هل انتي حاطه رمز قفل لجوالك

[a3andho0om]

حااااطه عنااااد بللي يبون يتعبثووون لأنها حركه تااافهه شكو شي مو لي و اتعبث فيه !!!
و مو شرط اللي حاطه قفل يعني عندها شي و مو واضحه ولا شفااافه !!!!!!!!!!!!!!!!

 

[رعشة خفوق]

اي حاطــه ..

عشان اخواني الصغار مايتعبثون فيـه ..

 

[الحسن الرقيق]

ايي حاطـه ..

ما احب احد يتعبث .. وبعد في سالفه بالكليه انه وحده بطلت تلفون وحده وسحبت وصورهاااااااااااااااااااااا ...

 

[DốǾốDї]

انا حاطه

لانه تلفوني الشخصي يعني حقي بروحي وفيه خصوصياتي

و ما احب احد يتعبث فيه حتى لو كانت امي معنه مافيه شي

 

[miss t]

احيان احطه لاكنت طالعه مكان وجنطتي ماتصير يمي

ومااحطه لاصرت بالبيت ولا بالدوام

 

[روح البنفسج]

اي حاطه لان ماحب احد يتعبث بتلفوني ماعندي شي اخاف منه بس اللي يبي شي يقولي واطلعه له وماحب سالفت اللقافه لم نكون متيمعين اتل التلفون وتعبث فيه عشان جذي الرقم السري موجود

 

[ساره.]

انا حاطه ... بس عشان اليهال يننوني...وايد يلعبون بالجهاز ويكلمون ربعهم وآخر الشهر ينقطع

 

[$حبيبة عبودي$]

شوفي انا ما احط قفل بالمره بس فتره من الفترات كانو عندي اهل زوجي قعدو اسبوعين
فظطريت اني احط قفل عشان مايتبطل ويشوفون المسودات الله يافيها طبخااااااات <<ماتعرف تطبخ بس تنقل ..
واهم يحسبوني اعرف وانا اقفل باب المطبخ وانقل على كيفي ..

 

[غيآبڪ عذآبي]

توني أحط .. لأن قبلهآ ضضضآع فوني وكآن فيه صصور ومسسسسسسجآت

 

[ضحكتي هيبة بكاي]

حطيته يومين وشلته لان جهازي بلاك بيري وماهده 24 ساعه في يدي

بس لازم الكل يحطه لان التلفون اذا ضاع مو بس تخافين عالصور .. فيه ارقام ورسايل وحتى الجوال نفسه ممكن يستعملونه بشكل خاطئ
فأفضل اقفله

 

[شوكلاته ساخنه]

انا حاطه رمز قفل 26678 >احد طلبك قولي الرقم ؟؟خخخ
لان بنتي الله يهديها تخلص رصيدي تدخل النت ولا ترسل رسايل على خلق الله عمرها 5 سنوات
والشي الثاني اخاف على صوري
الشي الثالث عناااد لزوجي هههههههه اذا يبي جوالي افتح الرمز واخلي يتفرج على راحته
بس مااعطيه الرقم بتاتا البته وهوه يعاندني وخلى جواله رمز خخخخخ
والشي الرابع يكون في رسايل بيني انا وزوجي شويا جريئه ماابغى احد يشوفها ...!

 

[قلـــ طفلة ـــب]

يس .. انا حاطة قفل لان خواتي الصغار يلعبون بالألعاب لحد مايطيرون الشحن ..وأكرة ماعلي اشحنة ويبعد عني ^_^

 

[AL-N7EESAA]

حاطه قفل ، احب اكون غامضه

 

[امورة زماني]

لا مو حااطه بس نفسي احطه الصغار لعبوا فيه والا هو مافيه شي اخبيه

 

[PinkY Dreams]

اي حاطه
ريلي حطلي رمز القفل ليش مادري يعرف الباسوورد ويحطلي قفل خخخخ

 

[المكسيكيه]

لا مو حاطه
لانه محد يتجرأ يمسكه

 

[صلي على النبي]

--------------------------------------------------------------------------------

بسم الله الرحمن الرحيم

اللهم صلي وسلم على نبينا محمد

استغفر الله العظيم واتوب اليه

سبحان الله وبحمده سبحان الله العظيم

لاحول ولاقوه الابالله

لا اله الا الله وحده لاشريك له له الملك وله الحمد وهو على كل شي قدير

سبحان الله والحمدالله ولا اله الا الله والله اكبر

بنااااااااااااااااااات عفيه دشو هنا



http://www.q8yat.net/showthread.php?t=507184
















--------------------------------------------------------------------------------


السلام عليكم ورحمه الله وبركاته

بنات الله يهديكم

كلمه إن شاء الله تكتب كذا (((( إن شاء الله ))))

موووو ,,,,,,,وليس,,,,,,,, وحرام تكتبين كذا ((( إنشاء الله ))))))

لانه في الأولى بمشيئه الله

والثانيه والعياذ بالله إنشاء أي أنه ينشئ رب العباد والعياذ بالله

فهمتوا الله يرفع قدركم

أنتبهوا .... أنتبهوا



لا ما ني حاطه

 

[كريستال ليدي]

اي حاطة رقم سري بصراحة ما احب يتعبث بموبايلي

 

[وحشني شوف الكويت]

هل انت حاطه رمز قفل لجوالك ........؟؟

ولـــــــــــــــــــيش؟؟؟!!

ايوووووا حااااطه أكيييييد :eh_s(6):

لانو الملاقيف مررره كثيريييين !!

طبعن مافيه شي أخاف منه ! بس فيه مسجاتي ، فيه صور لي ، فيه صور لصاحباتي ، فيه المسن حقي مفتوح ... الخ

فلو بخليه كذا من غير باسوورد كان كل من هب ودب فتحه وقعد يتفرج ويقرأ !!

وانا طبعن ما أرضى ;/ لانو هذي خصوصياتي ^ ^

ثانكس ع الموضوع :*

 

[شوشو الشقيه]

بصراحه
صراحه راحه
تليفوني بدون قفل
اي احد يقدر يستعمله من البيت
ما عندي مانع
واصلا انا تليفوني كله محذوف في البيت
ساعات في صاله ساعات في غرفه
ولا ادري عنه
هههههههههههههههههههه
حتى صديقاتي يتمللون مني
يقوللون لي يا شوشو على الاقل شيلي تليفون
انا للاسف ما اوصل الا لما تخلص النغمه تليفون
او ساعات
يرن تليفون ولا ادري عنه
ههههههههههههههههه

من اختج شوشو الشقيه