~ نــقــاش جــــاد ~

[ام شووووق]

رد : ~ نــقــاش جــــاد ~

انا اللي اشكرج على الموضوع والطرح المميز

 

[۩۩ الجـــــود ۩۩]

الوازع الدينى والخوف من الله

والتربيه الصح

واللى ربي مبتليه الله يرفع عنه ويهديه

 

[احلى بنت بالدنيا]

الخيانة صارت شي عالمي مو بس بالكويت

الناس الحين ماقاموا يشبعون لا من الفلوس .. ولا الجنس

 

[جوري 2007]

واااي الله لا يحط اي وحدة بهالموقف الماساوي ،، صج صج الخيانة تهد الحيل

انا يا اني اصير قوية واحاول اسوي نفس ناعمة الهاشمي لما قالت ان الوحدة لازم ماتهد ريلها لعيشقته باردة مبردة وتطلع من البيت

تحاول تره لها وتخليه يعشقها من يد ويديد وبعدين تواجهه ،،

او


اني هم بصير قوية واطلب الطلاق

لاني احبه ماراح اتحمل وراح اطلق

مادري حزتها اشبيصير ،، يارب لاتوريني هاليوم

 

[ام الوردة]

سبب الخيانات .. اول شي ضعف الايمان وابتعادهم عن الدين

ثاني شي .. التفااااااااااخر جدام ربعه ان مرغوب من النسااء وووووو الخ

ثالث شي فيه حريم اهم اللي يجبرون ريايلهم يخونون .. بغض النظر عن واااااااااايد شغلات (( نكدية - تخور 24 ساعه - تهاوش وتصارخ
مهمله زوجها - مومهتمه بنفسها.............. الخ من هذي الاسبا اللي تكلمنا فيها الف مرة ))

رابع شي .. فيه رياااااييل الخيااانة تسري بدمهم .. يعني كل شي متوفر له وزوجته مخليته يادهينه لاتنكتين وكل شي مرتااااح منه
وماكو شي ناااقصه .. بس يخوووون لأنه بإختصار اهو عايش للخيانة مو لأنه يصون بنت الناس .. يعني شغله متعود عليها لايهال يردون ولا مرة صالحه ترده




بس يالعوووووووووووووبه ... سؤالج يمكن صار شي متعودين نسمعه او نقراه او نشووووفه ..

الرياييل يخونون ....؟؟

بس محد سأل ... ليش بزمنا هذا كثرت خياااااااااااااااااانة الحرريم لأزواجهم ..؟؟

قبل قليييييييييييييييييييييل نسمع فلانة متزوجه وتكلم

لالالالالالالا الحين الموضه فلانة تكلم من ورا زوجها وبحكم وظيفتي (( مدرسة )) مرت علي اشكااااااااااال كثير وحتى ماتتوقعين ان هالمدرسة يطلع منهاااااا هالشي ..

مااااااا اقول الا الله يستر على زمنا الجاااااااااي

بس وربي لو النااااااااس يردون لربهم مااااااااصار هالشي ..

الله لايبلينا .. ان شاء الله ..

 

[مساء الرياض]

اشكرك للطرح الراقي
اسباب الخيانه>>>>>>ترك او اهمال الصلاة الي مهتم بصلاته مايخون<ان الصلاة تنهى عن الفحشاء والمنكر> حرصيه دايم على
صلاة الجماعه لايترك ولافرض
>>>>التربيه الزفت الي هي الولد شايل عيبه الله يقول سبحانه : وَلاَ تَقْرَبُواْ الزِّنَى إِنَّهُ كَانَ فَاحِشَةً وَسَاء سَبيلا >وهذولا يقولوون الولد شايل عيبه وش هالعقليات
عدم فهم شخصية الزووووج وعدم اللجو الى مختصييين بالعلاقات الزوجيه​

 

[UNICORNA]

