هذي شسوي فيها بالله خبله رقله ساعدوني بفتك منها !!!!!!@@

[منيرة خالد]

الله يعينج

انا ما مرت علي هالنوعيه من البشر

والبنات كفوا ووفوا بالنصايح

 

[مارغريتا]

امبيه صج والله فشله
انتي فهميها ان ماتحبين هالنوعيه على طريقتج قولي مثلا اختي عرفتنا على وحده من جيرانها ووو ... وقولي لها حركات نفسها البنت وقولي لها ان محد يحب هالنوعيه وجذي

 

[مآمثلك شبيه]

رد : هذي شسوي فيها بالله خبله رقله ساعدوني بفتك منها !!!!!!@@

هههههههههههه مو صاحيه
انا اعتقد خليها عادي لآتاخذينها حيل
عااادي
بس حرام يمكن صج مو طالعه واكتمت ع نفسها حيل بهدوئها
فـ صارت جذي انتي لآتاخذينها حيل ولا تجرحين البنت

 

[**fairytale**]

بنت عمتي قبل فترة كانت تعاني من نفس مشكلتج بس الحين الحمدلله خففت علاقتها فيها بالتدريج ..
شوفي حبيبتي آنا ما عندي خبرة اقولج اشلون تتحاشينها أو تقطعين العلاقة معاها بدون لا تجرحينها ..
بس انا عندي فلسفة بالحياة تعلمتها من وآنا صغيرة ..
أهلي و صديقاتي و زميلاتي ، هذيلا 3 عوالم بروحهم، كل عام ماله شغل بالثاني ..
يعني انا اقرب الناس لي امي و خالاتي و بنات خالاتي ما اخش السر عند غيرهم، واسلم لهم رقبتي وانا مرتاحة..
و عندي صديقاتي اللي اعرفهم من أولى ابتدائي وانا الحين داشة على سنة ثانية جامعة، و ترا بس اثنينا بس يكفوني عن الدنيا كلها..
و علاقتي فيهم كانت بالتدريج شوي شوي ، و توا قبل سنتين اللي خلاص وصلت علاقة الصداقة اللي بيننا
القمة..
و زميلاتي ..هذيلا عاد اللي بالجامعة، مثل ما يسمونها المصلحة المشتركة أو المتبادلة، أقضي معاهم وقتي بالجامعة
و نسولف و نضحك و نستانس و نساعد بعض اذا وحدة غابت .. بس محد له شغل بحياتي الشخصية..
آنا معاهم طيبة و اسولف واضحك و استانس بس حاطة حاجز..
و ما اطلع معاهم ولاشي ، بس اطلع مع اهلي و صديقاتي القدم اللي اثق فيهم ..
ما أدري حبوبة اذا يعجبج هالاسلوب في الحياة، بس انا مرتاحة فيه لانه يوفر علي وايد مواقف محرجة مثل هذي .. و ما بغيت أشوف الموضوع و ما اترك في رد..