هل تقبلين أن تكوني الزوجة الثانية؟؟؟

[autointoxication]

منو اللي ادرى ؟؟

شوفي ياعمري ، في وايد حريم مو مقصرين بس اتيي وحده بنت ابليس تقص عليه و تاخذه

أو اهوا يوصل أزمة منتصف العمر و يحتاج يحس انه لازال مرغوب و بصحته

و في حالات يكون الرجل يعاني من فشل وظيفي أو تصير له أزمة ماليه و يحس انه هالشي نقص من رجولته فيقوم يتزوج عشان يثبت انه اذا فشل بالشغل أو بالفلوس لازال بامكانه انه ينجح في شي ثاني





انزين و اللي يكون متزوج 2 و ياخذ الثالثة أو 3 و ياخذ الرابعه معقوله كلهم مقصرين و اهوا مافيه شي؟؟

معقوله و لا وحده منهم قدرت تريحه؟؟




و لما تقولين ان الله حلل 4

في شروط للزواج الثاني أهمها موافقه الزوجه الأولى



تدرين أنه بالسعودية في قانون اللي يتزوج ثانية بدون علم الاولى زواجه باطل

هذا محامي سعودي و شيخ سعودي كانو يتكلمون عن الموضوع قبل فترة بالتلفزيون




بالنسبة لي اتمنى كل وحده توافق على موضوع تعدد الزوجات انها تجربه عشان يكون حكمها و رايها من منطلق تجربه سعيده مرت فيها و اهيه زواج زوجها عليها

 

[(حبيبة بوخلي )]

آنه زوجه ثانيه
ممعقوله كل هالكلام جذي
زوجته قليلة أدب وماتستحي ومقاطعه أهله (ليش مايتزوج عليها قوليلي)
حتى لوموراضيه كيفها ليش قصرت بحقه وبحق أهله
آنه الحمدلله مرتاحه وصارلي سنه متزوجه وعندي بنوته الحمدلله

 

[سراج الليل]

لا تزعلون مني في حريم يستاهل الواحد إذا حط عليها مره


أنا متزوجتلي واحد مطلق مرته وجايب منها عيال وهو من النوع صعب يتحمل يحط ثنتين بذمته

وعلى كلامه موعوبه وبس إلا حتى الإحترام ماتعرفه موليه

وبصراحه أنا ماأتمنى هالشي لي بس إذا صار لا قدر الله وكان عندي عيال بسكت شسوي لان أمي وأبوي

مو دايمين لي واخواني بيلهون بحياتهم فالأحسن أقعد فبيتي واللي يخليني أصبر عيالي

وأنا أأيد الوحده إذا صار عمرها 30 وفوق تتزوج لو على شريجه عالأقل تجيبلها جاهل تربيه أحسن من تموت وهي ماجربت الضنى

 

[autointoxication]

اي قولي جذي

لأنج زوجه ثانية تدافعين عن موقفج عن ترضين ضميرج



من ناحية تقصير زوجته ، هذا شي مو انتي اللي تحكمين عليه لأنج شريجتها يعني لازم تذمينها

بالنسبة انها مقاطعه اهله

عطيني نص بالقرآن يلزم الزوجه انها تتواصل مع اهل زوجها

الزوجه مو ملزومه بأهل زوجها

خصوصا بهالزمن الواحد بالغصب يوفي حق اهله


المهم نصيحتي لا تذمينها عشان ما اتييج حويتها و ايي اليوم اللي يتزوج عليج و زوجته تقول عنج كيفها حتى لو مو راضيه ليش قصرت بحقه

 

[قلبي*خضر]

اصلاااااا وناااااسه انا ثانية ومبسوطه حيييييييييييييل

 

[(حبيبة بوخلي )]

حبيبتي
حتى عياله قاطعين أهلهم على الأم (هذا إجوز)
إذا الواحد قاطع يده ويدته هاذي تربيه زينه( مومتربين عدل)
الحمدلله مرتاحه ومستانسه حييييييييييييييييييييل

 

[الكبر لله]

ما أتمنى إلا اني أكون الأولى والأخيرة انشاء الله .

 

[الكبر لله]

ما أتمنى إلا اني أكون الأولى والأخيرة انشاء الله

 

[flfoo6a]

انا مو متزووووجه

بس مستحييييييييل اخذ وااحد متزوج وعنده بيت وعياااال نوووو وووووي

انا ماحب انحط بهالموقف ولا احب ان احد ينحط بهالموووقف

 

[ktkota_we9we9]

بالنسبة لي ما ارضى اكون الثانية ياخذني على وحده لانه حياتي بتكون تعيسه شدعوه بتخليني الاولى بحالي ثانيا مارضاها على نفسي ولا على غيري


