هالنظام البايخ لي امته يعني زوجج يطلب منج تقطعين العلاقه مع رفيجاتج

[OM-aB0Di]

انا ريلي وخرني عن بعض الرفيجات مو كلهم بس طلعات ووناسه لا بس فون(( وكله مني اسولف له عنهم لين قالي وخري عنهمممم بعدين تعلمت ما اسولف

المفروض ماتسولفين ويلا هذا درس

الله يعينج

 

[OM-aB0Di]

مو من حقه يعني ربعه يقدر يوخر عنهم ؟؟ ما يصير البنت بعد تقطع علاقتها برفيجاتها

كلامج على متمه

يويلي لو نقولهم اقطع علاقتك مع ربعك تصير مذبحه

 

[ShaGRa NoiSya]

الحمدالله ما قالي قطعي علاقتج فيييهم اصلا حتى بو قالي بقوووله مستحيييييييل

اهو يدري جم وحده منهم حيييل معاي واكثر من خوااتي فديتهم ومستحيييل اوخر عنهم وبروحي ماعندي خواات واهو يدرس بره هالدوور يقطعني عنهم امووت احسن لي !!!

 

[بتبوتااا]

.بالنسبه لي خليت علاقتي معاهم محدوده يعني وين وين اكلمهم يعني بقتناع نفسي :> , .

 

[ام شووووق]

رد : هالنظام البايخ لي امته يعني زوجج يطلب منج تقطعين العلاقه مع رفيجاتج

وحده زينه تغني عن الف

 

[باربي برونزيه]

كلمن يرى الناس بعين طبعه يعني لمه الريال يقول حق مرته قطعي علاقتج برفيجاتج عشان لا يخربونج معناته اهو وربعه الخربانين وعباله كل الناس نفسه وانا استغرب على الي تبيع عشرة عمر مع رفيجاتها عشان ريلها وبدون سبب !!!!!!

 

[سامرينا]

انا طلب مني هالشي زوجي عسا ما وحده دقت يقولي لا تردين وحده يات من السفر ولا ولدت ممنوع اروح لهم يقولي يبونج اهما ايون لج وماكو طلعات ربع
طبعا حاولت اساحل فيه ماكان راضي ومعند ومع الهواش قام يرضا
اني اادي الواجب وسالفه انهم يدقون علي واهوا بالبيت ممنوع اشيل التلفون قلنا اوكي وطلعاتي معاهم ماقولج مايخليني بس لي رديت يحقق معاي سين وجيم ويقعد يدقق علي ردي البيت تاخرتي بسمله توا ماصارلي ساعتين !!

 

[OM-aB0Di]

مشكله اذا الزوج تدخل بكل صغيره وكبيره

 

[انا لحبيبي .]

ماطلب مني هالشي الحمدلله ، وان شاء الله ما يطلبه

انا اصلا صاحباتي كتار ، بس عندي 3 بحبهم متل خواتي وما اتوقع 3 رح يأثر عليه

 

[نونو العصله]

هو طلب مني في بداية الزواج بس قلتله رفيجتي الوحيده ما اقدر اهدها
سالني عن اخلاقها
واقتنع

 

[ScarletteO'Hara]

متى ما حس الريال انه قادر يوخر عن ربعه هني يقدر يمنع مرته من رفيجاتها
يعني مو معقولة بيمنع المرة من رفيجاتهاو اهم يقعد بالدوانيات مع ناس الله اعلم شنو اخلاقهم لي الفير
الي يطلب هالطلب من مرته حده اناني
جنه ماخذ مرته من الشارع و يبي يسنعها
عن نفسي انا اذا شفت البنت مو زينه انا من نفسي اوخر عنها مو محتاجة لي شخص ينقي رفيجاتي و يقولي ماشي هذي و قطعي هذي
و عموما مو البنات الي يخربون بعض
انا عندي الرياييل اهو و ربعهم اخس!
الحمدلله ما دام انا محترمة ماراح تلبق معاي الا المحترمة

 

[جولينار]

والله اللي بتتركني عشان زوجها ماعليها حسووفه .. بسلامتها وماتشوف شر


وعن نفسي لو طلب هالشي مستحيل اوفقه .. يبيني اترك صديقاتي ؟؟ خلاص اترك اصحابك انت بعد

 

[*+ قـــمـــر +*]

هالشي وااااااااااايد زايد .. و صج نظام بااايخ

تلقينها بس تتزوج تغير رقمها و تقطع علاقتها بكل رفيجاتها
حتى اللي جهزوها حق عرسها وكانوا معاها للاخير ..