راح اقولك رايى الشخصى و بأمانه

العيب على الحرمه

اى والله لان الرجال يدرى انها راح تبكى شوى وبعدها يردها ولا كن شى حصل

اصلا الحريم عندها اقوال عقيمه بيجلسو يحفظهو لبعض ويصدقو الكذبه

ترا لو طلقك بيجيب 100 غيرك ترا هو رجال يسوى اللى يبيه مايعيبه شى

ترا لو تركتيه ماراح تحصلى غيره حتى لو انه سىء ترا عندك اطفال

والله هذا اللى جايب الحريم لورا

اقول ان الواحده مفروض تهتم بزوجها وتكون له عبده مافيها شى

ولكن توصله بطريق مباشر او غير مباشر وماشالله الرجال سيد من يفهم

انها راح ترميه بعياله وتتزوج احسن منه

و لو انه سوى اى شى من هالقبيل وتحسسه بالتعامل انها قادره على هالشى

وقسما بالله لو فعلا حس انها صادقه والله مااراح يتجرأ يسوى اى شى وراح يحسب لافعاله

الف حساب

وحتى لو كان شلفوت وزوجته ماهمته وخانها وتركته راح يتعب فى مسئوليه الاطفال والزواج من

واحده ثانيه يبى مصاريف وياعالم تطلع محترمه ولا تهين اللى خلفوه

وساعتها راح يسوى الف حساب للزيجه الثانيه وحتى لو ماتزوج راح يعيش ندمان وحيد من واحده لواحده

وبالاخير ينام لحاله وحيد ولا احد يدرى عنه

والله العظيم انا اقول العيب على الحررررريم علاوه ان الرجال لو اخذ واحده ماناسبته او ماقدر يحبها

وهى ماتأقلمت معه ورضخو للامر الواقع لانه افضل من الطلاق هم هالموضوع يسبب بلاوى

بس فى هالحاله معروف الحل من الاول ولكن فى حاله الازواج اللى متفاهمين ويخونو

معروف كيف علاجهم ولازم نداويهم بلتى هى الداء

وعفوا على القرقه

 

[شقرديه كيوت]

رد : ~ نــقــاش جــــاد ~

الرجال مايعرفهم غير اللي خلقهم

 

[شيري]

انا عاد لي وجهة نظرمقتنعه فيها حييييييييل بالنسبه لسبب خيانة الزوج اللي موقاصره شي والزوجه معطيته حقه في كل شي سواء عاطفي او جسدي او اجتماعي وأهو ...أن الزوجه الحلوه السنعه اهي اللي زوجها يخونها لأنه من كثر مايشوف زوجته حلوه وسنعه يحسب كل الحريم مثلها فتلاقينه يركض ورا الحريم ويغازلهم وتلاقين ان اللي مرته موحلوه ورفله زوجها مايفكر انه يطالع اي وحده لأنه بباله ان كل الحريم نفس مرته فيقول لنفسه خل أفتك احسن .... شرايكم بنظريتي ؟؟؟واتذكروا الحريم اللي تعرفونهم اللي خاينينهم ازواجهم موحلوات وسنعات...؟؟؟ الأكيد ان الرجل مخلوق عجيب غريب لا حل له ...واللي يخونها زوجها من غير سبب مالها الا ربها يهديه لها...:eh_s(7):​

 

[ba6bo6a1]

والله يا العوبة الاسباب وايد و مرات صدقيني الريال ما يكون عنده سبب يعني هو نفسه مو لاقي مبرر للي يسويه بس انا اتكلم عن الخيانة اللي تكون تلفون و مسجات مو اعوذ بالله زنا ...... يعني مثل ما المرة يكون فيها قصور م الريال فيه قصور محد كامل بس الحريم تتحمل و تستمر لكن الريال يستسهل الشغلة و بعدين ترى بهالزمن ياالعوبة تصدقين اني اسمع بحريم متزوجات يخونون !!!!! و هذي عندي امر و افظع حتى لو نادرين لكن للاسف موجودة هالفئة

