هذا رد زوجي علي على سالفه تأثيث وترميم

[Madrideya ~]

الله يكون بعونج =)

 

[شغفـ]

خلاص قوليله ابي مكان لحالنا ومن هالسوالف حتى لو ماتبين .. !
لانه اكيد بيشيل هم الايجار وبيكسر ويأثث بسرعه خخ

 

[swanyway]

خلي الرجال يتفاهمون معاه خصوصا بسالفة الورث و الاثاث من البداية واطلعي منها واذا رفض قولي ابي شقه بروحي , وانت خليك قوية يعني لجاب الطاري قولي بيد اخوي ولو تنقلب الدنيا ماراح الغيه وهذا شئ خاص و اذا جاب الطاري كذا مرة خلي اخوك يسكته

 

[sosa_23]

انا مع اختي دانه بعين بحاري

 

[um khaled]

هذي اولها وشكلج حاسه بتاليها عشان جذي حطيتي الموضوع

مريت بشغلات نفس جذي وندمانه اني ما وقفته عند حده حزتها .. لي فات الفوت

اهو الريال وهذا واجبه يشيل ويحط

 

[om_dodo]

بصراحه والصراحه ماتزعل
زوجج ليش بيسكن فى بيت ابوج
وحرام تقطين فلوس فالبيت واهو بيت ورثه ممكن باى لحظه ينباع
وبصراااحه مو ملزوم زوجج يسنع بيت ابوج
بس شرهتج عليه انه يسكنج سكن خاص سواء شقه سواء بيت
بس
والامور الشخصيه اللى فيها عن حلالج وحقج لاتجيبين طاريها ابد لزوجج
وموفقه

 

[ام مبارك22]

الله يعينج

 

[الزين كويتي]

هذا من صجه ,,,,
ليش بيتزوج اذا مايبي يدفع ولا يبي يأثث وبالنسبه للي تقول الحرمه وزوجها شراكه انا اقول لها هذا لاكان زوجي ابو عيالي وبيننا عشره سنين هو الي صارف كل شي فيهم مو من الحين يقول انا عطيتج مهر وكيفج ...؟
اصلا هذا هو الوقت الي المفروض تتدللين فيه وكل طلباتج مجابه ويكون طاير فيج .. والله اسلوبه وكلامه يخرع ديربالج اهو شغله من 2 يا انه بخييييل حده ... يا انه يبيج عشان فلوسج بس

 

[زينهـ قطر]

شووفي يقلبي راح انصحك نصيحه من قلب صادق /مو من قلب يبي لك الشماته .

استخيري لانه انتي تقريبااا نفس وضعي ايام الخطوووووبه والله ثم والله ولا مكالمه حسيت فيهاا بأي شعور اسمه راحه
كنت دايما مضغوطه منه ومستغربه من افكاره وماعنده اي اهتمام بالمستقبل او العيال او من ناحيه الماديات

كان داايما متطلب او مقترح فقط .......... مايشاركني في اي شي .

الحيــــــــــــــــــــن : الي راح انصحك فيه ..اولا الاستخاره وثانياا اياني واياك تخلينه يعرف اي شي عن حياة اهلك او مصروفاتكم
او فلوسك او راتبك او اي شي حساس عنج .. يعني مثلاا لو صدف وسالك كم راتبك .. قوليله الاقل لو كان 8الاف قولي
كله اقساط ومايبقى لي الا القليل ..لاتعلمينه بااسرارك لانه بعض الرجال ابدااا مايمشي معاه سالفه كتاب مفتووح
يستغل كل لحظه يعرف فيها شي عنك .. ونوع خطيبك جداااااااا يعني السموحه خبيث . واتكالي يبي كل شي عالجاهز


باااجر لمن تقولينه ولدك مريض بيقولك روحي مع السايق ؟؟ولا قولي حق اخوك يوديه شنو هذى ؟؟

من اولها ..واياني واياك تساهمين بقطعه وحده بالبيت .. حتى لو كنتي شاريه الفازات وهي اقل شي لاتقولين له انك شريتيها

قوليله اخووووي فديته الله لايحرمني منه جاب لي اياها هديه حسسيه دايما انك مدللـــه ومرفهه ..عوّديه عالمسووليه
خليه يتحمل مسووليتك غصب عن الي خلفّه .. نصيحه اخت ترى الرجال اذا عودتيه انك دايما تقدرين تجيبين وتقدرين تسووين راح تعيشين بجحيم معاه لانه ابسط الامور راح يقولك مااقدر اوفرها .. لانه حاط بباله انك تقدرين تجيبينها بنفسك ..


والبنت تتزوج حتى ترتاح مو تعيش بـــ شقى ...

ربي يوفقك بس استخيري لانه اسلوبه كلش مو عاجبني