من رايي الزوج اذا طلب هالطلب بيكون لان:

مو واثق بزوجته

او

شايف شي على رفيجاتها (شخصيتها ضعيفه جدامهم او مو متربين)

او

علاقتها مع رفيجاتها مااصخه .. 24 ساعه طلعات وروحات وتلفونات


او

يبي يفرض شخصيته غصب عليها " انا ريلج وكلامي يمشي عليج غصب"



بس بليييييز .. اللي تقطع علاقتها مع رفيجاتها لا تردلهم بعدين لما زوجها يوافق
او لما تمل .. لان رفيجاتج " مو على كيفج" متى ما بغيتي تكلمينهم تكلمينهم
ومتى ما ماتبين تشفطين عليهم وتنسين كل شي بينكم ولا كأنج تعرفينهم


اذا شايفه ان زوجج ما عنده سبب مقنع .. اقنعيه بهدوء ..وخلي علاقتج معاهم معتدله
واذا ماعنده سبب مقنع .. الله يعينج .. ريلج ماعنده شخصيه ويبي يتسلط بس

بس سالفة انج تبدين رفيجاتج على زوجج وتصير مشاكل توصل للطلاق بهالسبب
اسمحيلي بتكونين سخيفه ومردج راح تندمين

وسالفة انج تبيعين الكل عشان زوجج .. هم مردج راح تندمين.. ورفيجاتج مو لعبه بايدج


خليج ذكيه عشان تربحين الطرفين .. ودايما خلي علاقتج مع رفيجاتج معتدله
مو 24 ساعه مع بعض ..

 

[بنت الكويت 25]

اللي يطيع ما يضيع
هو أدرى بمصلحتك وبحسبة ولي أمرك

اسمحيلي اختي منطق ورد غريب ليش احنا ما عندنا عقل نفكر او نتصرف في رياييل تحب تأمر لمجرد الامر يعني ماخذ الموضوع بعناد عفوا الزوجة مو عبدة حقة الزوجة شريكة حياتة لازم يكون في نقاش واخذ ورد وبعدين يتحدد الموقف ما يصير اطيعة بكل شي بدون مناقشة

 

[Nicki Minaj]

الزوج ليس هو الحياة بل الزوج هو شريك الحياه
التوآزن في كل شي مطلوب ..
الصدآقه الحقيقيه , هي تلآحم شخصين في شخصيه وآحده ,, النآس معآدن كمآ الاصدآقآء أيضآ لهم معآدنهم .. فالصداقة من العلاقات الانسانية النبيلة النقية
ما بقى إلا تتركين صديقتج عشان زوجج .. خليج من كلام عبدة الرجال .. بآجر والله يسحب عليج وتقعدين وحيدة ما لج أحد تسولفين معاه ..
والصديق الصدوق بهالزمن يقدر بنعمه من النعم التي ينعم الله بها الانسان
قولي له أنت زوجي وأحبك .. وهذي صديقتي وأغليها .. وما عندي غير هالكلام ..
صراحة استغرب من اللي تقول ألزم ما عليج زوجج .. خلي صديقتج تولي ..
صدآقه عمر .. من أيام واحنا صغآر غلاها من غلات اهلي .. معقول بقاطع اختي ؟
من حقج يصير لج صديقات مثل ماهو له أصدقاء وكله بالدواوين ..

