هذا رد زوجي علي على سالفه تأثيث وترميم

[Vouge]

رد : هذا رد زوجي علي على سالفه تأثيث وترميم

والله الموضوع يخرع .. استشيري اللي أكبر منج


و انا لو مكانج أقول له بسكن بروحي أو مع أهلك لأن البيت ساكنه فيه أختي
وما ابي أسكن معاها و مع ريلها .. و انت ملزوم بسكني
أما الورث أقوله صرفته بتجهيزي و طلعاتي و دخلت أسهم و ضاعو مع نكسه البورصه


و أخليه يلتزم فيني و بمصاريفي سنه سنتين لما أشوفه ريال و يعتمد عليه
اهني أبدا أحاول أخفف عنه


لأن اساسا الريال ماله شغل بولا فلس من فلوس المرا



حدج غلطانه يوم خليتيه يطمع بالبيت و الورث
و صرتي ريال البيت من أول شي


الله يعينج و يسهل أمرج

 

[لعيون فلاح]

الله يهديه المشاركه الزوووووجيه بين الطرفين حلووه..

 

[sunshine22]

رد : هذا رد زوجي علي على سالفه تأثيث وترميم

عفوا ما فهمت


شكو انتي واختج

ساكنين عند هلج!!!!!!!!!؟؟؟؟؟؟؟؟؟؟




المهر لج بروحج


الله يعينج صراحه انا عاد
لاشعوريا
لا شعوريا

مااقعد عند شخص بهالعقليه:rgewrg:​

 

[sunshine22]

رد : هذا رد زوجي علي على سالفه تأثيث وترميم

لما يقارن بزوج اختج

:dddds:

ضحكت

جنه هالسوالف سوالف حريم

مرت اخوج تسافر انا ليش مااسافر :krkrkr:

لما يسألج عن زوج اختج أثث وسواااااا

شي مضحك مبكي

 

[##سبحان الله##]

رد: رد : هذا رد زوجي علي على سالفه تأثيث وترميم

هذا من اولها

:080402ask_prv:

 

[الفدعى]

اختي حرم الراشد الاجار الي بيدفعه حقي مو حق اختي اختي مالها شغل بلهموضوع

انتي ماقريتي كلامي عدل من الاول وبعدين انا مابي الغي توكيل الي عطيته اخوي لاني الحمدالله مأمنه فيه حيل

وبعدين الي تقولي زين منه يشتري غرفه نوم ليش زين منه المفروض يتلزم بلتأثيث كامل

خل يعتبر ان احنا ساكنين ف شقه برا او ف بيت اهله واهو الملزوم


يمكن انا ارمم اي يجوز لان بيت امي وابوي اما الاثاث لا والله عليه مو علي


وصح الي قلتو ان الحياه مشاركه لكن انا ماشفت لامن خيره ولا من شره ابد توني مالجه اساعده ليش

المفروض يطلع لي احسن ماعنده بفتهره الملجه مو يبين لي انه بخيل او ماعندي وهذا بيتتكم

 

[برد ابو الذهب]

استخيري والله يكتبلج الخير يارب

 

[Tom ♥ Jerry]

رد : هذا رد زوجي علي على سالفه تأثيث وترميم

.


قوليله آنته ملزوم تعطيني مهر و هم ملزوم توفرلي السكن !
هاذا كلا على الريال مو على المره !

بس اذا آنتي حآبه تشاركينه أوكي مآفيها مشكله تفادي للمشاكل ..
بس عاد مو تصيرين آنتي الريال و تسوين البيت كلا
و اهوه ايي ينآم ! برايي لو طآلعه في شقه بروحكمـ آحسن !

 

[*سوسو ستار*]

حلوه هذي مهرج لج وتأثيث البيت اهو اللي ملزوم فيه هو الرجال موانتي الله يعينج حبيبتي بس شاوري اهلج بالموضوع واستخيري

 

[ELFAD3Ah]

رد : هذا رد زوجي علي على سالفه تأثيث وترميم

اسلوبه خايس ماعجبني مااحب الريال يكلم البنيه جذي حتى لو ماعنده في اسلوب احسن وبالنسبه لج المفروض ما تصكينه بويهه االمفروض تتناقشين وياه

 

[ساره أمها كويتيه]

رد : هذا رد زوجي علي على سالفه تأثيث وترميم

الله يعينج.........ويسهل آمرج..........

