هالنظام البايخ لي امته يعني زوجج يطلب منج تقطعين العلاقه مع رفيجاتج

[غرام حبيبتها]

صح انا رفيجتي صار معاها هالشي قبل العرس وقالها بس قالت له ليش حتى كان مانعها عني بس ناقشته مالقت له سبب ومسح رقمي وقال مابشوفج تحاجيني وفعلا انا عشان حياتها رضخت للامر بس كانت اهي ادق ع من بيتهم وادق ع جهاز امها الموهم ماكنت انانيه يعني حياتها اهم وطاعة زوجها اهم ف مع الايام شاف انها سمعت كلامه وضايق خلقها ع اللي سواه قام واهو ورد رقمي بنفسسه وبعد الزواج شرالها خط وخذت ارقام رفيجاتها الثقه بسس والباجي خلتهم كل ماجت اهلها دقت عليهم واعتقد انهم يتفهمون الوضع بعد زوجها وحياتها اولى
الله يوفقها ياااارب ويرزقها الذريه الصالحه وييوفق كل وحده
ولو صار هالقرار ترى كلها فتره وتعدي

 

[ليدي اكتوبر]

انا قطعت علاقتي مع 2 من رفيجاتي والسبه هالطلب السخيف الشرهه مو عليه الشرهه عليهم مسوين نفسهم رفيجات


وضعف شخصيه المره يلعب دور ليش اهو مايهد ربعه
خصه اذا كنا بنات ناس مصلين مسمين ماعندنا خرابييييييط

 

[UNICORNA]

لا مفروض مايتدخل ابدا بللى مايخصه اهو شكو بصديقاتى

هل انا اتجرأ اقوله اقطع علاقتك بفلان ؟؟؟

اهو بعد مفروض مايتجرأ

بس بلاول يجس نبض لو حصل انك متقبله راح يضغط عليك ولكن لو صديتيه مره عقب مره ماراح يكررها

الا مثلا لو شاف شى على صديقاتى شى مو زين او حاسس انهم مو مريحين وانا تأكدت من هالموضوع اكيد بقطع

فيهم ولكن غير كذا ماعتقد له دخل

 

[ام زهقانه]

متييييييييييييي تنقطع العاده البايخه

 

[classicyah]

مآ عنديْ صديقه كلوز

علآقآتي محدوده و يآ النآسْ ،

و اختي و أمي أقرب نآس ليْ ،

مآ أتوقع بيقول لي ، لآ اتكلمينْ اختج أو امج

.

بس عموماً ، الأغلب مآ يطلبون هالشي من فرآغ ،

أكيدْ سآمعينْ أو شآيفين شيْ ،

الريآل دآيماً يشوف شي احنآ مآ نشوفهْ ،

بالأخير هو الي يطلع الصح ، و نحن الي ننصدم !

.

و رآيي يبته من وآقع تجآرب من الي حولي . .

و الله يهدي اليميعْ، !

 

[ShaGRa NoiSya]

ماكان يقولي شي على رفيجاتي بس مره كان عندي بريك وطلعت مع رفيجتي وماقلت له ودق علي ومارديت وقام يدق وايد وانا ماقدر ارد وعلى طول توني واصلة الكلية ولا اشوفه هناك ناطرني وسوالي سااالفه ومن يومها قالي رفيجتج فلانه ما اشوفج تحاجينها عاد ماقدرت اقووله شي لاني انا الغلطانه بس صراحه ماقلت لها ريلي مايبيني اكلمج وين قاعدين والله استحي اقولها بس خليت علاقتي معاها بالكليه والبي بي ام اما طلعات لا بس اشوى رفيجاتي الثانيين مايقول شي عليهم

 

[Hello_kitty]

الحمدلله ما طلب هالطلب بالعكس يشجعني استمر واتواصل معاهم واصلا عيب وليش

وبراي اللي من اولها مني والطريج يطلب هالطلب ما عنده سالفه لا سالفه غيره ولا خوف بس حب تملك وسيطره ويستقوي