 

[اعيون عليا]

ماكو حل ............الا
شرع ربي ...........لو يطبق بلكويت بس الحد على المتزوج الزاني جااان
اعتبرو كل الي بديرة وصااانو حريمهم ............بس لان ابتعدنا عن تطبيق شرع ربي قوة اعيون هريايل بلمعصية اعرف وحدة انحبس زوجها 6 اشهر عشان طاحو علية شرطة الاداب بشقة دعارة
لاتشوفونها تدافع عنة تقول عندة حجز بدوامة
واناس صدقوا ...........المهم شنو حبس هذا قانون وضعي لو يطبق شرع ربي ويفصلون رقبتة عن راسة
جااان كان عبرة لغيرة
واي يهلمواضيع اتحرررررررررررررني وتقلب مزاجي
مشكورة يالعوبة :bbbiu:

 

[eng^^zozo]

رد : ~ نــقــاش جــــاد ~

اول شي اختي العوبه مشكوره على طرحج هالشغله اللي هم انا ملاحظتها وااايد انتشرت بالوقت الاخير ..

ثاني شي .. لازم اول خطوه تخطيها الحرمه ان اذا عرفت ان اهوا يخونها تسكت تشوف مع منو قاعد يخونها تدور ادله مو على طول تروحله تقوله انته تخوني يعني اذا كان مايخونها بتبطل عينه على هالشغله واذا كان يخونها اكيد بينكر يعني ماراح تستفيد شي .. فالادله ضروريه بهالحاله ..

ثالث شي .. الرياييل يحبون التغيير .. تلاقين وحده معطيه ريلها كل شي تقول مو مقصره عليه بولا شي واهيه دوم متكشخه و دوم تعطيه اللي يبي بس هم تلاقينه يخونها لان الواحد يحب التغيير هذا انسان والتغيير لازم بالحياة فيروح يدور بنات بالحرام مايلاقيها طول الوقت بس متى مااحتاجها لقاها يمه لازم تكون مرته جذي يعني مو كل وقت الريال يبي سوتله اللي يبي خل تمتنع عن هالشغله مرات لا تقولولي يروح يدور ويا غيرها اذا امتنعت عنه بتمتنع يوم يومين تخليه يشتاقلها اكثر ينسى جسمها شوي فتفاجآه اهيه بنفسها بتغيير باللبس يكون ستايل ثاني ولا تحط ميك اب ثقيل وجذي ..

والبنات ماكو نص ونص يا تعطيه طول الوقت وماترفض طلبه بولا شي يا ان كله ماتبي و كله تعبانه ويروح يدور غيرها ..

والبيئه اللي اهوا متربي فيها اهم العوامل اللي تخلي الريال يصير جذي بعد مو مشكلتنا نروح نمسك الام والابو ليش ماربيتو ولدكم جذي وليش ماسويتو جذي هم مو عدله انا خل اربي عيالي واربي نفسي تالي افكر بتربية عيال غيري .. يعني اول شي الابو قدوة للولد فاذا يا الريال يبي يخطب البنت اهم شي الابو والام يشوفون علاقتهم ببعض شلون تالي يزوجونهم ترا لا شهاده ولا منصب ولا اصل يكفون الاخلاق والدين اهم شي ..

و لازم الحرمه تكون حريصه ان تراقب ريلها يصلي يصوم مادي حق ربه عليه لان اللي يكون قريب من ربه صعب يخربط ..
والدور الثاني ايي من الربع اقرب ربع ريلج لازم تتقربين من ريلج وتخلينه يسولفلج عنه عرفي شنو اهوا واذا عنده حرمه تعرفي عليها احتكي فيها عشان تعرفين ريلج يقضي نص حياته مع منو ..


و اخير شي الاشياء اللي تنفع ويا وحده مو ضروري تنفع ويا غيرها كل وحده ريلها غير عن الثاني و الله يهدي اليميع ان شاء الله ..