 

[مشتطـه]

الحمدلله والشكر


شي يبط الجبد ويقهر

والاخس من جذي البنت الي تطاوعه


امبي عندنا رفيجتنا صار فيها جذي

ويع بصراحه ماكو شخصيه ولا كرامه
غبيه

ما بقى احد ماتحجى فيها وقال انها ماتستحي وهانت عليها العشره

 

[Leann]

ماتوقع منيه و الدرب الريال يقوول مابيج تطلعين ويا رفيجاتج !! اكيد شايف ان مرته وايد تطلع وياهم و تلهى عنه او انها تتكلم وياهم وايد و تنطشه !!
او تسولف وايد عن رفيجاتها جدامه


على كل الاحوال انا من قبل الزواج اتفقت ويا ريلي ان رفيجاتي اطلع وياهم عادي و اهوه يطلع ويا ربعه عادي و اثنينا اتفقنا ان كل واحد محتاج وقت بروحه girl time, boy time مثل ما يقولون

بس لو صار هالشي و طلب مني اني اقطع علاقتي ويا رفيجاتي راح احاول اعرف الاسباب اول شي و بعدين اشكره اقوله اذا انت قطعت علاقتك ويا ربعك انا اقطعها ويا رفيجاتي :eh_s(4):

 

[سكرة هانم]

يبتيها عالجرح

واللي وصلت لي الشيطان الرجيم بينها وبين ريلها عشان رفيجاتها قولولي شتسوي ؟؟؟ اتطلق عشان اطلع معاهم ؟؟؟؟؟؟

من اول زواجي قالي رفيجاتج ماضي انسيهم دخلت معاه بنقاشات و هواش ووداني بيت اهلي وماكو فايده مع ان مالي غير صديقه وححححده بالضبط

بنات الثانوية من قبل زواجي اكلمهم كل شهر شهرين مره وبنات الجامعه علاقتي محدوده الا مع 2 ادق اسولف معاهم ...مع هذا ادزلهم مسجات اتواصل معاهم بين فتره وفتره واهم ما يقصرون


وهالصديقه الوحيده اللي متاكده انها مثلكم تقول اني بعتها و اني فضلت زوجي عليها شنو حصلت منها ؟؟؟

جهازي اهي معاي ما رحت مع امي الا جم مره الصالونات افتريت معاها ويت معاي يوم عرسي ..طلعات كنت اطلع من وره ريلي معاها تلفونات كل يوم مسجوبالاسبوع جم مره ادق عليها

مسج من تزوجت مادزت من كيفها ولا دقت علي ..سوت عملية خطييييييره ولا قالتلي سمعت من بره ويوم عاتبتها قالت كنت خايفه وما قلت حق احد ..وبالاخير اصدمتنييييي بزواج اختها حته ما دزتلي مسج

منو اللي تغير ؟؟؟؟قولولي والله قلبي محترق عليها بس للاسف اهي ما قدرتني ولا قدرت وضعي ماراح اقدرها كاني لي 5اشهر علاج بلندن ماتدري عني ولا تسال والحمدلله حملت ومو ناويه اقولها الا لما اتسنع

عفيه وحده ترد علي وتبرد قلبي ويلي من هالريل اللي محسر فيني وويلي من رفيجة عمري وعلى فكره على اخر الايام ريلي بده يقتنع بعلاقتي معاها ومره خلاني اطلع معاها ومره قطني بيتهم يعني السالفه يبيلها صبببببر

 

[مملوحة_الوصايف]

امبيي شكثر اسمع رياييل جذي يمنعون زوجاتهم من رفيجاتهم ليش شنو هالعقد شفيها يعني اذا رفيجاتي زينين وعرفهم من عمر ليش بيعزلني عن العالم بس اهلي واهله وهذي عيشتي ولا حلال عليه حرام علي هم الوحده تبي تستانس مع رفيجاتها مو اهي من قبل لا تزوج كانو معاها سوالف او روحات او ييات مادري شنو الحكمه يعني مره كلمت رفيجتي من زماااان مادري عنها بعدها تزوجت وكلمتها بعدها بفتره قلتلها شرايج نيمع البنات جروبنا وكلنا نعرف بعض عدل قالت لا انا ريلي ما يرضا اروح الا بيوت انزين ليش يعني مجابله الطوف اطلع من طوفة بيتي لي بيت اهل ريلي لي بيت امي لي طوفة بيت رفيجاتي واااااي الله لا يبلاني بواحد جذي معقد

 

[dectora 7elwa]

اذا عنده سبب على عيني وراسي
بس بدون سبب لا شكو