على مرته او انه راعي سوالف وخرابيط وشكاك يحكرها عشان يسرح ويمرح على كيفه

اهي تزوجته مو معناته تطلق العالم وتضحي بحبايبها علشانه منطق غريب

الريال اللي واثق من نفسه ومرته ويحبها ويحب سعادتها مستحيل يطلب هالطلب منها بدون سبب

ولا يتجرأ يطلب من بنت ناس متربيه وعاقله هالطلب

*

 

[أحترت أعبر]

ببداية زواجنا طلب مني قطع علاقتي مع كم بنت من رفيجاتي , مو الكل ...طبعا مثل اي وحده عاندته واصريت عليهم , والصراحه ما نابني الا عوار الراس والهواش الدائم معه , فقررت اخفف علاقتي بالبنات اللي ما يبني اكلمهم , وبالبدايه كانت صعبه على نفسي يعني كنت حاسه ان لازم تكون لي شخصيه وهو ما يصير يفرض نفسه ومن هالكلام اللي الوحده اول ما تتزوج ويطلب زوجها هالطلب تحس فيه ...
المهم كنت اعتذر للبنات بحجة البيت والدوام والانشغال بعد الزواج ......واللي صار بعد فتره سمعت عن تصرفات وكلام بدرت منهم بحقي تسئ لي , ولقيت نفسي قاطعه علاقتي فيهم من نفسي ....
والحمدلله عندي ربع ذهب ما يتغيرون والله لايغير علينا ...والحين عندي مبدء اني احافظ على علاقتي الحميمه مع صديقاتي حتى لو بالتلفون المهم ان اي علاقه تستاهل اتمسك فيها لان مو كل يوم تلاقين صديقه ....
وبعد هالعمر صرت من نفسي اعرف اقيم اي علاقه بحياتي واحافظ على الزين وابتعد عن الشين وزوجي صار ما يتدخل موليه بعلاقتي مع صديقاتي ...
بس لو كانت السالفه تحكم وبس اكيد بقول لا ...لاني انسانه لي من العمر والمكانه والخبره اللي ما اسمح لاي شخص مهما كان ان يقيمني ويحدد علاقاتي بالناس​

 

[جديده 1]

بصراحه مال الومهم .. حالياً الاغلبيه اما تلقينها خربوطيه الله يستر عليها .. و لا مصلحجيه و تشيشج على ريلج .. قليل والله اللي تتسمى رفيجه قلييييييييييييييييييييييييييييل للآسف

 

[PINK37]

اول شي شلونكم والله يسعدكم

انا بنسبه ريلي واهلي ورفيجاتي واعيالي

مااقدر استغني عنهم كل ووواحد له دور بحياتي لانهم ررروحي ولازم كل الاطراف يفهمون هشغله والله رفيجاتي عشره وخدموني ووايد ومو شرط البنات يخربون بالعكس اعرف ووووايد سوالف اساس الخراب الدواوين الا تزوج الا مادري شنو ووووايدوالله واحد خربوا بيته وزوجوه ودفعلوا المهر بعد لا تحطون بذمتكم في الشين والزين وبحكم البنت اهي اساس البيت والحياة الزوجيه تتطلع اقل من زوجها ومو 24 ساعه بشارع علي ابو رفيجاتي لا العتدال صراحه

 

[رواضي قطر]

اصللللن مااله حق يدخل بعلااقتي في ربعي ب ااذا عرفت وايقنت انه ربعي بيخرربون بيني وبين زوجي هينااا اقطع علااقتي فيهم
واذا هو قدر يتغنى عن ربعه انا بستغني عن ربعي

 

[ANGEL CAT]

انا ريلي طلب مني الشي هذا

بحجة ان خايف انهم يخربووني عليه

وقلت له محد يقد يتحكم فيني من رفيجاتي وانا مو ياهل

بس طبعا نظام اوول ما يرضى فيه اللي هو اني اطلع وياهم واروح مطاعم غدا او عشا

يعني الحين علاقتي فيهم بس تلفوون واذا يبووني حياهم الله عندي في بيتي غير جذي ريلي ما يبي

