هذي شسوي فيها بالله خبله رقله ساعدوني بفتك منها !!!!!!@@

[الغاليه نونو]

مسكينه يمكن فيها كبت وطلعته معاكم انتي قظبيها وحاجيها بالسنع وقوليلها جذى الكل ينقد عليج ونصحيها كسبي فيها الاجر جوووود اتعقل

هكشوووووه موصاحيه هذى الله يهديها هههههههههههه

 

[***dangerous***]

رد : هذي شسوي فيها بالله خبله رقله ساعدوني بفتك منها !!!!!!@@

بناات والله كل شي اعرفه عنها ذكرته لكم ماادري انا خفت من التصرف وبنفس الوقت عصبت وخصوصا انه البنات لاموني انا لاني يبتها وعرفتهم عليها قبل مااعرفها عدل ومن جذي عصبت بس ان شاءالله اكون قويه واكلمها تستاهل فرصه ثانيه بس انشاءالله ينفع معاها بس اكيد بالمسنجر مستحيل جدامها مااحب اجرح شعورها :0bee2e8d89:

 

[***dangerous***]

رد : رد: هذي شسوي فيها بالله خبله رقله ساعدوني بفتك منها !!!!!!@@

مسكينه يمكن فيها كبت وطلعته معاكم انتي قظبيها وحاجيها بالسنع وقوليلها جذى الكل ينقد عليج ونصحيها كسبي فيها الاجر جوووود اتعقل

هكشوووووه موصاحيه هذى الله يهديها هههههههههههه

مشكوورة حبيبتي ولووول حلوه هكشوووه صج والله

 

[~.ąvȍƈaȚ.~]

لووووووول


يحليلها حسيتها قلبها فظيخ و معاج طلعت كل اللي بقلبها

ما اقدر احكم عليها و خصوصا انج تقولين انها هاديه بس انصدمتي فيها يمكن شاربه RedBull

انتي شوفي اذا استمرت جذي بالجامعة

و دامج بالجامعة سهالات انشالله لا تسجلين مواد معاها و حاولين تكون بريكاتج تتعارض مع محاظراتها و العكس صحيح أو اذا كان عندها بريك سوي روحج عندج محاظرة و انحاشي

و اهيا اذا شافت الوضع جذي بتفج شوي شوي لما تكون علاقتكم هاي و باي خخخخخ

بس همن انا كاسره خاطري تصدقين !!

حسيتها على نياتها وايد مع ان سالفة التطنز عندها مو شي :\

 

[قطوطه حلوه]

رد : هذي شسوي فيها بالله خبله رقله ساعدوني بفتك منها !!!!!!@@

هههههههههههههاااي صج رقللله هذي خاف صج مريضه نفسيا او تحب تبين انها مرحه زياده عن اللزووم

 

[* فراشة فوشية]

قالت الي كنت بقوله ،، شكلها من زمان ما استانست ومو من اول طلعه تاخذين منها موقف يمكن مو جذي طبيعتها بس بتوريج انها غشمرجيه وفصله وجذي حرآم كسرت خاطري صج ،،

بصرااحة حتى انا بعد نفس كلامهم حرام يمكن البنت فاقدة الوناسة ... ماعليه تحمليها يمكن بس عشان كانت مستانسة ...

 

[قصه طويله]

حرام عليج شكل ابنت حبيبه وقلبها ابيض

 

[funkia cool]

رد : هذي شسوي فيها بالله خبله رقله ساعدوني بفتك منها !!!!!!@@

حاولي اتصارحينها قولي لها شنو مو عاجبج وقولي لها ان بالجامعه هاديه والحين العكس يعني انج تحبين البنت الهاديه وعلى حركاتج هذي خلتني اصارحج لان قاعده تصيرين عكس ما احب بالبنوته
وبعدين حبوبه معروف بالجامعه ترا الكل يتصنع ويسوون روحهم ثقال بس تطلعين من الجامعه تطلع الصجيه والله اخذيها نصيحه من وحده امجربه اغلب اللي اتعرفين عليهم بالجامعه برا الجامعه يصيرون لج غير وبعد ما تتوظفين هم غير

 

[• قلبه نصيبي •]

رد : هذي شسوي فيها بالله خبله رقله ساعدوني بفتك منها !!!!!!@@

يمكن اهيا مو جذي ليش حكمتي عليها من اول طلعه لكممممم !

حاولي تكلميينها وتنصحيينها !

 

[دلع السلاطين]

حرااام يمكن استانست ويمكن من زمان ماراحت وتبي تستانس وتلعب

حراام انتي بس صار لج جذي مره وحده معاها حرام من اول مره تسوين جذي

كلميها وحاولي تعرفين لو صج اهي جذي وهذا طبعها علي طول اولا

 

[كويتية 222]

رد : هذي شسوي فيها بالله خبله رقله ساعدوني بفتك منها !!!!!!@@

ما أقدر أقول كملي معاها أو خليها

بس البنت واضح إنها مسكينة ، رغم تصرفها الغريب ، بليز لا تجرحين شعورها و لا تصدمينها بإنج تقولي لها كلام يضايقها

في بنات مع الوقت و كثرة الاحتكاك بالأوادم يتسنعون ، و في بنات لأ
الله الهادي

 

[Queen_Angel]

انا اقوول لا تقطعين علاقتج فيها,,,

دام انها هاادية بالجامعة خلاص كلميها وكل شي بس لا تطلعين معاها لين تعرفين شخصيتها بالضبط ,,

 

[حلاوه ودلع]