بس بالنسبة لبعض البنات لمن تعدي سن الزواج و ماتزوجت وبعد فتره يتقدم لها رجل متزوج والسبب في مرته الاولى قشره ولا شينه الصراحه مااشوف فيها شي

 

[pink*paradise]

الله لا يقول الله لا يقول الله لا يقول (يمه قلبي)
اذا سواها والله الدرب اللي ودي ولا ييبه
عشتو انا اتعذب عشان واحد رفسني وخذا علي ثانيه
وللله اروح واشوف حياتي مع واحد غيرة (خو اللي يابه ييب غيرة)
والحمدالله اني بشبابي وشحلاتي(احس بنطق) اكبرها واسمنها يتممنوني
حبيباتي يا كويتيات اعتزو بنفسكم ولا تلحقون الريال اتتو الكل يتمناكم
وانا الصراحة وحدة احب الحياة ما احب الغلقة والبجي وخلاني وراح وما ياني يبيها وما يبيني ( اي شي)
والله يعز حكومتنا القانون مع المرأ يدفع دم قلبة نفقة.
وانا الشق من هنيييييييييييييييييي ليييييييييييييي هنيييييييييييييييييه
واي مال اول الصراحة اللي تبجي على ريال
والكويتي يسكت احسن له لما يخطب يدور شهادتج ومعاشج(حرميييييييييييييييييييييييييييييييييه)اقصد تحرم اللي يبي يتزوج مو الحلييو الهادي.
وانا عن نفسي ما ارضى اخذ واحد متزوج...... اخذ يديد بقراطيسه خخخخخخخخخخخخ
الحياة حلوة

 

[بنوته86]

انا نفس راي البنات
ولو تزوج علي غصبن علييه يطلقني
اما انا او اهي بالبيت
وبعدين جذي يحسسني انه انا ولا شي دام فكر بياخذ علي .. ليش اعيش معاه بعد !

 

[فافى2]

وانا ما اتقبل هالوضع

 

[a7eb 7abebe]

mar6'aha 3ala nafsii wala 3ala bnt elnas

 

[autointoxication]

الله لا يقول الله لا يقول الله لا يقول (يمه قلبي)
اذا سواها والله الدرب اللي ودي ولا ييبه
عشتو انا اتعذب عشان واحد رفسني وخذا علي ثانيه
وللله اروح واشوف حياتي مع واحد غيرة (خو اللي يابه ييب غيرة)
والحمدالله اني بشبابي وشحلاتي(احس بنطق) اكبرها واسمنها يتممنوني
حبيباتي يا كويتيات اعتزو بنفسكم ولا تلحقون الريال اتتو الكل يتمناكم
وانا الصراحة وحدة احب الحياة ما احب الغلقة والبجي وخلاني وراح وما ياني يبيها وما يبيني ( اي شي)
والله يعز حكومتنا القانون مع المرأ يدفع دم قلبة نفقة.
وانا الشق من هنيييييييييييييييييي ليييييييييييييي هنيييييييييييييييييه
واي مال اول الصراحة اللي تبجي على ريال
والكويتي يسكت احسن له لما يخطب يدور شهادتج ومعاشج(حرميييييييييييييييييييييييييييييييييه)اقصد تحرم اللي يبي يتزوج مو الحلييو الهادي.
وانا عن نفسي ما ارضى اخذ واحد متزوج...... اخذ يديد بقراطيسه خخخخخخخخخخخخ
الحياة حلوة

صح مليون بال%

 

[autointoxication]

ما أتمنى إلا اني أكون الأولى والأخيرة انشاء الله

ربي يرزقج اللي في بالج
و يسعدكم و يحفظكم من بنات ابليس

 

[autointoxication]

انا مو متزووووجه

بس مستحييييييييل اخذ وااحد متزوج وعنده بيت وعياااال نوووو وووووي

انا ماحب انحط بهالموقف ولا احب ان احد ينحط بهالموووقف

عفيه عليج

هذا الصح

لأنج تعرفين قيمة نفسج و انج تستاهلين واحد يقدرج

مو متزوج و مجرب غيرج (وييييع)


ربي يرزقج ولد الحلال اللي يسعدج و يهنيج و يحفظكم يا رب

 

[بنت الأصايل]

لا انشالله صحيح اني مومتزوجة ولا يمكن اصلا اني اتزوج واحد عند زوجة اولى شالله حادني الحمد الله كاملة والكامل ربي

واللي ياخذني اصلا ماياخذ غيري .
احم احم

 

[سندرلا]

انا اقول ما اتزوج نص ريال

 

[مستمعة كويتية]

سؤوالج حلو وواقعي .... بس أبي أزيد عليه اذا سمحتيلي و بعدين بجاوب
هل تقبلين أن تكوني الزوجة الثانية؟؟؟ وليش؟!

آنا عن نفسي لأ ما أقبل ... لأني ما أرضى أبني سعادتي على تعاسة غيري​

​