نفس الحاله بكل كلمه مادري ليش حماتي تقولي غيره دليل الحب بس مادري سعات افكر فيها ازعل

 

[فانتا ستروبري]

انا الحمدلله ولا مرة قال لي ماله شغل برفيجاتي ​

 

[softlady]

خل اهو يضبط تصرفاته علشان يثبت نفسه وقدره بحياتي وقلبي وساعتها محد يقدر يقلبني عليه

بس اهو واثق ان بيغلط ويبيج عميه محد يواسيج ولاينصحج ولا يوقف معاج وينبهج

احلى حل
قولي ان شاء الله وطاف ههههههههه

 

[om al ghaleen]

ماطلب مني اني آتركهم
بس لاحضت هالفتره وايد يتضايق خصوصا لمن آتكلم بالتلفون

 

[DooLy88]

ماله حق
وجذي بارد عليه

مالك دخل فيهم - تبيني اقطع علاقتي فيهم ؟ لايكون اجوفك مع واحد من ربعك




بالضبط

مثل مايتدخل انا اتدخل بعد

عنده شي معقول وعلى حق يسلم راسه
شي من عبط وسخافة هالرياييل
اوقفه عند حده

 

[al om]

رد: رد : هالنظام البايخ لي امته يعني زوجج يطلب منج تقطعين العلاقه مع رفيجاتج

لو لنفرض الكلام صح

لا حبيبتي ماأخرب بيتي علشان رفيجات

مااقطع علاقتي برفيجاتي ولا أترك ريلي؟؟؟

لا والله أقطع علاقتي فيهم وإذا صج يحبوني ويبونلي الخير بيبتعدون وبيتفهمون الوضع

بس بالاول أتناقش وياه وأشوف تفكيره ليش

ماكو شي مني والطريج أكيد في شي

يا إنت شايف شي منهم

او مني أنا اهتم فيهم أكثر من بيتي

او مايبي يتدخلون لأن البنات مايخلون أحد بحاله حتى لو ماتنقلين اخبار بيتج

يخاف تشوفين عندهم شي ولا تسمعين شي وتقولين ليش انا مو جذي

ليش ماعندي جذي

ومع الايام بيعرف وبيفهم إنتي شنو نوعج وطريقتج إذا تسمعين للناس ولا لأ

وبعدين من نفسه بيقولج شخبار رفيجاتج ماتروحين لهم ولا ماايونج

شوي شوزي

الحياة الزوجية من المهم آخذ لا

أعطي علشان آخذ مو أخذ وأعطي

لا أعطي علشان آخذ

موفقه وربي يتمم عليج

أهم شي بيتج وتالي بره

انا اقول نفس كلامج صح اميه بالاميه

 

[شوكولاه]

لااااااااااااااااوالف لااااا مااقطع علاقتي بمين ماكان بطلب منه اناااا مو ناقصة اهليه علشان يملي على تصرفاتي ويقول صادقي فلانه وقاطعي علاانه زوجي على عيني وراسي لكن يتحكم فيني وفي حياتي لا لحدهنااا وستوب انااا مو جارية اشتراني بفلوسه لانه هو في المقابل ماراح يقطع غلاقته في اصدقاءه علشان خاطر عيون زوجته حتى لو كانوا اصدقاءه مو كويسين او عليهم كلاااام لانه حر في حياته وبعدين خذوها قاعده الزواج بالذاااااات ماينعطى وجه اليوم يقول قاطعي صديقاتك بكرة يقول بنت عمك بنت خالك وفي النهايه بيقول قاطعي اهلك بالمررررة .

 

[بيتي بوب بس كويتيه]

الحمد الله ما طلب مني نهائي
بس عندي اخوي لما تزوج الثانيه منعها من رفيجاتها
اهوا كان مطلق وعذره انه الاولى خربوها رفيجاتها ( عقلها صغير )
بس الحين شوي طخ مع الوقت أقنعته انه محد ياثر عليها وكاهي صبرت ونالت وصارت متواصله مع رفيجاتها