بس لو يسوون نظام امريكا ان الوافدين غير الامريكان لهم اقصى مده اقامه شهر واحد بس مو اكثر جان زين اهني الله يعافي الوافدات مخربين صبيانه .. وتالي بنات الكويت اللي يستر عليهم ام ١٢ سنه تلاقينها تعرف سوالف ام ٤٠ سنه وتكلم و تطلع وتواعد وين التربيه وين الاخلاق ليش كل ماقمنا نتطور صرنا ننزل تحت لييييييش ؟!!!!!

 

[صمت المرافئ]

رد : ~ نــقــاش جــــاد ~

أول شي مشكوره اختي على الطرح المفيد
وفعلا هالشغلة منتشرة لدرجة انها صارت شي طبيعي
وصار الريال اللي ما عنده خرابيط اهو الشاذ
الله يستر علينا ...
و لا تقولون ان الريال اللي يخون مرته مقصرة ....
ممكن في بعض الحالات بس مو كلها
والله مرات المره ما تقصر وقايمه فيه وكافيته
ومع هذا يخونها ... ليش ؟؟؟
لان الخيانة تمشي بدمه
اللي استغرب منه ويحيرني دائما
الحين الرياييل لما يروحون المقبرة
ويدفنون الميت ( مو مثلنا احنا الحريم ما نشوف )
يعني يشوفون آخرة الواحد وين بيروح
بحفرة مترين في متر ...
وراح ياكله الدود ...
ما يتعضون !!! ما يخافون ؟؟؟
ما يتأثرون !!!
ويرجعون يخونون ؟؟؟
ويقولون الريال شايل عيبه @@
الحمد الله ان احنا عند الله سبحانه سواسية
الله يهدي ويصلح الكل
​

 

[العسليه]

اذاا كان مو مقصصر بولاا شي الا ان الخيانه بدمه

ووراااهاا دررررزن جهاااال



تقعد ببيتها عشان هالجهااال ... وتهجره بالفراااش وتحتقره فيه لانه مو كفووو لهااا بس تقوم بواجباته الثانيه


وماارده بيمل ويزهق ويدري ويرجع منكسر اذا حسسته زوجته انه مكرووه ومنبووذ منها

 

[انا لحبيبي .]

رد : ~ نــقــاش جــــاد ~

الوازع الديني طول ما انوجد .. خلص المشكله انحلت

بس بهالزمن الوازع الديني صار عندهم شبه معدوم عن الاغلبيه .. لانه بنات الحرام معبيات الدنيا وعم ينتشرو

وبالتالي الاكتريه بغلبو القليلين .. ما النا غير الله يهديهم ويصلحهم

حرام يجو اولادهم ع هالدنيا فيهم امراض بسبب الخيانه الزوجيه .. بسبب نزوه ومتاع ولهو لأبوه بهالدنيا

 

[ام الوردة]

اب اب اب اب

 

[احلى ـآ وحده]

والله لو انا صدته الله لا يقوله ان شاء لله والله لا يجيب هاليوم

مااقعد عنده دقيقه وحده وافضحه بين اهله

 

[Smetk 3'lay]

يعطيج العافيه ع الموضوع وبصراحه جبتيها ع الجرح وانا اشوف ان الخيانه انتشرت حييييييييييييييييييييييييييييييييل هالايام الكل يخون بسبب وبغير سبب مادري شفيهم الناس ولاحول ولقوة الا بالله

 

[بنت الفوزان]

رد : ~ نــقــاش جــــاد ~

لا تعليق

 

[زوجة عزيز]

رد : ~ نــقــاش جــــاد ~

حسبي الله ونعم الوكيل صج شي يخوف وعدل كلامج ليش الوحده تتحمل وتكون عرضه للامراض والحل صعب والله واكا انتي قلتي نسبه كبيره من الريايل اللي يخونون مو معقوله كل وحده بتترك بيتها عشان زوجها خانها