رد : هذي شسوي فيها بالله خبله رقله ساعدوني بفتك منها !!!!!!@@

اي والله انا بعد رفيجتج كسرت خاطري احسها مسكينه على نياتها
احسها يمكن اول مرة تكون لها شلة وتطلع مع رفيجات ف استانست وايد زيادة عن اللزوم
صح انه تصرفاتها شوي مو شي بس حاولي تفهمينها وتنصحينها
واذا عادتها هديها وفهميها انج ما تبين رفيجتج تكون جذي

 

[إنسانة أكثر]

ههههههههههههههههههه

هههههههههههههههههههههه

ههههههههههههههههههههههههه

تهبل والله هالبنت تهبل :dddds:

بذمتج عندج رفيجة جذي ونيسة وبتخلينها

حرام تقولين عنها خبلة ورقلة

الله وأكبر عليكم البنت مرحة وفيها شوي شقاوة حطيتوها خبلة ورقلة

حبيبتي / ***dangerous***

كملي معروفج وإذا في تصرفها خطأ صلحيه مو تهدينها

لأن مع إحترامي لج مو من الصداقة إنج تهدين رفيجتج حتى لو اغلطت بحقج

أذكر شطر من بيت شعر ناسيته يقول ( مِنْ لا عَذَر صاحبه يعيش وحداني )

كل شي بالتفاهم عددي مزاياها وقوليليها عن طلعتكم آخر مرة إن رفيجاتج الثانيات إنتقدوها على التطنز

لأني بصراحة ما أحب هالطبع الله ونبيه اللهم صلي وسلم عليه حذرونا من الإستهزاء والسخرية من الغير

والضحك مايجي بالطنازة على الناس

لكن حركاتها طفولية وتقدرين تصلحين من أطباعها

أختي مايتخلى عن رفيجه إلا اليهودي

وهذي بعد وحيدة كملي أجرج معاها وإذا كلش مستحية إكتبي رسالة وأنا مستعدة أساعدج وأدزها لج خاص

من غير ماتجرحين شعورها

عطيها الرسالة على وقت روحتج للبيت وحلفيها ماتفتحها إلا بالبيت جذي بتحس بأهميتها عندج

ليش إنج كاتبة رسالة ومكلفة نفسج عشانها

وقوليلها باجر بنتنافش بأمر الرسالة

هي لما تقرا بتراجع نفسها وصدقيني مادام انتي الوحيدة والله بتحرص على إنها ترضيج

وماتدرين يمكن هاللي تبين فرقاها تطلع أحسن من رفيجاتج كلهم :eh_s(8):

الله يكتب اللي فيه الخير

وأوصيج عليها بالله لاتتركينها تضيع يمكن فراغها يخلي اعيال الحرام يطيحونها في بير فسادهم

إكسبي أجر فيها والبنت حبوبة مبين وفيها شقاوة أطفال

كاني أنا لاشفت بيت الرعب أصرخ أسوي نفسي خايفة ورفيجاتي يموتون ضحك ولايستغنون عني :gathering:

الصداقة شي سامي ونادر ومدام إعتبرتج صديقة عليج واجب إتجاهها ولازم تنجزينه

ياإنج تنجزينه صح وتنصحينها وتوجهينها وتتمون ربع ورفاقة

أو إنج تتصرفين خطأ وتكرهج وتحقد عليج وهذي مو حلوة بحقج

لأن البنت ماكفرت يوم اضحكت شوي ورفهت عن نفسها

قاعدة تسوي مقالب بتضحككم تضحكون عليها الله أكبر

والله لو رفيجتي والله ماأفرط فيها

ومو كل إنسان كامل وكلنا فينا اعيوب

وإذا فيج خير لنفسج بيكون فيج خير لرفيجتج

مافيه أحلى من الصراحة صارحيها مثل ماقلتلج يا برسالة يا مواجهة فيس تو فيس

ومثل ماقلتلج أول شي تكلمي عن إيجابياتها لاتدشين بقوة

مهدي لها عشان تستوعب بطريقة حلوة ولطفية مو مُؤذية

أتمنى لج التوفيق في هالموقف :eh_s(8):

تحياتي وإحترامي​

 

[أحبه موت]

لووووووووووووووووول اتونسين لمن تشرحين
الله يعينج هذي شكلها كلش كريكرة ورررقله
انتي حاولي اتحاشينها يعني مو كل مرة ادق اتردين عليها فجي شوي عنها لين تفهم واتحس على عمرها والله يعينج على مابلاج

 

[الـــدفـــشـــة]

اممم انا بالنسبه لي حدي صريحه وابطها بالوجه

انتي حاولي تتجنبينها كثر ماتقدرين اذا صج ماتبينها

 

[Judy abbott]

رد : هذي شسوي فيها بالله خبله رقله ساعدوني بفتك منها !!!!!!@@

لا تقطعين علاقتج فيها مره وحده عشن لا تحس

اول شي خفيي اتصالاتج ليما شوي شوي تقطعينها

والله يهديها عاد مو حلو البنت جذي خفيفه

 

[lovely jojo]

لوووووووووووووول الله يعينج

 

[يمة يادلبي]

لووول
بالعكس احسها ظريفة واتونس

بس إذا انتي مو حابتها خلاص لا تطلعين معاها مرة ثانية

 

[DeeMa-]

خلي علاقتج معاها اوكي بس لاتطلعين معاها والمسرحيه مالتكم مو الا تروحون لها غيرو الحجز او لاترحون باليوم الي اهيا تبي تروحله

مدام اهيا بالجامعه هاديه وبالطلعه رقله


خلاص خليها رفيجة جامعه لا اكثر


وااي شتقولين علي انا بنت عمي اكثر من جذي وتفشل ورقله وخفيفه واخس من هاذي وماعندها مشاعر ولمن احد يزفها ماتحس