 

[English.Teacher]

رد : هذا رد زوجي علي على سالفه تأثيث وترميم

اللي اشوفه انك ماتفتحين الموضوع معاه ابداااا

وكانه ماصار شي

يعني اذا كلمك لا تفتحين الموضوع

واذا هو فتحه قولي هالامور مو بيدي

خلها للكبار

وخلي اخوانك يتفاهمون معاه او مع اهله

او خالتك او اي احد كبير يكلم امه

وانتي طلعي نفسك من الموضوع

او اجلي العرس لين حضرته يتلحلح

او قولي له شلت فكرة السكن في بيت اهلي من بالي

اذا قال ليش وماليش

قولي احب استقل ببيت لحالي وعشان الخصوصية

وقولي مو حلوة بحقك اسكنك في بيت اهلي

قولي له خايفة على مظهرك الاجتماعي

ولا تخلينه ابد يقارن نفسه بزوج اختك

قولي ليش مو واثق من نفسك ومن شخصيتك تجي تقارن نفسك بزوج اختي

قولي خبري هذي سوالف حريم

بس لاتكبرين الموضوع يعني كأنك شلتي الفكرة من بالك وانك مصرة على السكن براا

وقتها بيعيد حساباته لان السكن براا مو هين ابد

تأثيث كامل من الى صالة ومطبخ وغرف وصبغ واجهزة وغيره وغيره

غير الاجار الشهري االي اقل شي 350 وزين بعد اذا حصلتو بهالسعر

غير الاذية والجيران

 

[أم حوور]

خلي يكون بالاعتبار انه بيسكت بشقه


هم ما عنده يأثث


ولا المهر اللي عطاج ياه يبيج تاثثين فيه



بعدين هو بيسكن بالمكان يعني المكان مكانه ...ليش مستخسر يدفع




دام ماعنده شكوا متزوج


رياييل اخر زمن

 

[ريتااجي]

رد : هذا رد زوجي علي على سالفه تأثيث وترميم

سلاآآآآآآآآآآآآآآآآآآآمات

وش يحس فيه

لا ومايبيج بعد تدفعي فلوس العرس

ماأبي أحط في ذمتي بس شكله الأخ

داخل على طمع فأخذي بالج منه وإنتبهي

وإن شاء الله يطلع العكس

والمفروض هوه اللي يسوي هالاشياء موعشان انه بيتكم ماله شغل ​

 

[الابلة الحلوة]

رد : هذا رد زوجي علي على سالفه تأثيث وترميم

الله يعييينج والله

اوكي المرة اتاثث من جيبها

بس مو من اول الزواج

ممكن اتييب الاكسسوارات ولا شافت شي عجبها اتييبه ايي

بس التاثيث منه اهوا المفروووض

ماعنده يقوولج باسلوووب احلى

وسالفة فلوسج لاتعلمينه جم عندج

 

[الفدعى]

الله كريم

 

[ســتارز]

فدعووو كل رجال تقول مرته عندي فلوس خش فلوسه لو عنده ملايين .....الا البعض

يعني طبيعي مو طمع

ديري بالج الحين عرف وخلص لكن للمستقبل

 

[BiiShOoO]

لا تسوين شي

هذا شي من مسئولياته

 

[الفدعى]

اختي ستارز اهو يعرف من على حياه امي وابوي ان اهلي عندهم خير واهو الي سالني منو ماسك حلالج شئون القصر

ولا انتي انا قلت له اخوي واني معطيته توكيل وتجيني ايرادات الايجارات الي من نصيبي كل شهر ف البنك

اهو لمن سالني انا جاوبت على نيتي بس الظاهر اهو هدفه 2 بس الحين للمستقبل شسوي يعني

 

[كويتيه مذهله 87]

وي الله يعيينج شكوا انا أثث بمهري