقه يصيرلها مثل الخروف ومن يردها تعالي شوفي السب والطق والاهانه والحين طلقها الطلقه الثالثه وميت عليها ملوع جبدها مسكينه يدق عليها باليوم فوق ال 20 مره وتعالي شوفي الهدايا والفلوس .. انزين ليش يوم انها حلالك كنت تدوس على راسها ويوم صارت حرام عليك تبيها عشيقه ..؟؟؟

معاج حق مو كل وحده تقدر اتهد بيتها وعيالها بس انا دايما اقول لو الريال يصيد اقل شي على مرته ماراح يسامحها عشان بيته

واهم ماعلى الانسان صحته وسمعته انا ما اقبل اعيش مع انسان اولا زاني ثانيا ممكن يسببلي امراض ثالثا مو حاطلي اعتبار ولا كرامه الي يساويني مع بنات الشوارع .. يبونه ويبيهم عليهم بالعافيه فبعض بس انا ما اتحمل

 

[بقايا شهد]

ياقلبي من راقب الله لاغدر ولاخان
ومن راقب الناس مافي شيء يهمه غيرهم

 

[محرومة من الحب]

.

وآلله من قلت آلوازع آلديني ..
غير هآلسبب صدقيني مآآ كوووو ..

.

:eh_s(15):

+

مافي تقصير ايي من الريال الا اذا كان تقصير من المراا
الريال بطبيعته وفي بس تصرفات المرا تحده على الخيانة

بحكم اختلاف الاطباع والافكار :eh_s(10):

 

[.،:"$الـعـوبــــة$":،.]

ترجمة احساس ،، حياك الله ،،

ام شووووق ،، فعلا هذا حل واقعي والله مايخيب رجانا فيه ،، تسلمين ياقلبي عالنقاش الحلو ،،

أم عبوش ،، يامرحبتين ياقلبي ،، والله من طلعت من انفاستي وانا مشغولة فبنيتي وبيتي ودوامي عصر يغث استغفرالله !! وفوق هذا صايرة دوجتي واجد ،، فانشغلت ياقلبي ،، ولكن عدنا والعود احمد ،،وعسى الله يحبك ياربي ،،
اي والله ،، عقب ماصار الكمبيوتر في كل بيت وبعدها طلع الايفون والبلاك بيري وزاد الطين بلة !!


المرتاحة ،، اي والله والله انك هذا الكلام الصح ،، بس الحين تفتحت العقول على الشي الشين !!

جـــواهر ،، حياتي جواهر الله يكون بالعون يارب ، ويهديهم ويصلحهم يارب ،،

أم عايض ،، تسلمين ياقلبي ،،

احساس السعوديه ،، هذا اول هدف من موضوعي ،، ننسى سالفة الطلاق لأن هالشي منتشر بشكل مو طبيعي !! مو معقولة كلن بتهد بيتها وتروح تقابل اهلها والا كان قعدت عندهم من الاول !!
​